WebRwanda.com

🔒
❌
There are new available articles, click to refresh the page.
Today — July 20th 2017Gospel

Karekezi Olivier yemejwe nk’umutoza wa Rayon Sports bidasubirwaho .

By admin

Rayon Sports yamaze kwemeza Olivier Karekezi nk’umutoza mukuru w’iyi kipe ugiye kuyitoza mu gihe kiri imbere. Aya makuru yemejwe na Perezida wa Rayon Sports, Gacinya Chance Denis, mu kiganiro yagiranye na Radio 10 kuri uyu wa Kane, tariki ya 20 Nyakanga 2017.

Olivier Karekezi wabonye ‘License A’ ya UEFA mu 2014 ariko agakomeza gutoza amakipe y’abana muri Suède asimbuye Masoudi Djuma uheruka gusezera muri iyi kipe yari amazemo imyaka ibiri, agasiga ayihesheje igikombe cy’Amahoro n’icya Shampiyona.

IGIHE iracyagerageza kuvugana n’ubuyobozi bwa Rayon Sports ku bijyanye n’ibikubiye mu masezerano uyu mutoza yahawe.

Karekezi wabaye rutahizamu ngenderwaho mu Rwanda yubatse amateka akomeye nk’umukinnyi mu Mavubi no muri APR FC yakiniye kuva (1998 – 2004), yanakiniye amakipe arimo Helsinborg (2005-2007) Hamarkameratene (2007-09), Östers IF (2010-2011), agaruka muri APR FC (2011-12), Club athlétique Bizertin (2012-13), Trelleborgs FF (2014) asoreza muri Råå Idrottsförening.

Karekezi Olivier yagizwe umutoza mukuru wa Rayon Sports
Igihe.com

Aline Gahongayire n’umugabo we bitabye urukiko basabwa kwiyunga barinangira

By admin

Kuri uyu wa Gatatu tariki 19 Nyakanga 2017 Aline Gahongayire n’umugabo we Gahima Gabriel, bitabye urukiko rw’ibanze rwa Kacyiru ruherereye i Kibagabaga mu karere ka Gasabo, batangira kuburana mu rubanza rwo gushaka gatanya. Urukiko rwabasabye kwiyunga ariko barubera ibamba, bamaramaza gukomeza inzira yo gutandukana burundu byemewe n’amategeko.

Mu masaha y’igicamunsi cyo kuri uyu wa Gatatu, nibwo Gahima Gabriel na Gahongayire Aline bitabye urukiko, bakaba ari n’ubwa mbere bari bitabye baburanishwa ku bijyanye n’ubutane bwabo, dore ko n’ubundi bamaze igihe gisaba imyaka ibiri batabana, buri umwe yibana ukwe.

Nk’uko imanza z’ubutane zisanzwe zigenda, Aline Gahongayire na Gahima Gabriel, kuko bari bitabye urukiko bwa mbere, babanje gusabwa ko bakwiyunga bagakomeza kubana n’amasezerano y’ubutane bwabo akagumaho. Nyuma yo kubyanga ariko, urukiko rwanzuye ko bazongera kurwitaba mu mezi atatu ari imbere, bikaba biteganyijwe ko bazitaba mu kwezi k’Ukwakira 2017.

Nyuma yo kwitaba urukiko, Ikinyamakuru Ukwezi.com dukesha iyi nkuru cyavuganye na Gahima Gabriel tumubaza iby’uru rubanza ariko yavuze ko nta kintu na kimwe yufuza kubivugaho. Twagerageje no kuvugana na Aline Gahongayire ku murongo wa telefone ariko ntibyadukundiye.

Muri Nzeri umwaka ushize, nibwo Aline Gahongayire yeruye ku mugaragaro ko yatandukanye n’umugabo we n’ubwo batarabona gatanya byemewe n’amategeko. Icyo gihe yagize ati: “Impamvu natandukanye na we, ni uko byanze burundu, byaranze ntabwo twumvikanye, ntabwo turi abanzi ariko ntabwo twumvikanye. Ngasanga rero, iyo udakunze ubuzima bwawe ntawe uzabugukundira, ntabwo nzahisha ibyo bintu…

Hari abagabo benshi batagifite ubwo bugabo kubera abagore babo babananiye, ni byiza ko nikunda, abanyarwanda ntabwo turagira ya sisitemu (system) yo kwikunda… Ngo ndacyahisha, ngo niko zubakwa, oya! Ijuru rya mbere rizaba mu mutima wanjye hanyuma ribe ahandi. Meze neza, ndatuje, ndi umunyamugisha kandi nzi neza ko uwahoze ari umugabo wanjye Gahima Gabriel, azabona undi nanjye nzabona undi turacyari bato.”

JPEG - 42.1 kb

Icyo gihe ibijyanye n’uko akiri muto kandi azashaka undi mugabo, Aline Gahongayire yabigarutseho cyane, ashimangira ko mu mpera z’umwaka ushize wa 2016 ari bwo yujuje imyaka 30 y’amavuko. Yagize ati: “Ndacyari mutoya, mu kwezi kwa 12 nzuzuza imyaka 30 ariko buriya ntabwo ubungubu byihutira kuko hari ibisebe bikeneye gukira muri njye, hari n’ubundi buhamya Imana igomba kunyubakira ariko nyine ntabwo nzabaho njyenyine kuko ndi umunyamugisha, ntabwo ndi mubi Imana izampa undi… nzabona undi mugabo ntabwo nzakomeza kubaho gutya… Undi mugabo nzamushaka, ko nkiri muto se! Nkeneye kubyara, nkeneye kuba nyina w’amahanga, humura undi mugabo nzamushaka, nako ntabwo nzamushaka azanshaka.”

Src: ukwezi.com

Murumuna wa Papa washinjwaga ihohotera rishingiye ku gitsina yemeye icyaha

By Cyiza Theogene

George Ratzinger ni murumuna wa Papa Benedigito wa XVI uzwi ku izina ry’umuryamgo nka Joseph Ratzinger, akaba yari amaze iminsi itari micye aregwa uruhare yagize mu ihohoterwa rishingiye ku gitsina ndetse n’iryumubiri yakoze mu myaka 30 ishize ubwo yayoboraga korali y’abana b’abahungu mu gihugu cy’u Budage.

Nubwo bimeze bitya ariko, kuri ubu ibinyamakuru mpuzamahanga bitandukanye byanditse ko uyu mugabo yashize akiyemerera uruhare rwe muri ibi bikorwa bigayitse akaba yanabisabiye imbabazi,  gusa ariko ku kijyanye n’uruhare aregwa mu ihohotera rishingiye ku gitsina yumvikanye asa n’ubihakana akavuga ko uretse kuba aba bana barakubitwaga, nta kindi kibi bakorerwaga.

Imibare itangwa igaragaza ko nibura abana 547 aribo bahohotewe, ibi bikaba byaragaragajwe n’umunyamategeko Ulrich Weber, bivugwa ko yatangiye kwiga kuri iki kirego imyaka myinshi ishize.

Muri raporo ndende uyu munyamategeko yashyize ahagaragara yagaragaje abantu 49 bakekwaho ubufatanyacyaha ndetse kandi anagaragaza ko abana 67 bakorewe ihohoterwa rishingiye ku gitsina, mu gihe abana 500 bo bakorewe ihohoterwa ryo ku mu biri ririmo no gukubitwa bikomeye.

