WebRwanda.com

🔒
❌
There are new available articles, click to refresh the page.
Before yesterdayAgakiza

Virus ya Ebola muri Congo yakajije umurego

By Liliane Kaliza

Nyuma y'uko muri repubulika iharanira demokarasi ya Congo byamaze kugaragara ko hariyo virus ya Ebola, ubu noneho yatangiye gukwirakwira hose, aho yageze mu gace kitwa Wangala gatuwe n'abaturage barenga miliyoni Mu ntara ya Equateur mu majyaruguru y'uburengerazuba bwa Congo

Ministeri y'ubuzima muri iki gihugu ivuga ko yamenye aya makuru nyuma yuko hakozwe isuzumwa n'inzobere mu kigonderabuzima cya Bikoro giherereye mu ntara ya Equateur mu birometero 150 ujya Mbandaka

Dr Tedros Adhanom Ghebreyesus, umuyobozi mukuru wa OMS avuga ko nubwo iki kibazo giteye inkeke ariko ngo bafite ibikoresho bihambaye byo guhangana n'iki kibazo ndetse ngo hari izindi ngamba zafashwe zo guca Ebola muri iki gihugu burundu

Zimwe muri izo ngamba harimo kuba OMS yamaze kohereza inzobere 30 muri iki gihugu kugirango harebwe icyakorwa kugirango iyi ndwara idakomeza gukwirakwira hose mu gihugu

Kuri ubu kandi OMS iri gukorana bya hafi na bamwe mu baganga batagira umupaka n'abandi bafatanyabikorwa kugirango harebwe icyakorwa iyi virus icike muri Congo burundu

Kuva tariki 15/gicurasi nibwo hagaragaye abantu 44 bakekwaho iyi virus, batatu muri bo byaremejwe ko bayanduye, abandi 20 baracyayikekwaho

Kugeza uyu munsi wa none ikigo icyo ari cyo cyose gifite aho gihuriye n'ubuvuzi muri iki gihugu kiri gukorana bya hafi na OMS mu rwego rwo guhangana n'iyi ndwara

Src : http://www.who.int

Waruziko ushobora kwigabanyiriza ibinure byiganje ku mwijima wawe mu gihe cy'icyumweru kimwe gusa?

By Liliane Kaliza

Mu buzima busanzwe ntawe utajya urwara kuko nudakunda kurwara byaba byarigeze kumubaho rimwe cyangwa se kabiri, ariko nanone zimwe mu ndwara turwara hari iziterwa n'ibyo tuba twabasha kwirinda kandi bigashoboka cyane dukoresheje nk'ibyo kurya bya buri munsi cyangwa se kuruhuka n'ibindi

Hari indwara zimwe na zimwe rero zishobora gufata umwijima wacu kandi twabigizemo uruhare nubwo tuba tutabizi, imwe muri izo ndwara rero ni nk'iterwa n'ibinure byinshi bigenda bikiyomeka ku mwijima ugasanga bivuyemo indwara y'umwijima bita steatoses hepatique

Dore bimwe mu bimenyetso bizakweeka ko ibinure byabaye byinshi ku mwijima wawe
Muri ibyo bimenyetso harimo:
Ububabare bukabije ahegereye urubavu rw'iburyo
Kuribwa munda bya hato na hato
Guhora wumva unaniwe cyane kabone n'iyo waba nta kintu wakoze
n'ibindi bitandukanye nubwo ahanini iyi ndwara idakunze kugira ibimenyetso

Mbese mu gihe wagize ibinure bynshi ku mwijima bikagutera ya ndwara twavuze haruguru ni gute wayikira?

Hari uburyo karemano kandi budahenze ushobora gukoresha mu kurwanya ibinure biba byiyometse ku mwijima bigatuma udakora neza

Ese ubwo buryo ni ubuhe?

Mu gihe wagezweho n'iyi ndwara fata:
Indimu ebyiri
Betterave ebyiri ziringaniye n'
Ibirahure bibiri by'amazi meza ubundi uvivangane isuku ihagije, unbinywe incuro ehatu ku munsi bizagera mu cyumweru kimwe uri muzima neza

Src: santeplusmag.com

itandukaniro riri hagati yo kugaruka kwa Yesu no kuzamurwa kw'itorero

By Liliane Kaliza

Abantu benshi bibaza cyane kandi batewe ubwoba no kuvuga ibihe bya nyuma ku bauye isi.Abakristo bo usanga babivuga mu buryo butandukanye, bati ni imperuka, kandi bati ni igihe kizaba umunsi umwe gihite kirangira, abandi bati ni ibihe bitandukanye. Abatizera bo bumva ibyo ari iterabwoba bw'abakristo. Ariko tugiye kureba, Biblia ibivuga ho iki?

Kuzamurwa kw'itorero bizaba igihe Yesu azagaruka azanywe n'itorero kugirango aricungure arikuye mu isi kubw'akaga kazaba kitezwe gukurikiraho nyuma. (Abakor 15:51-52; 1 Abates 4:16-17).

Naho Kugaruka kwa Yesu ko ni igihe kizaba aho Yesu Kristo azaba agarukanye n'itorero aneshe Antikristo ndetse n'umuhanuzi w'ibinyoma no kwima ingoma y'imyaka 1000. (Ibyah 19:11-16).

Reka tugereranye ibi bihe n'ibintu bizabibaho
1) Mu kugaruka kwa Yesu: Abakristo bazahurira na Yesu mu kirere
1Abates 4:16-17
Kuko umwami ubwe azaza amanutse ava mu ijuru aranguruye ijwi rirenga,hamwe n'ijwi rya Malayika ukomeye n'Imana y'Imana, nuko abapfiriye muri Kristo nibo bazabanza kuzuka, maze natwe abazaba bakiriho duhere ko tujyananwe na bo, tuzamuwe mu bicu gusanganira umwami mu kirere. Nuko rero tuzabana n'umwami iteka ryose.
Mu kugaruka kwa Yesu, abakristo bazagarukana na Kristo
Ibyah 19:14

Ingabo zo mu ijuu ziramukurikira zihetswe n'amafarashi y'umweru, zambaye imyenda y'ibitare myiza, yera kandi itanduye.
2) Kuzamurwa kw'Itorero: kuzaba mbere y'akarengane.
1 Abates 5:9
Kuko Imana itatugeneye umujinya, ahubwo yatugeneye guheshwa agakiza n'umwami wacu Yesu Kristo.

Ibyah 3:10
Kuko witondeye ijambo ryo kwihangana kwanjye, nanjye nzakurinda igihe cyo kugerageza kigiye kuza mu bihugu byose kugerageza abari mu isi.
Kugaruka kwa Yesu: kuzaba nyuma y'akarengane(tribulation)
Ibyah kuva mu gice cya 6 kugera mu gice cya 19

3) Mu kuzamurwa kw'itorero: itorero rizakurwa mu isi nko kuricungura
1 Abates 4:13-17
…….Kuko umwami ubwe azaza amanutse ava mu ijuru aranguruye ijwi rirenga,hamwe n'ijwi rya Malayika ukomeye n'Imana y'Imana, nuko abapfiriye muri Kristo nibo bazabanza kuzuka, maze natwe abazaba bakiriho duhere ko tujyananwe na bo, tuzamuwe mu bicu gusanganira umwami mu kirere. Nuko rero tuzabana n'umwami iteka ryose.

1Abates 5:9
Kuko Imana itatugeneye umujinya, ahubwo yatugeneye guheshwa agakiza n'umwami wacu Yesu Kristo.
Mu kugaruka kwa Yesu: Abanyabyaha bazacirwa urubanza/ bazahanwa

Ibyah 3:10
Kuko witondeye ijambo ryo kwihangana kwanjye, nanjye nzakurinda igihe cyo kugerageza kigiye kuza mu bihugu byose kugerageza abari mu isi.
Ibyah 19:11-21
Ingabo zo mu ijuu ziramukurikira zihetswe n'amafarashi y'umweru, zambaye imyenda y'ibitare myiza, yera kandi itanduye
Iyo nyamaswa ifatwa mpiri, na wa muhanuzi w'ibinyoma wakoranaga ibimenyetso imbere yayo, akabiyobesha abashyizweho ikimenyetso cya ya nyamanswa n'abaramya igishushanyo cyayo, nawe afatanwa nayo. Bombi bajugunywa mu Nyanja yaka umuriro n'amazuku ari bazima. Abasigaye bicishwa inkota ivuye mu kanwa k'uhetswe nay a farashi. Ibisiga byose bihabwa intumbi zabo
4) Mu kuzamurwa kw'itorero bizaba nko guhumbya kandi mu ibanga
1Abakor 15:50-54
Nuko bene data, icyo mvuga ni iki yuko abafite umubiri n'amaraso bisa batabasha kuragwa ubwami bw'Imana kandi ibibora bitabasha kuragwa ibitabora. Dore mbamenere ibanga; Ntituzasinzira twese, ahubwo twese tuzahindurwa. Mu kanya gato ndetse mu kanya nk'ako guhumbya, ubwo impanda y'imperuka izavuga. Impanda izavuga koko, abapfuye bazurwe ubutazongera kubora natwe duhindurwe

Kugaruka kwa Yesu kuzabonwa na buri wese
Ibyah 1:7
Dore arazana n'ibicu kandi amaso yose azamureba, ndetse n'abamucumise bazamureba, kandi amako yose yo mu isi azamuborogera.
5) Kuzamurwa kw'itorero kwaza igihe icyo aricyo cyose
1 Abakor 15:50-54
Dore mbamenere ibanga; Ntituzasinzira twese, ahubwo twese tuzahindurwa. Mu kanya gato ndetse mu kanya nk'ako guhumbya, ubwo impanda y'imperuka izavuga. Impanda izavuga koko, abapfuye bazurwe ubutazongera kubora natwe duhindurwe.
Tit 2:13
1 Abates 4:14-18
Kugaruka kwa Yesu gufite ibikubanziriza
2 Abates 2:4: Guhishurwa kwa Antikristo, akarengane
Mat 24:15-30
Ibyah 6-18
Nkuko twabibonye hariho impaka nyinshi ku kugaruka kwa Yesu no kuzamurwa cyangwa kwimurwa kw'itorero. Intandaro y'izi mpaka iterwa n'imirongoiboneka mu gice cya 24 cy'ubutumwa bwiza bwa Yesu uko bwanditswe na Matayo.Intego ya Yesu kwari ukugira ngo abamwizera bitegura ibihe by'imperuka.
Yashakaga ko abantu tuba maso, tukabaho tuzirikana kugaruka kwe kwegereje. Muri macye yigishaga ati, "tube maso."

By BYIRINGIRO Jean Dominique

Dore ibintu biranga abakurikiye Yesu by'ukuri

By Sophie Bakwiye

Akenshi twitirirwa izina rya Yesu ariko ugasanga tutamukurikira. Ariko muby'ukuri dukwiye gusuzuma niba koko dukurikiye Umwami Yesu Kristo.

