WebRwanda.com

🔒
❌
There are new available articles, click to refresh the page.
Today — July 20th 2017Showbizz

Mu myiteguro,irebere uko abaturage b’inyamirambo biteguye kwakira perezida Paul Kagame nk’umukandida wa RPF

By Uwizera Richard

Perezida wa repubulika y’u Rwanda Paul Kagame biteganyijwe ko ari busure abaturage batuye inyamirambo mugikorwa cyo kwiyamamaza nk’umukandida uhagarariye RPF inkotanyi.

Biteganyijwe ko Paul Kagame ari busure abaturage b’Inyamirambo avuye mu karere ka Rulindo  mu gikorwa cyo kwiyamamaza.amafoto:

abanyamuryango ba RPF inkotanyi

 

 

aha ni kuri 40

urubyiruko rw’anyamirambo

 

658 total views, 658 views today

Ibi bintu wabikoze utabizi none byatumye abakobwa bagukunda utabikekaga

By Uwizera Richard

urukundo rujya aho rushatse kandi igihe rushakiye,imico y’umuntu hari abo ikurura benshi kandi batandukanye yaba myiza cyangwa se mibi,musore ushobora gukora ibintu utabizi bigatuma bamwe mu bakobwa bagukunda kandi utabikekaga.

 

Dore bimwe mu bintu abasore bakora batabizi bagashiduka barakunzwe nabakobwa batagira ingano

 

Gukunda kwica akajisho unamwenyurira abakobwa

Kwicira akajisho umukobwa ni bimwe mu bikorwa bituma umukorwa abonako uri umuntu ukunda gusabana utagira isoni dore ko hari abahungu baba bumva atakicira akajisho umukobwa runaka bityo rero iyo wiciye akajisho umukobwa waba umusuhuza cyangwa uri kumubwira indi gahunda mwaba mufitanye noneho ukabikora uri no kumwenyura neza bikurura umukobwa kuba yagukunda kubera hari inkuta zimwe na zimwe uba ufunguye mu mutima we.

kutiyemera cyangwa ngo wishyire hejuru mbese ukaganiriza buri mukobwa  utitaye ngo ninde.

Ibi ni bimwe mu bituma abakobwa bagukunda cyane kuko baba babona ntacyo ubatwaye bakugereranyije n’abandi bahungu babona hirya no hino baba biyemeye kandi akenshi ugasanga ntanicyo bigejejeho cyane bityo kukuba uganiriza buri mukobwa neza utitaye ngo ninde cyangwa ngo aturuka he. ibi bituma ukundwa n’abakobwa kubera umutima wawe mwiza ufite kandi udahwema kubagaragariza.

Kwitabira Gym cyane ukubaka umubiri

Burya abantu benshi bajya mu cyumba bakoreramo siporo (Gym) binangira bumva ko ntakigaragara Gym yongera kumubiri ndetse imyitozo bakayikora bigiza nkana gusa ugasanga mu gihe gito utangiye kubaka umubiri kandi abakobwa babikunda kuba babona umusore afite amatuza ndetse no munda yarazanye icyo benshi bita 6 packs mu ndimi zamahanga bityo rero ugasanga abakobwa barakwwifuza kubera imiterere yawe myiza.

kugira inama zubaka abakobwa mu gihe hari uwahuye n’akabazo runaka

Inama zubaka ni kimwe mu bintu byigenzi abakobwa bakunda kugira kandi wibuke ko umukobwa adakunda ko umukobwa mugenzi  we amugira inama ku kibazo yagize bityo mu gihe wowe uhaye umukobwa umwanya ukamuganiriza ukamugira inama zubaka n’ikibazo afite kigacyemuka neza, ariko ibyo byose ukaba wabikoze wikinira wumva ko ntakindi ugamije gusa umukobwa ugiriye inama agukunda kurushaho kuko akenshi agira ngo uri kubikora umukunda wenda wagize isoni zo kubimubwira bityo akagukunda cyane.

Kuvuga neza mu mvugo y’uje ikinyabupfura kandi ituje

abakobwa n’abantu bakunda umuntu wiyubashye kandi utavuga menshi bityo iyo uganira n’abakobwa ukavuga gacye mu mvugo nziza irimo ikinyabupfura nk’umwana warezwe bituma abakobwa bagukunda kuko baba bumvako uri umwana mwiza ntamafuti menshi ugira ndetse bakumva ko ufite uburere bityo bakakugirira urukundo kuko baziko abahungu bateye gutyo ari mbarwa.

 

312 total views, 312 views today

Nyaruguru: Babiri batawe muri yombi bakekwaho kwica umuntu bamutemye>>

By Rwanda Paparazzi

Abagabo babiri bo mu Murenge wa Mata mu karere ka Nyaruguru bari mu maboko ya Polisi y’Igihugu bakekwaho icyaha cyo kwica mugenzi wabo bamutemaguye.

Ladislas Nzarubara w’imyaka 39 y’amavuko yari asanzwe atuye mu muduguduwa Ramba, akagari ka Ramba, akaba yishwe atemaguwe mu mutwe, umurambo we bawusanga mu nzira.

Amakuru aturuka mu murenge wa Mata avuga ko taliki ya 18 Nyakanga 2017, Nzarubara yari yagiranye amakimbirane n’abandi bagabo babiri mu kabari bapfa umukobwa, umwe ababajwe nuko undi amuvugishije.

Umuvugizi wa Polisi mu Ntara y’Amajyepfo, IP Emmanuel Kayigi, yabwiye itangazamakuru ko abo bagabo babiri batawe muri yombi bakekwaho kwica Nzarubara.

IP Kayigi ati “Twafashe abagabo babiri bakekwa ko ari bo babikoze kuko bari batonganiye mu kabari bapfa umukobwa, bari kumwe basangirira mu kabari baza kugirana amakimbirane baratongana ndetse bagera n’aho bashaka kurwana ariko biba ngombwa ko abaturage babakiranura, ubwo rero abantu bibwiye ikibazo kirangiye, ariko ubuhamya butangwa n’abantu buvuga ko abo bagabo bamukurikiye atashye ari na byo bigaragaza ko aribo baba baramutemaguye”.

“Ikindi kigaragara ni uko umuhoro wumwe muri abo bagabo twawusanze mu rugo uriho amaraso bagerageje kuwoza ariko ntiyashiraho, kandi icyo gihe bakimbirana yari awufite mu kabari. Ibyo rero bikaba impamvu zituma tubakeka ko aribo bakoze ubu bwicanyi”.

