WebRwanda.com

🔒
❌
There are new available articles, click to refresh the page.
Before yesterdayBwiza.com

Karongi: Haganiriwe kuri gahunda ya Ndi Umunyarwanda

By Denis Nsengiyumva

Mu cyumba cy’Inama cy’Akarere ka Karongi kuri uyu wa mbere, itariki 28 Ugushyingo 2016, habereye ibiganiro kuri Gahunda ya Ndi Umunyarwanda.

Umushyitsi Mukuru ni Bwana JABO Paul, Umunyamabanga Nshingwabikorwa w’Intara y’ Iburengerazuba.  Ari kumwe n’abayobozi b’Akarere bungirije: Madamu BAGWIRE Esperance  Ushinzwe Ubukungu na Madamu MUKASHEMA Drocelle Ushinzwe Imibereho myiza y’Abaturage.

 cyvtsqawgaavbhw

Inama yitabiriwe n’abagize Inama Njyanama y’Akarere, Abagize Komite Nyobozi y’Inama y’Igihugu y’Abagore n’iy’urubyiruko ndetse n’abahagarariye Komite y’Abafite ubumuga, Abanyamabanga Nshingwabikorwa b’Imirenge, Abakozi ku Karere bose n’ Abayobozi b’Ibigo by’amashuri ababanza n’ayisumbuye.

Mu kiganiro cyatanzwe na Bwana Jean Damascene NDAGIJIMANA, yagaragaje ubushakashatsi bwakozwe  ku bipimo by’Ubwiyunge ( Rwanda Reconciliation Barometer) yibanda cyane k’ uko Akarere ka Karongi gahagaze.

cyvzdvdwqaehjng

Nyuma ya Film Mbarankuru yerekanwe ku mateka y’amacakubiri yaranze leta mu gihe cya jenoside yakorewe Abatutsi,  Jabo Paul yatanze ikiganiro kuri  Ndi Umunyarwanda, aho yongeye kwibutsa amavu n’amavuko ya Gahunda ya Ndi Umunyarwanda nk’ighango n’icyomoro ku muryango Nyarwanda.

Abitabiriye ibiganiro nabo batanze ibitekerezo ku byo bishimira byagezweho mu bumwe n’Ubwiyunge, inzitizi zikibubangamira ndetse n’ingamba zo kuzisohokamo.

Abari aho bahurije ku mugambi wo gukomeza kubaka u Rwanda rubereye bibanda ku kubungabunga ibyagezweho.

Kanda hano ujye ubona amakuru yihuse kandi kugihe kuri Facebook no kuri twitter

@bwiza.com

Brazil: Indege yari itwaye abakinnyi n’abanyamakuru yakoreye impanuka muri Colombia

By Nsengimana Jean

Indege yo mu ikompanyi ya Charter aircraft mu gihugu cya Brazil yari itwaye abantu basaga 80 barimo abakinnyi b’umupira w’amaguru b’ikipe ya Chapecoense, abanyamakuru bagera kuri 21 ndetse n’abandi batandukanye barimo n’abayobozi bakuru b’ikipe, yakoreye impanuka ku butaka bw’igihugu cya Colombia ubwo yari ihagurutse i Bolivia yerekeza ku kibuga mpuzamahanga cya Medellin muri kiriya gihugu mu irushanwa.

Iyi kipe yari igiye gukina mu irushanwa rya Copa Americana muri kiriya gihugu cya Colombia, ntago byayihiriye kuko abantu bagera kuri 6 gusa nibo biri kuvugwa ko barokotse iyo mpanuka, barimo umukinnyi umwe Alan Ruschel wagombaga  kurinda izamu nawe akaba ari mu bitaro.

Inzego z’umutekano muri kiriya gihugu zatangaje ko ibikorwa by’ubutabazi bitatinze gukorerwa ahabereye impanuka, gusa ngo ikaba yatewe n’ikirere kibi cyariho mu gicuku ubwo iyi ndege yahanukaga mu kirere.

Iyi ndege yari irimo abakinnyi 22, abanyamakuru 21 abayobozi b’ikipe n’abandi batandukanye barimo n’abakora mu ndege ku buryo bose hamwe bari 81.

Kanda hano ujye ubona amakuru yihuse kandi kugihe kuri Facebook no kuri twitter

[email protected]

Ambasade y’u Rwanda muri Amerika yijeje ko iri gukurikiranira hafi ikibazo cy’Umunyarwanda wahaburiye

By Denis Nsengiyumva

Ambasade y’u Rwanda muri Leta Zunze Ubumwe za Amerika iratangaza ko iri gukurikiranira hafi ikibazo cy’ibura ry’Umunyarwanda Evariste Munyensanga bivugwa ko aheruka gucibwa iryera n’inshuti ubwo yakurwaga ku muhanda wa Cumberland kuwa Gatanu, itariki 18 Ugushyingo mu masaha ya kumi z’umugoroba.

Ibi ambasaderi w’u Rwanda muri Leta Zunze Ubumwe za Amerika, Mathilde Mukantabana, akaba yabitangaje nyuma yo kubona inkuru twari twasohoye kuri uyu wa Mbere itabariza uyu musore nyuma y’aho aya makuru yemerejwe n’umubyeyi wa Munyensanga.

USA: Umunyarwanda, Evariste Munyensanga ngo yaba yarashimuswe n’abantu batazwi

Mu butumwa bwe yanyujije kuri twitter, ambasaderi Mukantabana akaba yatangaje ko igipolisi cyo mu mujyi wa Portland uyu musore yari atuyemo kirimo kumushakisha kandi ko iki kibazo bari kugikurikiranira hafi.

Igiteye impungenge kuri iki kibazo nk’uko bitangazwa na WCSH, nuko uyu musore yari afite ikibazo cy’uburwayi cyamusabaga gufata imiti buri munsi.

nsanga-1-1

Evariste Munyensanga waburiwe irengero

Igipolisi cyo muri uyu mujyi wa Portland gikomeje gushakisha uyu musore kikaba gisaba umuntu wese wamuca iryera kugihamagara kuri numero (207) 874-8575.

capture

Reka tubonereho gushimira ambasaderi w’u Rwanda muri Leta Zunze Ubumwe za Amerika wagaragaje ko ibibazo Abanyarwanda ahagarariye muri iki gihugu abimenya ndetse akabikurikiranira hafi, ndetse no kuba yemeye kugira icyo adutangariza.

Kanda hano ujye ubona amakuru yihuse kandi kugihe kuri Facebook no kuri twitter

Dennis Ns./Bwiza.com

Umucamanza Herbaut ngo yaba agiye gufungura agasanduku gahishemo uruhare rw’u Bufaransa mu byabaye mu Rwanda

By Denis Nsengiyumva

Guverinoma y’u Rwanda iherutse gutangaza ko igiye gushyira ku karubanda abayobozi bo mu Bufaransa bagize uruhare muri Jenoside yakorewe Abatutsi mu 1994, akaba ari nyuma y’aho ubutabera bw’u Bufaransa busubukuye gukurikirana dosiye y’ihanurwa ry’indege ya Habyarimana. Gusa, itangazamakuru ryo mu Bufaransa nk’ikinyamakuru, Le Monde, risanga kuri iyi nshuro bishobora kugira ingaruka ku Bafaransa aho kuba ku Banyarwanda.

Gucira urubanza u Bufaransa rwo kugira uruhare muri jenoside mu Rwanda biteye isoni ni no kugoreka amateka”, iyi ni tweet y’uwiyamamarizaga kuba umukuru w’igihugu mu Bufaransa, Alain Juppe yafashwe nka tweet mu zindi ariko nta mikino yari irimo, gusa uyu mugabo hari ibintu agomba kuzirikana bituma ahora atungwa urutoki mu bagize uruhare muri jenoside yakorewe Abatutsi mu Rwanda.

Mu 1994 jenoside iba, Alain Juppe yari minisitiri w’ububanyi n’amahanga muri guverinoma ya Francois Mitterand wayoboraga u Bufaransa, akaba yarakomeje kuvuga ko u Bufaransa ntaho buhuriye n’iyo jenoside yatwaye ubuzima bw’abantu basaga miliyoni mu minsi 100. U Bufaransa kandi ntibunatinya kuvuga ko ari cyo gihugu cy’amahanga cyonyine cyatabaye binyuze muri Operation Turquoise yatangijwe mu mpera za Kamena.