Umwami Yesu yaduhaye imbuzi, yagize ati:

“Umuntu wese umbwira ati ‘Mwami, Mwami', si we uzinjira mu bwami bwo mu ijuru, keretse ukora ibyo Data wo mu ijuru ashaka. Benshi bazambaza kuri uwo munsi bati ‘Mwami, Mwami, ntitwahanuraga mu izina ryawe, ntitwirukanaga abadayimoni mu izina ryawe, ntitwakoraga ibitangaza byinshi mu izina ryawe?' Ni bwo nzaberurira nti ‘Sinigeze kubamenya, nimumve imbere mwa nkozi z'ibibi mwe.”(Matayo7:21-23)

Uyu munsi, abantu benshi bavugako ari abakristo ariko muby'ukuri bakaba batazi kuba ukurikiye Kristo ari cyo. Bamwe batekerezako gukurikira Yesu ari kugira urukundo ,abandi baziko ari ibijyanye no kwimikwa. Yego, abakurikiye Yesu bose bimitswe n'Umwuka Wera kandi baziko bakwiye gukunda bagenzi babo. Ariko ikintu kimwe kiranga abakurikiye Yesu b'ukuri n'abiyitirira iryo zina ni imibereho yubaha Kristo.

Aha hari uburyo butumenyesha niba turi abakristo bakurikiye Kristo by'ukuri :

Gukora ibyo Imana ishaka

Umwami Yesu yavuzeko abakora ibyo Imana ishaka aribo bonyine bazinjira mu bwami bwo mu ijuru(Matayo7:21). Ibyo Imana ishaka ni ibihe?

“Kuko icyo Data ashaka ari iki: ni ukugira ngo umuntu wese witegereza Umwana akamwizera ahabwe ubugingo buhoraho, nanjye nzamuzure ku munsi w'imperuka.”(Yohana6:40)

Niba Imana ishaka ko abantu bose bizera umwana wayo w'Ikinege, abamukurikiye by'ukuri bakwiye kujya mu mahanga yose bakigisha abaremwe bose ubutumwa bwiza(Mariko16:15)

Kurangwa n' urukundo

Umwami Yesu yavuzeko ikintu kiranga abamukurikiye by'ukuri ari urukundo. Abakristo bakwiye kugaragarizanya urukundo umwe ku wundi.

“Ibyo ni byo bose bazabamenyeraho ko muri abigishwa banjye, nimukundana.”(Yohana13:35)

Uru rukundo si urw'uburiganya. Si urukundo rurangirira mu gusuhuzanya ,guhoberana no guseka mwahuye ku cyumweru mwaje gusenga, ahubwo ni ugukundana nk'uko umwami yadukunze.

“Ndabaha itegeko rishya ngo mukundane nk'uko nabakunze, mube ari ko namwe mukundana.”(Yohana13:34)

Kugira umuhate wo gushaka intama yazimiye

kubaha ibyo Imana ishaka no kugira urukundo bigeragezwa gukorwa n'abakristo benshi ku isi hose ariko gushakashaka icyazigaye bikomeje kwirengagizwa mu matorero y'uyu munsi. Abenshi batekerezako intama yazimiye ivugwa muri Luka15:1-7 ari ubutumwa bureba abatarigeze kumenya Kristo. Ariko ibi bivuzeko ari intama n'ubundi yabarizwaga mu mukumbi ariko igatandukana na zo ku mpamvu runaka(umurongo4).

Yesu yavuzeko umushumba yasiga intama mirongo urwenda n'icyenda mu gasozi akajya gushaka iyazimiye kugeza aho ayiboneye kandi igihe ayibonye agira ibyishimo byinshi agahamagara inshuti n'abaturanyi bakishimana. Muri Yohana10:27 , Yesu yagize ati: “Intama zanjye zumva ijwi ryanjye, nanjye ndazizi kandi zirankurikira.”(Yohana10:27)

Niba turi intama za Kristo, tugomba kumukurikira aho ajya hose , kandi niba Yesu ari umushumba wagiye gushaka intama yazimiye, bivuzeko twe abamukurikiye tuzashakashakana na we intama yabuze yari mu mu mukumbi.

Ese tugira umuhate wo gushakashaka intama yazimiye? Cyangwa tubasha gushishikariza abagiye mu mashyamba ngo bagaruke mu muryango w'abana b'Imana?

Imana idushoboze kuyikurikira by'ukuri no kuzana abantu kuri Kristo.

[email protected]

Menya ibintu 5 wakora mugihe uri kuribwa umutwe

By Sophie Bakwiye

Kuribwa umutwe ni uburwayi buterwa n'impamvu nyinshi zitandukanye nk'uko abaganga batandukanye bagiye babigaragaza.
Hariho umutwe uterwa no kutaruhuka, kutabona umwanya wo kurira, kuba waryamye nabi n'ibindi byinshi . Uyu munsi ariko ntituri bwibande kubitera umutwe ahubwo turaza kwirebera kukintu wakora uramutse ufite uburwayi bw'umutwe, muri byo harimo kujya kwa muganga ukareba icyaba kiri kubitera ariko turanarebera hamwe ubutabazi bw'ibanze wakwikorera ubaye uri kuribwa umutwe.

Ibi ni bimwe mubyo wakora igihe ubabara umutwe:

1. Fata umwanya uhagije wo kuruhuka

Kubabara umutwe hari igihe aba ari nk'ikimenyetso cy'uko umubiri wawe unaniwe ukeneye ikiruhuko.Umuhanga mubijyanye n'ububwayi bw'umutwe n'ububabare butandukanye Elizabeth Loder muri Brigham and Women's Hospital I Boston muri Amerika yagaragaje ko kubera ukuntu abantu benshi muri iki gihe basigaye bahugiranye mugushaka imibereho hari ubwo rwose biburira umwanya bagakora kugeza igihe batakibishoboye nyamara akenshiu mubiri uba wabahaye ibimernyetso ko unaniwe ariko ntibabyiteho.

Hariho bamwe biviramo kuba Palarize, abandi bakagira icyo twakwita surmenage mu rurimi rw'igifaransa ariko biba byiza iyo ubimenye ko unaniwe ugafata nibura iminota 10 ugafunga amaso ukaryama mbese ukumvako uruhutse ukabona gukomeza gahunda zindi nyuma.

2. Rya duke kandi buri kanya

Iyo umuntu ashonje cyangwa ntacyo aheruka gufata hari igihe isukari iba nkeya mu mubiri bikaba byatuma umutwe umubabaza, rero kugira icyo ufata cyane cyane mu mafunguro akungahayemo umwunyungugu witwa magnesium nk'ibihaza, tofu, amavuta ya oliva, ay'ibihwagari ibi byose bishobora kugufasha. Rero gufata ifunguro rito ariko buri kanya burya birutag ufata byinshi gake.

3. Koresha agatambaro gakonje

Niba urimo kubabara umutwe, ryama ufate agatambaro gakonje ugende ukoza ku mutwe, ubundi ukoze ku maso uhumirije, buhoro buhoro, ibi nabyo bishobora guhita bigabanya uburibwe wari ufite.

4. Karaba utuzi dushyushye

Hariho abantu ubukonje bwinshi butera umutwe. Kuguma uryamye har iigihe bitaba igisubizo ahubwo bikaba byaba ngombwa ko ushaka utuzi dushyushye ukiyuhagira uhereye mu mutwe nabyo birafasha cyane kugabanya uburibwe bw'umutwe. Hari n'ubwo bituruka kuburwayi bwa sinezite nabyo iyo ufite uyu mutwe gukaraba utuzi dushyushye biraworoshya rwose.

5. Kora masaje (Massage)

Mugihe ubabara umutwe hari igihe usanga hariho imitsi imwe n'imwe ijyana amaraso mu mutwe ishobora kuba yazibye nk'uko Dr Loder umuvuzi kubijyanye n'indwara z'umutwe yabigaragaje, rero hari ubwo biba byiza gushaka umuntu ubifitemo ubumenyi akaba yagukorera massage ngo nabyo hari icyo bifasha ngo bikiza ubu buribwe bw'umutwe.

Nk'uko twabivuze haruguru kubabara umutwe birazengereza cyane niyo mpamvu biba byiza iyo wivuje ukamenya by'ukuri ikirimo gutera ubwo buribwe ukamenya nanone aho bituruka.

Reka tubifurize ubuzima bwiza.

Imana ibarinde.

@Claire agakiza.org

Dore ibintu 15 urukundo rwuzuye rwitwararika

By Sophie Bakwiye

Nubwo navuga indimi z'abantu n'iz'abamarayika ariko singire urukundo, mba mpindutse nk'umuringa uvuga cyangwa icyuma kirenga. Kandi nubwo nagira impano yo guhanura, nkamenya ibihishwe byose n'ubwenge bwose, kandi nubwo nagira kwizera kose nkabasha gukuraho imisozi, ariko singire urukundo ntacyo mbandi cyo. Kandi nubwo natanga ibyanjye byose ngo ngaburire abakene, ndetse nkitanga ubwanjye ngo ntwikwe ariko singire urukundo, ntacyo byamarira. (1 Abakorinto1:13)

1. Urukundo rurihangana
2. Urukundo rugiraneza
3. Urukundo ntirugira ishyari
4. Urukundo ntirwirarira
5. Urukundo ntirwihimbaza

6. Urukundo ntirukora ibiteyeisoni
7. Urukundo ntirushaka ibyarwo
8. Urukundo ntiruhutiraho
9. Urukundo ntirutekereza ikibi kubantu
10. Urukundo ntirwishimira gukiranirwa kw'abandi

11. Urukundo rwishimira ukuri
12. Urukundo rubabarira byose
13. Urukundo rwizera byose,
14. Urukundo rwiringira byose,
15. Urukundo rwihanganira byose.

Ibibihamya 15 by'urukundo ijambo ry'Imana rimaze kutubwira byerekana imbaraga zitangaje z'urukundo rw'ukuri.

Ariko se koko iyo urebye usanga cyane cyane abitwako bazi Imana ibi bintu babyubahiriza?

Reka noneho tuve kubandi twirebe twe ubwacu, nikangahe twihanganira bagenzi bacu, mbese tubagirira neza kubw'urukundo cyangwa ni ukugirango twogere? Mbese twishimira ibyiza by'abandi tutabagirira ishyari?Mbese aho ntitwirarira cyangwa ngo twihimbaze dukora byiza ngo dushimwe?Mbese ye aho ntitwaba dukora, twambara, tuvuga ibiteye isoni?Aho ntitwaba duharanira kurunda byinshi hari n'abatagira namba?Umukozi w'Imana umwe yigeze kwigisha aravuga ngo Imana ntinezezwa nuko wariye umuceli ukamara umufuka wose ahubwo inezezwa ni kilo 1 wigomwe ugasangira n'umukene.

Reka twongere twibaze ko urukundo rudahutiraho twe iyo tugiye kugira abo dufatira ibyemezo turabanza tukabitekerezaho cyangwa birahagije kuba yakubabaje gusa? Mbese inshuro umuntu acumura Yesu atarindiriyeko yihana akamuhanira ko hari abarikuzarokoka umurirow'iteka? Oya rwose ntawarikuzarokoka. Niyompamvu dukwiriyekujya twitonda mu byodukora.

Twabonye kandi ko urukundo rudatekereza ikibi kubantu. Iyo usomye neza Bibiliya usanga ihabanye cyane nuko isi itubwira, nikenshi duhemukirwa nikenshi tubabazwa n'inshuti cyangwa n'abandi tubana ariko ibaze nawe ngo ntukagire ikibi umutekerezaho, reka dufate urugero ku kana gato mama wako akubita mu kanya kakaza kakamusaba ibere, niyompamvuYesu yavuze ko dukwiriye kumera nk'abana bato ariko twe usanga rimwe na rimwe n'icyo umuntu atakoze cyangwa atavuze tukimukekera nyamara urukundo nyakuri ntirutekereza ikibi kubantu.