Aba bana b’abahungu bavugwaho guhohoterwa babarizwaga muri  korali izwi ku izina rya Domspatzen cyangwa se Cathederal sparrows yabayeho hagati y’umwaka w’ 1964 ndetse n’ 1994 mu gace ka Rogensburg ho mu gihugu cy’ubudage.

Ubuhamya bwa Angelique Mukankuranga.

By Adolphe Mitali

Ubuhamya bwa Angelique Mukankuranga.

 Bajugunywe na nyina bakiri impinja.

Angelique Mukankuranga ni umubyeyi ufite abana batatu, utuye muri Gatsibo aho akora umurimo w’ubudiyakoni mw;itorera rya ADEPR.

Angelique uyu  yavutse muwa 1980, avukira aho muri Gatsibo , Kabarore, ahitwa Gitoke, ibyerekeye ariko  imivukire ye Angelique ntabivugaho byinshi, yewe nuko kuvuga ko yavukiye I Gitoke, ntiyabihamya kuko Angelique na musaza we w’impanga ye bajugunywe n’umubyeyi wabo akibabyara, abajugunya aho mu gihuru I Gabiro ariho baje gutoragurwa n’abahigi nabo baje kubashyikiriza ababareze hanyuma.

“Ubundi njye mfite amazina atatu nagendeyeho mu buzima bwanjye , mu gihe gitandukanye” Uwo ni Angelique asubiza umunyamakuru wari umubajije kwivuga.Angelique avuga ko amazina ye atatu ari aya: Ibyikigihe, Nindunkunda na Mukankuranga.

“ Kugeza kumyaka 7 sinarinzi ko natoraguwe, mu rugo rw’abatureraga nabanaga n’abandi bana b’abahungu batatu, bose nkaba narinzi ko tuva inda imwe. Muri abo bana ariko harimo uwitwa Ibyiyingoma (Ayo ni amazina bahawe n’abo babyeyi babareraga), nabonaga utarafatwaga nk’abandi babiri. Bamufataga nabi. Naje kubaza uwo nitaga Mama rero  nti ‘Mama, Ibyiyingoma muramwanga’” Angelique akomeza avuga ko ako kanya ibyari byarahishwe, ibyo atari azi, uwo munsi byagiye ahagaragara, ibyo atari azi kuva yavuka, nyuma y’imyaka 7.Wa mugore yumvise  Angelique amubwiye atyo, yatekereje ko hari uwababwiye ko batoraguwe. Niko kumubwirana ubukana ko ibyo yabareresheje bamaze kubatoragura, bazabiriha, amubwira ko ndetse  guhera ubwo, Angelique agomba kuzajya ajyana na Musaza we mu rwuri kuragira inka.Ubwo Angelique aba amenyeye aho ko Ibyiyingoma ari musaza we, kandi ko abo babareraga atari ababyeyi babo b’ukuri, ahubwo k obo batoraguwe.Angelique avuga ko aribwo yasobanukiwe impamvu musaza we atafatwaga nk’abandi bana. Ni koko ngo musaza we ntiyajyaga ararana n’abandi, we ngo bamurazaga mu gikoni, bamukoresha imirimo ivunanye abandi badakora.

“Natangiye kuragirana rero na musaza wanjye, mfite imyaka 8, ariko mugihe gito , igihe nari nasigaye mu rugo, musaza wanjye bamwohereje mu rwuri, aragenda, tuza gutegereza ko agaruka, turaheba.”Angelique rero ubwo nibwo yatangiye umuruho. Avuga uburyo yishwe n’inzara akajya arya ibyatsi yise ibihengeri, agezaho yiga amayeri yo kujya akamira inka mu rwuri ngo kugeza igihe inka yaje guteka.Angelique ngo amaze kuremba  nibwo yiyemeje gutoroka agenda atazi iyo ajya, aza kugera ahantu hari itorero atekereza ko ngo yashoboraga kuhabona ibiryo, ngo yaje kuhagera ariko yarembye ku buryo yaguye igihumura akikubita hasi .

Angelique abona ababyeyi ba kabiri, bari kuzicwa nyuma yaho.

Angelique aho yari yaguye  ngo yaje gukanguka abona umugabo wari uje gusenga,  amufata,  amuterura hanyuma akamujyana iwe. Aho ngo yarahageze uwo mugabo n’umugore we baramwondora, baramwoza, bamusiga amavuta, baramugaburira .” Muri ibyo byose ariko hari ijambo bahise bambwira, ryasaga nk’ubuhanuzi, ntigeze nibagirwa. Barambwiye bati: Menya ko ubu uri umwana wacu. Baje kongeraho ariko iryo jambo ryaje kuzasohora bati’Umenye ariko ko igihe twazaba tutakiriho, Papa wawa na Mama wawe, bazakubera Imana;” aho ngo yaje kuhamara imyaka ibiri  kugeza ubwo abo babyeyi baje kwicwa muri Jenocide yakorewe abatutsi. “

Angelique avuga uko yibuka uburyo abo babyeyi bamwakiye baje kwicwa:” Muri 1994, ubwicanyi butangiye,”Papa’ yansize mu rugo nanjye mpetse umwana,  ambwira ko agiye kureba, ibyo twumvaga by’ubwicanyi bwatangiye uko byifashe, ariko akigera kw’irembo, niho yahuriye n’igitero n’ubundi cyari kije kimushaka, bahita bamwica.Mama nawe yaje kuza yumvise induru mu rugo, ahageze nawe bahita bamwica. Ubwo nanjye bahise bankubita umupanga, ariko aho kumfata ufata akana nari mpetse mu mugongo uretse ko katahise gapfa, kaje gupfa hanyuma”

Angelique ngo yaje guhunga agana I Kiziguro, naho ahava ari kumwe n’undi mwana ngo bari mu kigero  kimwe barakomezanya, ariko uyu nawe ngo abicanyi baje kumufata baramwica, “ Uwo mwana bamwishe nabi, mu bintu ntazibagirwa, kuko bashatse kumubamba ku rukuta rw’inzu, birabananira , niko gufata igisongo aba aricyo bamubambisha bagicishije mu ijosi cyinjira mu rukuta.” Angelique we ngo ubwo inyota n’umunaniro byari byamurembeje, nuko asaba abo bicanyi amazi, “Batangiye kunkubita, bazana igikombe batega ku maraso yaw a mwana ubambye , bantegeka kuyanywa. Bankubise intoki bakubita ibirenge, bakubitisha insinga, nyuma bankurura nk’uwapfuye ariko ngihetse wa mwana , naje kuhava ngenda nza kugera ahari inkotanyi aho naguye igihumura. Icyo gihe nari maze iminsi 4 ngenda nta kurya , Abo basirikare b’inkotanyi nibo bankuye ka kana mu mugongo  nyuma y’iminota mike kaba karapfuye, nanjye ubwo batangira kumvura, bankuramo utwuma twanyinjiyemo, byatwaye nk’amasaha 8 “