A French soldier watches Rwandan government army Hutu recruits train, on June 26, 1994 in Gisenye, 30 kms north of Zaire border with Rwanda. About 1,200 French troops, participating in the humanitarian operation Turquoise, were deployed on June 27 on the Zairean-Rwandan border.

Iyi operation benshi bavuga ko usibye no kuba yaraje itinze, ahubwo yanafashije abari bamaze gukora jenoside, bari bamaze gutakaza igihugu, guhunga.  Guhakana ibi nabyo bikaba bidakuraho ko ibyabaye bizahora bibakurikirana.

Ni muri urwo rwego abategetsi b’u Rwanda baherutse gutangaza ko bateganya kongera kwibutsa neza abari ku buyobozi mu Bufaransa mu 1994.

Ibaruwa yuzuye ubwuzu y’amashimwe

Alain Juppe ngo yibuka nta gushidikanya itariki ya 27 Mata 1994, ubwo yabaye minisitiri umwe rukumbi muri guverinoma z’i Burayi wemeye kwakira abahagarariye Guverinoma y’Abatabazi, bari barimo gukora muri ako kanya n’ubundi ubwicanyi mu Rwanda.

Umwe muri abo bashyitsi bakiriwe uwo munsi yari umwe mu bashinze  Radio Milles Collines izwiho kuba yarashishikarije Abahutu gutsemba Abatutsi icyo gihe bitwaga Inyenzi.

Alain Juppe siwe wenyine wiyambitse icyasha icyo gihe kuko na perezida Francois Mitterand bidateye kabiri hagati mu kwa gatanu (Gicurasi) yakiriye ibaruwa yuzuye amashimwe ya Theodore Sindikubwabo yo kumushimira kubyo yari yakomeje kubafasha kugeza icyo gihe.

Mbere y’aho gato, kuwa 09 Gicurasi 1994, General Jean-Pierre Huchon, wari ukuriye ubutwererane mu bya gisirikare hagati y’1993 kugeza mu 1995, yakiriye muri minisiteri y’ubutwererane umusirikare mukuru mu ngabo z’u Rwanda (Ex-FAR), Lt. Col. Cyprien Kayumba, baganira ku kuntu bagomba kuyobya amahanga nk’uko uyu yaje kubyemeza muri raporo y’ubutumwa yari yagiyemo.

1128769

Mitterand na Habyarimana bari inshuti z’akadasohoka

Mu by’ukuri, hari ingero nyinshi ry’ihuriro ry’aba bagizi ba nabi ryatangiye muri za 90 ubwo u Bufaransa bwatangiraga gukorera byeruye mu Rwanda nabwo bukagendera ku ngengabitekerezo y’amoko yari ifitwe n’ubutegetsi bw’icyo gihe.

Bitewe no guhangayikishwa n’umutwe w’inyeshyamba za FPR wari watangiye kurwanya ubutegetsi, u Bufaransa bwarahagurutse ku mugaragaro bujya gufasha inshuti zabwo ku rugamba ariko biba iby’ubusa FPR itsinda intambara ifata ubutegetsi.

Mu minsi ishize, minisitiri w’ububanyi n’amahanga w’u Rwanda, Louise Mushikiwabo, yatangaje ko u Rwanda ruteganya gushyira ahagaragara urutonde rw’abayobozi bakuru muri politiki no mu gisirikare bagize uruhare muri jenoside. Si ubwa mbere abategetsi b’u Rwanda bashinja abasirikare bakuru b’Abafaransa kuba barakoranaga n’abakoze jenoside, ariko kuri iyi nshuro ubutabera bw’u Bufaransa nibwo bugiye gutuma byinshi mu bitarashyirwa ahagaragara noneho byihutishwa.

Ubu butabera bw’u Bufaransa buherutse gutangaza ko bugiye gusubukura dosiye y’ihanurwa ry’indege y’uwari perezida w’u Rwanda, Juvenal Habyarimana.

Nyuma y’uko iyi ndege ihanuwe kuwa 06 Mata 1994, Abatutsi n’Abahutu batavugaga rumwe n’ubutegetsi bahuye n’akaga katazibagirana, Abatutsi bahita bashinjwa kuba ari bo bishe Habyarimana. Hakaba harabaye ikiswe mu Gifaransa nka Incendie du Reichstag nk’uko byemejwe n’inzego z’ubutasi z’u Bufaransa ku ikubitiro mu 1994, zakekaga ko intagondwa z’Abahutu zishe umukuru wazo mbere y’uko yemera kugabana ubutegetsi.

interaha

Ibimenyetso by’uruhare rw’Abafaransa mu byabaye mu Rwanda ntaho utabisanga. Aha batozaga Interahamwe

Ariko mu buryo buteye amatsiko, ubutabera bw’u Bufaransa mu 1998 bwagize gutya buha umucamanza wakurikiranaga ibyaha by’iterabwoba, Jean-Louis Bruguière, ububasha bwo gukurikirana dosiye y’ihanurwa ry’indege ya Habyarimana yarimo n’abapilote 3 b’Abafaransa.

Louis Bruguière yahise afata icyerekezo gitandukanye n’ibyatangajwe na za nzego z’ubutasi z’u Bufaransa, atiriwe agera no mu Rwanda aho indege yaguye n’ibisigazwa byayo bikaba bigihari, nyuma y’imyaka 8 asohora urutonde rw’abayobozi bakuru 9 mu Rwanda bari mu buyobozi bwa FPR ngo bagize uruhare mu guhanura indege ya Habyarimana. Abahagaritse jenoside bashinjwa kuba ari bo batumye miliyoni y’abantu bicwa.

Mu by’ukuri nk’uko tubikesha Le Monde,  Bruguière ngo yaje asa nk’uje gutera ubwoba ariko abikorana ubuswa nk’umuntu utarize amategeko muri kaminuza. Ashinjwa kuba yarateze amatwi gusa abantu bahoze muri FPR, birukanwe cyangwa bavuyemo ku mpamvu zitandukanye, nabo bavuguruzanyaga mu buhamya bwabo.

Anashinjwa kandi kuba mu kumva aba batangabuhamya yarifashishije umusemuzi wahoze mu nzego z’ubutasi za Habyarimana, ndetse akaba yarafashijwe na Paul Barril ndetse kuri ubu ukurikiranwe n’urukiko rwa Paris harebwa uruhare rwe mu gufatanya n’abakoze jenoside.

Nyuma ya Bruguière, haje umusimbura, Marc Trévidic, ndetse uyu yaje no mu Rwanda akora iperereza rishingiye ku bisasu byarashwe indege, aho yaguye n’ibindi, yanzura ko ibi bisasu byaturutse mu kigo cya gisirikare cya Kanombe, aho FPR bitari kuyorohera kugera icyo gihe. Icyari gisigaye kikaba ari ugukuraho impapuro zo guta muri yombi ba bantu 9 bari abayobozi muri FPR bashinjwaga na Bruguière nubwo nyuma y’igihe gito hari abakigaragaza ko bataranyurwa.

Ubu noneho haje undi mucamanza witwa Jean-Marc Herbaut wasimbuye Trévidic kuri iyi dosiye, uyu ngo akaba ashaka gutega amatwi Kayumba Nyamwasa, wahoze ari umukuru w’inzego z’iperereza z’u Rwanda kuri ubu akaba ari mu buhungiro muri Afurika y’Epfo.

scan0002

Umusirikare w’u Bufaransa n’uw’Umunyarwanda ku rugamba muri za 90

Ese uyu mutangabuhamya arashaka kuvuga iki yahereye mu 2010 avuga ko yenda kuvuga ariko ntakivuge. Nk’uko ubuhamya bwa mbere yatangiye mu biro bya noteri muri Afurika y’Epfo buvuga, Kayumba ngo yamenye mu ijoro indege yarasiwemo ko byagizwemo uruhare n’abayobozi batatu ba FPR, barimo perezida Kagame abibwiwe n’umuntu yizera. Ibyo gusa.