Bibiliya kandi yatubwiye ko rutishimira gukiranirwa kw'abandi ko kandi rwishimira ukuri yakomeje itubwira ko rubabarira byose ariko aha ho ndahamya ko hari benshi bahatsindirwa. Byibaze nawe ushobora kubabarira umuntu wakubwiye nabi, ukababarira uwagutekeye umutwe, ukababarira uwakwibye ariko ugaca akarongo k'uwakugize imfubyi uti uyu we nubwo yakwisiga iki sinshobora kumubabarira nyamara n'ubwo bibabaje kutamubabarira bigira imbaraga kumitekerereze no mu marangamutima ugasanga niwowe byica kurutaho. Rero urukundo ruratangaje ngo rubabarira rutarobanuye benedataImana iduhe urukundo.

Nanone Urukundo rwizera byose rukiringira byose rukihanganira byose, mbese byose urabyihanganira cyangwa hari aho ugera ugatsindwa? Hari se aho ugera ukavuga ngo ntibikihanganirwa aka wamuririmbyi?
Hariho umuntu waririmbye ngo mugihe ubona ko utagifite urukundo menya yuko uwo mwuka yabonye ko uyoborwan'umubiri wawe akigendera ariko birashoboka ko wamusaba uti garuka.

Ariko none hagumyeho kwizera n'ibyiringiro n'urukundo, ibyo uko ari bitatu, ariko ikiruta ibindi ni urukundo.

Tubifurije kugira urukundo rw'ukuri rwuzuye mw'izina ryaYesu.Amen.
Imana ibahe umugisha.

[email protected]

Niki twakigira ku buzima bwa Tito?

By Ismael KAYISHEMA

Tito yari umuyobozi w'itorero rya mbere, yari umwizerwa kandi yagendanye n'intumwa Pawulo, yagiraga ibyiringiro akaba umukozi w'Imana.

Tito ntabwo yari Umuyuda(Abagaratiya 2:20) ariko yayoborwaga n'ibyiringiro bibonerwa muri Yesu kristo ayobowe na Pawulo( Ndakwakiriye Tito, umwana wanjye nyakuri ku bwo kwizera dusangiye…Tito 1:4). Yabaye uwungirije Pawulo kandi we na Barinaba bagendanye na Pawulo bavuye muri Antiyokiya berekeza I Yerusarumu (Habaho impaka nyinshi n'imburanya kuri Pawulo na Barinaba n'abo bantu, maze bene Data bahuza inama yo gutuma Pawulo na Barinaba n'abandi muri bo, kujya i Yerusalemu ku ntumwa n'abakuru kugira ngo bajye inama y'izo mpaka. Ibyakozwe 15:2).

Tito yari icyitegererezo cy'abanyamahanga bavutse bwa kabiri kandi ntiyigeze akebwa, ibi byerekanagako gukebwa ntagaciro bigira ngo umuntu abe afite agakiza (Abagaratiya 2:3)
Hanyuma Tito yagiye i Korinto gukora umurimo w'Imana( Ariko Imana ishimwe, ishyize mu mutima wa Tito kubagirira umwete nkanjye kuko yemeye guhwiturwa kwacu kandi kuko afite umwete mwinshi yagiye iwanyu ari ntawumuhase .2 abakorinto 8:6,16-17). Mu rugendo rwa Pawulo rwa gatatu rw'ivugabutumwa, yakoze guhera mu mwaka wa 53-57,Pawulo yageze i Tirowa ateganya guhura Tito ariko ntiyigeze amubona(2 abakorinto 2:12-13), Pawulo yahise yerekeza i Makedoniya.

Tito yahuriye na Pawulo i Filipi amuha inkuru nziza y'uko yasanze itorero ry'Ikorinto rimeze(2abakorinto 7:6-7). Tito ubwo yagarukaga I Korinto yaje azanye ibitabo 2, byandikiwe ab' i Korinto.

Nyuma y'Imyaka myinshi, Tito na Pawulo bajyanye ku kirwa cy'I Kerete, aha Tito yarahasigaye akomeza umurimo w'Imana ndetse anahabwa imbaraga zo kurusha gusakaza inyingisho nziza, Tito niwe wari umuyobozi w'itorero, yasigiwe umurimo I kerete kugirango atunganye ibyasigaye bidatunganye, kandi ngo ashyire abakuru b'Itorero mu midugudu yose nk'uko nagutegetse(Tito1:5)

Ningutumaho Arutema cyangwa Tukiko uzagire umwete wo kunsanga i Nikopoli, kuko ari ho nagambiriye kumarira igihe cy'imbeho(Tito 3:12). Tito yaje kuba ari kumwe na Pawulo ubwo yarafunzwe, Tito yaje koherezwa Dalumatiya aho yavuze ubutumwa bwiza(Tito 4:10)
Nubwo Tito atari Umuyuda ariko ubwitange bwe bwagize impinduka zikomeye cyane ku itorero ry'Imana. Abayuda benshi bari bafite imigenzo yashingiragaho kugirango babe bavugako ufite agakiza urugero nk'umuhango wo gukebwa, ariko Pawulo mwene iyi myigishirize yarayinenze (Dore njyewe Pawulo ndababwira yuko nimukebwa, Kristo atazagira icyo abamarira. Kandi ndabwira umuntu wese ukebwa, yuko azaba afite umwenda wo kurangiza ibyategetswe n'amategeko byose. Mwebwe abashaka gutsindishirizwa n'amategeko mutandukanijwe na Kristo, kuko mwaguye muretse ubuntu bw'Imana, (Abagaratiya 5:1-6)

Tito yari umukozi w'Imana wo kwizerwa yafashije Pawulo uhereye igihe yatoranwaga ngo abwirize ubutumwa bwiza I Korinto, Kerete, Dalumatiya ibyo byatumwe Pawulo avugako ari mugenzi we “Ibyerekeye Tito: Uwo ni we dufatanya umurimo kandi ni mugenzi wanjye dukorana ibyanyu, kandi ibya bene Data abo bandi ni intumwa z'amatorero zihimbaza Kristo. (2Abakorinto 8:23)

Tito yaranzwe n'ishyaka ry'umurimo w'Imana no mu gihe cy'ingorane yahuye nazo I Korinto n'I Kerete, kandi yari afite urukundo rw'Imana arufitiye abizera b'I korinti “Ariko Imana ishimwe, ishyize mu mutima wa Tito kubagirira umwete nkanjye, kuko yemeye guhwiturwa kwacu kandi kuko afite umwete mwinshi, yagiye iwanyu ari nta wumuhase.” (2Abakorinto 8:16-17)

Ese birashobokako twagira ishyaka ryo gukora umurimo w'Imana nkuko Tito yarigize ntacyo yitayeho ? Kugirango ubutumwa bwiza bwamamare abizera basabwa kugira ukuri n'urukundo no kwitanga.

Imana ibafashe kandi ibakomeze!

[email protected]

Dore uko ukwiye kwitwara igihe umukoresha wawe akubereye mubi

By Sophie Bakwiye

Umara igihe kinini mu kazi kurusha kuba mu rugo, iminsi itanu mu cyumweru nayo ukayimara ukorana n'umukoresha mubi ,ukumva wasezera akazi ariko ukibukako ufite umuryango ugomba gutunga, ukumva watongana cyangwa warwana ariko bikaba byatuma utakaza akazi,… Bityo rero, ni gute wahangana n'ibi bihe? Niki Imana igusaba gukora mu gihe wahuye n'iki kibazo?

Ibi ni bimwe mubyagufasha gukomeza akazi kawe mu gihe ukorana n'umukoresha mubi:

1.Saba Imana ubwenge

“Bagaragu b'imbata, mugandukire ba shobuja mububashye rwose, atari abeza n'abagira ineza gusa ahubwo n'ibigoryi, kuko igishimwa ari uko umuntu yakwihanganira imibabaro bamuhoye ubusa, azize umutima utunganiye Imana.”(1Petero2:18-19)

Akenshi ntiduhita twiyumvisha ibiri kuba, ariko Imana iba ibizi. Niba ushaka gukomeza akazi kawe no gukorana neza n'umukoresha wawe ukwiye kumenya uko witwara. Icyo ukwiye gukora ni ugusenga Imana ukayisaba ubwenge bw'uko wakwitwara buri gihe, n'ubwo umukoresha wawe yakomeza kukubera mubi, komeza usenge Imana iguhe ubwenge bw'uko ukwiye kwitwara.

2.Itonde

“Guhura n'idubu ryibwe ibyana byaryo, biruta guhura n'umupfu ku bupfu bwe”( Imigani17:12)

Ushobora kuba wagaragaza umujinya igihe uvuze. Ariko ibuka ko ushobora kuvugana n'umukoresha wawe mu nzira ihesha Imana icyubahiro. Kumusubiza cyangwa gusakuza si yo nzira, si cyo gisubizo. Imana ishaka ko buri gihe witonda, ugakemura impaka n'umukoresha wawe mu mahoro . Bishobora kutakorohera ariko igihe uzamenyako ari cyo Imana igushakaho , bizakorohera.

3.Rwanya umujinya

“Reka umujinya, va mu burakari, Ntuhagarike umutima kuko icyo kizana gukora ibyaha gusa. Kuko abakora ibyaha bazarimburwa, Ariko abategereza Uwiteka ni bo bazaragwa igihugu.”(Zaburi37:8-9)
Guhorana n'umukoresha ugoye bishobora kukubera isomo utazibagirwa mu buzima. Iki gihe gishobora kukwigisha kwihanganira kubana n'abantu b'inkazi. Bizagufasha gusuzuma ukwihangana kwawe , ubashe kwirinda gusubizanya uburakari. Birashoboka ko ari Imana iba igutoza ngo igihe uzahura n'abantu bameze batyo uzabone uko witwara.

4.Guhora ni ukw'Imana

“Ntimukīture umuntu inabi yabagiriye. Mwirinde kugira ngo ibyo mukora bibonekere abantu bose ko ari byiza. Niba bishoboka, mu rwanyu ruhande mubane amahoro n'abantu bose.
Bakundwa, ntimwihōranire ahubwo mureke Imana ihōreshe uburakari bwayo, kuko byanditswe ngo “Guhōra ni ukwanjye, ni jye uzītura, ni ko Uwiteka avuga.” Ahubwo umwanzi wawe nasonza umugaburire, nagira inyota umuhe icyo anywa, kuko nugira utyo uzaba umurunzeho amakara yaka ku mutwe. Ikibi cye kukunesha, ahubwo unesheshe ikibi icyiza.”( Abaroma12:17-21)

Kugambirira kwihorera ku muntu wagukomerekeje cyangwa wakugiriye nabi biba muri kamere y'umuntu , ariko ukwiye guhora wibukako guhora ari ukw'Imana yonyine. Nk'abakristo, uwo si umurimo wacu kwihanira ahubwo umurimo wacu ni uwo kuzana amahoro igihe cyose. Muri make, Imana ishakako witoza kwigenzura muri byose.

Ntibyoroshye gukorana n'umukoresha utisanzuraho,ariko kandi hari abandi bantu babagize bashoboye kwihangana. Aho gushyamirana no kurwana, ahubwo basengere. Imana ntiyemerera umuntu kwirwanirira ahubwo ishaka ko agira kwihangana, kwigenzura kandi agahora yigengesereye k' uwo bakorana uko yaba ariko kose ,kandi bizatuma n'akazi kawe gakomeza.