Intambara rero yaje kurangira ariko Angelique avuga ko kubwe ibibazo byari bikiri byose, “Numvaga ntaho mfite ngana, ababyeyi banjye inshuro ya gatatu ndababuze, nta muvandimwe nta ki…” Angelique ngo sinzi ukuntu yaje kumva ko hari umusirikare w’inkotanyi wihoreye akica abamwiciye umuryango, ariko ngo nawe aza gufungwa ngo kuko Perezida yari yavuze ko ntawe uzongera kwihorera.”Numvise ibyo niyemeje kujya kureba uwo Prezida, nibwiraga ko igituma yavuze ibyo aruko atari azi ukuri ku byabaye. Nifuzaga kujya kumubwira ibyanjye. Navuye aho nari ndi I Ngarama njyenda ngana I Kigali ku maguru, naje kuzatunguka I Remera ahagana mu Bibare niho natangiye kurangisha abantu uko nabonana na Prezida.” Ngo hari uwamwumvise arangije aramuvuma, undi aramwakira, aranamucumbikira ariko amubwira ko bitashoboka ko ahura na Prezida “Ushobora no gusaza utamubonye”Angelique yiyemeje gusubira iyo yaturutse I gitoke aho yaje kwakirwa n’undi mubyeyi, ariko aha ngo ntiyahatinze “ Ijoro rimwe nararyamye , nza kurota ngo wa mubyeyi afite ishoka ashaka kuntema, nyamara rero ntibyari ukurota nyakurota kuko nubwo narotaga, navuye aho ngenda niruka ngenda urugendo rurerure, iminsi itatu.Naje kwisanga ndi I Rwinkwavu. Nkigera aho abantu barampururiye bamwe babwira abandi ngo nibaze kureba umwana wasaze.

Angelique akundana na musaza we bagategura kubana nk’umugore n’umugabo

Umuhungu umwe muri abo bamuhururiye(Yari musaza we wabuze) niwe wanjyanye mu rugo rw’abantu b’abagiraneza ngo bandere. Nabaye aho uwo muhungu akajya aza kunsura akambwira ko ariwe wanzanye aho, kuko  banjyana mbere nta bwenge nari mfite.” Ubwo nanabazaga impamvu Imana yansubije ubwenge. Nabaye aho uwo muhungu tukajya tuganira mubwira ko nta babyeyi ngira nawe ambwira ko ari uko . Twaje gukundana dufata n’icyemezo cyo kubana, arasaba arakwa, ubwo hari hasigaye gukora ubukwe.” Angelique akomeza avuga ko ubukwe buri hafi, sinzi ukuntu ngom yatekereje ko nubwo nta babyeyi n’abavandimwe yagiraga, mbere y’ubukwe nibura yaragombaga gusubira iyo yaturutse akagira abo yareba amenyesha.” Nabwiye wa muhungu icyo gitekerezo, nawe arabyemera tujyana iyo naturutse” Ngo bagezeyo rero abantu babonye uwo mukobwa baravuze bati dore “Ibyikigihe” rya zina rye rya kera kuko uyu mukobwa yari yarafashe irya Mukankuranga wa mubyeyi wamwakiye akaza kwicwa, musaza we rero yumvise iryo zina bamwita yari asanzwe arizi, ngo bimutera kwibaza, ubwo uwo muhungu kandi yabonaga aho yamuzanye ari ho yahoze cyera ataratoroka mu rwuri, abandi bantu kandi ngo batangiye kubwirana bati dore ba bana babaga ino., abandi ngo bagatangazwa nuko basaga. Angelique rero avuga ko musaza we yaje kumubaza neza imivukire ye niko undi yamubwiye ko yabanaga na musaza we akaza gutoroka inka akagenda, amubwira uko yitwaga, nibwo undi yamubwiraga ko ariwe Ibyiyingoma. Akimara kumbwira ko ari musaza wanjye rero twarahoberanye turarira, Njye ariko nubwo byari bimeze gutyo numvaga ntacyari kumbuza kwibanira nawe, ariko musaza wanjye nabonaga atabikozwa, icyo tutari tuzi ariko ariwe ari nanjye nuko nari ntwite, kuko twari twararyamanye. abari batwakiriye  twari twabwiye gahunda twari dufite yo kubana nabo bari bumiwe , batubaza icyo twakora. Musaza wanjye rero yaragiye turamushaka turamubura, sinongeye kumubona.Ubwo nanjye nahise ngenda nsubira muri byabihe nk’ibya mbere byo gusa nk’uwataye ubwenge, noneho niyemeza kugenda ngana Tanzania. Naribwiraga nti ‘Mana, iki gihugu nababariyemo reka nkivemo’” .

Angelique abyara umwana wa musaza we

Angelique yagiye Tanzaniya nyuma arahava ajya Uganda Nakivaara, aho yasanze bamwe mu bicanyi bari bamuzi mu nkambi, ibyo byatumye abahunga kuko bashakaga kumwica, arahunga ajya ahandi , aza guhunga n’umugabo ngo wari wamuteye imiti imutesha ubwenge akamujyana iwe aho ngo yamugaburiraga ibyatsi ngo ateganya kuzamurya kuri Noheri. Yaje kumutoroka ajya mu rugo rw’umubyeyi wamwakiye neza, ariho yabyariye. Ngo yaje kuhava, asubira mu Rwanda assize umwana, atabigambiriye.

Angelique yakira agakiza,akora ubukwe, arabyara araheka.

Angelique rero yasubiye mu Rwanda noneho ngo afite gahunda yo kwiyakira, yaje kujya kuba muri Mbogo, aho ngo haje kubera igitaramo muri ako gace, muri icyo  gitaramo ngo uwabwirije yigishije ku kubona amahoro y’umutima “ Icyo nicyo nifuzaga mu buzima bwanjye, amahoro y’umutima” ngo bahamagara abihana yaratambutse baramusengera, kuva ubwo yakira agakiza” Angelique ariko avuga ko atahise abohoka uretse ko yumvise ngo hari umutwaro umuvuyeho, ubwo rero ngo hari igihe cy’ububyutse abantu basengera kubatizwa mu Mwuka Wera bashishikaye. Angelique ngo nawe yagiye gusengera icyo cyifuzo, “Nasenze iminsi itatu, ntarabatizwa” nyuma ariko nkuko abivuga, ngo ari kuri Noheri nibwo barimo gusenga nibwo yabatijwe mu Mwuka Wera avuga mu ndimi nyinshi, atangira kubohocyera gukorera Imana. Ubu rero Angelique, ni Umudiyakoni, agenda kandi hirya no hino agabura icyo Imana yamushyize ku mutima.Ubu yarashatse afite abana 3

MITALI Adolphe.

Korali Jehovajireh itegerejwe I Huye mu giterane cy’ivugabutumwa cyateguwe na ADEPR umudugudu wa Tumba.

By Onesphore Dushimirimana

Nyuma yo gushyira ahagaragara umuzingo w’amashusho bise “Umukwe araje”, korali Jehovejireh ikomereje Ivugabutumwa mu karere ka Huye, mu itorero rya ADEPR paruwasi ya Cyarwa, umudugudu wa Tumba, mu giterane cyateguwe n’iri torero tariki ya tariki ya 22-23/7/2017.

Iki ni igiterane ngarukamwaka gisanzwe gitegurwa n’ubuyobozi bw’umudugudu wa ADEPR Tumba, muri paruwasi ya Cyarwa. Iki cy’uyu mwaka kikaba gifite intego igaragara muri Yeremiya 17:7, hagira hati:” Hahirwa umuntu wizera uwiteka, Uwiteka akamubera ibyiringiro”.