Abo bagabo batawe muri yombi bafungiye kuri sitasiyo ya Polisi ya Polisi ya Mata, naho umurambo wa Nzarubara wajyanwe ku bitaro bya Munini gukorerwa isuzuma.
IP Kayigi yasabye abaturage kwitwararika bakirinda amakimbirane, igihe bagiranye ikibazo bakitabaza ubuyobozi bukabafasha kugikemura.

Yasabye abaturage kujya batanga amakuru igihe babonye hari abafitanye amakimbirane kugira ngo akemurwe atarabyara ibindi bibazo.

Abo bagabo batawe muri yombi bagiye gukorerwa dosiye bashyikirizwe ubutabera, baramutse bahamwe n’icyo cyaha cy’ubwicanyi bahanishwa igifungo cya burundu nk’uko amategeko abiteganya.

[email protected]

1,180 total views, 1,180 views today

Bidasubirwaho Olivier Karekezi yemejwe nk’umutoza wa Rayon Sports

By Rwanda Paparazzi

Rayon Sports yamaze kwemeza Olivier Karekezi nk’umutoza mukuru w’iyi kipe ugiye kuyitoza mu gihe kiri imbere.

Aya makuru yemejwe na Perezida wa Rayon Sports, Gacinya Chance Denis, mu kiganiro yagiranye na Radio 10 kuri uyu wa Kane, tariki ya 20 Nyakanga 2017.

Olivier Karekezi wabonye ‘License A’ ya UEFA mu 2014 ariko agakomeza gutoza amakipe y’abana muri Suède asimbuye Masoudi Djuma uheruka gusezera muri iyi kipe yari amazemo imyaka ibiri, agasiga ayihesheje igikombe cy’Amahoro n’icya Shampiyona.

twagerageza kuvugana n’ubuyobozi bwa Rayon Sports ku bijyanye n’ibikubiye mu masezerano uyu mutoza yahawe.

Karekezi wabaye rutahizamu ngenderwaho mu Rwanda yubatse amateka akomeye nk’umukinnyi mu Mavubi no muri APR FC yakiniye kuva (1998 – 2004), yanakiniye amakipe arimo Helsinborg (2005-2007) Hamarkameratene (2007-09), Östers IF (2010-2011), agaruka muri APR FC (2011-12), Club athlétique Bizertin (2012-13), Trelleborgs FF (2014) asoreza muri Råå Idrottsförening.

Posted by janvier Romeo kuri Rwandapaparazzi.rw/ Kigali

1,800 total views, 1,800 views today

Nyaruguru: Umurambo w’umugabo watoraguwe mu mugezi>>

By Rwanda Paparazzi

Umurambo wa Vianney Nsengimana w’imyaka 68 y’amavuko watoraguwe mu mazi mu mugezi wa Akariba uherereye mu kagari ka Nyamabuye mu murenge wa Mata.

Vianney Nsengimana yari asanzwe atuye mu mudugudu wa Nyacyondo, akagari ka Nyamabuye, mu Murenge wa Mata, mu karere ka Nyaruguru, umurambo we ukaba watoraguwe mu mazi ku wa 18 Nyakanga 2017.

Amakuru aturuka mu kagari yari atuyemo, avuga ko mbere yuko bamusanga mu mazi yapfuye, yari yiriwe mu rugo ariko ku mugoroba aza gutembera anyura no mu kabari ahanywa inzoga.

Umunyamabanga Nshingwabikorwa w’Umurenge wa Mata, André Maniriho, yemeje amakuru y’urwo rupfu avuga ko kugeza ubu hataramenyekana icyo yazize, kuko bamusanze nta gikomere na kimwe afite cyangwa se ikindi kimenyetso kigaragaza icyamwishe.

Yagize ati “Amakuru twamenye avuga ko yatashye mu masaha akuze, ariko yari yanyuze ahantu mu kabari aranywa, ariko abamubonye bavuga ko atanyoye cyane ku buryo ari byo byamwishe, yapfuye nijoro, kugeza ubu biracyari mu iperereza hashakishwa ibimenyetso mu buryo butandukanye”.

Umurambo wa Nsengimana ukimara gutoragurwa wahise ujyanwa mu bitaro bya Munini, kugira ngo ukorerwe isuzuma, bikaba biteganyijwe ko ushyingurwa kuri uyu wa Kane.

Nsengimana yari umugabo wubatse ufite umugore n’abana.

[email protected]

1,270 total views, 1,270 views today

RIP: Umubyeyi wa Zari yapfuye kumyaka 58 y’amavuko

By Uwizera Richard

 

Muri ikigitondo ni bwo umunyamideri ukomeye cyane mu igihugu cya Uganda Zari Hassan yanditse ubutumwa bw’akababaro kurukuta rwe rwa Instagram asaba imana guha iruhuko ridashira umubyeyi we yakundaga cyane.

Harima Hassan  umubyeyi wa zari

Halima Hassan umubyeyi  wa zari, yari amaze igihe kirenga ukwezi ari mubitaro kubera indwara y’umutima yari amaranye igihe kirekire.ibi  bibaye nyuma yuko mukwezi gushije uyu mubyeyi yavanywe mubitaro agacyurwa murugo bizeye ko yorohewe.

Nyuma nibwo yongeye gufatwa n’iyindwara maze ajyanwa mubitaro byahitwa Nakasero ikitaraganya kugirango yongere yitabweho n’abaganga,gusa yaje gushiramo umwuka abaganga bakigerageza kuba bakurikirana ubuzima bwe.

Mubutumwa zari yatangarije kuri Instagram yagize ati”ni agahinda gakomeye kumuryango wanjye ndabamenyesha urupfu rw’umubyeyi wanjye nakundaga cyane witabye imana muri iki gitondo,reka roho ye ikomeze iturize mu mahoro kandi ndasaba allah kumubabarira ibyaha byose maze amwijyanire ahera.tuzahora iteka tumukunda nk’abana be.mama sinzira neza”

Reka natwe tumusabire iruhuko ridashira kandi n’umuryango usigaye ukomeze kwihangana.

 

367 total views, 367 views today

Dore icyo abaturage bo mu karere ka kamonyi basaba Perezida uzatorwa>>

By Rwanda Paparazzi

Umuhanda wa Rugobagoba – Nyamiyaga – Rukunguri uhuza Kamonyi na Ruhango ukoreshwa n’abaturage benshi kandi ufitiye inyungu benshi, bifuza ko washyirwamo kaburimbo. Kiri mu by’ibanze abatuye aka gace basaba Perezida uzatorwa.