Sophie @Agakiza.org

Apolo ni muntu ki?

By Ismael KAYISHEMA

Apolo yari umuvugabutumwa, umukuru w'itorero n'inshuti y' intumwa Pawulo. Apolo yari Umuyuda wavukiye muri Alekizanderiya. Yari umuntu w'intyoza w'umunyabwenge, kandi akaba n'umuhanga mu byanditswe.(Ibyakoz18:24)

Mu kinyejana cya 54 nyuma ya Yesu, ubwo yageraga muri Efeso, aho yigishirizaga mu isinagogi ashize amanga, muri icyo gihe nibwo yamenyeko ubutumwa azi butuzuye neza kuko yari azi umubatizo wa Yohana gusa.( Ibyakoz18:25). Birashoboka ko Apolo yigishaga kwihana ibyaha no kwizera Mesiya- yizeraga ko Yesu w'I Nazareti yari Umukiza ariko ntiyari azi ukuri kuzuye ku rupfu rwe n'izuka rye. Ariko Purisikila na Akwila inshuti ya Pawulo bamaranye igihe na Apolo bamusobanurira Inzira y'Imana kugira ngo arusheho kuyimenya neza.(Ibyakz18:26). Apolo yaje kumenya ubutumwa bwuzuye, atangira kubwiriza ubutumwa bwuzuye yereka abantu ko Yesu ari we Kristo.(Ibyakz18:28)

Apolo mu mpano yari afite yakundwaga na benshi mu itorero ry'I Korinto ariko uko kumukuza byabazanye amacakubiri. Kubw'ibyo habaye umugabane umwe w'ab'I Korinto bavugako Apolo ari we muyobozi wabo muby'Umwuka. Ariko Pawulo ababwirako Kristo atagabanijwemo ibice ,ko ahubwo babatijwe mu izina rya Yesu Kristo.(1Abakorinto1:12-13)

Apolo yongera kuvugwa muri bibiliya mu rwandiko Pawulo yandikiye Tito:

“Ugire n'umwete wo guherekeza neza Zena, umuhanga mu by'amategeko na Apolo, kugira ngo batazagira icyo babura.”(Tito3:13). Birumvikana Apolo yari mu nzira ajya I kerete aho Tito yari ari . Biragaragarako Pawulo yari agifata Apolo nk'umuntu
w'agaciro bafatanije umurimo ndetse akaba n'inshuti ye.

Bamwe bavugako Apolo ariwe mwanditsi wanditse igitabo cy'Abaheburayo, ariko nta murongo wo muri bibiliya ubihamya .Ariko umwanditsi wacyo ntarakamenyekana.
Muri make, Apolo yari umuntu ufite ijambo ry'Imana afite n'impano yo kubwiriza. Yashishikazwaga no kubwiriza ubutumwa bwiza no gukomeza ukwizera kw'Itorero.

Ubuzima bwe buradushishikariza gukurira mu buntu bw'Imana no kumenya Yesu Kristo Umwami wacu n'Umukiza(2Petero3:18), no gukoresha impano Imana yaduhaye mu kwigisha ukuri.

[email protected]

Imyizerere shingiro y'itorero rya gikristo

By Liliane Kaliza

Kuvuga ku byerekeye imyizerere shingiro biragoye kuko itorero rya Gikristo ubusanzwe rifite ibice byinshi dukunze kwita amadini kandi yose ukumva avuga ko afite iyabo ‘doctrine'

Imyizerere shingiro ikurikira niyo rufatiro rw'imyizerere mu matorero ya gikristo aho ari hose ku isi. Amadini cyangwa amatsinda yitirirwa aya Gikristo adahurira kuri myizerere shingiro, ntiyakabaye ariyo byukuri. Gusa hari amadini amwe n'amwe adahurira kuri iyi doctrine.

Imana data

Hariho Imana imwe (Yesaya 43:10; 44:6, 8; Yoh 17:3; 1 kor 8:5-6; abagala 4:8-9).
Imana imenya byose (Ibyak 15:18; 1 Yoh 3:20).
Imana ishobora byose kandi nta kiyinanira (Zab 115:3; Ibyah 19:6).
Imana ibera hose icyarimwe (Yerem 23:23, 24; Zab 139Uwiteka nyiringabo, umwami w'abami (Zek 9:14; 1Timo 6:15-16).

Imana irera (1Pet 1:15).
Imana irakiranuka (Zab 19:9, 116:5, 145:17; Yer 12:1).
Imana ni urukundo (1 Yoh 4:8).
Imana ni inyakuri (Abar 3:4; Yoh 14:6).
Imana ni umuremyi wa byose (Itang 1:1; Yes 44:24).
Imana ni Uwiteka (ibihe byose). Yahozeho kandi izahoraho iteka (Zab 90:2; Itang 21:33; Acts 17:24).
Imana ntihinduka. (Yak 1:17; Malak 3:6; Yes 46:9-10).
Ubutatu

Imana iri mu butatu (Mat 3:16-17, 28:19; Yoh 14:16-17; 1korint 13:14; Ibyak 2:32-33, Yoh 10:30,17:11, 21; 1Pet 1:2).
Yesu kristo (Umwana)
Yesu Kristo ni Imana (Yoh 1:1, 14, 10:30-33, 20:28; Abakoros 2:9; Abafir 2:5-8; Abah 1:8).
Yesu Kristo yabyawe n'umwali Mariya mu buryo bw'umwuka wera (Mat 1:18; Luk 1:26–35).
Yesu yabaye umuntu (Abafir 2:1-11).
Yesu Kristo yabaye Imana, aba n'umuntu ijana ku ijana (Abakor 2:9; 1 Timothy 2:5; Abah 4:15; 2Abakor 5:21).
Yesu ntiyigeze akora icyaha (1Pet 2:22; Abah 4:15).
Yesu ni we nzira rukumbi ijya kwa data (Yoh 14:6; Mat 11:27; Luk 10:22).

Imana mwuka wera
Imana ni umwuka (Yoh 4:24).
Umwuka wera ni Imana (Ibyak 5:3-4; 1Abakor 2:11-12; 2 Abakor 13:14).
Ijambo ry'Imana

Biblia ni ijambo ry'Imana ryahumetswe n'Imana (2Tim 3:16; 2Pet 1:21).
Umugambi w'Imana w'agakiza
Umuntu yaremwe n'Imana mu ishusho yayo (Itang 1:26-27).
Abantu bose baracumuye (Abar 3:23, 5:12).
Urupfu rwazanywe mu isi n'icyaha cya Adamu (Abarom 5:12-15).
Icyaha kidutandukanya n'Imana (Yes 59:2).
Yesu yapfiriye ibyaha by'abari mu isi (1 Yoh 2:2; 2 Abakor 5:14; 1 Pet 2:24).
Urupfu rwa Yesus ni igitambo gikuraho ibyaha. Yarapfuye ngo abe inshungu y'ibyaha byacu ngo tubane nawe. (1 Pet 2:24; Mat 20:28; Mark 10:45).
Yesu yarapfuye aranazuka abantu baramubona (Yoh 2:19-21).
Agakiza ni impano y'Imana (Abar 4:5, 6:23; Abef 2:8-9; 1 Yoh 1:8-10).
Uwizeye akizwa n'ubuntu; Agakiza ntikabonerwa mu mirimo myiza (Abef 2:8–9).
Abanga kwizera Yesu Kristo bose bazajya Gihenomu (Ibyah 20:11-15, 21:8).
Abizera Yesu Kristo bazabana nawe iteka ryose. (Yoh 11:25, 26; 2Abakor 5:6).

Ikuzimu hariho si ibinyoma

Ikuzimu(Gihenomu) ni ahantu hateguriwe guhana inkozi z'ibibi (Mat 25:41, 46; Ibyah 19:20).

Ikuzimu ni ah'iteka (Mat 25:46).
Imperuka (iminsi ya nyuma)
Hazabaho kwimurwa (kuzamurwa) kw'itorero (Mat 24:30-36, 40-41; Yoh 14:1-3; 1 Abakor 15:51-52; 1Abates 4:16-17; 2 Abates 2:1-12).

Yesu azagaruka ku isi (Ibyak 1:11).
Abapfuye bizeye bazazuka mu bapfuye ubwo Yesu azaba agarutse (1Abates 4:14-
Hazabaho umunsi w'urubanza (Abah 9:27; 2Pet 3:7).
Satani azajugunywa mu Nyanja yaka umuriro n'amazuku (Ibyah 20:10).
Imana izarema ijuru rishya n'ijuru rishya (2Pet 3:13; Ibyah 21:1).

By BYIRINGIRO Jean Dominique

Amasomo twakura ku bakristo b'i Beroya bashishikazwaga no kumenya ukuri ko mu byanditswe

By Sophie Bakwiye

“Hahirwa uwubaha Uwiteka, akishimira cyane amategeko ye” (Zaburi 112:1)

Bibiliya itubwira itsinda ry'abakristo b'i Beroya. Abo bizera bari batuye mu gace kitwa Beroya, bari bafite imyitwarire y'intangarugero yo gusoma bakanagenzura ukuri ko mu byanditswe bukaba ubuzima bwabo bwa buri munsi.

Ab 'i Beroya tubasanga mu Ibyakozwe n'intumwa17 :10-15. Muri kiriya gihe, Pawulo na Sila bageze mu duce dutandukanye bigisha ubutumwa bwiza bwa Yesu Kristo abantu bose. Bakigera i Beroya, twasomye ko ku ikubitiro binjiye mu isinagogi y'Abayuda.

« Uwo mwanya muri iryo joro bene Data bohereza Pawulo na Sila i Beroya. Basohoyeyo binjira mu isinagogi y'Abayuda. »(Ibyakoz17 :10)

Duhereye hano turabonako ab'i Beroya bari batarakizera Kristo igihe Pawulo na Sila bahuraga nabo , gusa bari Abayuda bafite uyu mwihariko:
“Ariko abo bo bari beza kuruta ab'i Tesalonike, kuko bakīranye ijambo ry'Imana umutima ukunze, bashaka mu byanditswe iminsi yose kugira ngo bamenye yuko ibyo bababwiye ari iby'ukuri koko.”(Ibyakoz 17:11)

Uhereye hano , biragaragara ko abakristo b'i Beroya, n'ubwo batari barahuye na Kristo, ariko bari bafite umuco n'imyitwarire yo gusoma no kwiga ibyanditswe iminsi yose kugira ngo bamenye yuko ibyo bababwiye ari iby'ukuri koko, niba ari amagambo y'Imana. Ntibahitaga bemera ibyo Pawulo ababwiye ahubwo bashakishaga mu byanditswe iminsi yose kugira ngo bamenye niba ari byo.

Bari abantu bari bazi ibyanditswe ku kigero kiri hejuru , byari byarabaye ubuzima bwabo bwa buri munsi, cyari igitabo cyonyine bagenderaho bashakisha ukuri. Kuko bari bazi ijambo ry'Imana , bamenye ukuri kw'ubutumwa bwa Yesu Kristo Pawulo yababwiraga , maze barizera:
“Nuko benshi muri bo barizera, n'abagore b'icyubahiro b'Abagiriki, n'abagabo batari bake.”(Ibyakoz17:12)

Dukomeza dusomako Pawulo na Sila Abayuda b'i Tesalonike babakurikiyeyo kugirango babangamire umurimo wabo wo kubwiriza ubutumwa bwiza. Ariko ab'i Beroya, bizeye bahisemo kurinda Pawulo bamwohereza ahandi.