Vincent Muhayimana, ni umwe mu bari gutegura iki giterane , mu kiganiro n’ikinyamakuru isange.com yadutangarijeko imyiteguro y’iki giterane bayigeze kure kuko basa n’abagitangiye kuri uyu wa mbere binyuze mu materaniro ya buri mugoroba yatangiye kuri uyu wa mbere tariki ya 17/7/2017, hakazasoza igiterane nyir’izina giteganijwe mu mpera z’icyumweru.

Yagize ati:” Igiterane cyatangiranye n’amateraniro y’umugoroba yatangiye kuri uyu wa mbere taliki ya 17/7 kugeza kuwa 5 taliki 21/7. Kuva saa kumi nimwe z’umugoroba kugeza saa mbiri. Igiterane nyirizina kizatangira kuwa 6, taliki 22/7 i Tumba ahazwi nko ku Kibondo no ku cyumweru taliki 23/7/2017”.

Uyu muyobozi yakomeje atadutangariza ko muri iki giterane bazaba bari kumwe n’abakozi b’Imana batandukanye barimo umuvugabutumwa Muvunyi, past. Seth, past. Rudasingwa,…

Korali Evangelique ya Adepr Cyarwa izitabira iki giterane

Si abo gusa kuko hazaba na korali Jehovajireh ya ULK Kigali, izifatanya n’amakorali yo ku mudugudu wa ADEPR Tumba ndetse na korali Evangelique ya Cyarwa , Ebenezer, Abitanze ndetse na korali Revival.

Korali Ebenezer izitabira iki giterane cy’ivugabutumwa

Jehovahjireh ni Korali ikorera umurimo w’Imana muri Kaminuza yigenga ya Kigali, yatangiye mu mwaka wa 1998, iherutse gushyira ahagaragara umuzingo mushya wiswe ‘ Umunkwe araje ’ uriho indirimbo 13 harimo izimaze kumenyekana nka ‘ Twizeye Imana’ na ‘ Umukwe araje ’ ari nayo yitiriwe umuzingo.

Korali Abitanze nayo izaba yabukereye kuri uyu munsi

Ibi akaba ari bimwe mubyatumye iyi korali itekerezwaho gutumirwa muri iki giterane cyateguwe n’umudugudu wa ADEPR Tumba, muri paruwasi ya Cyarwa ngo bazaze kubafasha mu ivugabutumwa.

Korali Revival izaba nayo ifasha mu kwamamaza ubutumwa bwiza muri iki giterane

Umudugudu wa ADEPR Tumba, ubarizwa muri paruwasi ya Cyarwa, watangiye mu mwaka wa 1989, kugeza ubu ukaba ufite abayoboke bagera ku gihumbi (1000), hakaba hashize imyaka igera ku munani bategura iki giterane ngaruka mwaka kigamije gushima Imana.

Onesphore Dushimirimana

 

 

⁠⁠⁠⁠⁠NISANZE MU RUKUNDO RWAYO

By Ubugingo

Uwiteka yambonekeye kera ati "Ni ukuri nagukunze urukundo ruhoraho, ni cyo cyatumye ngukuruza ineza nkakwiyegereza" Yeremiya 31 : 3

Nyuma yo gutekereza cyane ku rukundo rw'Imana hari ibintu nungutse:

1. Ntacyo umuntu yakora cyagabanya cg cyakongera urukundo rw'Imana. Urukundo inkunda ruruzuye.

2. Iyo umuntu akoze icyaha aba yikuye mu rukundo rw'Imana ariko ntabwo aba arugabanyije. Ariko n'ubwo umuntu yakwikura mu rukundo, ntaho yagera hatagera urukundo rw'Imana!

3. Igihe cyose umuntu abyifuje, umuntu asubirana amahirwe yo kuba mu rukundo rw'Imana yikuyemo. Menya gusa ko aya mahirwe atazahoraho!

4. Nta na rimwe umuntu yasobanurirwa, yamenya urugero rw'urukundo Imana imukunda kuko Imana idukunda urukundo ruhoraho (Eternal love). Kubera ko umuntu adahoraho biramugora gusobanukirwa ikintu gihoraho. Umuntu yasanze ho urwo rukundo kd azarusigaho bivuga ko yarumenya gusa agace.

TEKEREZA KU RUKUNDO rw'Imana!

Igitondo cyiza!

Dr. Fidele Masengo Foursquare Gospel Church

Imana yumvira umuntu wayinginze

By Liliane Kaliza

Ezira 8:23, Nuko twiyiriza ubusa, dusaba Imana yacu tuyinginga yemera kutwumvira.
Kugirango twumve neza uyu murongo dusomye
Reka tubanze dusobanukirwe neza mu ncamake igitabo cya Ezira, ubundi iki gitabo kirimo ibice 3:
1. Inkuru z'abantu ba mbere batahutse baza kubutaka bwa Yuda (1:1-2:70)
2. Urusengero rwubakwa (3:1-6:22)
3. Ezira agaruka mu gihugu anatangira kwigisha Abantu.
Twasomye mu gice cya gatatu aho ibintu byari bimaze gutangira kujya mu buryo ubwo barimo gutahuka.

Dusubiye mu gice cya mbere twabonye ko
Ezira 1:1-2
Mu mwaka wa mbere wo ku ngoma ya Kuro umwami w'u Buperesi, Uwiteka atera umwete umutima wa Kuro umwami w'u Buperesi, ngo ijambo Uwiteka yavugiye mu kanwa ka Yeremiya risohore, ategeka ko bamamaza itegeko mu gihugu cye cyose kandi arandika ati
"Kuro umwami w'u Buperesi aravuga ati ‘Uwiteka Imana nyir'ijuru yangabiye ibihugu by'abami bose byo mu isi, kandi yanyihanangirije kuyubakira inzu i Yerusalemu mu Buyuda."

Ubu buhanuzi bwahanuwe na Yeremiya ko bazamara imyaka 70 mu bunyage(Yeremiya 29:10) ikindi kiyongereyeho ni uko Yesaya we yavuze n'umuntu uzabusohoza ibyo kuva mu bunyage ari we kuro(Yesaya 44:28), hari abantu benshi Imana yavuze ku byabo cyera ndetse n'igihe bizasohorera biragera ntibabimenya .
Iyo dusomye muri kino gitabo cya Ezira n'uko igihe cya geze batangira kujya gusana aho bazatahukira ,birabagora bahura n'intambara z'abantu batashakaga ko batahuka,muri ino minsi hari igihe satani yitambika mu gihe cyo gusubizwa kwawe

twibukiranye ko nta muntu w'umwanzi wawe uretse abakoreshwa na satani ndetse n'inzandiko zihagarika by'agateganyo amasezerano yawe zikandikwa (Ezira 4:17:24),
Ariko humura ni ibyagatenganyo nyine, Imana yateguye abahanuzi bo kugukomeza ngo ukomeze wubake ko igihe cyo gutaha inyubako cyegereje aho ubona ko bikompeye,nibwo bigiye kurangira nange ndagukompeje nk'umuhanuzi (Ezira 5:1-6)
Wari uziko inzandiko zo kukurengera hari igihe zibikwa ntizibone agaciro kandi zaranditswe cyera, uyu munsi umwami azirebemo aho zibitse mu bubiko aziheshe agaciro (Ezira 6:1-)

Twasomye (Ezira 8:23) nuko twiyiriza ubusa dusaba Imana yacu ndetse tuyinginga yo kabyara yemera kubumvira, impamvu basenze si uko batari bafite urwandiko rw'inzira ,nuko mu nzira harimo ibintu byo kubitambika bibabuza kwinjira mu masezerano, natwe dufite Imbogamizi nyinshi mu nzira zatubuza kugera ku masezerano yacu .