Le Monde ivuga ko hagiye kongera kubaho guterana amagambo kutazageza ku kuri nyako, ndetse hakaba hibazwa icyo Afurika y’Epfo, iteganya kuva mu rukiko mpuzamahanga mpanabyaha, izafasha u Bufaransa bwasabye kuvugana na Kayumba kuva mu 2012 bwangirwa.

Ikindi nuko mu kwemererwa kuvugana n’uyu mutangabuhamya, bivugwa ko afite umwunganira mu mategeko ununganira uwari umugaba w’ingabo wa Mitterand mu 1994, umucamnaza Herbaut ashobora no gufungura agasunduku gahishemo uruhare rw’u Bufaransa mu byabaye mu Rwanda.

Kanda hano ujye ubona amakuru yihuse kandi kugihe kuri Facebook no kuri twitter

Dennis Ns./Bwiza.com

Amafoto: Minisitiri w’Intebe yatashye Ikigo cy’Icyitegererezo mu guca ihohoterwa

By Denis Nsengiyumva

Minisitiri w’intebe Anastase Murekezi, kuwa mbere tariki ya 28 Ugushyingo yayoboye umuhango wo gutaha ku mugaragaro ikigo cy’icyitegererezo kizajya gihurizwamo ibikorwa by’inzego z’umutekano za Afurika bigamije guca ihohoterwa rishingiye ku gitsina n’irikorerwa abana.

Iki kigo kiri ku cyicaro gikuru cya Polisi y’u Rwanda ku Kacyiru, ishyirwaho ryacyo rikaba ryaremejwe nk’umwe mu myanzuro y’ Itangazo ry’Inama Mpuzamahanga ya Kigali (KICD), aho ibihugu byemeje ko icyicaro cyacyo kigomba kuba i Kigali.

c-4

Kubaka iki kigo bikaba byaratwaye miliyoni zirenga 745 z’amafaranga y’u Rwanda, bigaterwa inkunga na Banki y’Isi.

Iki kigo kizafasha mu bushakashatsi ku byaha by’ihohoterwa rikorerwa abagore n’abana, gusangira ubumenyi n’ubunararibonye ndetse no guhanahana amakuru y’uburyo iryo hohoterwa ryacika, kubaka no kongera ubushobozi abanyamuryango, n’ibindi.

????????????????????????????????????

Afungura ku mugaragaro iki kigo, Minisitiri w’intebe yavuze ko ari ikimenyetso gikomeye kandi kigaragaza imikoranire myiza hagati y’ibihugu bya Afurika mu kurwanya ihohoterwa rishingiye ku gitsina n’irikorerwa abana.”

Yanashimiye abagize uruhare mu ishyirwaho n’iyubakwa ryacyo, anasaba ko cyazakoreshwa neza kugirango kigere ku ntego zacyo.

????????????????????????????????????

Yashimye by’umwihariko Banki y’Isi n’Umuryango w’Abibumbye  ku nkunga byatanze kugira ngo iki Kigo cyubakwe.

Yagize ati:” Iki gikorwa remezo cy’intangarugero gitashywe ku mugaragaro uyu munsi gikwiriye kubyazwa umusaruro. Inzego z’Umutekano ku mugabane wa Afurika zirasabwa kurangwa n’ubufatanye mu guca ihohoterwa rishingiye ku gitsina n’irikorerwa abana.”

????????????????????????????????????

Minisitiri w’Intebe yasabye kandi ibihugu by’ibinyamuryango bya KICD gutanga ubufasha bukenewe kugira ngo iki Kigo cy’icyitegererezo muri aka karere kigere ku  nshingano zacyo.

????????????????????????????????????

Igikorwa cyo kugitaha kitabiriwe n’abayobozi muri Guverinoma y’u Rwanda barimo Minisitiri w’Uburinganire n’Iterambere ry’Umuryango, Esperance Nyirasafari, Minisitiri w’Ingabo z’Igihugu, Gen. James Kabarebe n’Umuyobozi Mukuru wa Polisi y’u Rwanda, Inspector General of Police (IGP) Emmanuel K. Gasana.

Src:RNP

Kanda hano ujye ubona amakuru yihuse kandi kugihe kuri Facebook no kuri twitter

@bwiza.com

Burundi: Willy Nyamitwe yarusimbutse, umwe mu bamurindaga ahasiga ubuzima

By Nsengimana Jean

Ku mugoroba wo kuri uyu wa 28 Ugushyingu 2016, umujyanama mukuru wa Perezida Nkurunziza mu Burundi, Will Nyamitwe yibasiwe n’igico cy’abantu bitwaje intwaro ariko ku bw’amahirwe abasha kururokoka.

Amakuru atangazwa n’abo mu muryango we aravuga ko aba bantu bitwaje intwaro  bamutegeye mu gace asanzwe atuyemo ka Kajaga gaherereye mu Majyaruguru y’Uburengerazuba bw’umujyi wa Bujumbura, ubwo bamumenagaho urufaya rw’amasasu umwe mu bamurinda akaba ariwe wahasize ubuzima undi agakomereka.

Aya makuru yemejwe kandi n’umuvandimwe wa Will Nyamitwe ku rubuga rwa Twitter, aho yagize ati“icyubahiro ni icy’Imana, yo yarinze umuvandimwe wanjye Willy Nyamitwe ikindi gitero cy’ubwicanyi muri iri joro.”

I praise the Living God for keeping my brother @willynyamitwe tonight as he survived another assassination attempt. To Him, all the glory!🙏

— alain aimé (@nyamitwe) November 28, 2016


Willy Nyamitwe yibasiwe mu gihe hari hashize iminsi hari agahenge ku bari ku ruhande rwa Perezida Nkurunziza mu mujyi wa Bujumbura, ndetse hakaba nta n’undi muyobozi waherukaga kwicwa.

Kanda hano ujye ubona amakuru yihuse kandi kugihe kuri Facebook no kuri twitter

[email protected]

Ubuholandi bukomeje kugaragaza ubushake bwo gukorana n’u Rwanda mu iterambere

By Niyonsenga Schadrack

 

Umubano w’u Rwanda n’Ubuholandi ukomeje kuvomererwa, kuri ubu igihugu cy’Ubuholandi cyateye u Rwanda inkunga ingana n’amayero miliyoni 30 azafasha mu kuzamura imibereho y’abaturage iganisha ku iterambere.

Amasezerano yo gutanga iyo nkunga no kuyakira yashyizweho umukono na minisitiri w’imari n’igenamigambi mu Rwanda, Amb Gatete Claver n’Amabasaderi w’Ubuholandi mu Rwanda, , Frédérique de Man.

Minisitiri w’imari n’igena migambi yavuze ko aya mafarabga azafasha u Rwanda mu bikorwa bitandukanye birimo kwihaza mu biribwa, guteza imbere icyaro n’ibindi bigamije kuzamura imibereho y’Abanyarwanda.

Amb. Gatete Claver yagize ati “Iyi mpano u Rwanda rubonye izakoreshwa mu bikorwa byo guteza imbere abaturage binyuze mu kubegereza ibikorwa remezo bitandukanye mu turere batuyemo.”

Biteganyijwe ko mu gukoresha iyi nkunga buri karere ari ko kazagena ibyo kifuza ko byakorwa bijyanye n’ibikenewe byafasha abagatuyemo

Ambasaderi w’u Buholandi mu Rwanda we yatangaje ko igihugu ahagarariye kizakomeza gushyigikira u Rwanda mu bikorwa by’iterambere hibandwa ku byiyemejwe muri gahunda y’imbaturabukungu (EDPRS 2)

Umubano w’u Rwanda n’Ubuholandi ukomeje kuba mwiza mu rwego rw’ubukungu no mu butabera nyuma y’aho iki gihugu cyakomeje kugaragaza ubushake bwo gukurikirana bamwe mu banyarwanda bakihishemo basize bakoze Jenoside mu Rwanda kikabohereza bagacibwa imanza

Mu rwego rw’ubukungu, Ubuholandi bwakomeje kugaragaza ubushake bwo gukorana n’u Rwanda mu mishanga igamije kuzamura ubukungu cyane cyane mu buhinzi.