Ni ayahe masomo twakura ku bakristo b'i Beroya?

1.Tugomba kwemerera ijambo ry'Imana rikaba ari ryo ryonyine ridutandukaniriza ukuri n'ibinyoma

Abakristo benshi b'uyu munsi bashakishiriza ukuri ahantu hatandukanye kurusha uko bagukura muri bibiliya. Ntaho wavana ukuri cyangwa amabwiriza yuzuye atari muri bibiliya.

2.Dukwiye guhora dushakisha iminsi yose ukuri kuri mu byanditswe

Kwiga ibyanditswe bikwiye kuba ubuzima bwacu bwa buri munsi.. Umwami Yesu yaravuze ati:
“Yesu arababwira ati “Ibyokurya byanjye ni ugukora ibyo uwantumye ashaka, no kurangiza umurimo we.”( Yohana4:34)

3.Tuba twiteguye kumenya ukuri kose kw'Imana iyo tugize umuhate wo kwiga ibyanditswe

Abakristo b'i Beroya bari bazi ukuri ku butumwa bwiza kuko bahoraga bashakisha ukuri kw'ijambo ry'Imana. Igihe Pawulo na Sila bazaga kuhigisha ubutumwa bwiza , abenshi muri bo bihutiye kureba ukuri k'ibyo bababwiraga, ukuri kwerekeye Yesu Kristo maze baramwizera.

Uko dusoma ijambo ry'Imana kenshi niko tugenda tumenya ukuri kurimo. Reka twifuze amata y'Umwuka kuko azadukuza akatugeza no ku gakiza.

“Mumere nk'impinja zivutse vuba, mwifuze amata y'umwuka adafunguye, kugira ngo abakuze abageze ku gakiza.”(1 Petero2:2)

[email protected]

Menya abagore bafite urwibutso rukomeye muri Bibiliya,bakanakomokwaho n'umwami Kristo Yesu

By Liliane Kaliza

Hari abagore umunani bagize uruhare mu kuboneka kwa Yesu Kristo mu isi. Muri abo bose nta mukiranutsi wari muri bo, ariko bagaragaje ko bizeye Imana. Hanyuma Uwiteka yaje kubagororera bihwanye n'uko bamwiringiye.

Aba babyeyi babayeho mu myaka abagore batabarwaga nk'abantu bafite agaciro mu muryango mugari, hanyuma Uwiteka yishimira gukora neza kwabo nk'uko n'uno munsi yishimira umwubaha. Reka turebe uburyo aba babyeyi bakoreye Imana mu buryo budasanzwe babitewe no kwizera ibidashoboka, ndetse turebe n'uburyo Imana yakiriye uko kwizera kwabo.

Eva – Nyina w'abaremwe bose.

Eva niwe mugore wa mbere ndetse ni nawe mubyeyi wa mbere kuva isi yaremwa. Yabaye umubyeyi ubasha kurera ndetse n'abandi bamukuraho uwo murajye kandi ntawe yakuragaho ikitegereerzo bityo ahinduka nyina w'abaremwe bose. We n'umugabo we Adam babanje kuba muri Edeni ariko kubwo kumvira Satani bayikurwamo kuko bari banze kumvira Imana. Eva, kuva ubwo yagize umubabaro ukomeye ndetse n'agahinda gakomeye karimo kubona umwana we Abeli yicwa na mukuru we Kayini, ariko akomeza umurimo yahawe n'Imana wo kugwiza urubyaro mu isi.

Sara – umugore wa Abrahamu

Sara yabaye umugore w'ingenzi muri Biblia. Ni umugore wa Abrahamu, bikaba byaratumye aba na nyirakuru w'Abisraheri. Sara yari ingumba maze aza kusama mu buryo bw'igitangaza kuko yari ashagije imyaka y'ubukure 90. Sara yari umugore ndetse n'umufasha mwiza wa Abrahamu. Kwizera kwe kwabaye ikitegerezo kuri buri wese cyo gutegereza Imana ngo ikore ibyo yagambiriye hamwe n'ibyo yavuze.

Rebeka – Umugore wa Isaka

Rebeka, kimwe na nyirabukwe bombi bari ingumba. Isaka yaje kumusengera maze Uwiteka amuziburira inda, amuha kubyara abahungu babiri b'impanga aribo Esawu na Yakobo. Mu gihe cya Rebeka cyose abana na Isaka, yabaye umugore mwiza w'igikundiro kandi wo kwizerwa. Yaje gufasha Yakobo mu buriganya bwe ariganya mukuru we umurage bityo anahabwa umugisha w'imfura. Nubwo byaje kugira ingaruka zitari nziza ariko n'Imana yaje kuvuga ko yakunze Yakobo ikanga Esawu.

Rahab – Maraya wahishe abatasi

Uyu mugore Biblia itubwira ko yari maraya mu gihugu cya Kanani. Mose yohereje abatasi ngo batate icyo gihugu, bagezeyo bakurikirwa n'abanaki ariko bagirira umugisha kuri Rhabu arabahisha. Yaje gusobanukirwa ko abo ari ubwoko bw'Imana kandi ko ariyo itegeka ibihugu byose byo mu isi kandi ko yatanze igihugu cye mu maboko y'Abirraheri. Bityo abarahiza kuzamwitura ineza bari bamugiriye. Byarabaye maze nawe atangira kubaranwa n'ubwoko bw'Abisraheri. (Yosuwa 2:1-6:25)

Biracyazaa.....................

By: BYIRINGIRO Jean Dominic

Imbaraga mu Gusenga Imana/ Ev. Francois NTAKIRUTIMANA

By Sophie Bakwiye

“Nuko akomeza gusenga atyo imbere y'Uwiteka, Eli yitegereza umunwa we.”(1Samweli12)

“Genda uteranye Abayuda bari i Shushani bose mwiyirize ubusa munsabire, mumare iminsi itatu ku manywa na nijoro mutagira icyo murya cyangwa munywa. Nanjye n'abaja banjye tuzabigenza dutyo. Uko ni ko nzasanga umwami, nirengagije itegeko, kandi niba nzarimbuka nzarimbuke.” Moridekayi aherako aragenda, abigenza uko Esiteri yamutegetse.”( Esiteri4:16-17

“Bukeye ba bagabo baraterana, baragenda basanga Daniyeli asenga Imana ye, ayinginga. (Daniel 6:12)

Iri jambo imbaraga riza nyuma yuko hari ikinyuranyo cyaryo kitwa Intege nke.
Ubuzima bw'umukristo ni ubuzima bugizwe no gusenga ariko kubera ibyo ducamo nuko umuntu yumva ibintu hari abagira imbaraga muri uko gusenga ugasanga hari n'abandi uba ubona nta n'ubushake bafite bwo Gusenga .

Ubundi Gusenga ni uburyo bwo kuganira n'Imana aho tuyishimira, tuyisaba, dusabana nayo ariko iyo dusenga Imana tuyiginga kubona ubutabazi dukeneye iramanuka ikareba ko aricyo kibazo gihari ikareba inyungu zayo bwite mu gukemura icyo kibazo kuko aho kugira ngo Imana iguhombe iraguhombya.

Iyo usomye muri 1Samweli 1:12 uhasanga umudamu wari ufite agahinda ko mu mutima amaranye igihe . Aha twahigira ko ibitugora n'ibiturushya dukwiriye kubibwira Yesu binyuze mugusenga. Uyu mudamu iyo usomye ubusobanuro bwa bibiliya bavuga ko yajyaga atuma abagiye i Shilo gusenga akabambwira ati mumbwirire Imana ko ubuzima bwo kuba ingumba mburambiwe akajya atuma igihe kinini aza gutekereza uburyo yagira imbaraga mu gusenga ajya I Shilo asuka amaganya ye imbere y'Imana akajya anyeganyeza iminwa ariko asengera mu mutima. Umutambyi amubonye azamuca intege ati ‘Uzagezahe isindwe ryawe ariko Hana we yarimo asenga Imana ibona ko ari gusenga ikoresha uwo waruje umuca intege amubwira ibyo Imana ivuganye nawe.

Usanga mu masengesho dusenga ayumvwa ari make kubera impamvu mbi ziri inyuma yayo masengesho. urugero: Abagabo b'ibigoryi 1abami 21:9, Yesaya1:12 kuribata kandi uziko ugiye gusenga .
Kugira imbaraga mu gusenga bidutera kugirana ubusabane na Kristo tukagira ubuzima bwiza.
Hari igihe abantu basenga Imana batazi. (Ibyakokozwe 17:23)
Ibanga ryo Gusenga ni uguha umwanya kandi ukagendera mu bushake bwayo na Yesu umwana w'Imana yagize imbaraga mu gusenga ubuzima bwe bwaranzwe no gusenga ariko ageze Getsemani yasenganye umubabaro ariko Imana imwongerera imbaraga. Ubuzima bwo gusenga bunezeza Imana.

Amasengesho y'abera ashobora guhindura imigambi y'abantu agasenya ibihome. Esiteri 4:16-17hatubwirako uwitwa Hamani yari yasabye Abayuda bose ngo abice ariko Abayuda babimenye baratuza bafata umwanya wo gusenga Imana irebye imisengere yabo ihindura ibintu muburyo bwayo. Gusenga rero ni intwaro ikomeye abizera barwanisha.

Kwinginga (Daniyeli 6:12). Danyeri we ntago yigeze acika intege yakomeje ubuzima bwe bwo gusenga incuro yasengaga atandukanye n'abakristo b'ubu. Ubu bafunga urusengero kugira ngo huzuzwe ibisabwa ugacika intege. Ni uko uba utarasobanukirwa n'imbaraga mugusenga n'inyungu zirimo.
Pawulo na sila niyo ntwaro yatumye bava muri gereza ndetse na Petero ngo ab'itorero bakomezaga kumusabira arafungurwa.

Ubuhamya: Ndibuka igihe kimwe nari nabonye uburyo bwo kujya kwiga mu mahanga ariko nta ticket y'indege nari mfite haburaga iminsi ngo ayo mahirwe aveho (deadline) nsenga Imana, mugusenga Imana imbwira ko izanyiyereka mugicuku cya nyuma ndabambwiza ukuri hari imbaraga mu gusenga Imana muziko ticket nayibonye kucyumweru nimugoroba nkajya kwiga kuwa mbere gusenga n'ubuzima gusenga ni imibereho.
Imana ntago iduha ibyo tuyisaba ahubwo iduha ibyo yo ibona ko dukeneye .

Yesu Yigishije abigishwa be ibice bine byo gusenga Mt 6:10-13

1. kuramya (Adoration)

Ubu ni uburyo bwo kuvuga gukomera kw'Imana no kuyihimbariza imirimo itangaje yakoze.( Zaburi 103:1-2)

2. Kwihana (Repetence)

Aha uba ufite umutima umenekeye Imana wumva ko wakoze icyaha noneho umutima wawe ukumva ubabajwe n'icyaha wakoze ukakihana. (Zaburi 32:5)

3.Gushima Imana (Thanks Giving)

Tugomba kubaho ubuzima bushimira Imana imirimo idukorera kubw' Ubuntu bwayo (Abafilipi 4:6)

4.Gusaba cyangwa kwinginga (Supplications)

Gusenga kwacu gukwiriye kugusha kucyo dukeneye. Ntusabe Imana ngo iguhe ipantalon nta n'ishati ugira. Mbere yo gusenga usaba Imana ugomba kumenya ibyo ukeneye neza.