Ubundi hari igihe imyaka mirongo 70 igera ukabona yarageze neza ukaba utava mu bunyage bitewe n'uko hari imbogamizi mu nzira ndetse n'urwandiko rukwemerera kugenda ruhari, kwinginga Imana byonyine birahagije kuba yakumva ikaba yahagutambutsa, ibyacu biva ku kagezi dusenga imyaka 70 ugereranywa n'igihe cyo gusohorezwa amasezerano, abantu benshi baracyarwana no gushaka inzandiko kandi zaratanzwe cyera ahubwo hasigaye gukura mu nzira ibintu byitambika.

Muhabwe Umugisha mwinshi!!!

AMEN.

Source: NKUNDABAGENZI Gad

Liliane [email protected]

Ubuhamya bwa Pasteur MUGABO Alexis, uko yakiriye Agakiza nyuma yo gusambana akiri muto (igice cya mbere)

By Liliane Kaliza

Nitwa Pasteur MUGABO Alexis, navukiye mu muryango wifashije, nkura mbona bafite uburyo, twari umuryango ukomeye cyane, nkura nsanga turi abana icumi ari njyewe muhererezi, noneho ntangira gukunda amafaranga nkiri muto kuko iwacu bari bayafite, aho nyabonye nkayafata ntibambuze kuko nari bucura kandi nari nkunzwe cyane, urumva nawe umwana muto aba akunzwe n'ababyeyi cyane, ayo mafaranga rero narayafataga nkayajyana mu byaha byinshi birimo n'iby'ubusambanyi kuko ninjiye mu byaha nkiri muto ,naragiye ndasambana ariko nari mfite inyota yo kugirango mbone uburuhukiro nubwo nari ntarabubona.

Mu myaka 15 nari mfite ibyaha bitatu byari byarambase ku buryo bukomeye birimo icyaha cy'ubwibone kuko nabonaga ababyeyi banjye bakomeye ndetse na bakuru banjye ari abasore cyane, bikantera ubwibone bukabije, kuko iyo nagendaga mu nzira abantu barakebukaga bakandeba bose, icyaha cya kabiri nari mfite muri iyo myaka ni ubusambanyi, ubu busambanyi bwarambase nsambana n'abana tungana bakiri amasugi, igihe kigeze ntangira kwibaza nti ese ko nasambanye n'abakiri abakobwa uwajya gushakira ku bagore.

Ubwo nagize iryo rari ryo kwifuza gusambana n'abagore, ubwo ntangira gutereta umugore umwe ariko birangira tudasambanye, icyaha cya gatatu nari mfite iwacu bari baranyigishije ikintu kitwa amoko, nar narigishijwe amoko ku buryo nari nzi gutandukanya umuhutu n'umututsi, ibyo byaha kandi nabikoraga ndi umu karisomatike w'imbere cyane ariko ntibimbuze kujya mu byaha nk'ibyo kandi nkiri muto.

Igihe kimwe rero maze kugera mu myaka 17, icyo gihe nari ndangije amashuri abanza , umwami Yesu aza kunshaka njye nari ngiye gushaka abo dukina umupira, nyura ahantu bacanye amashara yaka umuriro mwinshi cyane, nyuze aho hantu umuriro usa n'untwika urankurura ngiye kumva numva ijwi rimbwira ngo hari umuriro uzarya abanzi b'Imana, rirakomeza riti uzi yuko uzaba mu muriro urenze uwonguwo uri kubona?

Ubwo narakomeje njya gukina ariko ngeze aho numva mbuze amahoro ndataha njya kuryama nkomeza kumva mbuze amahoro, nkumva umutima uri kumbwira ngo icyiza ni uko wakizwa ukabona amahoro, ubwo hari mushiki wanjye wari warakijijwe cyane, yagiraga imico myiza, maze kumva ijwi rinsaba gukizwa natekereje kujya gusengera hafi y'iwacu ariko natekereza ko aho hantu hasengeramo abatwa nkumva ncitse integer, iryo joro ryose sinasinziriye rero naraye nicaye bigeze mu ma saa saba nibwo nagiye kureba wa mushiki wanjye mu cyumba mutekerereza ibyambayeho ansaba ko ejo tuzajyana gusenga.

Bwaracyeye turagenda tugezeyo umwigisha yigisha kuri njyewe gusa, yavuga akavuga umusambanyi, umunyamoko, umwibone, sinjye wabonye ahamagara abihana, ndagenda baransengera ndakizwa nizera Yesu nk'umwami n'umukiza, ndagenda nsaba imbabazi ba bakobwa bose nasambanije mbabwira yuko nahindutse, ndokoka gutyo ku myaka 17 gusa.

Nkimara kwakira Yesu icyo gihe hari mu mwaka w'1994 numvise amahoro atashye mu mutima wanjye, ntangira kwishima no guseka,ndahinduka mu buryo bukomeye, ntandukana n'abo twasambanaga ndetse n'abo twagendanaga, y'ibyumweru bibiri nkijijwe rero nibwo Genocide yakorewe abatutsi yahise iba.

Ntuzacikwe n'igice cya kabiri kirimo uko Pasteur MUGABO Alexis yarokotse Genocide yakorewe abatutsi mu buryo bukomeye...............

Liliane [email protected]

Ibiribwa ushyushya bigahinduka uburozi

By Patrick

Abantu bensh usanga gushyushya barabigeze akamenyero cyane ko ubu bamw ebabur aumwanya wo guteka bagahiitamo gutekera rimwe ibiryo byinshi ubundi bakajya bashyushya bakoresheje micro onde cyangwa se iziko risanzwe. Nyamara nubwo ubona ko boroshya ubuzima bishobora kukugiraho ingaruka ku buzima cyane cyane ku biribw abimwe na bimwe bihinduka uburozi iyo bishyihije.
Dore bimwe muri ibyo biribwa bihinduka uburozi iyo bishyuhije : Ibirayi : Ibirayi ni ibiribwa byera cyane kandi biribwa ahantu (...)

- Ibikoresho
  • July 19th 2017 at 15:47

Tofu zirimo amashaza

By Patrick

Ibikoresho ; Sauce tomate 1 Amashaza garama 300 Karoti 3 Igitunguru 1 Imiteja garama 300 Amavuta ya elayo Amavuta ya beurre Umunyu na poivre
Uko bikorwa : Banza ukate tofu neza uzikatemo udusate duto uzishyire mu mavuta menshi zumuke neza ariko wirinde ko zashirira. Zikuremo uzishyire ku ruhande Igihe tofu ziri ku ziko uba washyizeho amashaza ku ziko ugashyiramo amazi make agatogota. Shyushya amavuta ya beurre ushyiremo ibitunguru, usukemo karoti zimaze korohamo gake usukemo imiteja Iyo (...)

- Ifunguro ribanza
  • July 19th 2017 at 15:47

Iyo abashakanye badataha hamwe bikomeza urukundo cyangwa bikarusenya ?