Abaturage muri aka gace bifuza ko umuhanda ubahuza na Ruhango watunganywa

Abaturage muri aka gace bifuza ko umuhanda ubahuza na Ruhango watunganywa

Abaturage mu mirenge ya Gacurabwenge, Nyamiyaga, Rugarika na Mugina bakoresha kenshi uyu muhanda bavuga ko abayobozi b’Akarere basimburanye bagiye bemera gukora uyu muhanda ariko bagasoza manda zabo uzakozwe.

Ibyishaka Francoise wo mu Mudugudu wa Ruyumba, Akagari ka Kaburimbo,  Umurenge wa Nyamiyaga, avuga ko  Umukandida  bifuza gutora agomba kwita kuri iki kibazo cy’umuhanda kandi ngo akawushyiramo kaburimbo kuko ucamo imodoka nini, zitwaye imitwaro iremereye.

Yagize ati “Uyu muhanda ufitiye akamaro abaturage batari bake kubera ko abenshi bahahira muri aka gace, ni naho abubaka mu Mujyi wa Kigali bavana amabuye meza n’imicanga.”

Bisengimana Jean Damascène wo mu murenge wa Mugina avuga ko ubu bishimira cyane ko begerejwe ibikorwa birimo amashanyarazi, amazi meza, amavuriro ndetse n’amashuri y’imyaka icyenda na 12.

Bisengimana ati “Mbere ya Jenoside  yakorewe abatutsi mu 1994 insinga z’amashanyarazi zanyuraga hejuru y’amazu yacu, kwiga no kwivuza byari ibibazo ubu byinshi muri ibi twarabibonye, igisigaye ni umuhanda wa kaburimbo.”

Abaturage bo mu mirenge ya Ngamba, Kayenzi, Karama na Kayumbu nabo bagiye bagaragaza ko bafite ikibazo cy’ibikorwa remezo birimo imihanda myiza, amazi meza n’amashanyarazi nabyo bitaragera kuri benshi.

Bakifuza ko Perezida uzatorwa ibi yabishyiramo imbaraga nabo bakiteza imbere kurushaho.

Umuhanda uhuza Kamonyi na Ruhango abaturage basaba uzatorwa kuwushyiramo kaburimbo

Umuhanda uhuza Kamonyi na Ruhango abaturage basaba uzatorwa kuwushyiramo kaburimbo

Imbuto y’imyumbati

Emeritha Mukanyonga we avuga ko imbuto y’imyumbati ari cyo kibazo gihangayikishije abaturage muri aka gace gahinga cyane imyumbati.

Mu myaka nk’ibiri ishize aha habaye ikibazo cy’imbuto z’imyumbati zagiye ziba mbi zigahombera abazihinze ntibasarure.

Uruganda rutunganya imyumbati rwo mu karere ka Ruhango  nabo bashoragaho iyabo rwabigizemo ikibazo gikomeye cyo kubura umusaruro ukenewe ngo rutange umusaruro narwo rwitezweho.

Bisengimana Damascène nawe arasaba Umukandida Perezida kubakorera umuhanda

Bisengimana Damascène nawe arasaba Umukandida Perezida kubakorera umuhanda

Aba bifuza ko uzatorwa yabafasha imbuto y'imyumbati ikaboneka.

Aba bifuza ko uzatorwa yabafasha imbuto y’imyumbati ikaboneka.

[email protected]

1,010 total views, 1,010 views today

Muhanga: Umusore yakubiswe agirwa intere nyuma yo gukekwaho kugerageza kwiba imyumbati:AMAFOTO>>

By Rwanda Paparazzi

Mu gitondo cyo ku wa Gatatu, mu mujyi wa Muhanga ahazwi nko mu Kivoka ,umusore utari ufite ibyangombwa ariko akavuga ko yitwa Habimana Leonard yarakubiswe aranakomeretswa bamuziza ko yafashwe ashaka kwiba umufuka w’imyumbati ku modoka bapakururaga.

Uyu musore wakubiswe ashinjwa gushaka kwiba agafuka k’imyumbati, byagaragaraga ko yakomerekejwe, abamufashe babwiye itangazamakuru ko yafashwe yivanze n’abandi bakarani (abakora akazi ko kwikorera imizigo).

Umutangabuhamya wari uhari ati :”uyu muntu ni ukuvuga ngo yari atwaye agafuka k’imyumbati, bamugaruye bamukubise inshyi 2 bamushyizemo urwa 3 aho kugira ngo agende agwa arwana aterura ibuye, bwa mbere bararimwambura noneho agarutse ahita afata umugabo nyir’imyumbati amukubita umugeri, amukubise umugeri undi nawe amukubita ingumi noneho aramufata neza umugabo nyir’imyumbati ni we umukubise umugeri hariya ku munwa ahita aba kuriya turaza turabakiza”.

Ushinjwa kwiba akaba na nyir’ugukomeretswa uvuga ko asanzwe ari umukarani ukora ikiraka cyo kwikorera aho akibonye aho mu Kivoka kuberako nta shyirahamwe abarizwamo, yavuze ko umwe mu bakarani yamusabye guterura agafuka karimo nk’ibiro 5 akagashyira ku rubaraza, undi wari uri mu modoka yamubona agahita amanukamo amubaza impamvu akahateretse agahita atangira gukubitwa inshyi n’abandi bose bagahita baza bamukubitagura mu mutwe.

Umwe mu bashyirwa mu majwi ko bamukubise ni uwavugaga ko ari umuyobozi, gusa n’ubwo yanze gutangaza amazina ye n’icyo akora mu buyobozi, uwakubiswe yavuze ko amuzi ku izina rya Birori akaba ari umucuruzi mu Kivoka. Aho avuga ko ngo yaje ataje nkushaka kumva ikibazo ngo agikemure ahubwo akaza ashaka kumufata nk’umunyacyaha.

Uyu wakubiswe nyuma yo kumarana umwanya munini n’abaturage, yatwawe n’ abashinzwe umutekano mu modoka yabo.

[email protected]

2,020 total views, 2,020 views today

Dr Frank Habineza n’abarwanashyaka be bateje umuvundo wa bantu benshi muri Kigali:AMAFOTO>>

By Paparazzi

Mu gitondo cyo kuri uyu wa 19 Nyakanga 2017, Dr Frank Habineza uri guhatanira kuba Perezida yavuye mu modoka ashungerwa n’abamotari ndetse n’abanyonzi biteza umuvundo ukomeye mu murenge wa Kimironko, akarere ka Gasabo.ibi kandi ntabwo byahagarariye aha kuko uyu mukandida n’abarwanashyaka be bakomeje kugenda baririmba n’akarasisi k’abamotari bafite ibirango by’ishyaka mu mihanda ya Kigali bava Kimironko berekeza Nyabugogo.