Kanda hano ujye ubona amakuru yihuse kandi kugihe kuri Facebook no kuri twitter

[email protected]

Ikibazo cy’amapfa yazengereje uburasirazuba mu nzira zo gukemuka burundu

By Niyonsenga Schadrack

Mu karere ka Ngoma hatangirijwe uburyo bwifujwe na benshi kuva kera nk’ubushobora guhangana n’ikibazo cy’ibura ry’imvura riteza igihombo abahinzi, Akarere ka Ngoma kuri ubu kavugwamo inzara yakuruwe n’amapfa katangirijwemo uburyo bushya bwo kuhira imyaka.

Kuhira imyaka bizafasha abahinzi kudategereza ko imvura igwa kugirango babone guhinga kuko no mu gihe cy’impeshyi abahinzi bazajya bakomeza guhina bakuhira imyaka yabo bakoresheje amazi bakurura mu biyaga n’imigezi.

Mu muhango wo gutangiza ku mugaragaro umushinga wo kuhira imyaka wakozwe na Kampani y’Abayapani yitwa KONOIKE, Umunyamabanga wa Leta muri minisiteri y’ubuhinzi n’ubworozi, Fulgence Nsengiyumva yavuze ko mu mezi ane gusa iki ubu buryo buraba bwatangiye gukoreshwa,

Fulgence Nsengiyumva yagize ati “Abahinzi bacu bari bari bafite akamenyero ko guhinga mu gihe cy’imvura gusa. uyu mushinga uziye igihe kuko ubu noneho guhinga bitazajya bigombera gutegereza ibihe runaka”

Ubusanzwe Abaturage bo mu karere ka Ngoma ubusanzwe bazwiho guhinga cyane imyaka irimo Amasaka, Ibigori, Ibishimbo ndetse n’imbuto zitandukanye.

Kuva mu mwaka wa 2011 imbuto zirimo izera mu karere ka Ngoma zazamuye umusaruro w’ibyoherezwa mu mahanga ku kigero cya 7% aho zinjiza amadorali y’Amerika angina na miliyoni 20.

Umushinga wo kuhira imyaka watangirijwe mu karere ka Ngoma uzuzura utwaye amafaranga angina n’Amadolari y’Amerika miliyoni 13, ni umushinga uzafasha abahinzi bo kuri hegitari 300, byitezwe ko niwozura uzafasha abahinzi bagera ku bihumbi 4700.

Kanda hano ujye ubona amakuru yihuse kandi kugihe kuri Facebook no kuri twitter

[email protected]

Minisitiri Murekezi yasabye abagize ihuriro ASEA gutahiriza umugozi umwe

By Nsengimana Jean

Kuri uyu wa 28 Ugushyingo 2016 ubwo hatangizwaga ku mugaragaro inama ngaruka mwaka y’ibihugu bihuriye mu ihuriro ry’ibigo by’imari n’imigabane muri Afurika ASEA ku nshuro ya 20, Minisitiri w’Intebe Anastase Murekezi yasabye abanyamuryango baryo gukorera hamwe bagahangana n’igabanuka ry’ubukungu mu rwego rw’isi rigenda rigaragara.

Mu izina rya Perezida wa Repubulika y’u Rwanda Paul Kagame, Minisitiri Murekezi yavuze ko icyo u Rwanda kimwe n’ibindi bihugu byiteze muri iyi nama ari ugutahiriza umugozi umwe hafatwa n’ingamba zatuma ibibazo bikigaragara ku isoko bikemuka.

Yagize ati” nta gihugu muri Afurika kihagije ku buryo cyabasha no guhaza amasoko y’ibindi bihugu bihahirana ku buryo burambye. Bityo rero, haba mu karere, ku mugabane ndetse no mu rwego rw’isi muri rusange, birakwiye gufatanya no gukorana ubuhahirane kuruta uko byari bisanzwe.”

Yakomeje avuga ko kongera ubufatanye bizafasha gukorera bamwe mu kumenyekanisha amasoko mu mu bihugu byo mu karere ndetse no kongera ibikorwa by’ubushoramari no guhanga udushya.

Yakomeje agira ati”inama nk’izi zizafasha ibihugu byo ku mugabane w’Afurika kwigirira icyizere, kugenda ikiganza  mu kindi mu kuzamura ubukungu, ibi bikaba bizongerera amahirwe n’icyizere cyo kudategereza inkunga z’amahanga.”

Kuva hajyaho iri huriro, ngo hamaze kubaho impinduka zidasanzwe mu bijyanye n’ubukungu mu bihugu bihuriyemo. Urugero nuko umusaruro mbumbe w’ubukungu muri 2015 wanganaga na 32.93% muri Kenya naho mu  Rwanda ari 48%.

Minisitiri Anastaze kandi yasabye abagize iri huriro kurebera hamwe ingingo n’amabwiriza yashingirwaho mu kubungabunga ubukungu bw’Afurika.

Kanda hano ujye ubona amakuru yihuse kandi kugihe kuri Facebook no kuri twitter

[email protected]

Ikibazo cy’amapfa ya hato na hato ku gihugu nk’u Rwanda giteye isoni

By THeoneste Itangishatse

Muri iyi minsi ishize havuzwe cyane ikibazo cy’amapfa yakurikiwe n’ibura ry’ibiryo bigaragara nk’ibidahagije ku isoko.

Ntabwo ariko twavuga ibi tutanavuze ko ibura ry’ibiryo ryaje cyangwa riza riherekeje cyangwa riherekeje kuba imifuka y’abaguzi iba imeze nk’iyatewe n’udutunzi!

Wibaza niba abantu bashobora kubaho gute mu gihe ibicuruzwa nkenerwa ku isoko bikomeje kubura [ Food shortages ] aho usanga ubwinshi bw’abaguzi buruta cyane ibicuruzwa, hamwe n’ibyo ugasanga iki kibazo kitabonewe umuti amaherezo kizaba agatereranzamba mu Rwanda.

kk

1.Bimwe mu bintu by’ingenzi Leta igomba kwitaho kuruta ibindi

˃Guhagurukira ikibazo cy’umuvuduko w’ubwiyongere bw’abaturage.

˃Kutumva ko ingamba zafashwe mu buhinzi ari kamara ku buryo zitasubirwamo bibaye ngombwa

˃Gusubizaho urwego rw’abarimu b’ubuhinzi [ Moniteur Agri].

˃Gushimangira umuco wo guhunika mu turere twose hamwe no kuvomera imyaka mu gihe cy’uruzuba.

˃Gushyiraho ikigega cy’igihugu gishinzwe kuzigamira amapfa mu gihe byaba ngombwa kikitabazwa nta gukererwa.

N’ibindi n’ibindi umuntu atarondora muri iyi nkuru. Bisa n’ibiteye isoni ku gihugu nk’u Rwanda cyamaze gutera imbere mu nzego zose ariko umuntu yabaza cyangwa yavuga ku kibazo cy’amapfa kuri bamwe kizira kikaziririzwa kuba yakwitwa inzara, ukibaza amaherezo ni ayahe!

Bisa n’ibyababaje imbaga kuba abantu baragiye aho bagaterana amagambo bapfa izina  cyangwa inyito y’ikibazo ariko bikarangira nta numwe werekanye ukuri kw’ibintu nuko ikibazo cyacyemuka burundu bitihe se ngo hagaragare uko aya mapfa yakumirwa amazi atararemga inkombe.

2.Mu gihe cy’amapfa abategetsi baba bakwiye kwiga uko bavuga n’amagambo bakoresha mu mbwirwaruhame zabo

Burya umutima ushonje ntakindi uba ushaka kumva kitari kuwukemurira ikibazo cyo kubona amafunguro.

Hanyuma ariko biba ikibazo iyo abashinzwe kubungabunga ubuzima bw’abantu mu bihe nk’ibi uba usanga bataranabona aho umuntu ashonje kuva babaho ahari.

U Rwanda rushobora kubaka ibikorwaremezo 1000 rukazamura amagorofa 5000 rukagura indege 100 ariko iki kibazo cy’amapfa kidakemutse tuzakomeza guhabwa urw’amenyo.