Uburyo bwo Gusenga :
•Gusenga wenyine
•Gusenga k'umuryango
•Gusengera muri rusange

Inzitizi zo Gusenga :

•Kutizera
•Umwuka wo kutababarira
•Ibyaha
•kudasubizwa ibyo twasabye kuko twasabye nabi

Niryari Dukwiriye Gusenga ?

•Buri munsi (Zaburi 86:3)
•kumanywa na ninjoro
•Igihe cyose
•Tutarambirwa Luka 18:1
•Tudacogora 1Abatesalo5:17

Ubuzima budasenga butuma ubaho ubuzima bubi. Gusenga n'imibereho kandi ni urufunguzo rufungura ijuru .

[email protected] Agakiza.org

Mwirinde ab'iki gihe biyobagiza

By Ismael KAYISHEMA

Ibyakozwe n'intumwa 2:40 “Nuko akomeza kubahamiriza n'andi magambo menshi, arabahugura ati”Mwikize ab'iki gihe biyobagiza.”

Yesu ashimwe, nejejewe no gusangira namwe iri Jambo rivuga ngo ‘'MWIRINDE AB'IKI GIHE BIYOBAGIZA''.

Nejejwe nuko Imana ikomeje gukiza imitima y'abantu kuko umugambi wayo ari uko Ijambo ryayo rigera ku bantu bose, kuko icyatumye umwana w'Imana yerekanwa ni ukugirango amareho imirimo yose y'umwijima. Ntabwo duterwa ubwoba n'iminsi mibi tugezemo, igiteye ubwoba n'izihe mbaraga abantu bafite binjiranye muri ibyo bihe?

Kuko iminsi igoye kandi iruhije ntakizayibuza kuza, bakristo bene data mufite ,dufite mbaraga ki zizadushoboza gutambuka ibyo bihe tudatsikiye cyangwa ngo dusubire inyuma?

Abantu benshi bamenye ukuri ariko ntabwo bashaka guhamya ukuri kwabyo. Nibyo usanga hari imbyino abantu bakuye mutubari, mu tubyiniriro n'abandi hantu hatari heza bakabizana munzu y'Imana, bakanga guhamya ukuri, bakanga kurekura ari cyo gituma benshi babaye inkomyi ku butumwa bwiza. Mu minsi y'imperuka hazabaho ibihe birushya, kuko abantu bazaba bikunda badakunda n'ababo, birarira, ibyigenge, abibone………….., bera ariko bahakana imbaza zo kwera.
Reba imyambarire y'abarokore bo muri iki gihe, akenshi uzasanga nta hantu na hato itandukaniye n'iyabantu bakora uburaya cyangwa bambara kugira ngo bakurure imitima ya benshi.

Mwikize ab'iki gihe biyobagiza. Hiyobagiza umuntu wamenye ukuri. Umuntu utaravirwa n'umucyo ntacyo yakwiyobagiza kuko imbere ye byose abibona ari bimwe, keretse iyo aviriwe n'umucyo nibwo amenya gutandukanya ikibi n'icyiza.

Bene data, ukuri kurahari kandi nawe urakuzi, kuki wiyobagiza. Abantu barimo bararenga ukuri kandi ukuri bakuzi, mureke kwiyobagiza kuko ukuri ni ukuri. Ukora ibyaha wese ni umugome kandi kuko icyaha ari ubugome. Bibiliya iravuga ngo igihe kirageza kandi kirasohoye ngo abasenga Data bamusenge mu mwuka no mu kuri kuko abameze batyo nibo ashaka ko bamusenga. Imana ishimwe!

Imana ibahe umugisha kandi rwose ishoboze ab'itorero guhagarara bashikamye batiyobagiza cyangwa se ngo batishyushanya n'ab'iki gihe ahubwo rwose duhinduke dufite imitima mishya (Abaroma 12:2-3).

Ev. NDAGIJIMANA Donath

Byinshi kuri Gehazi wabeshye umuhanuzi Elisa akabemba

By Sophie Bakwiye

Bibiliya iduha amasomo menshi y'abantu babayeho ubuzima butwigisha byinshi mu mibereho ya buri munsi muri uru rugendo rw'ubukristo. Umwe twakwigiraho ni umuntu witwa Gehazi wari umugaragu wa Elisa umuhanuzi wifuje ifeza akabemba.

Ese Gehazi ni muntu ki?

Gehazi yari umugaragu w'umuhanuzi Elisa. Ku ikubitiro agaragara mu 2Abami 4 :12. Gehazi yagiye abona ibitangaza byinshi bikorwa. Yabonye imboga zirimo uburozi zihumanuka hanyuma ziraribwa( umurongo 38-41). Yabonye imitsima mike igaburirwa abantu ijana barasigaza(42-44). Ibi biratwumvishako Gehazi yari afite amahirwe yo kubonesha amaso ibintu umuntu usanzwe atakora atari kumwe n'Imana. Biratangaje kubona umwana w'umuhungu wari wapfuye azuka, ikintu cyari cyahumanye gihumanuka, n'abantu ijana bahazwa n'imitsima mike.

Mu 2Abami 5 hatubwirako Gehazi yagize umutima mubi wo kwifuza ibintu:
Mu 2Abami 5, hatubwira uburyo umuntu umwe yakize ibibembe ari we Namani, umugaba w'I Siriya wari umunyacyubahiro uretse ko yari umubembe, akajya muri Isirayeli kureba uwa mukiza. Akoherezwa , ku muhanuzi Elisa wamuhaye amabwiriza y'ibyo akwiye gukora kugira ngo akire.

Namani yakize kubwo gukora ibyo Elisa yamubwiye. Mu byishimo bye yasabye Elisa kwakira impano yari yamuzaniye ariko Elisa yanga kuzakira. Ku rundi ruhande Gehazi,yifuzaga kwakira izo mpano za Namani.

Iyo dusomye ku murongo wa 20-25 tuhasanga yigira inama yo kujya kwaka ituro Namani yari yazaniye Elisa. Akigaruka abeshya Elisa ku ifeza n'imyambaro yari yahawe. Ku murongo wa 26-27, dusomako ingaruka zo kubeshya zatumye Elisa amubwirako ibibembe bya Namani bimubaho no kubazamukomokaho bose.

Ibi ni bimwe twakwigira kuri Gehazi

Dushobora kubona Imana mu buzima bwacu ariko ntituyihe agaciro

Ukuri kuravugwa, impano z'Umwuka zigatangwa, tukabona ibitangaza bikorwa,.. ariko dushobora kubona ibitangaza ariko iyo tutabaye maso imitima yacu ishobora kujyanwa n'ibidafite umumaro , tukaba dutakaje impano y' Imana.
Gehazi yagiye abona ibitangaza bikorwa n'amaso ye, ariko aho kugirango yigishwe nabyo ahubwo yakujije umutima wo gutwarwa n'ibintu.

Gukorera Imana bigira igihembo cyabyo- n'ingorane

Mu gihe gukorera Imana bigira inyungu, bishobora no kugira ingaruka. Zimwe muri izi ngaruka ziza mu buryo bwo gushidikanya, kutizera, ibigeragezo,...

Gehazi yananiwe kuzura umwana wari wapfuye(2Abami4:31). Ntiyiyumvishaga uburyo imitsima mike yahaza abantu ijana(2Abami4:43). Yacumujwe n'ifeza n'imyambaro kubwo kwikubira.(2Abami20-25)

Kubw'ibi, dukwiye kwitonda mu mutima no mubitekerezo. Kuba dukorera Imana ntibisobanuyeko turinzwe ibindi bintu, kuko satani we ahora ari maso ashaka kudutegera kuri buri kintu.

Ingaruka zishobora kuzanwa n' amahitamo twagize, n'ubwo twaba dukorera Imana.

Kwifuza kwa Gehazi kwamukururiye ibyago. Ntidukwiye kubabazwa n'ingaruka z'ibyaha twakoze, n'ubwo twatanga ibyacu byose dukorera Imana no mu nsengero. Icyaha ni icyaha kigomba kwihanwa. Imirimo dukora mu rusengero ntizavanaho ibyaha byacu, Kristo niwe gusa ubihanagura.

Imwe mu migambi ya satani ni ukwiba abantu ibyo Imana yabateguriye. Ku bw'ibyo, dukwiye kwirinda muri byose tukaba maso kugirango tutabutswa Imigisha yose Imana yatugeneye.]

Imana ibahe umugisha!

[email protected]

Imana igufiteho umugambi mwiza no mugihe wihebye

By Sophie Bakwiye

Ese ujya wumva wiyanze igihe wumva warenzwe n'ibibazo bitandukanye? Birumvikana , birababaza kutagera kubyo wifuza, ariko kandi byose biba mu mugambi w'Imana.

Ku bakinnyi, birababaza gutsindwa umukino bakinaga, guhomba igihe washakaga icyaguteza imbere , cyangwa guhora usenga ariko ntubone icyo wasengeye. Nubwo hariho ibihe byinshi bigenda uko tubyifuza, hari n'ibindi bihe byinshi tuneshwa tukumva turatsinzwe kuko si kenshi duhorana amahirwe . Nubwo twasengera kugera kubyo twifuza, dushobora kubura amahirwe twari twizeye.

Ese kutagira amahirwe cyangwa kumva bikurangiranye byose biva mu kiganza cyiza cy'Imana, umubyeyi wacu?

Yego ni ukuri. Abaroma 8:28 hatubwirako byose bifataniriza hamwe kutuzanira ibyiza.
“Kandi tuzi yuko ku bakunda Imana byose bifataniriza hamwe kubazanira ibyiza, ari bo bahamagawe nk'uko yabigambiriye.”(Abaroma8:28)

Kubw'ibyo rero , dukwiye kumva ko buri kintu cyose ari icy'umumaro ku Mana mu kuzuza umugambi wayo ku buzima bwacu. Nituyikunda, niyo byaba mu gihe kidukomereye , mu kanya gato bishobora kuduhindukira iby'umumaro n' amashimwe .
N'ubwo atari byiza kuba mu buzima budukomeranye ,dukwiye kwishimira ko Imana iba ifite umugambi kuri twe, iyo twemeye kubyihanganira kuko Imana ishaka kuduhindura kugirango duse na Kristo muri byose tunyuramo .

Abaroma8:29 hagira hati:
“Kuko abo yamenye kera yabatoranirije kera gushushanywa n'ishusho y'Umwana wayo, kugira ngo abe imfura muri bene se benshi.” (Abaroma8:29)

Kunyura mu bigoye ntibivuzeko Imana idafite umugambi kuri twe; ntibisobanuyeko yatujugunye. Dukwiye kumenyako turi abo Imana yaremye ituremeye imirimo myiza muri Kristo.( Efeso2:10) . ku bw'ibyorero turi ab'umumaro imbere y'Imana.

Twese dukeneye kumenyako umugambi w'Imana kuri twe urenze ibyo dutekereza, kandi ko Imana izi ibyo izatugirira .( Yeremiya29:11). Ahazaza hacu ihafite mu kiganza cyayo, inzira zayo zirenze izo twe twibwira. Byongeye kandi tugomba kwibuka ko Imana itazica isezerano yavuze kandi ko itazadusiga na hato.