 

Ubwo Dr Frank Habineza yerekezaga mu karere ka Rulindo na Nyabihu aho yari agiye gukomereza ibikorwa bye byo kwiyamamaza nk’umukandida uri guhatana ku mwanya wa Perezida wa Repubulika y’u Rwanda mu matora ateganijwe muri kanama uyu mwaka, yageze mu murenge wa Kimironko ahakorera ishyaka riharanira Demukarasi n’ibidukikije mu Rwanda, akiva mu modoka yakirwa n’abamotari benshi bivanzemo n’abanyonzi bari baje kwirebera uyu mugabo ushaka kuba Perezida, ibintu byataje umuvundo ukomeye mu muhanda.

Aba bamotari bafatanyaga n’abarwanashyaka ba Green Party mu kuririmba indirimbo zitaka ibigwi by’ishyaka ndetse banavuga ko bazatora Dr Frank Habineza.

Kuri uyu wa Gataty Frank Habineza yakomereje ibikorwa bye byo kwiyamamaza mu karere ka Rulindo, Umurenge wa Base aho yavuye yerekeza mu Ntara y’Uburasirazuba mu karere ka Nyabihu ahitwa muri Vunga. 

Posted by Alex Masha kuri Rwandapaparazzi.rw Kgli

3,520 total views, 3,520 views today

Tanzania: Inzara iri mu Nkambi ya Nduta yatumye impunzi z’Abarundi zisaga 15,000 ziyemeza gutaha

By Rwanda Paparazzi

Ikibazo cy’inzara irangwa mu nkambi z’impunzi muri Tanzania cyatumye imiryango irenga 3,000 y’Abarundi bahungiye mu nkambi ya Nduta muri Tanzaniya kuri ubu imaze kwiyandisha ishaka gutahuka. 

Urutonde zifuza gutahuka mu gihugu cy’amavukiro rumanitse mu kigo cy’ukuriye iyo nkambi.

Urwo rutonde rugaragaraho imiryango 3,048. Harimo imiryango irimo umuntu umwe cangwa abarenga batandatu, bityo bigatuma abantu bose hamwe bari kuri urwo rutonde barenga ibihumbi 15.

Abavuganye n’Ijwi ry’Amerika dukesha iyi nkuru bavuga ko inzara ariyo yatumye bajya kwiyandikisha ngo basubire mu Burundi.

Nubwo bimeze gutyo ariko,  hari n’abandi bavuga ko batarumva ko batekanye mu mitima yabo ku buryo bataha mu gihugu cyabo.

izo mpunzi zisaga 15,000 zafashe ingingo yo gusaba gutaha ziganjemo iziba aho bita muma zone, kuva mu ya 9 kugeza muri zone ya 21.

Ayo mazone akaba ari ayagiyemo impunzi z’Abarundi zahunze kuva mu mpera z’umwaka ushize wa 2016.

Nkuko bivugwa na bamwe mu bayoboye abandi, muri aba higanjemo abakomeje gushishikariza abandi gutaha kuva bakihagera. ari naho izindi mpunzi zishingira zikeka ko bahunze bafite undi mugambi nk’uko iyi nkuru ivuga. Kugeza ubu ntiharamenyekana igihe izi mpunzi zizacyurirwa, aho zizaruhukira n’imfashanyo zizahabwa.

Mu ntangiriro z’iki cyumweru, iyi nkambi ya Nduta icumbikiye impunzi 126,000, yasuwe n’abahagarariye ibiro by’umuhuza mu bibazo by’u Burundi, abahagarariye A.U ndetse na EAC.

Aba bakaba baremereye impunzi zose ishaka gutaha ko zizafashwa mu minsi ya mbere nizimara kugera mu gihugu. Abatifuza gutaha nabo bakaba baremerewe kurindwa kandi bizezwa ko nta muntu uzabacyura ku ngufu kuko ari uburenganzira bwabo.

Kawera [email protected]

1,440 total views, 1,440 views today

Aline Gahongayire n’umugabo we bitabye urukiko rubasaba kwiyunga barinangira!! INKURU>>>

By Paparazzi

Kuri uyu wa Gatatu tariki 19 Nyakanga 2017 Aline Gahongayire n’umugabo we Gahima Gabriel, bitabye urukiko rw’ibanze rwa Kacyiru ruherereye i Kibagabaga mu karere ka Gasabo, batangira kuburana mu rubanza rwo gushaka gatanya. Urukiko rwabasabye kwiyunga ariko barubera ibamba, bamaramaza gukomeza inzira yo gutandukana burundu byemewe n’amategeko.

Mu masaha y’igicamunsi cyo kuri uyu wa Gatatu, nibwo Gahima Gabriel na Gahongayire Aline bitabye urukiko, bakaba ari n’ubwa mbere bari bitabye baburanishwa ku bijyanye n’ubutane bwabo, dore ko n’ubundi bamaze igihe gisaba imyaka ibiri batabana, buri umwe yibana ukwe.

Nk’uko imanza z’ubutane zisanzwe zigenda, Aline Gahongayire na Gahima Gabriel, kuko bari bitabye urukiko bwa mbere, babanje gusabwa ko bakwiyunga bagakomeza kubana n’amasezerano y’ubutane bwabo akagumaho. Nyuma yo kubyanga ariko, urukiko rwanzuye ko bazongera kurwitaba mu mezi atatu ari imbere, bikaba biteganyijwe ko bazitaba mu kwezi k’Ukwakira 2017.

Nyuma yo kwitaba urukiko, Gahima Gabriel twamubajije iby’uru rubanza ariko yavuze ko nta kintu na kimwe yifuza kubivugaho. Twagerageje no kuvugana na Aline Gahongayire ku murongo wa telefone ariko ntibyadukundiye.