By Patrick

Muri iyi minsi usanga abashakanye hari ubwo batabana kubera impamvu zitandukanye zirimo akazi, amasomo n'ibindi. Abantu rero ntibabivugaho rumwe. Bamwe bavuga ko bisenya ingo, abandi bakavuga ngo ahubwo bifasha urukundo guhora ari rushya. Ese uwufite ukuri muri aba ni uwuhe ?
Ukuri kw'abavuga ko bisenya ingo kurahari. Hari ubwo ako kazi kaba gahemba intica ntikize, ugasanga uburyo bw'ikoranabuhanga kugirango bakomeze kungurana ibitekerezo kuri buri cyemezo kireba urugo rwabo ntibushoboka. (...)

- Urugo
  • July 19th 2017 at 15:46

Ntugapfukirane impano ikurimo kuko ari ubutunzi wahawe

By Ernest Rutagungira

Abaroma 12: 6-8 Nuko kuko dufite impano zitandukanye nk'uko ubuntu twahawe buri, niba twarahawe ubuhanuzi duhanure uko kwizera kwacu kungana, cyangwa niba twarahawe umurimo wo kugabura iby'Imana tugire umwete wo kubigabura, cyangwa uwigisha agire umwete wo kwigisha, cyangwa uhugura agire umwete wo guhugura. Ugira ubuntu abugire atikanyiza, utwara atwarane umwete, ugira imbabazi azigire anezerewe.

Nk'uko umwuka wera agenda atwigaragarizaho mu buryo butandukanye, ni nako impano aduha zirushaho gutandukana ariko zose zikadufasha kugera ku mugambi n'umuteguro by'Imana, bityo umuntu wamaze kwisobanukirwa, akamenya neza ko afite ibimenyetso by'impano iva ku mana, yakagombye kwambara imbaraga zo Kwizera, akakira ko Imana igiye gukorera muri we, ndetse ikamukoresha iby'ubutwari, Gusa ibi siko bigenda kuri twese kuko hari abo usanga Satani atera ubwoba, bugatuma bapfukirana impano zabo cyangwa bakazizimya ntizibashe kwaka.

Intumwa pawulo yandikiye timoteyo ( 2 Timoteyo 1:6-7) amwibutsa gusesa impano y'Imana imurimo ngo yake, iyo waheshejwe no kurambikwaho ibiganza nawe, ibi yabimubwiraga kuko yari asobanukiwe neza ko hari imbaraga zishobora kumurwanya zigatuma impano zimurimo zidakora, Ubu butumwa natwe buratureba, Twahawe impano zitandukanye z'Imana bity Satani ntabwo akwiye kudutera ubwoba, Kuko Imana itaduhaye umwuka w'ubwoba, ahubwo yaduhaye uw'imbaraga n'urukundo no kwirinda.

Benedata, Imana yaduhamagaye ni iyo kwizerwa kandi ni nayo izadushoboza, muri wowe harimo ubutunzi bwinshi harimo impano z'Imana nyinshi kandi Imana yifuza ko zikorera ubwami bwayo, Birashoboka ko ujya wiyumvamo umuhamagaro wo kubwiriza ubutumwa bwiza, birashoboka ko ujya wiyumvamo kuririmbira Imana, Wikwemerera imbaraga ziza mu mutima ko zigukanga Oya, Nawe Imana yagukoresha, Rwanya Satani utere intambwe yo kugerageza amahirwe yawe, Sesa impano zikurimo zake, kandi Imana izagushoboza.

Kudakoresha impano yawe bituma uhorana ubwoba, bikagutera gusubiramo ibyo abanda bakoze, ukamera nk'ugendana fotokopi ( photocopy), Uwo mwuka ukwiriye kuwanga, wambare umwuka w'Imbaraga wahawe wingire mu muhamagaro wawe Neza.

Yesu abahe umugisha Ernest RUTAGUNGIRA

ADEPR Gihundwe harategurwa igiterane kizahuriramo Korari ebyiri z'ubukombe muri ADEPR n'umuramyi Simon Kabera

By Niyondora Vedaste Christian

Ku gicumbi cy'itorero rya ADEPR mu Rwanda i Gihundwe hateguwe igiterane cy'amashimwe, cyateguwe na ADEPR Paruwasi Gihundwe. Kizaba kuva kuwa gatanu taliki ya 21 kugeza ku cyumweru taliki ya 23 Nyakanga 2017.

Iki giterane kizamara iminsi itatu nk'uko twabivuze haruguru, gifite intego igira iti « Kwibuka iminsi ya cyera ». Iyi ntego iboneka muri Zaburi yi 143.

I Gihundwe hihariye igice kinini cy'amateka ya ADEPR mu Rwanda, kuko ni ho abamisiyoneri batangije itorero ADEPR mu Rwanda babaye bwa mbere, ndetse akaba ari ho habonetse umuyoboke wa mbere w'umunyarwanda. Nyakwigendera Past. Rudoviko Sagatwa ubwo yemeraga kubatizwa yahise yemera no gutanga ikibanza cyo kubaka mo urusengero, hari mu mwaka w'1940. Urwo rusengero rero, ni rwo ruzabera mo iki giterane.

Past. Sagatwa Ludoviko na Aluard Lindskog wamubatije

Nyakwigendera Pasiteri Rudoviko Sagatwa wasize abibye imbuto nziza

Itorero rya ADEPR rikimara kuvuka i Cyangugu nk'uko hitwaga icyo gihe, hahise havuka korari ya mbere yitwa Bethania, ikaba yarakoze akazi katoroshye mu myaka yose ADEPR imaze mu Rwanda, ni yo yaririmbye indirimbo abantu benshi bazi ariko batazi inkomoko yayo ivuga ngo « Umuriro wa Pantekote uhore waka ku gicaniro.» Iyi korari iracyariho na magingo aya.

Korari Bethania ADEPR Gihundwe

Mu murimo ukomeye korari Bethania yakoze ifatanije n'itorero rya ADEPR i Gihundwe havutse mo indi midugudu myinshi ndetse n'amakorari atandukanye, akaba ari nayo mpamvu uwavuga ko imidugudu ndetse n'amakorari bibarurirwa muri ADEPR uyu munsi ari aho byose bikomoka ataba abeshye. Mu makorari abitse amateka menshi y'iri Torero hirya gato ya Bethania haza korari Hoziana yo muri Paruwasi ya Nyarugenge mu mujyi wa Kigali. Nayo iracyaririmba na magingo aya.

Korari Hoziyana ADEPR Nyarugenge

Iki giterane giteye amatsiko n'ubwuzu ku bakunzi n'abayoboke ba ADEPR, kuko kizahuza izi korari zombi z'ubukombe muri iri torero ndetse n'umuramyi Simon Kabera nawe umaze igihe kitari gito kimwemerera kwitwa Inararibonye mu mateka y'iri torero nawe azaba afatanya n'izi korari zombi kuramya Imana muri iki giterane.

Umuramyi Simon Kabera na Soliste Claude bafatanya nabo bazitabira iki gitaramo

Rev. Masumbuko Josue kuri ubu uyoboye itorero ry'akarere ka Nyarugenge ADEPR, ndetse na Ev. Mutambuka John ni bamwe mu bavugabutumwa bazabwiriza muri iki giterane.

Rev.Past. Masumbuko Josue

Abayobozi ba ADEPR ku rwego rw'igihugu nabo bazitabira iki giterane !

Niyondora Vedaste [email protected]

Mbese ni iyihe mirire iboneye ku mugore utwite?