Iby’uko amapfa cyangwa uruzuba ruba rwaje rukibasira akarere kose ntacyo bivuze cyane kuko niba ahandi baba bafite ibindi bibazo bikomeye bashyira mu munzani bagasanga icy’inzara nticyabaraza badasinziriye, ndumva u Rwanda rutabifataho urugero rwo kubwira imbaga y’abantu baba bashonje.

  • Nawe se ikibazo cy’amapfa kikaza ugasanga abategetsi bibereye muri za El  Ninyo gusa !
  • Wabaza undi mutegetsi ukumva ngo na Malawi byaracitse nkaho uwo asubiza ari umunya Malawi!

Iyo uganiriye n’abantu bazi utuntu n’utundi usanga bibaza cyane ko bikwiye guhinduka, ku mikoreshereze y’ibishanga usanga Leta yarabyigaruriye bishobora gutuma abaturage bajuragizwa bakabura aho bikingizuba mu gihe amapfa yazuye umugara.

Byashoboka ko ku buso bw’ibishanga bihingwa hanazirikanwa kuzigama aho abaturage bashobora guhinga ibihingwa ngandurarugo.

Nta na rimwe tuzigera tubona abantu bishimye kandi badafite ibijumba, amateke,ibishyimbo n’ibindi wakwibaza ukuntu ibi byahingwa i musozi hatanahari ukumva harimo akabazo.

Nibyo koko politiki yo guhuza ubutaka ishobora kuba hari ibyiza ntagereranwa yazanye ariko na none kuba wahuza ubutaka ukanatwara ibishanga byose byari bitunze abaturage ntabwo aho byaba aribyo.

Nuko abantu bakarambura igihingwa kimwe amapfa akaza nacyo cyaramaze kugurwa na ba rwiyemezamirimo ejo bakakizanira abaguzi bagikubye incuro  3 harimo akabazo kagomba kwicarirwa.

Uko byagenda hakarebwe niba nta makosa cyangwa inyigo mbi zabaye muri izi gahunda zijyanye n’ubuhunzi n’ubworozi bituma muri make habaho inzara za hato na hato.

3.Ese kuki koko Leta itakoresha ingamba zo guhashya inzara nkizo yakoresheje ihashya indwara?

Zimwe mu ngamba Leta yakoresheje ihangana n’indwara nka Malaria n’izindi, birakwiye ko n’izindi Minisiteri zakazikoresheje zihangana n’ibibazo nk’ibi tuba tuvugaho.

Nkuko hejuru twabivuze ubu mu Rwanda hari abantu bitwa abajyanama b’ubuzima bakabakaba 50.000.

Ese ni mpamvu ki Leta itareba ukuntu yashyiraho amatsinda b’abajyanama b’ubuhinzi kandi hagashyirwamo ingufu nyinshi.

Na kera cyane ahagana muri za 1980 hahozeho abitwaga aba Moniteur Agri babaga bashinzwe kwigisha abahinzi mu giturage.

Aba bantu baramutse bagiyeho bahabwa amahugurwa afatika nkuko wa mujyanama w’ubuzima ashobora gutera  urushinge kandi batarize ubuganga.

ki

Ni nako abo bajyanama bashobora kuba bagira uruhare mu kazamura ubuhinzi ku mpamvu z’uko aba ba Agronomes b’imirenge n’utugari mu byukuri usanga ntacyo bageza ku Rwanda gifatika mu gihe cyose bagikorera mu biro.

Mu nkuru yacu itaha tuzavugana n’abahanga mu by’ubuhinzi batubwire uko babona ibintu kuko hagomba kubaho uguhuza kw’ibyo abaturage n’abatari inzobere mu buhinzi bavuga.

Ntabwo twagendera ku bivugwa n’abiyita inzobere gusa tudahuje imyumvire rusange y’abaturage kuko ibikorwa byose biba bikorerwa abaturage.

Nihabaho guhagurukira rimwe iki kibazo cy’amapfa bamwe batinyuka no kwita amazina atandukanye,nta kabuza iki kibazo kizarangira.

Ariko nta gikozwe abantu bazakomeza bitotombe abandi bahakane ko hariho ikibazo maze usange no gusobanura ko u Rwanda rutera imbere bise nk’ibigora bamwe kubyumva kubera utu tuntu twa kidobya duto kandi twakagombye kuba twarabonewe umuti.

Twe nk’itangazamakuru icyo tuba tugomba kureba n’uguhuza inzego z’ubuyobozi  n’abaturage tubereye jisho. Byongeye kandi ntitwagendera ku mvugo za politiki zagiye zivugwa cyane n’abayobozi bamwe basaga n’abahunga ukuri kuriho.

Ikindi, n’abanyarwanda duha amakuru bakwiye kumenya ko nta byacitse iba ihari kuko ntabwo ubuyobozi bwabo bubanga cyangwa ngo bube ntacyo buteganya, ukuyemo ko harubwo abatekinisiye ba Leta bakora inyigo nabi ibashaka gutuma abaturage bibaza byinshi.

Kanda hano ujye ubona amakuru yihuse kandi kugihe kuri Facebook no kuri twitter

David Marchal/Bwiza.com

Afurika y’Epfo: Abaminisitiri basabye Perezida Zuma kwegura mu maguru mashya

By Nsengimana Jean

Nyuma y’uko Perezida w’Afurika y’Epfo Jacob Zuma yanze kwishyura amafaranga ya leta ashinjwa na Guverinoma ye yakoresheje mu nyungu ze bwite ndetse n’ibibazo bya ruswa bimuvugwaho n’ibindi, kuri uyu wa mbere bamwe mu baminisitiri bo muri Guverinoma ye bamusabye kwegura ku mirimo ye bikiri mu maguru mashya.

Kuri uyu wa mbere tariki ya 28 Ugushyingo 2016, mu nama y’abagize ishyaka rya RNC yareberaga hamwe icyakorwa ngo Perezida Zuma abe yakwishyura ibyo asabwa, nibwo aba Baminisitiri barimo Minisitiri w’ubuzima Aaron Motsoaledi, Minisitiri w’ubukerarugendo Derek Hanekom ndetse na Minisitiri w’umurimo n’ibikorwa bya leta Thulas Nxesi basabye ko Perezida Zuma yakwegura ku mirimo ye hagashyirwaho undi uzayobora kugeza muri 2019 ubwo hateganyijwe amatora y’Umukuru w’igihugu ugomba kuzamusimbura.

Aba baminisitiri baje bakurikira abandi bayobozi batandukanye bari mu ishyaka riri ku buteretsi ndetse n’abakire bakomeye bari muri kiriya gihugu nabo bari baherutse gusaba ko Perezida Zuma yakwegura, ariko bakongeraho ko mu gihe atabikoze ku neza mu minsi itarambiranye baba bamaze gutora ugomba kumusimbura.

Mu minsi yashize, nibwo urukiko rukuru rwa kiriya gihugu rwasabye Perezida Zuma ubusobanuro ku byaha ashinjwa bya ruswa ariko kugeza na nubu akaba ntacyo aratangaza.

Perezida Zuma ashinjwa ibyaha bisaga 800 bishingiye kuri ruswa kuva yagera ku butegetsi birimo no kuvanga inyungu za politiki mu banyemali bibumbiye mu muryango wa Gupta. Ibi ngo bikaba byaragendeyemo amafaranga abarirwa muri za Miliyari z’Amadorali y’Amerika yaburiwe irengero.

Abahabwa amahirwe yo kuba basimbura Perezida Jacob Zuma ku buyobozi harimo n’uwahoze ari umugore we Nkosazana Dramini Zuma umuyobozi w’Afurika yunze Ubumwe, Perezida wungirije w’Afurika y’Epfo Cyril Ramaphosa ndetse na Zweli Mkhize, umubitsi wungirije w’ishyaka riri ku butegetsi rya RNC.