Muri Nzeri umwaka ushize, nibwo Aline Gahongayire yeruye ku mugaragaro ko yatandukanye n’umugabo we n’ubwo batarabona gatanya byemewe n’amategeko. Icyo gihe yagize ati: “Impamvu natandukanye na we, ni uko byanze burundu, byaranze ntabwo twumvikanye, ntabwo turi abanzi ariko ntabwo twumvikanye. Ngasanga rero, iyo udakunze ubuzima bwawe ntawe uzabugukundira, ntabwo nzahisha ibyo bintu… Hari abagabo benshi batagifite ubwo bugabo kubera abagore babo babananiye, ni byiza ko nikunda, abanyarwanda ntabwo turagira ya sisitemu (system) yo kwikunda… Ngo ndacyahisha, ngo niko zubakwa, oya! Ijuru rya mbere rizaba mu mutima wanjye hanyuma ribe ahandi. Meze neza, ndatuje, ndi umunyamugisha kandi nzi neza ko uwahoze ari umugabo wanjye Gahima Gabriel, azabona undi nanjye nzabona undi turacyari bato.”

JPEG - 42.1 kb

Icyo gihe ibijyanye n’uko akiri muto kandi azashaka undi mugabo, Aline Gahongayire yabigarutseho cyane, ashimangira ko mu mpera z’umwaka ushize wa 2016 ari bwo yujuje imyaka 30 y’amavuko. Yagize ati: “Ndacyari mutoya, mu kwezi kwa 12 nzuzuza imyaka 30 ariko buriya ntabwo ubungubu byihutira kuko hari ibisebe bikeneye gukira muri njye, hari n’ubundi buhamya Imana igomba kunyubakira ariko nyine ntabwo nzabaho njyenyine kuko ndi umunyamugisha, ntabwo ndi mubi Imana izampa undi… nzabona undi mugabo ntabwo nzakomeza kubaho gutya… Undi mugabo nzamushaka, ko nkiri muto se! Nkeneye kubyara, nkeneye kuba nyina w’amahanga, humura undi mugabo nzamushaka, nako ntabwo nzamushaka azanshaka.”

Posted by Uwineza Vanessa kuri Rwandapaparazzi.rw Bujumbura

4,000 total views, 4,000 views today

Nyina wa Zari yitabye Imana ku myaka 58 y’amavuko!!! INKURU>>>

By Paparazzi

Uyu mubyeyi yitabye Imana amaze ukwezi kurenga mu bitaro kubera indwara y’umutima yari amaranye igihe. Mu mezi abiri ashize, Zari yahuye n’ibyago apfusha uwahoze ari umugabo we Ivan Ssemwanga waguye muri Afurika y’Epfo azize indwara yo guturika kw’imitsi yo mu mutwe.

Zari Hassan ni umwe mu bagore b’abaherwe mu bazwi mu by’imyidagaduro mu karere ka Afurika y’i Burasirazuba. Yahoze ari umuririmbyi ariko aza kubihagarika. Kumenyekana kwe byaturutse ku gushakana n’umuherwe Ivan Ssemwanga nyuma akamuta akajya kubana n’umuhanzi Diamond Platnumz.

Umunyamideli ukomeye muri Uganda, Zari Hassan yanditse ku rukuta rwa Instagram ubutumwa bwuzuye agahinda, asaba Imana guha iruhuko ridashira umubyeyi we witabye Imana yakundaga cyane.

Umubyeyi wa Zari azize indwara y’umutima

Zari wari umaze iminsi ari mu bihe bigoye no guhangayika gukomeye kubera uburwayi bwa nyina, yanditse agira ati “Ni agahinda n’akababaro mu muryango wacu gutangaza urupfu rw’umubyeyi twakundaga cyane wapfuye mu gitondo cyo kuri uyu wa kane [Tariki ya 20 Nyakanga 2017]; Imana ikubabarire ibyaha byose kandi iguhe iruhuko ridashira…Iteka ryose uzakomeza ukundwe n’abana bawe..Turagushimira ibyiza byose wadukoreye.Tuzahora tukwibuka Mama…Uruhukire mu mahoro.”

Posted by Alex Masha kuri Rwandapaparazzi.rw Kgli

2,980 total views, 2,980 views today

Biteye isoni!! Umuhanzikazi Cindy yavugishije abantu amagambo kubera ifoto yashyize yambaye ubusa:IFOTO>>

By Rwanda Paparazzi

Umuririmbyi ukomeye muri Uganda, Cindy Sanyu, kuri ubu yateje impagarara mu bafana be, biturutse ku ifoto yashyize hanze yambaye ubusa igice cyo hejuru kuri uyu wa 18 Nyakanga 2017.

Cindy Sanyu yahoze aririmba mu itsinda ryubatse amateka muri Uganda rya Blue 3, yari arihuriyemo na Jackie Chandiru ndetse na Lilian Mbabazi ukomoka mu Rwanda.
Uyu mukobwa yakunzwe mu ndirimbo zitandukanye zirimo “Ndi Mukodo”, « Dat Dat », « Sample Dat », «Ndi Mukodo », « Ayokyayokya » n’izindi.

Mu gitondo cyo kuri uyuwa Kabiri tariki ya 18 Nyakanga 2017 Cindy yashyize kuri Facebook ifoto imugaragaza yambaye ubusa igice cyo hejuru, yanze kwerekana amabere ye maze ayahisha akoresheje ibiganza gusa.

Uyu muhanzikazi wari uherutse kugarikwaho mu bitangazamakuru, ashinjwa gukuramo inda, yavugishije benshi kubera iyi foto yambaye ubusa hejuru

Mu bavuze kuri iyi foto ya Cindy Sanyu higanjemo abamunenze bavuga ko ‘bidakwiye kubona umubyeyi w’Umunyafurika yiyambika ubusa’, abandi bakamubaza ‘icyo azabwira Imana ku munsi w’urubanza’.

Abakunzi be n’abamukurikirana, bagiye bamuvugaho byinshi, bibanda kumuhamiriza ko bidakwiye ko yakitwara gutya

Cindy Sanyu asohoye iyi foto nyuma y’uko mu myaka yashize ikinyamakuru Red Pepper cyashyize hanze amafoto y’uyu mugore yambaye ubusa, aya yafashwe n’umwe mu bagabo bagiranye na we ibihe byiza mu rukundo.

Cindy aheruka kuza mu Mujyi wa Kigali aho yakoreye igitaramo yishimirwa mu buryo bukomeye kubera ubuhanga bwe, yaririmbiye muri Kigali Serena Hotel mu ijoro ryo ku wa Gatanu tariki ya 30 Nzeri 2016.

Kawera [email protected]/ UG

10,070 total views, 3,910 views today

Zimbabwe: Umubyeyi yakubise umwana we w’umukobwa kugeza amwishe amuziza gusambana n’umuhungu atamwatse uburenganzira>>

By Rwanda Paparazzi

Umubyeyi w’umugabo yahondaguye umukobwa we w’imyaka 15 kugeza amwishe amuziza gusambana n’umuhungu wari inshuti ye atabanje kubisabira uburenganzira nk’uko bitangazwa n’igipolisi cyo muri Zimbabwe.