By Marthe07

Gutwita bibaho igihe umugore afite umwana munda, ku bagore benshi umwana akurira mu mura cyangwa Uterus mururimi rw'igifaransa.Ubusanzwe umwana uvukiye igihe avukira ibyumweru mirongo ine(40) iyo ubibaze mu mezi biba amezi icyenda(9) agabanijemo ibihembwe bitatu: Igihembwe cyambere ni uguhera ku cyumweru cya mbere wasamiyemo kugeza ku cyumweru cya 12,Igihembwe cya kabiri gihera ku cyumweru cya 23 kugeza ku cyumweru cya 28 hanyuma igihembwe cya gatatu ari nacyo cyanyuma ni uguhera ku cyumweru cya 29 kugeza ku cyumweru cya 40. Buri gihembwe kigira umwihariko nibyo uba ugomba kwitondera muri cyo.Kuboneza imirire mu gihe umugore atwite ni ibintu byingenzi cyane haba kuri we ndetse no ku mwana atwite,ndetse muri iki gihe haba hakenewe ibiribwa by'inyongera cyane cyane ibikungahaye kuri vitamine n'imyunyungugu.

Muri iyi nyandiko turagaragaza imirire iboneye ku mugore utwite nka kimwe mubyo kwitaho mu gihe umugore atwite. umugore wariye nabi mu gihe atwite byangiza we ubwe ndetse bidasize n'umwana atwite.

Ubusanzwe umuntu wese aba agomba kuboneza imirire ye mbese akarya indyo yuzuye,igizwe n'ibitera imbaraga, ibyubaka umubiri ndetse n'ibirinda indwara.ariko noneho ku mugore utwite hari ibintu byingenzi cyane biza byiyongera ku ndyo yuzuye bidakwiye kubura kuri buri funguro, byose bishobora kutabonekera rimwe ariko nibura hakagira ibiboneka kuri buri funguro ry'umugore utwite.

DORE BIMWE MU BIDAKWIYE KUBURA NIBURA KURI BURI FUNGURO RY'UMUGORE UTWITE

1.Avoka kuyirya utwite nibyiza cyane ko ifite umwihariko wo kuba ikungahaye kuri vitamine zose uko ari 11 ikagira n'imyunyungugu itandukanye twavugamo nk'ubutare,Potasiyumu,Cupper,….Avoka kandi ikungahaye ku binure byiza bifasha mu kubaka uruhu n'ubwonko by'umwana.avoka kandi igira Folate irinda umwana kurwara Neural tube defect .Avoka rero kuko iboneka mu bice byinshi kandi ikaba ihendutse ni byiza kurya nibura avoka imwe ku munsi.

2. Amagi ni ikiribwa gifitiye umumaro ukomeye ubuzima bitewe nuko yujuje intungamubiri zose zikenewe n'umubiri, amagi kuko afite umwihariko agira protein na fat zujuje ubuziranenge , amagi akungahaye kuri Choline ifasha muri byinshi mu mubiri harimo no gufasha ubwonko by'umwana kuba bwubakitse ndetse bukomeye, ikanarinda indwara zifata urutirigongo nka Neural tube defect.

3.Inkeri zaba izitukura cyangwa izirabura ziba zikungahaye kuri vitamine C ifasha mu kubungabunga ubuzima bw'uruhu ndetse ikaba nziza no mu gufasha gukomeza ubwirinzi kamere bw'umubiri ikungahaye kandi k'uturemangingondodo dufasha mu gutoranya ibyingezi mu byowariye ibitari ngombwa bigasohoka mu myanda.inkeri kandi zigira ibyo bita glycemic index yo hasi cyane irinda kugira isukari nyinshi mu mubiri nyuma yo gufata ifunguro ifasha cyane cyane abantu barwaye Diyabete.

4.Imboga by'umwihariko
izifite ibara ry'icyatsi kibisi ni ibiribwa ntagereranywa cyane cyane ku bagore batwite kubera intungamubiri zibonekamo zifite ubushobozi bwo kurinda indwara zitandukanye. Ikindi kandi izi mboga n'isoko nziza ya za Vitamine A,B9,C na K n'intungamubiri zitandukanye ibyo byose bifasha ubuzima bw'umwana ndetse n'umubyeyi nyirizina.

5.Imbuto zifite amabara atandukanye bamwe mu banditsi bavugako iyo wimenyereje kurya imbuto zifite amabara atandukanye bitera umwana uri munda kuzagira ubushake byinshi bwo kurya imbuto mu gihe yatangiye kurya ariko aha ngo biba byiza iyo uziriye cyane muri cya gihembwe cya 3 twavuze.

6.Ibishyimbo
biba bikungahaye kuri poroteyine n'uturemangingondodo ndetse n'imyunyungugu nk'ubutare na zinc ndetse na vitamin B9 ifasha umwana kumurinda indwara zitandukanye.ziriya fibre ziboneka mu bushyimbo zifasha urwungano ngogozi kurinda uburwayi butandukanye nk'impatwe ndetse n'ubundi burwayi butandukanye bufata amara.ibishyimbo birafasha cyane ku bantu batarya inyama kuko ubasha kubikuramo zimwe mu ntungamubiri wari kubona munyama.

7. Amata n'ibiyakomokaho nka yawurute, ndetse n'amavuta n'isoko nziza ya kalisiyumu ifasha amagufwa y'umwana gukomera igafasha umubyeyi kuringaniza umuvuduko ukabije w'amaraso.

Ntabwo ari amata gusa umugore utwite agomba no kugira ibindi binyobwa afata nk'amazi,Umutobe w'amacunga. Umugore utwite agomba kuzibukira ibisindisha ndetse n'ikawa kuko bishobora kugwa nabi umwana uri munda.
Aho byavuye:www.healthline.com
[email protected]

Yesterday — July 19th 2017Gospel

YANKUNZE NTABIKWIRIYE

By Ubugingo

"Ariko Imana yerekanye urukundo rwayo idukunda, ubwo Kristo yadupfiraga tukiri abanyabyaha". Abaroma 5:8

Imana yankuze ntari uwo gukundwa, ndi umunyabyaha. Ubuzima narimo ntibwari ubwo gukundwa kuko ntawe ukunda umunyamakosa.

Imana imaze kunkunda yampaye Kristo wampindukiye igikundiro. Kubera Kristo undimo, abandi bose bafite aho bahera bankunda.

Ndashima Imana ko yankunze ikampa n'igikundiro.

Mugire umunsi mwiza mwese!

Dr. Fidele Masengo Foursquare Gospel Church

Utuntu duto abashakanye babanye neza barusha abandi

By Patrick

Ushobora kubona umugore n'umugabo banezerewe ukagirango bibatwara ibintu birebire ngo babashe kugera kuri uwo munezero nyamar aburya usanga akenshi ari utuntu duto tworoshye burimumwe akorera undi kandi bakanezerwa. Muri iyi nkuru tugiye kureba utuntu duto twongerera umunezro abashakanye kandi tukaba tudasaba ikiguzi na kimwe
Gusuhuza uwo mwashakanye ukibyuka : Usibye no kuba ugiye kubikorera uwo mwashakanye gusuhuzanya ni umuco mwiza utuma abantu bahuza urugwiro. Niyo uwo mwashakanye yaba (...)