Kanda hano ujye ubona amakuru yihuse kandi kugihe kuri Facebook no kuri twitter

[email protected]

Uganda: Umunyamakuru watangaje imirwano ya Rwenzururu yatawe muri yombi

By Niyonsenga Schadrack

Polisi yo mu gihugu cya Uganda yafunze umunyamakuru wataye akanatangaza inkuru y’imirwano yahuje ingabo za leta n’abarinzi b’umwami Mumbere wa Rwenzururu yahitanye benshi ku wa 27 Ugushyingo 2016.

Umunyamakuru witwa Doreen Biira ukorera televiziyo ya KTN yo muri Uganda yafungiwe kuri sitasiyo ya polisi yo mu gace ka Rwenzori gaherereyemo ubwami bwa Rwenzururu azira gutara amakuru y’imirwano yahitanye ingabo za Uganda .. n’abarwanyi ba Rwenzururu,,

Umuvugizi wa polisi yo mu gace ka Rwenzori, Manshur Suwed yemeje ko Doreen yafatanywe n’abandi bantu batanu bazira gufata amashusho y’intambara batabyemerewe ubwo abasirikare ba leta barwanaga n’abarinzi b’umwami Bakonzo Wesley Mumbere.

Manshur Suwed yagize ati “Yafatiwe n’abapolisi mu ntambara kubera ko yari arimo gufata amashusho mu buryo butemewe n’amategeko  kuko itangazamakuru ryari ryakumiriwe gukoresha camera mu gutara inkuru”

Manshur Suwed yavuze ko Doreen Biira ari mu maboko ya polisi aho ari burekurwe nyuma na bagenzi be nibamara kwisobanura ku byo bashinjwa

Doreen Biira yatawe muri yombi ubwo yataraga amakuru ku ntambara yahuje ingabo za leta n’abarwanyi barinda umwami Mumbere.

Imirwano hagati y’ingabo za leta na Uganda n’abarinda umwami Mumbere yahitanye abasirikari 14 ba Uganda n’abarinzi b’umwami barenda 100. Abantu bagera kuri 200 barimo n’uyu mwami Mumbere kuri ubu nibo bamaze gutabwa muri yombi basira uruhare muri iyi mirwano.

Amashusho Doreen akurikiranwe ho yayashize no kurukuta rwe rwa Instagram.

Kanda hano ujye ubona amakuru yihuse kandi kugihe kuri Facebook no kuri twitter

[email protected]

Batunguwe n’amagambo babwiwe na pasiteri wabo utwite kandi adafite umugabo

By Niyonsenga Schadrack

Abakirisito ba Allen basohotse mu rusengero bagira bati “Turababaye ariko ubwo wenda we arumva bishimishije.” Abakirisitu bo muri New york batunguwe no kubona uwo bitaga umuyobozi w’idini ryabo ababwira ko anejejwe no kuba atwite impanga kandi adafite umugabo kuki atigeze ashaka.

Pasteri Desireé Allen  yabwiye abakirisitu ko yasambanye agasama inda atabiteguye ariko ko bitamuteye isona ndetse ko aticuza kuba yarakoze icyo cyaha

Kuri uyu wa 27 Ugushyingo nibwo uyu mugore utagira umugabo yavuze ko atwite inda y’impanga kandi ko adafite icyo kwishinja, yabwiye aba bakirisitu guhitamo gukomeza kumva ibyo ababwira no kumwizera kuko ngo yasamye inda mu buryo byamutunguye kandi akaba yari akeneye umwana.

Allen ni umuyobozi w’idini ryitwa First Corinthian Baptist riherereye mu mujyi wa New York, yabwiye abakirisitu ko yabanje gutinya kubabwira ko afite inda y’impanga ariko ngo yaje gusanga adakwiye kubahisha ko ari kwitegura konsa impanga.

Bibiliya ivuga ko igihe umuntu aguye mu cyaha aba agomba kwicisha bugufi agasaba Imana imbabazi, kwiha amahoro no kwiyumvisha ko nta cyaha wakoze ntibigukuraho kuba wagikoze.

Bamwe mu bakirisitu basengera mu idini rya Allen baganiriye n’uruba rwa gikirisitu rwandikirwa muri Amerika bavuze ko banze kwiteranya na urusengero gusa batangaza ko bababajwe bikomeye no kubona urugero rw’ubusambanyi umuyobozi wabo yadukanye.

Abandi bafashe iyi myitwarire ya Allen nko kwihagarararaho kugirango atiranya n’uwamuteye inda kuko we ngo n’ubusanzwe atari umukirisitu.

Kanda hano ujye ubona amakuru yihuse kandi kugihe kuri Facebook no kuri twitter

[email protected]

Urukiko rwa gisirikare rwa Nyamirambo rwasubitse urubanza ruregwamo Seyoboka Jean claude

By Nsengimana Jean

Kuri uyu wa 28 ugushyingo 2016, urukiko rw’ibanze rwa gisirikare rw’I Nyamirambo rwasubitse urubanza ruregwamo Sous Lieutenant Seyoboka uherutse koherezwa na Canada kuburanira mu Rwanda ku birego ashinjwa byo kugira uruhare muri Jenoside yo muri mata 1994.

 

Ubwo yageraga mu rukiko, abacamanza basanze uyu wahoze ari umusirikare ari wenyine nta wumwunganira afite kandi bari biteze ko agomba kuboneka.

Ubwo bamubazaga aho umwunganira ari, Seyoboka yavuze ko baherukana mu cyumweru gishize ariko ko gahunda yo kuza kumwunganira yari ayizi.

Naho ku kijyanye no kuba yaburana umwunganira adahari, Seyoboka yavuze ko atabasha kwiburanira yewe ko ari nubwa mbere ahagaze imbere y’ubucamanza. Ibi bikaba ari nabyo byatumye hafatwa umwanzuro wo gusubika uru rubanza ngo yongere ajye kureba umwunganira baganire.

Seyoboka woherejwe na leta ya Canada kuburanira mu Rwanda ku itariki ya 11 Ugushyingo 2016, yaburanishijwe n’urukiko rwa gisirikare kuko nawe gigeze kuba umusirikare mu ngabo z’uwahoze ari umukuru w’igihugu Habyarimana Juvenal ndetse na Jenoside ikaba yarabaye ari Umusirikare.

Ibi bikaba byakozwe hakurikijwe itegeko No.02/2012 ryo muri Kamena  2012 rivanaho inkiko Gacaca.

Uyu mugabo w’imyaka 50 y’amavuko kandi, ashinjwa ibyaha birimo kwica nk’icyaha kibasiye inyokomuntu, kurimbura imbaga y’Abatutsi ndetse no gukora Jenoside.

 Kanda hano ujye ubona amakuru yihuse kandi kugihe kuri Facebook no kuri twitter

@Bwiza.com

USA: Umunyarwanda, Evariste Munyensanga ngo yaba yarashimuswe n’abantu batazwi

By THeoneste Itangishatse

Munyensanga Evariste, ni umusore w’imyaka 29 y’amavuko, ni Umunyarwanda ukomoka mu karere ka Kamonyi umurenge wa Kayenzi, akagari ka Mataba umudugudu wa Kabana akaba yari amaze amezi agera kuri 5 aba muri Leta zunze ubumwe za Amerika, amakuru agera kuri Bwiza.com ni uko yashimuswe n’abantu batazwi.

Ku wa Gatanu taliki ya 18 Ugushyingo 2016, ahagana saa cyenda (3:00 PM ) z’amanywa, ngo nibwo uyu musore yashimuswe n’uwamutwaye mu modoka, gusa polisi yo mu ntara ya Maine ikaba irimo kumushakisha ariko ikaba yaramubuze.

Munyensanga yari atuye mu gace kitwa Munjoyhill mu mujyi wa Portland, uwo babanaga akaba avuga ko hari Umunyarwanda nawe uba muri USA wamuhaye lifuti (lift) mu modoka, kuva ubwo nta muntu ngo wongeye kumuca iryera.

Mu kiganiro Bwiza.com, yagiranye n’umubyeyi we (nyina umubyara), Nibayahore Ancille, utuye mu karere ka Kamonyi umurenge wa Kayenzi, akagali ka Mataba, umudugudu wa Kabana, n’agahinda kenshi, yatangaje ko aya makuru ari impamo, ko icyumweru n’igice bishize amenye ko umusore we yabuze koko.