“…..Sinzagusiga na hato, kandi ntabwo nzaguhāna na hato.”( Abaheburayo13:5)
Nshuti, dukwiye guhora tuzirikana ko Kristo yatsinze intambara turwana. Muri we, tubaye mu buzima n'ahantu h'insinzi, turi abaneshi, reka tubeho ubuzima bwo kwizera umwana w'Imana.

“Nabambanywe na Kristo ariko ndiho, nyamara si jye uriho, ahubwo ni Kristo uriho muri jye. Ibyo nkora byose nkiriho mu mubiri, mbikoreshwa no kwizera Umwana w'Imana wankunze akanyitangira.”(Abagalatiya2:20)

[email protected]

Ni ubuhe butumwa itorero ry' i Sarudi bwagenewe, mu nzandiko zandikiwe amatorero 7 yo muri Aziya?

By Ismael KAYISHEMA

Sarudi ni itorero rya gatanu mu matorero arindwi yo muri aziya ntoya, iri torero naryo ryohererejwe ubutumwa na Yesu ubwo Yohana weretswe ibi byose yari ku kirwa cya Patimosi.

Yesu yahaye itorero ry'I Sarudi ubwo butumwa mu mpera z'ikinyejana cya mbere. Hari n'andi matorero menshi mu mijyi ya bugufi ariko Sarudi n'andi matorero atandatu niyo yatoranyijwe n'umwami Yesu bitewe n'ubutumwa bw'umwihariko bari bagenewe. Aya matorero agaragaza urukurirane rw'impinduka z'itorero uko ibinyejana byagendaga bikurikirana. Kandi ubu butumwa bugenewe abantu b'Imana no mugihe cya none.

Iyi nkuru iribanda ku mateka y'itorero ry'i Sarudi n'ubusobanuro bukubiye mu butumwa Yesu yaryoherereje. Turareba n'ihuriro ry'itorero ry'icyo gihe n'irya none.
Sarudi ni umwe mu mijyi ya kera,kandi w'ingenzi muri Asiya ntoya (Turikiya ya none ) kugera mu mwaka wa maganatanu na mirongo ine n'icyenda Sarudi wari umurwa mukuru w'ubwami bwa Lidiya.
Imitingito yakunze kubaho cyane mu gihe cya Sarudi nyuma y'ivuka rya Yesu, imijyi cumi n'irindwi yarasenyutse . Umutegetsi wa Roma witwaga Tiberiyusi yakusanyije imisoro kugirango bubake imijyi yasenyutse . Mu kubaka imijyi ya Senyutse Sarudi yatakaje agaciro yari ifite .

Ijambo ry'Imana ryavuze ngo “Wandikire marayika w'Itorero ry'i Sarudi uti “Ufite Imyuka irindwi y'Imana n'inyenyeri ndwi aravuga aya magambo ati ‘Nzi imirimo yawe n'uko ufite izina ry'uko uriho, nyamara ukaba uri intumbi. Jya uba maso ukomeze ibisigaye bigiye gupfa, kuko nabonye ko ari nta mirimo mwakoze itunganye rwose imbere y'Imana yanjye.”

“Nuko ibuka ibyo wākiriye n'ibyo wumvise, ubyitondere kandi wihane. Ariko rero nutaba maso nzaza nk'umujura, nawe ntuzamenya igihe nzagutungurira. Icyakora ufite amazina make y'ab'i Sarudi batanduje imyenda yabo. Ni bo bazagendana nanjye bambaye imyenda yera kuko babikwiriye.”

“Unesha ni we uzambikwa imyenda yera, kandi sinzahanagura izina rye na hato mu gitabo cy'ubugingo, ahubwo nzatūrira izina rye imbere ya Data n'imbere y'abamarayika be. “Ufite ugutwi niyumve ibyo Umwuka abwira amatorero.”(Ibyahishuwe 3:1-6)

Ijambo Marayika rikomoka ku ijambo ry'ikigiriki “agelosi” risobanura umuhuza(messenger) utwara ubutumwa, uwoherejwe avuye ku Mana. Ibyanditswe bitwerekako ubu butumwa butari bugenewe abamarayika gusa babugumane, ahubwo bwoherejwe marayika wa buri torero kuko niwe watangaga amakuru ku itorero ashinzwe. Bisobanuyeko marayika icyo yari gukora yari ukugeza ubutumwa kubagize itorero.

Ubutumwa butangira buvuga ngo nzi imirimo yawe, nyuma yo gutanga ubu butumwa bw'Ingenzi , Yesu yagize ati “ufite izina ry'uko uriho, nyamara ukaba uri intumbi”aya magambo ni ngezi kuko ahita yerekana ubutumwa bwose bwari bugenewe iri torero rya Sarudi.

Kugirango twumve neza icyo kugira izina bisobanura, kuba bari bariho nyamara bagaragara nk'abapfuye. Ibi bitwereka ibyo Yesu yari yarigeze yigisha ku mumaro w'izina ry'Imana. Ubwo Yesu yari ku mu saraba yaravuze ati “Jye sinkiri mu isi ariko bo bari mu isi, naho jye ndaza kuri wowe. Data Wera, ubarindire mu izina ryawe wampaye, ngo babe umwe nk'uko natwe turi umwe.” Yohana 17:11
Ibi bitwerekako abantu b'Imana babumbatirwa kandi bakagaragazwa n'izina ry'Imana.

Yesu yarazi neza ko Sarudi yari ifite izina ryiza ariko yavuzeko itorero ntaryo ari intumbi. Ibi ntaho bitandukaniye no muri iyi minsi hari amadini menshi afite amazina meza cyane ariko Yesu ashobora kwitegereza amwe muri yo agasanga yarapfuye mu buryo bw'Umwuka. Yesu yitegerezaga imirimo y'itorero akabona idatunganye imbere y'Imana nicyo cyatumaga bagaragara nk'intumbi nyamara ari bazima, imirimo yabo ntiyarishyitse. Ntabwo bari ibyitegererezo by'abizera.

Nk'uko iki kibazo cyerekeye izina ry'Imana, amateka yerekana ko mu ntangiriro y'ikinyejana cya mbere, bamwe bagendaga bigisha inyigisho za Kristo n'izi ntumwa batangiye guhindura abantu abakristu. Abenshi batangira guhamyako ari abakristo , bakurikiye Imana, ariko wareba imirimo yabo ukabona ihakana Imana.
Yigishiriza ku musozi, Yesu yagize ati:

“Umuntu wese umbwira ati ‘Mwami, Mwami', si we uzinjira mu bwami bwo mu ijuru, keretse ukora ibyo Data wo mu ijuru ashaka. Benshi bazambaza kuri uwo munsi bati ‘Mwami, Mwami, ntitwahanuraga mu izina ryawe, ntitwirukanaga abadayimoni mu izina ryawe, ntitwakoraga ibitangaza byinshi mu izina ryawe?' Ni bwo nzaberurira nti ‘Sinigeze kubamenya, nimumve imbere mwa nkozi z'ibibi mwe.”(Matayo7:21-23)

Kwita umuntu umukristo cyangwa ugize itorero ntibihagije. Imana ishaka biherekezwe n'imirimo- ibikorwa bisa nk'ibyo Kristo n'intumwa ze bakoraga, nibyo byemeza ko uri uwo mu muryango w'Imana.
Abantu benshi b'I Sarudi bari barapfuye mu mwuka, Kristo yagize ati:
“Jya uba maso ukomeze ibisigaye bigiye gupfa, kuko nabonye ko ari nta mirimo mwakoze itunganye rwose imbere y'Imana yanjye. Nuko ibuka ibyo wākiriye n'ibyo wumvise, ubyitondere kandi wihane. Ariko rero nutaba maso nzaza nk'umujura, nawe ntuzamenya igihe nzagutungurira.”(Ibyah3:2-3).
Yesu yabasabye kuba maso kuko batazi igihe azagarukira. ibi birerekanako abakristo b'I Sarudi bakwiye kwitegura kugaruka kwa Yesu.

Ubutumwa Yesu yahaye ab'iSarudi yavuze ko harimo amazina make y'ab'i Sarudi batanduje imyenda yabo, ko aribo bazagendana nawe bambaye imyenda yera kuko babikwiriye.'( umrngo4). Aba bantu bazambara imyenda yera kandi bari mu gitabo cy'ubugingo .“Unesha ni we uzambikwa imyenda yera, kandi sinzahanagura izina rye na hato mu gitabo cy'ubugingo, ahubwo nzatūrira izina rye imbere ya Data n'imbere y'abamarayika be.”(Ibyahish3:5)

Dore isomo tuhakura

“Ufite ugutwi niyumve ibyo Umwuka abwira amatorero.”(Ibyah3:6). Ese ni ubuhe butumwa Yesu yashakaga guha iri torero?

Isomo rikomeye ni uko Imana itemera ingirwa-bakristo, umuntu uvugako ari umukristo ariko agahakana inyigisho za Kristo n'izi ntumwa ze. Muri iyi minsi isi yuzuye abantu n'imiryango myinshi y'amatorero bavugako ari abakristo ariko atari bo. Ni gute bahuza kandi ibyo bemera bitandukanye? Mu rwandiko rwa Yuda hagira hati: “….. kugira ngo mushishikarire kurwanira ibyo kwizera abera bahawe rimwe, bakazageza iteka ryose.”(Yuda1:3)

Hari ikiranga Abakristo baturuka kuri Kristo bigishijwe n' intumwa.bakomeza ukwizera Imana yahishuriye muri Kristo bikaba aribyo bibandaho ibihe byose. Yashakagako abakristo b'I Sarudi bagendera mu nzira ziboneye. Mu mateka y'itorero n'ihishurirwa ry'ubutumwa bwagenewe amatorero 7 birerekana ko bahinduye kandi bagahakana inyigisho z'ukuri za Kristo.

Intumwa Pawulo yagize iti: “kuko abumva gusa amategeko atari bo bakiranuka ku Mana, ahubwo abayumvira ni bo bazatsindishirizwa na yo.”(Abaroma2:13)

Yakobo nawe yagize ati: “Ariko rero mujye mukora iby'iryo jambo, atari ugupfa kuryumva gusa mwishuka.”(Yakobo1:22)

Mureke kuba nk'ab'I Sarudi bapfuye mu buryo bw'Umwuka, ahubwo muharanire kubaho uko Imana ibishaka.

Ismael @Agakiza.org

Ibyo dukora

By Ubwanditsi

a. Ivugabutumwa kuri internet, ku maradiyo, mu bigo by'amashuri, ibigo byigenga, ibya Leta no mu mahanga, dutanga na none inyigisho z'ijambo ry'Imana mu bitaro n' ahandi…

b. Amahugurwa y'urubyiruko, abacuruzi, abayobozi b'abandi, n'abubatse ingo, n'abandi.

c. Gutanga inama z'isanamitima ku bafite ibikomere biturutse ku mpamvu zitandukanye.

d. Dukora ibiterane binini mu Rwanda ahantu hahurira abantu benshi no mu Mahanga.

e. Dusengera ibyifuzo bitandukanye by'abantu, igihugu, imiryango n'amatorero muri rusange ku buntu.