- Urugo
  • July 18th 2017 at 15:53

Imico buri mugore yakwiga akishimirwa n'abandi

By Patrick

Buri mugore wese usanga yifuza ibyiza birimo kugira inshuti nziza, kugira umuryango mwiza unezerewe, igikundiro, kubahwa muri sosiyete n'ibindi. Ibyo byose byiza rero umugore wese aba yifuza ntabwo byiza gutyo gusa kandi nta nubwo bizanywa n'isura nziza cyangwa se ikindi kintu cyose ubonera inyuma ahubwo bizanywa n'imico myiza y'imbere uba wifitemo. Gusa icyiza ni uko mico ishobora kwigwa.
Gukunda abandi : umugore wese wiyumvamo ko ashaka kugira ubwiza bw'umutima akwiye kwiga gukunda abandi. (...)

- Kwiyitaho
  • July 18th 2017 at 15:51

Umugabo wanjye ntabyara none ashaka ko mbyarana n'undi

By Patrick

Muraho neza ?
Mbere ya byose mbanje kubashimira uburyo mugira abantu inama zibafasha kwigobotora ibibazo biba bibakomereye. Nanjye nifuza ko mwangira inama. Amazina yanjye ntimuzayashyire ku rubuga bitazamviramo ibindi bibazo.
Ndubatse maze igihe kitari gito(imyaka 4) nshyingiwe. Umugabo wange ndamukunda cyane nawe akankunda, ndi IKINEGE, kandi sinagize n'amahirwe yo kugumana n'ababyeyi bange kuko bazize impanuka nkiri muto.
Ikibazo mfite rero ni iki : umugabo wange yararwaye tukiri muri (...)

- Ubuhamya
  • July 18th 2017 at 15:46
Before yesterdayGospel

Ubushakashatsi: Abirabura nibo bakunda gusoma bibiliya kurusha ayandi moko yose

By Cyiza Theogene

Ubushakashatsi bwakozwe n’umuryango wa Bibiliya muri Leta zunze ubumwe z’Amerika ku gipimo cy’uburyo abanyamerika  bakunda gusoma Bibiliya American Bible Society’s State of the Bible bwagaragaje ko abirabura aribo baza ku mwanya wa mbere mu kwitabira gusoma bibiliya aho bafata 71 % mu moko yose ya hariya muri Amerika. 

Ubu bushakashatsi bwavuze ko muri 58% b’abanyamerika basoma Bibiliya 71% ari abirabura bo muri iki gihugu naho ngo 6% byabo babaswe no gusoma Bibiliya.

Aya makuru kandi yemejwe n’umuyobozi w’Umuryango wa Bibiliya muri iki gihugu, bwana Roy Peterson aho yavuze ko abirabura bafite indangagaciro zikomeye zo gukunda ibyanditswe byera.

Aho yagize ati: ” Buri wese uha umwanya we ibyanditswe byera biroroshye ko yasobanukirwa ubudasa bw’Imana ndetse  akanasobanukirwa  neza  n’inkomoko y’ubuzima”

Aba birabura kandi ntibaza ku mwanya wa mbere gusa mu gusoma Bibiliya no kuyikunda ahubwo hiyongeraho no kuba ari bo ba mbere bamanura( download) App ya Bibiliya ndetse akaba ari nabo banayikoresha cyane kuri ngendanwa zigezweho( SmartPhones).

 

 

 

Ihuriro ry’abajyanama nyarwanda b’abakristu mu by’ihungabana (RACC) basoje amahugurwa y’uko banoza umwuga wabo

By Pastor Rugamba Ernest

Ihuriro ry’abajyanama nyarwanda b’abakristo mu by’ihungabana (RACC ) ni ihuriro rikora ibijyanye no gutanga ubujyanama  mu by’ihungabana  rikaba rifite intego yo gufasha abakristu gukira ibikomere  by’imbere mu mutima  ndetse na trauma.

Kuri uyu wa gatandatu tariki ya 15/07/2017 aba bajyana bahawe amahugurwa ajyanye no kumenya uko bagomba kwiyitaho  ngo kuko ari ingenzi  bitewe nuko ngo hari igihe abajyanama bahugira mu kazi ko gukora isanamitima  ku bandi bo bakiyibagirwa.

 

                      Hano abahugurwa bari mu matsinda

 

Aya mahugurwa akaba  kandi yabereye i Ndera. Ku rwego rw’igihugu iri huriro riyobowe  na Madamu Baraka Uwingeneye Paulette akaba umwe mu Banyarwandakazi bagize umutwaro   wo gutangiza amahugurwa yo gutanga ubujyanama mu by’ihungabana ku bari basanzwe bafasha abandi mu matorero n’amadini yabo abinyujije muri Gate of Hope Ministries  mbere yuko hatangizwa uyu muryango .

RACC (Rwanda  Assocciation of Christian Counselors ) ubwo yatangiraga tariki ya 9/7/2014 yatangijwe ku bw’ibibazo by’ihungabana byugarije abanyarwanda muri rusange ariko cyane cyane abakristo kuko bahura n’ibibazo by’urusobe mu gihe basenga ariko bakabona nta bisubizo biboneka ,aba bajyanama bafasha gukiza ibikomere  nabo nubwo bafasha abandi nabo bakwiriye kwiyitaho ubwabo bakagira umwanya wo gufata ikiruhuko kugira badakomeza  kuvunika.

Ku wa gatandatu tariki ya 15/7/2017 Isange.com ubwo yageraga ahaberaga amahugurwa mu kigo cy’amahugurwa cya Rugazi giherereye mu murenge wa Ndera ho mu Karere ka Gasabo ,aya mahugurwa yatangijwe  na Vice Perezida wa RACC Bwana Nyamunaga Narcisse watanze ikaze ku bitabiriye aya mahugurwa ababwira ko uyu muryango uhuza abajyanama b’abakristo b’Abanyarwanda.Yatangiye  asobanura  avuga amavu n’amavuko y’umuryango  ko  waje ugamije kwerekana ko ihungabana rihari mu bakristo   yagize ati:” twe dukoresha ijambo ryImana hari bandi bafite izindi tekinike bakoresha ,kubera amateka yacu agaragaramo  ubupfubyi ,ubukene ,twasanze buri wese akeneye ubujyanama”

Bwana Nyamunaga Naricisse abajijwe icyo bafasha abayobozi b’amadini n’amatorero bakunda kwitiranya ihungabana n’abadayimoni  yagize ati uko u Rwanda rugenda rutera imbere hari amwe mu matorero yatangiye gutanga ubujyanama ku by’ihungabana nubwo bakiri bake ,turabakangurira kutugana ngo dufatanye uyu murimo wo gukiza ibikomere kuko iyo ukoze wenyine hari aho utagera mu gukiza cyangwa gufasha kuko gukorera hamwe  ari  imbaraga, kandi buri wese akaba akeneye ubujyanama mu by’ihungabana.

Abatanze aya mahugurwa bakomoka  muri Leta Zunze  Ubumwe  z’Amerika basangije abayitabiriye zimwe mu nyigisho z’abakozi b’Imana bagiye bagira umutwaro wo gufasha abandi  mu gihe cya kera ariko nabo bakagera ubwo bananirwa nka Eliya wabaye umukozi w’Imana agakora ibitangaza ariko akaza kunanirwa kuko atagize igihe cyo kwiyitaho ,bakomeje kandi berekana ko umujyanama akwiye kubona umwanya akaruhuka kugira ngo abone uko agabanya ibibazo by’abo yakiriye mu bihe bihise.

By RUGAMBA Erneste

 

 

❌