Ati: “twahamagawe n’abantu b’iyo muri Amerika babanaga batubwira ko yaburiwe irengero, hashize icyumweru n’igice, tuzakomeza tubaze wenda azaboneka(…)”.

Ubwo umunyamakuru yamubazaga igihe baherukira kuvugana n’uyu musore wabo, yatangaje ko hashize ibyumweru bigera kuri bibiri ndetse ko nyuma yo kumenya ko yabuze batongeye kumubona kuri nimero bavuganagaho.

Muri Nyakanga uyu mwaka, nibwo kuri iki kinyamakuru, haciyeho inkuru ya Munyensanga Evariste, aho yashimiraga Leta y’u Rwanda ku bw’uruhare yagize mu kumuvuza indwara y’umutima yendaga kumuhitana, akaba yaravuriwe mu ivuriro ryitiriwe umwami Faisal i Kigali (King Faisal Hospital) n’abaganga b’inzobere bari baturutse muri Leta zunze ubumwe za Amerika.

By’umwihariko uyu musore akaba yaravugaga ko idini rye (Salvation Army) ritamwemerera kujya mu mashyaka ya politiki cyangwa gukina politiki, wenda ngo bibe byacyekwa ko ibura rye ryaba rifitanye isano n’ibikorwa bya politiki.

Aho yagize ati: “FPR yaramfashije igihe narindembye aba members bayo muri SFB (kaminuza yigagamo mu Rwanda) batanze contribution ifatika kurusha indi miryango yo muri SFB, nuko imyemerere yanjye itanyemera kujya mu mitwe ya politike nanjye niyo nakabayemo member kuko bakoze ibikomeye mu burwayi bwanjye”.

Uyu musore kandi akaba yarashimiraga Leta y’u Rwanda ku bw’umubano mwiza ifitanye n’amahanga, ati: “Mbere na mbere ndashima Leta y’u Rwanda iyobowe na President Paul Kagame ku bwo umubano mwiza dufitanye n’amahanga kuko bariya baganga bava USA, iyo ntamiyoborere myiza ntibarikwifuza kuza mu Rwanda(…)”.

Mu gihe ambasade y’u Rwanda muri USA, itaragira icyo itangaza kuri iri bura rya Evariste, Bwiza.com ikomeje gukurikirana iyi nkuru.

Amafoto ya Evariste Munyensanga:

nsanga nsanga2 nsanga3 nsanga4

Kanda hano ujye ubona amakuru yihuse kandi kugihe kuri Facebook no kuri twitter

Itangishatse Theoneste/bwiza.com

Umunsi wa gatandatu wa Shampiona wahiduye cyane urutonde rw’agateganyo

By Niyonsenga Schadrack

Rayon Sport ikomeje guca uduhigo dutandukanye muri AZAM Premier League 2016 aho imaze gukina imikino itandatu itaratsindwa umukino cyangwa igitego na kimwe, kuri ubu iyoboye urutonde rw’agateganyo n’amanota 16 n’ibitego 10

Kuva ku wa 23 Ugushyingo 2016 hakinwaga imikino y’umunsi wa gatandatu wa Shampiyona y’u Rwanda mu cyiciro cya mbere, ikipe nka Rayon Sport yakomeje guhagarara ku mwanya wayo naho Police FC yigira imbere ku rutonde rw’agateganyo.

Ikipe ya APR FC kuri ubu yo imaze kugira ibirarane bibiri n’amanota 8, iramutse itsinze iyi mikino yose yahita ifata umwanya wa kabiri ikarushwa na Rayon sport amanota 2

Police FC yo ubu iri ku mwanya wa kabiri ifite amanota 13 mu mikino 3.

Kugeza ubu umukinnyi uyoboye abandi mu gutsinda ibitego byinshi ni Danny Usengimana wa police FC wabigezeho nyuma yo gutsinda ibitego 3 mu mukino umwe wabahuje na Musanze FC, akurikiwe na Kambali Salita Gentil na Kwizera Pierrot bose bafite ibitego 5.

Ku wa Gatatu taliki 23 Ugushyingo 2016
AS Kigali 1-0 Gicumbi Fc

Ku wa Gatandatu taliki 26 Ugushyingo 2016
Rayon Sports 1-0 Bugesera Fc
Espoir Fc 2-0 Mukura VS
Marines Fc 0-1 Amagaju Fc

Ku cyumweru taliki 27 Ugushyingo 2016
Musanze Fc 1-3 Police Fc
Kirehe Fc 0-0 SC Kiyovu
Etincelles Fc 1-0 Sunrise Fc

Umukino wagombaga guhuza Pepiniere Fc na APR Fc wo wimuriwe ku wa 14 Ukuboza 2016

Uko Urutonde rw’agateganyo ruhagaze

UMWANYA IKIPE AMANOTA IMIKINO
1 Rayon Sport 16 6
2 Police FC 13 6
3 Etencelles FC 12 6

 

Ikipe ya Pepiniere FC na Marines FC ziracyaza inyuma ziganya inota rimwe gusa

Kanda hano ujye ubona amakuru yihuse kandi kugihe kuri Facebook no kuri twitter

[email protected]

Kenya: Raila Odinga yikomye Perezida Museveni ku ifungwa ry’Abarundi baroba muri Victoria

By Nsengimana Jean

Nyuma y’uko bamwe mu barobyi bo mu gihugu cya Kenya batawe muri yombi ndetse bakaba bafungiye muri Uganda bashinjwa kurenga imbibi no kuvogera Uganda baroba mu kiyaga cya Victoria, Raila Odinga utavuga rumwe n’ishyaka riri ku butegetsi muri Kenya yasabye Perezida Museveni kurekura abo barobyi ndetse akanabaha uburenganzira bwo kuroba muri kiriya kiyaga kuko kitari icy’igihugu kimwe cyangwa bibiri kuko gihuriweho n’akarere.

Mu ijambo rye yagejeje ku baturage ba Kenya mu mpera z’icyumweru gishize, Raila Odinga yagize ati”amafi yo mu kiyaga cya Victoria arasa. Ni kuki Perezida Museveni atinyuka kudufungira abarobyi kandi nabo ari bamwe mu bakora ubucuruzi mu karere. Amazi cyangwa amafi yo ku ruhande rwa Uganda ntasa ukwayo ku buryo yadufungira abarobyi ngo bamurobeye amafi.”

Ni mu gihe leta ya uganda yo ikunze guta muri yombi abarobyi bo muri kenya baza bakurikiye amafi mu kiyaga cya victoria, bakarenga imbibi bakinjira muri uganda. Raila Odinga we avuga ko amazi ari amwe, amafi ari amwe bityo ko Uganda igomba kurekura abarobyi ba kenya iherutse gufunga.

Gusa Odinga we avuga ko byaba byiza habayeho kumvikana ku mpande zombi mu rwego rwo kunoza umubano aho gukomeza gupfa ibintu nabo batazi uko byaje, nta kwikomana ngo bamwe begereye imbibi z’abandi n’ibindi.

Mu kwezi gushize kw’Ukwakira, inzego z’umutekano za Uganda zafunze abarobyi 2 bo muri Kenya, mu kwezi kwa munani uyu mwaka nanone abasaga 36 nabo bafungiwe muri Uganda, mu gihe muri 2014 hafunzwe abandi bagera kuri 12.

Kanda hano ujye ubona amakuru yihuse kandi kugihe kuri Facebook no kuri twitter

[email protected]

RDC: Abantu 35 bishwe n’inyeshyamba

By THeoneste Itangishatse

Kuri iki cyumweru tariki ya 27 Ugushyingo 2016, nibwo inyeshyamba za Maï-Maï zishe abaturage 35 ubwo zagabaga ibitero mu gace ka Luhanga, muri teritwari ya Lubero (Nord-Kivu).

Sosiyeti sivile muri utu duce, niyo yatangaje iyi mibare ko ari abasivile 35 bishwe ndetse n’inyeshyamba imwe muri izi zari zagabye igitero (Maï-Maï).