Umutwaro w'agakiza.org ni ugushaka no gukiza icyazimiye. Luka 19:10

  • May 11th 2018 at 08:52

Dore bimwe mu bihe byaranze itorero rya mbere dukwiye kwigiraho

By Sophie Bakwiye, Ubwanditsi

Abigishwa b'Itorero rya mbere bizeraga Umwami Yesu Kristo, bagahuza umutima n'inama bagasangirira byose hamwe. Iri torero turikuraho amasomo adufasha kubaho ubuzima bw'ubukristo butajegajega.

Aha hari ibihe byagiye bigaragara mu itorero rya mbere kandi dukwiye kubyigiraho.

Abizera bamwe bapfiriye ku birenge bya Petero kubwo kubeshya

Ibyakozwe n'intumwa 5:1-11 hatubwira inkuru y' abantu babiri,umugabo n'umugore bapfuye kubwo kubeshya. Umurongo wa 3 n'uwa 5 hagira hati:

“Petero aramubaza ati “Ananiya, ni iki gitumye Satani yuzuza umutima wawe kubeshya Umwuka Wera, ukīsigariza igice cy'ibiguzi by'isambu? Ukiyifite ntiyari iyawe? Kandi umaze kuyigura, ibiguzi byayo ntibyari ibyawe ubyigengaho? Ni iki gitumye wigīra inama yo gukora utyo? Si abantu ubeshye, ahubwo Imana ni yo ubeshye.” Ananiya abyumvise atyo aragwa umwuka urahera, ababyumvise bose bagira ubwoba bwinshi.”(Ibyakz 5:3-5)

Ananiya n'umugore we Safira bemeranyijwe kugurisha umutungo wabo kugirango bagire icyo batanga mu itorero. Ibiguzi byari ibyabo babyigengaho, ikibazo hano bose bemeranyijwe kubeshya ku biguzi byayo, bakora icyaha kugirango bagire ibyo basigarana kandi bashimwe n'itorero.

Iyi nkuru iratwigisha kutagerageza kubeshya Imana. Ntitugomba kubeshya Imana kuko yo ireba ibintu byose.

Ku ikubitiro Pawulo ntiyahise yemerwa mu itorero

Abenshi muri twe tuzi intumwa Pawulo nk'umuntu utangaje w'Imana wagendaga ashinga itorero aho yageraga hose, ariko si abantu benshi bazi ko mbere y'uko aba nk'umukuru w'amatorero menshi, atabanje kwemerwa mu itorero rya mbere ry'I Yerusalemu. Barinaba ni we wabanje kumubwira intumwa ngo zimwemere.

Ibyakozwe n'intumwa 9:26-28 hagira hati:

“Asohoye i Yerusalemu agerageza kwifatanya n'abigishwa, ariko bose baramutinya ntibemera ko ari umwigishwa. Maze Barinaba aramujyana amushyīra intumwa, azisobanurira uko yabonye Umwami Yesu mu nzira, kandi uko yavuganye na we, n'uko yavuze ashize amanga mu izina rya Yesu i Damasiko. Abana na bo i Yerusalemu akajya abasura, abwiriza mu izina ry'Umwami ashize amanga.”(Ibyakz9:26-28)

Iyi nkuru iratwigishako dukwiye kuba nka Barinaba ku bandi, tukaba ikiraro gihuza abantu bo hanze tukabazana mu itorero.

Intonganya zabyaye gutandukana

Ibyakozwe n'Intumwa 15 hatubwirako ugutandukana kw'inshuti ebyiri zabwirizaga ubutumwa bwiza hamwe , ari bo Pawulo na Barinaba. Aba bantu babaye abavandimwe mu murimo wo kubwiriza, batandukana habayeho kutumvikana.

Mu ntangiriro , dusoma ko Barinaba ari we washishikarije intumwa kwemera Pawulo. Ibyakozwe n'Intumwa 13:2 dusoma ko Imana ubwayo ariyo yabahamagariye hamwe gukora uwo murimo. Ibyakozwe n'Intumwa15:36-41 hatubwirako bagiye ukubiri. Umurongo wa 37 -40 hagira hati:

“Barinaba ashaka kujyana na Yohana witwaga Mariko, ariko Pawulo ntiyashima kumujyana, kuko yabahanye i Pamfiliya ntajyane na bo mu murimo. Nuko bagira intonganya nyinshi bituma batandukana, Barinaba ajyana Mariko atsukiraho, arambuka afata i Kupuro. Pawulo na we atoranya Sila, avayo bene Data bamaze kumuragiza ubuntu bw'Umwami Yesu.”(Ibyakoz15:37-40)

Iyi nkuru iratwigisha ko ubwumvikane ari ingenzi . Ntidukwiye kugendana n'abantu tutajya mu cyerekezo kimwe.

Amosi 3:3 hagira hati: “Mbese abantu babiri bajyana batasezeranye?”(Amosi3:3)
Abakristo bakwiye kumenyako mu itorero ari ahantu bakwiye kuganira iby'Imana , ufite intege nke bakamukomeza , bagahuriza umutima hamwe kuko ari byo Imana ishima.

[email protected]

Ni ubuhe butumwa itorero rya Tuwatira bwagenewe, mu nzandiko zandikiwe amatorero 7 yo muri Aziya ? (Igice 1)

By Ismael KAYISHEMA

“Wandikire marayika w'Itorero ry'i Tuwatira uti “Umwana w'Imana, ufite amaso asa n'ibirimi by'umuriro n'ibirenge bye bigasa n'umuringa w'umuteke aravuga aya magambo ati ‘Nzi imirimo yawe n'urukundo rwawe no kwizera kwawe, no kugabura kwawe no kwihangana kwawe, n'uburyo imirimo yawe ya nyuma iruta iya mbere kuba myinshi. Nyamara mfite icyo nkugaya, kuko ukundira urya mugore Yezebeli wiyita umuhanuzikazi akigisha imbata zanjye, akaziyobya kugira ngo zisambane kandi zirye intonōrano.

Umugambi wo kwiga ubu butumwa ni ukugirango aho aya matorero ashimwa tuhigane kandi turebere hamwe icyo banengwaga natwe tubyirinde kugirango turusheho gushaka ibishimwa n'Imana.
Ijambo Tuwatira risobanura amayoberane, bahabwa ubu butumwa itorero rya gikiristo ryari hafi kuzimira. Mu kuvuga kuri iri torero turibanda ku bintu bitatu bikubiye mu butumwa bwoherejwe itorero ari byo: Kurya intonorano kwari mu itorero icyo gihe, gusambana kandi turavuga kuri Yezebeli wari mu itorero.
Inkuru za Yezebeli zitubwirako yari umunyamahangakazi, umukobwa w'umwami w'i Sidoni. Yezebeli yaje gushyingirwa umwami wa Isirayeli witwaga Ahabu. Yezebeli ageze mu Isirayeli yakoze ibintu bitatu bikomeye:

1.Yaganje umugabo we amukura ku Mana ye ahubwo yubaka imyizerere ye
2.Yashimangiye isengwa rya baali, anayubakira ibicaniro mu Isirayeli
3.Yishe abanze kuyoboka imyizere ye

Kugirango tumenye isano iri hagati y'itorero n'imyitwarire ya Yezebeli reka tubanze dusome icyo bibiliya ivuga kuri Yezebeli, 1Abami 16:30-33, “Ariko Ahabu mwene Omuri akora ibyangwa n'Uwiteka kurusha abamubanjirije bose. Nuko bimubereye bito kugendera mu byaha bya Yerobowamu mwene Nebati, ariyongeranya arongora Yezebeli umukobwa wa Etibāli umwami w'Abasidoni, aragenda akorera Bāli arayiramya. Yubakira Bāli icyotero mu nzu ya Bāli yari yubatse i Samariya. Kandi yiremera Ashera, ndetse Ahabu uwo arusha abandi bami b'Abisirayeli bamubanjirije bose kurakaza Uwiteka Imana ya Isirayeli.”

1Abami 18:13 “Mbese ntibabwiye databuja icyo nakoze ubwo Yezebeli yicaga abahanuzi b'Uwiteka, ko nahishe abahanuzi b'Uwiteka ijana mu buvumo bubiri mirongo itanu mirongo itanu, nkajya mbagaburira umutsima n'amazi yo kunywa?”

Ijambo ry'Imana dusomye hano ritwereka neza ibyo Yezebeli yakoreye muri Isirayeli, uko byari bimeze mu gihe cya Yezebeli ni nako byari bimeze ku itorero rya Tuwatira. Ikindi kintu cyavuzwe ni ubusambanyi. Ubu busambanyi si ubusambanyi bukorwa mu mibiri, nubundi muri bibiliya itorero rigereranywa n'umugore (Ibyahishuwe 19:8), itorero rihindanye rigereranywa na maraya (Ezekiyeli 16:30-34). Iyi mvugo ubusambanyi ikoreshwa iyo umugore yataye umugabo we akajya ku wundi cyangwa iyo ababangikanyije nibwo aba abaye maraya, n'itorero iyo ribangikanyije Imana no gukorera isi icyo cyaha gihwana no kwica amasezerano yabashyingiranywe, ibyo nibyo itorero rya Tuwatira ryakoze. Iki gihe itorero ryaranzwe n'ubusambanyi bujyanye no gukorera Imana n'isi kuko ubuyobozi bw'itorero bwivanze no muri politike.
Ikindi Yezebeli yigishije imbata z'Imana kurya intonorano, bisobanuyeko ibyari imigenzo ya gipagani byahinduriwe amazina maze byinjizwa mu myizerere ya gikirisito, ibyari imigenzo ya gipagani bimaze kwinjizwa mu myizerere ya kristo ubwo imbata z'Imana zari ziriye inyama zaterekereshejwe(intonorano).

Urugero rwa zimwe mu ntonorano bashakaga kuvuga muri uru rwandiko rwandikiwe Tuwatira:

1.Ihame ryo kubuza abantu b'Imana gushaka. Iri si ihame rya bibiliya nubwo abatari bakeya bariyobotse. Mu gitabo cya 1Timoteyo 3:1-5, hano havuga ibisabwa kugirango umuntu abe umwepisikopi cyangwa abe umugaragu wa Nyagasani asabwa kuba afite umugore umwe. Ariko imigenzo n'amahame yinjijwe muri icyo gihe na n'ubu aracyakomeje.

2.Isabukuru y'imana y'izuba yasengwaga n'abapagani .Iyo sabukuru niwo munsi w'izuba. Yizihizwaga ku munsi wo ku cyumweru niho havuye ijambo ry'icyongereza Sunday risobanura umunsi w'izuba uyu munsi ni umunsi wo gusenga ku bakrisito.

3.Umunsi wa Noheli, wari umunsi mukuru wa Tamuzi (bambarizagaho ibigirwamana). Uyu wahindutse umunsi w'ivuka rya Yesu. Amateka ya Noheli agaragaza ko uwo munsi mukuru ukomoka mu madini ya gipagani. Hari inkoranyamagambo yagize iti “Umunsi mukuru w'Abaroma witwa Saturunaliya, wizihizwaga mu kwezi k'Ukuboza hagati, ni wo bavanyeho imyinshi mu migenzo ikurikizwa kuri Noheli.

Tuzakomeza n'ubutaha turebera hamwe ubutumwa bukubiye mu rwandiko rwagenewe marayika w'itorero rya Tuwatira nicyo bisobanuye ku itorero ry'uyu munsi.

[email protected]

❌