Photo(Internet)

Igipolisi cya Zimbabwe muri Midlands kivuga ko kiri gushakisha uyu mugabo wiyiciye umwana witwa Benjamin Mpanduki, nyuma yo gushinjwa kwica umukobwa we, Pamela Believer Mpanduki.

Nyina w’uyu mwana witwa Loraite Mupasa, wari uri mu rugo ubwo umukobwa we yicwaga, nta cyaha na kimwe akurikiranweho nk’uko iyi nkuru ikomeza ivuga. Ni mu gihe umugabo we akurikiranweho icyaha cy’ubwicanyi.

Uyu mugabo rero kuva yakwica umukobwa we yahise ahunga ku buryo atarafatwa, aho igipolisi gisaba buri wese waba azi aho aherereye yahavuga.

Nk’uko ibyavuye mu iperereza rya polisi bivuga, ngo Benjamin yahaye gasopo umukobwa we amubuza gukomeza gukururana n’umukunzi we mu gihe ababyeyi be bataramwemerera kuba yakora imibonano mpuzabitsina atarashaka.

Kuwa kabiri w’icyumweru gishize ahagana saa tatu z’ijoro, Pamela ngo yatashye mu rugo asanga se yariye karungu atangira kumushinja ko yari ari kumwe n’uwo muhungu bakundanaga.

Umugabo yahise asingira inkoni atangira gukubita umukobwa we kugeza ubwo aguye igihumure. Ubwo umugore we yajyaga kureba umukobwa we bucyeye bwaho, yasanze atagihumeka, ahita ahamagara ubufasha, ariko byari byarangiye.

Kawera [email protected]

6,070 total views, 2,230 views today

Nairobi: Amafoto agaragaza ibikorwa by’urukozasoni byabaye muri kamwe mu tubyiniro two muri uyu mujyi yatumye bahagereranya na sodoma na gomora:AMAFOTO HANO>>

By Rwanda Paparazzi

Akabyiniro gakomeye gakorera mu mujyi rwagati wa Nairobi ho mu gihugu cya kenya kagereranyijwe na sodoma na gomora kubera amafoto bashyize ku rukuta rwako rwa facebook agaragaza ibikorwa biteye isoni byari byaraye bikabereyemo.


Ikinyamakuru Dailypost gikorera mu gihugu cya Kenya dukesha iyi nkuru gikomeza kivuga ko ibi byabaye nyuma y’ikirori cyari cyabereye muri aka kabyiniro kiswe ” Twerk Weekend” cyaje kugaragaramo ibikorwa byagereranyijwe n’ubusazi bitewe n’ibikorwa byakorewe muri iki kirori nkuko bigaragara mu mafoto.


Ku rukuta rwa Facebook rw’aka ba byiniro hagaragara amwe mu mafoto yagiye afatwa agaragaza uko iki kirori cyari kimeze. gusa nkuko mubibona aya mafoto ni amwe muyagaragazaga ibikorwa byahaberaga ariko si ko ibyahabereye byose ariko babashije gufatwa amafoto cyangwa se n’amashusho yabyo dore ko burya akenshi biba bitanemewe no gukoresha ibikoresho bifata amashushu mu kabyiniro abantu baje kwishimisha.


Muri rusange ku isi hose urubyiruko ndetse na bamwe mu bakuze bakunda kujya mu tubyiniro kujya kugabanya strees nkuko babyemeza gusa ibihabera byose siko ari byiza dore ko hari nabahahurira n’ingorane nyinshi zishobora no kubashora mu mibonana mpuzabtsinda idakingiye bikaba byanabaviramo no kwandura agakoko gatera sida.

Posted by Janvier Romeo kuri Rwandapaparazzi.rw

11,990 total views, 3,830 views today

Kenya: 3 bakatiwe igihano cy’urupfu nyuma yo gufata ku ngufu no kwambika ubusa umugore mu modoka itwara abagenzi>>

By Rwanda Paparazzi

Kuri uyu wa gatatu abagabo batatu b’Abanya-Kenya bakatiwe igihano cy’urupfu nyuma yo guhamywa ibyaha byo gufata ku ngufu umugore, bakamwambika ubusa mu modoka itwara abagenzi no kumwiba ibyo yari afite byose.

Aba bagabo bakoze ibi byaha muri 2014, ni uwitwa Nicholas Mwangi watwaraga imodoka itwara abagenzi, Meshack Mwangi wari ‘Convoyeur ‘ n’undi witwa Edward Ndung’u bahamijwe icyaha cy’ubujura bukoresheje ikiboko  n’icyaha cyo guhohotera no gufata ku ngufu.

Aba bagabo kandi bari bahawe n’igihano cyo gufungwa imyaka 25 ku cyaha cyo gufata ku ngufu no gusambanya ariko gihita kiburizwa n’igihano cy’urupfu bahanishijwe ku cyaha cy’ubujura bukoresheje ikiboko.

Umugore wahohotewe yabwiye urukiko ko muri bus itwara abagenzi hari harimo abagabo bagera kuri barindwi bose bashakaga kumusambanya ariko ngo abababeshya ko afite ubwandu bw’agakoko gatera SIDA.

Amashusho y’aya marorerwa aba bagabo bakoreye uyu mubyeyi yafatishijwe telephone igendanwa yakwirakwije ku mbuga nkoranyambaga.

Aya mashusho yatumye mu gihugu cya Kenya abagore ibihumbi birara mu mihanda bamagana ayo mabi yari yakorewe mugenzi wabo.

Bimwe mu byo aba bagabo bambuye uyu mugore, birimo amashilingi yo muri Kenya angina na 10 200 na 102 USD.

Ngo banamutwaye telephone yo mu bwoko bwa Samsung Galaxy ifite agaciro 270 USD, bamutwara icupa ry’umubavu (Perfume), n’agakapu karimo ibindi bikoresho byari bifite agaciro 417 USD.

Ibi byabaye mu ijoro ryo ku wa 19 rishyira 20 Nzeri 2014 mu murwa mukuru wa Nairobi kuri station ya Essence.

Kawera [email protected]

6,780 total views, 1,450 views today

Cyamunara y’ikariso ya Madonna yahagaritswe>

By Rwanda Paparazzi

Cyamunara y’ikariso ya cyera ya Madonna n’ibaruwa y’urukundo yandikiwe na Tupac Shakur yari iteganyijwe kuri uyu wa gatatu i New York yahagaritswe ku busabe bw’uyu muhanzi w’icyamamare.