M. Bokele, umuyobozi wa Teritwari ya Lubero, aganira na AFP, yatangaje ko izi nyeshyamba zagabye igitero mu masaha y’urukerera, zibigaba ku birindiro by’ingabo za Leta ya Congo (FARDC), by’umwihariko ubwo barwanaga n’izo ngabo za Leta ngo abandi baciye hirya bakagenda bica abasivile.

CEPADHO, umuryango uharanira uburenganzira bw’ikiremwamuntu ukorera muri RDC, watangaje ko ubu bwicanyi bwakorewe abasivile ari ikimenyetso kigaragaza uhohoterwa rikabije ryakorewe ikiremwamuntu.

Ukaba usaba ko habakorwa iperereza hagafatirwa ibihano inzego za gisirikare n’iza gisivile zari zifite mu nshingano kurinda aba basivile zikagira uburangare .

Kanda hano ujye ubona amakuru yihuse kandi kugihe kuri Facebook no kuri twitter

Itangishatse Théoneste/Bwiza.com

Urubyiruko rwa Kiliziya Gatulika rwasabwe gukora ibyubaka igihugu birinda amacakubiri

By Niyonsenga Schadrack

 

Minisitiri w’ubutegetsi bw’igihugu, Kaboneka Francis yasabye urubyiruko rwo mu itorero rya Kiliziya Gatulika gukora ibikorwa byafasha u Rwanda gukomeza gutera imbere kandi bakirinda amacakubiri bakanayarinda Abanyarwanda bose.

Ibi minisitiri Kaboneka yabibasabye kuri uyu wa 26 Ugushyingo mu kiganiro yagejeje ku rubyiruko rwa kiliziya Gatulika rwibumbiye mu Ihuriro Yabibabwiye ryabereye i Rwamagana muri gahunda isanzwe ikorwa na Kiliziya Gatulika.

Minisitiri Kaboneka yasabye aba basore n’inkumi kwirinda ubunebwe, ibiyobyabwenge ndetse n’icyo ari cyo cyise cyahembera amacakubiri mu Rwanda

Minisitiri Kaboneka yagize ati “Nkuko muri hano nk’abakristu mu kwiye kurangwa n’ibikorwa by’urukundo birimo gufasha abatishoboye kandi mukirinda icyo aricyo cyose cyatuma musubiza inyuma u Rwanda mu iterambere.”

Abasore n’inkumi bahawe iki kiganiro bemeza ko bungutse byinshi birimo kwirinda guhemuka, kutaba abanebwe, kubanira neza sosiyete, kugira inama bagenzi babo baba batannye.

Guhuriza hamwe urubyiriko rwa Kiliziya Gaturika biri muri gahunda y’iri igamije kuruha torero inyigisho za gikristu ndetse no kubigisha ibindi bibafasha mu mibereho yabo ya buri munsi nko kubategura kuzavamo abayobozi beza b’ejo hazaza.

Kanda hano ujye ubona amakuru yihuse kandi kugihe kuri Facebook no kuri twitter

@bwiza.com

U Bwongereza buratangira kuburanisha abanyarwanda 5 bakekwaho uruhare muri Jenoside

By Nsengimana Jean

Kuri uyu wambere, rukuru rwa leta y’u bungereza rugiye gutangira kumva urubanza rw’abagabo 5 b’Abanyarwanda bakekwaho uruhare muri Jenoside yakorewe Abatutsi muri Mata 1994.

Aba banyarwanda bafatiwe mu gihugu cy’u Bwongereza guhera mu mwaka wa 2013 ku busabe bw’u Rwanda, ariko u bwongereza bwanga kubohereza mu Rwanda buvuga ko batahabonera ubutabera buboneye nk’ubwo babonerayo.

Mu mwaka wa shize wa 2015, nibwo u Rwanda rwagaragaje ko rufite imbaraga zo kuburanisha aba bagabo 5 barimo Dr Vincent Bajinya, Celestin Mutabaruka wahoze ari umupasiteri, ndetse n’abandi bagabo 3 barimo Celestin Ugirashebuja, Charles Munyaneza, ndetse na Emmanuel Nteziryayo bahoze ari abayobozi b’uturere, ariko u Bwongereza bukavuga ko aribwo buzabiburanishiriza kugira ngo bubashe kubakurikirana neza.

Ubusabe bw’u Rwanda ku gushaka kuburanisha aba bagabo 5 bashinjwa uruhare muri Jenoside, bwamaze igihe ariko buza kwangwa ku bufatanye n’ibihugu bibihangange birimo Amerika, Canada, Netheland ndetse na Norvege. Ibi bihugu bikaba baranze ubusabe bw’u Rwanda bivuga ko nubwo rusanzwe rwakira abafatiwe hanze nta cyizere ko aba bazabona uburabera buboneye mu Rwanda.

Biteganyijwe ko iki gikorwa cyo kumva aba bagabo kizamara iminsi 8 humvwa umwe ku wundi.

Ni nyuma y’uko itsinda ry’abarokotse Jenoside baba mu gihugu cy’u Bwongereza ryitwa URUMURI rivuze ko guhera mu mwaka yashize u Bwongereza bwagiye busaba kuburanisha abakekwaho ibyaha bya Jenoside mu Rwanda ariko ubutabera ntibubakurikirane neza kuko ngo bakomezaga kwidegembya.

Iri tsinda ryagize riti”niba u Bwongereza bwanze kubohereza mu Rwanda, nibubaburanishirizeyo. Ariko nibukomeza kubareka bakidegembya, buzaba buri kubangamira inzira y’Ubumwe n’Ubwiyunge bw’Abanyarwanda.

Ibyo bashinjwa:

Vincent Bajinya uzwi nka Brown ashinjwa gutea inkunga itegurwa rya Jenoside, gukorsns n’Interahamwe no gubiba amacakubiri n’inzangano mu banyarwanda byari bigamije gukangurira Abahutu kwica Abatutsi. Yafatiwe mu gihugu cy’u bwongereza mu mujyi wa Islington aho yabaga.

Celestin Mutabaruka- uyu yari Pasiteri mu itorero ry’Abapentekote. Ashinjwa kurebera no kugira rarhare mu iyicwa ry’abasaga 20.000 barimo abagabo n’abagore ndetse n’abana, barimo n’abishwe urw’agashinyaguro babanje gukurwamo amaso mbere yo kwicwa. YAfatiwe nawe mu gihugu cy’u bwongereza mu mujyi wa Kent

Charles Munyaneza- yahoze ari umuyobozi wa komini Kinyamakara mu cyahoze ari Gikongoro (Nyamagabe y’ubu). Uyu nawe ashinjwa uruhare mu itegurwa n’ishyirwa mu bikorwa rya Jenoside, ndetse no kuba yarishe Abatutsi bo akabata mu mugezi wa mwogo bamwe ababagishije ibyuma. Yafatiwe mu mujyi wa Bedford mu Bwongereza.

Celestin Ugirashebuja- Yahoze ari umuyobozi wa Komini Kigoma muri Perefegitura ya Gitarama. Uyu nawe ashinjwa uruhare mu itegurwa n’ishyirwa mu bikorwa rya jenoside yakorewe Abatutsi mu karere yayoboraga. Ashinjwa kandi koshya Abatutsi  akoresheje amayeri ngo bave aho babaga bihishe kugirango bicwe, nyuma agategeka abasirikare bo mu gace yabaga arimo kwica Abatutsi. Yafatiwe mu Bwongereza mu mujyi wa Walton.

 

Emmanuel Nteziryayo– yahoze ari umuyobozi wa Komini Mudasomwa muri perefegitura ya Gikongoro. Nawe ashinjwa kurebera, gutegura ndetse no gushyira mu bikorwa Jenoside yakorewe Abatutsi mu gace yayoboraga. Ashinjwa kuyobora udutsiko tw’abicanyi twibasiraga Abatutsi. Ashinjwa kandi kugendera ku mazina atari aye kuva yagera mu gihugu cy’u Bwongereza mu mijyi itandukanye ya Wythenshawe ndetse na Manchester, aho yitwaga Emmanuel Ndikumana ndetse akajya asaba uburenganzira bwe nk’Umurundi.

 

[email protected]

❌