Tupac na Madonna ni abahanzi bamamaye cyane ku rwego rw’isi, Tupac we yarapfuye ariko ibye biracyahabwa agaciro n’abamukunze akiriho nk’uko bivugwa n’ikinyamakuru nbcnews.

Uyu munsi i New York kompanyi yitwa Gotta Have It Collectibles yari bugurishe muri cyamunara ikariso ya Madonna, igisokozo yasokoresheje imisatsi ndetse n’ibaruwa y’urukundo yigeze kwandikirwa na Tupac Shakur bakundanyeho, utundi tuntu 22 twa Madonna.

Umucamanza wo mu rukiko rw’ikirenga rwa Manhattan yategetse kuwa kabiri nijoro ko iyi cyamunara itaba.

Madonna mu minsi yashize yari yasabye urukiko kubihagarika kuko yababajwe cyane no kumenya ko hari ibintu byahoze ari ibye bigiye kugurishwa, birimo n’ibaruwa yandikiwe na Tupac ngo atari azi ko itakiri mu byo yabitse.

Madonna yavuze ko kuba ari icyamamare bitavanaho ko ubuzima bwe bwihariye burengerwa.

Yavuze ko yamenye ko hakoreshejwe gusuma DNA bakamenya ko ikariso n’ibyo bisokozo n’ibindi byose bashakaga gucuruza ari ibye. Ariko ko bibabaje kuba abantu baramupimye kugira ngo bamucururize iby’umwihariko we ku karubanda.

Ibaruwa yandikiwe na Tupac Shakur yo ubu yari igeze ku gaciro ka $400,000 (agera kuri miliyoni 330Frw). Tupac na Madonna bakundanyeho mu ntangiriro za 1990, ariko Tupac apfa arashwe mu 1996.

Usibye ikariso ye, hari andi mafoto y’umwihariko we yafatiwe aho yari atuye muri Miami yari bugurishwe muri iyi cyamunara n’ibindi bintu binyuranye birimo za cassettes na tapes zitigeze zisohoka.

Madonna akeka ko uwagurishije ibi bintu ari umuntu wahoze acunga inzu ye witwa  Darlene Lutz gusa we arabihakana.

Madonna ubu akaba ari gusaba inkiko ko zimusubiza ibi bintu bye bya kera akongera akabibika.

[email protected]

14,050 total views, 1,300 views today

Ndashakako mu myaka 7 iri imbere Nyabugogo iba nshya –Perezida Kagame

By Rwanda Paparazzi

Mu gitondo cyo kuri uyu wa 19 Nyakanga mu bikorwa byo kwiyamamaza Perezida Kagame yanyuze Nyabugogo kuramukanya n’abaturage benshi cyane baje kumwakira. Yabwiye imbaga y’abantu benshi cyane baje kumusanganirayo ko mu myaka irindwi iri imbere yifuza ko Nyabugogo iba nshya igakomeza gutanga imirimo.

Perezida Kagame ageza ijambo ku mbaga y'abari bamutegereje Nyabugogo

Perezida Kagame ageza ijambo ku mbaga y’abari bamutegereje Nyabugogo

Perezida Kagame yavuze ko hari abantu bakorera muri Nyabugogo bo mu bihugu bya Uganda, Kenya, Burundi na Tanzania. Ko aha hantu ari ikimenyetso ko u Rwanda rukura rugatera imbere kandi rushaka gufatanya n’abaturanyi.

Perezida Kagame yashimiye abakorera Nyabugogo imirimo myizabahakorera y’ubucuruzi n’ibindi.

Ati “Nahoraga nyura hano mukansuhuza, none nifuje ko mbere y’uko njya ahandi nanyura hano nkabasuhuza.”

Perezida Kagame yababwiye ko ari umukandida wa FPR ariko unashyigikiwe n’andi mashyaka agera ku munani, abizeza ko kumuhitamo kuya 4 Kanama ari uguhitamo gukomeza kubaka igihugu, gukomeza amajyambere, gukomeza kunguka.

Yavuye aha ahita akomereza i Mayange mu Bugesera aho ari buve akagaruka i Gahanga ya Kicukiro aho abaturage benshi bazindutse bajya kwakira uyu mukandida.

Nyabugogo hari abantu ibihumbi nka birindwi baje kumwakira muri iki gitondo. Ku muhanda iganayo no kugera imbere y’inyubako bita ku mashyirahamwe hari abantu benshi cyane bashyigikiye Umukandida wa RPF-Inkotanyi.

Uwamahoro Angelique ufite imyaka 32 waje kwakira umukuru w’Igihugu i Nyabugogo avuga ko yaje kuramutsa intore izirusha intambwe kuko yamugejeje kuri byinshi birimo iterambere n’imibereho myiza.

Ngabonziza Elie waturutse mu Gatsata avuga ko yizeye insinzi ya Paul Kagame ndetse ko yifuza ko azakomeza kubageza ku majyambere akomeje kubagezaho.

Ati "Najyaga nyura hano mukandamutsa none nanjye ndahanyuze ngo mbaramutse"

Ati “Najyaga nyura hano mukandamutsa none nanjye ndahanyuze ngo mbaramutse”

Abantu bari uruvunganzoka baje kwakira Perezida Kagame muri Nyabugogo

Abantu bari uruvunganzoka baje kwakira Perezida Kagame muri Nyabugogo

Perezida Kagame yari kumwe na Minisitiri Nsengimana, Umuyobozi w'Akarere ka Nyarugenge Kayisime na Minisitiri Uwacu

Perezida Kagame yari kumwe na Minisitiri Nsengimana, Umuyobozi w’Akarere ka Nyarugenge Kayisime na Minisitiri Uwacu

Abantu ibihumbi birenga birindwi bari Nyabugogo kwakira Paul Kagame

Abantu ibihumbi birenga birindwi bari Nyabugogo kwakira Paul Kagame

Nyabugogo ngo ni ikimenyetso cy'uko u Rwanda rwifuza ubufatanye n'abaturanyi

Nyabugogo ngo ni ikimenyetso cy’uko u Rwanda rwifuza ubufatanye n’abaturanyi

Bamweretse ko bamukunda ari benshi

Bamweretse ko bamukunda ari benshi

Abantu bari benshi cyane baje kwakira umukandida wa FPR Nyabugogo

Abantu bari benshi cyane baje kwakira umukandida wa FPR Nyabugogo

Buri wese mu bushobozi bwe yaje kumushyigikira

Buri wese mu bushobozi bwe yaje kumushyigikira


[email protected]

8,180 total views, 530 views today

Nyabugogo: Imbaga y’abaturage yitabiriye igikorwa cyo kwamamaza Perezida Kagame:AMAFOTO>>

By Rwanda Paparazzi
Ku munsi wa Gatanu wo kwamamaza umukandida wa FPR Inkotanyi,Perezida Paul Kagame mu gikorwa kigiye kubera mu karere ka Nyarugenge i Nyabugogo, kugeza ubu abaturage ibihumbi n’ibihumbi bamaze kugera ahagomba kubera iki gikorwa.

NYABUGOGO: Birashyushye aho imbaga y’abaturage yitabiriye igikorwa cyo kwamamaza Perezida Kagame-AMAFOTO

 Kuri uyu wa Gatatu tariki 19 Nyakanga 2017 ni bwo Perezida Paul Kagame ategerejwe i Nyabugogo muri gahunda yo kwiyamamariza k’umwanya w’umukuru w’igihugu mu matora azaba tariki 3-4 Kanama 2017.

Umunyamakuru wacu wageze mu gitondo cya kare i Nyabugogo hafi n’ahazwi nko kwa Mutangana, yasanze abaturage ibihumbi bahagaze i Nyabugogo kuva ku Mashyirahamwe kugeza hafi y’aho Polisi ikorera, aho bari mu byishimo bikomeye byo kwakira Perezida Kagame, aho bari barimo baririmba, babyina,bamuvuga ibigwi.

Kugeza imihanda yose ijya i Nyabugogo irafunze, kujyayo bikaba bisaba gutega moto nabwo ikakugeza hafi y’aho. Mu muhanda Remera-Nyabugogo, akanyamuneza ki kose ku baturage barimo kujya i Nyabugogo kwakira umukuru w’igihugu. Biteganyijwe ko Perezida Kagame ava i Nyabugogo yerekeza muri Bugesera agasoreza i Kicukiro.

REBA MU MAFOTO UKO BIMEZE I NYABUGOGO

Paul Kagame

RPF Inkotanyi

Baramamaza Paul Kagame bavuga ko ari we ubereye u Rwanda

RPF Inkotanyi

Abarwanashyaka ba PL nabo bashyigikiye umukandida wa FPR Inkotanyi

FPR InkotanyiRPF InkotanyiRPF Inkotanyi

Baracinya akadiho bavuga ibigwi Perezida Kagame

Paul KagameFPR Inkotanyi

Bishop Innocent Nzeyimana (wambaye ikositimu y’ubururu) ari mu bari kwamamaza Perezida Kagame

FPR InkotanyiFPR InkotanyiFPR InkotanyiFPR Inkotanyi

Iki gikorwa cyabereye i Nyabugogo mbere yuko Perzida Kagame ajya mu Bugesera

[email protected]

8,380 total views, 520 views today

Dore ibintu 15 umusore wese ugiye gutereta akwiye kumenya ku bakobwa niba atifuza kubengwa rugikubita>>

By Rwanda Paparazzi

Burya n’ubwo ngo abantu bose ku isi badashimishwa n’ibintu bimwe, hari ibintu abakobwa bahuriraho, bemeza ko bibashimisha iyo babikorewe n’abakunzi babo. Ibi rero bikaba bifasha umusore gutereta uwo yifuza ko bakundana ndetse bikamuha amahirwe yo kutangwa iyo abizi neza.

Hano twabatoranireje 15 muri byo. Niba uri umusore kandi ukaba ushaka kwinjira mu rukundo, sobanukirwa n´ibintu bimwe na bimwe abasore baba bagomba kumenya ku bakobwa kugira ngo urugendo rw´urukundo ruguhire iteka ryose

1. Niba uri umusore, icya mbere ugomba kumenya ni uko abakobwa hafi ya bose bishimira kubwirwa ko ari beza kuruta kubwirwa ko bari sexy.

2. Ikindi ukwiye kumenya ni uko abakobwa banga abasore bababwira amagambo menshi adasobanutse, byongeye ntibishimira abasore batiyubaha igihe cyose bari kumwe.

3. Abakobwa hafi ya bose bakunda kwiyumva no kwibona bafatwa nk’abadasanzwe (special) imbere y’abasore bakunda, n’ubwo ngo akenshi batabyerekana.

4. Abakobwa ntibakunda abasore bagira umwanda, mbese batiyitaho.

5. Burya ngo abakobwa benshi bakunda gusomwa ku kiganza mu gihe bidakozwe mu kavuyo n’ubwo ngo badashobora kuvuga ko babikeneye.

6. Menya ko mu gihe usangije umukobwa mukundana ubuzima bwawe cyangwa se ukamubitsa andi mabanga ngo ahora abyibuka iteka kandi akabiha agaciro, kabone
n’ubwo mwatandukana.

7. Abakobwa bakunda ko incuti zabo zibahamagara mu mazina yabo bwite, rimwe na rimwe igihe bicaye batuje umusore akamuhamagara gahoro mu ijwi rituje kandi
amureba mu maso.

8. Muri kamere y’abakobwa habamo ikintu cyo kwihagararaho no gukunda guhabwa agaciro.

9. Mu gihe umukobwa yemeye kujya mu gikoni akagutegurira ifunguro, menya ko uri uw’agaciro imbere ye kandi ko aguha umwanya mu buzima bwe.

10. Burya ngo iyo umukobwa avuze “oya” iba ari “oya”, ntibakunda umuntu uhatiriza cyane.

11. Bashimishwa n’uko incuti zabo zibasoma abandi bagenzi babo babibona kuko ngo bigaragaza ko bitaweho cyane kandi ko barutishwa abandi.

12. Bakunda abantu bababwira babahanze amaso.

13. Abakobwa bashimishwa n’uko abasore bakundana baza kubagisha inama kuko ngo bibereka ko ari abo kwizerwa.

14. Iyo umukobwa yemeye ko musohokana burya ngo aba yatangiye kukwizera no kukwiyumvamo.

15. Abasore batekereza ko iyo baterese bigacamo nta yindi mvune iba isigaye ariko burya ngo abakobwa bashimishwa no kubabona bakora cyane kuruta mbere
kuko ngo byerekana ko bagikunzwe kandi urukundo bakarwiyumvamo kurushaho.

Uwineza [email protected]

12,780 total views, 1,200 views today

❌