WebRwanda.com

πŸ”’
❌
There are new available articles, click to refresh the page.
Before yesterdayUbugingo - Website

IBINTU 10 UGOMBA KWIBUKA KU BIJYANYE N'ABATANDUKANYE MU RUSHAKO

By Ubugingo

1. Kubaka urugo rwiza bisaba ubushake n'uruhare rw'abashakanye bombi ariko umwe ashobora gutuma rusenyuka. Urugero: uwo mwashakanye agutaye akagenda, wahamagara ntafate telephone, wamutumaho guhura akagusuzugura, yakubona akanga kugusuhuza, etc. warwubaka ute?

2. Hari umuntu utandukana yishimye? Aho bigera ko umuntu yiyemeza gutandukana haba hari ibintu bibi bikomeye wewe utazi kd wenda nawe utakwihanganira;

3. Ijoro ribara uwariraye. Amakuru y'abatandukanye ujye uyavuga uhinda umushyitsi kuko hari byinshi byabo utazi;

4. Society yacu, Amatorero yacu, abakristo ni gute bakira kd bafasha abahuye n'ikibazo cyo gusenya urugo?

5. Ibikomere bikomeye benshi mu basenye ingo n'agahinda umuntu aterwa no gutabwa n'uwo yakunze, birasaba ko buri wese atanga umusanzu we mu gufasha aba bantu;

6. Ingaruka z'urugo rumwe rwasenyutse zigera ku bantu batabarika kd b'inzirakarengane ( harimo n'abana bato);

7. Uretse gutabwa n'uwo wakundaga, akenshi nyuma hazamo no guhigwa bukware umuntu azizwa umutungo cg yakwa abana;

8. Ubushakashatsi bugaragaza ko nyuma y'urushako rubi, benshi bahura na depression, bahararuka ubuzima cg biyahura;

9. Inkoni ikubise mukeba bayirenza urugo. Icyatumye uriya muntu uzi atandukana nawe kirakugarije cg cyugarije umwana wawe.

10. Gusengera imiryango ni inshigano yawe mbere y'uko iba rusange. Umunsi mwiza kuri twese!

Dr. Fidele Masengo Foursquare Gospel Church

IRINDE KUGAYISHA UMUNTU IJISHO

By Ubugingo

Ibyakozwe n'intumwa. 10:34 Petero aterura amagambo ati"Ni ukuri menye yuko Imana itarobanura ku butoni, ahubwo mu mahanga yose uyubaha agakora ibyo gukiranuka iramwemera."

Maze gusoma iki cyanditswe, nizemo ko tudakwiriye guha abantu agaciro tubarobanura ku butoni. Akenshi umutima wuzuye ibyishimo ushobora kuba mu mubiri wifubitse imyenda icitse, isuzuguritse.

Nyamara umukire mu bigaragara yujuje ubukene mu mutima, ndetse ariwe mutindi wo kubabarirwa.

Na none kandi, abo dutekereza ko bakomeye mu Mwuka bashobora kuba batemerwa n'Imana nyamara barya ducira imanza ikaba yo aribo yemera.

Twirinde cyane.

Mugire umunsi mwiza!

Dr. Fidele Masengo Foursquare Gospel Church

Ukwera!

By Ubugingo

WARI UZI KO IMANA ISHOBORA KWITAMBIKA MU MUGAMBI WAWE?

By Ubugingo

MATAYO 2:12 "Baburizwa n'Imana mu nzozi gusubira kwa Herode, banyura iyindi nzira basubira iwabo. Yosefu ahungira muri Egiputa".

Nifuje kugusangiza iri jambo ry'ukuntu Imana yitambika mu mugambi wacu, ikaburizamo ibyo twifuza gukora.

Ibi bishobora kuba byarakubayeho incuro ninshi ko Imana itakwemerera kujya aho wifuzaga, gukora igikorwa runaka wagambiriye. Niba byaragushikiye, nize imwe mu mpamvu zibitera: KUBA BITARAKUNZE NI KU NEZA YAWE!

Ku bera urukundo igukunda, nasanze Imana hari igihe ihitamo ku kubuza kujya aho washakaga kugirango ikurinde ibibi bihagutegerereje utazi. Dore zimwe mu ngero: wagerageje kujya America, mu Burayi, Israel, Australia, n'ahandi ariko biranga. Hari n'aho wujuje ibisabwa byose bakwima visa, hari n'abahabwa visa bakangirwa kwinjira mu gihugu,...

Iyo ugipanga kuhajya ntabwo uba uzi impamvu zituma kujyayo atari ingirakamaro kuri wowe ariko Imana yo iba izi ibyo utazi. Ireba hirya y'imisozi, hakurya y'inyanja n'ibihugu, etc.

Uretse kwitambika mu ngendo zawe, hari n'ubwo ikubuza gukora ikintu runaka wowe wifuzaga cyane.

Niba ari byo bihe urimo, ntutinye kuko igihe cyo kujya aho itakwemereye kujya nikigera, niyo izakimenya mbere kd icyo wifuza ga kuhakorera cg kuhabonera, ifite ubushobozi bwo kukiguhera aho uri cg ahandi ya kuyobora kujya.

Mugire igitondo cyiza!

Dr. Fidele Masengo Foursquare Gospel Church

IMIBEREHO ISHAJE MU IZINA RISHYA!

By Ubugingo

2 Korint 5:17 "Umuntu wese iyo ari muri Kristo aba ari icyaremwe gishya, ibya kera biba bishize. Dore byose biba bihindutse bishya.

Maze gutekereza kuri iri jambo, nasanze ari nta mukristo nyawe ugira imitekerereze, imirebere, imibereho, imyitwarire, imyemerere bya kera.

Mu bwubatsi, iyo umuntu ajya gusana inyubako runaka abanza gusenya ibipande, ibishahuro, amarangi yomotse ku bikuta. Hari n'aho ibikuta bikurwaho kugirango hubakwe ibindi. Nyuma yabwo nibwo haba kubaka inyubako nzima. Ikibabaje nI uko abakristo benshi bavanze inyubako. Baragendana ingeso za kamere mu izina rishya.

Niba ibya kera bikigufataho ni ukubera ko ibishya bitakugezeho nyabyo. Reka twisuzume kugirango tube icyaremwe gishya koko. Reka buri wese agire uruhare mu gusenya ibya kera.

Umunsi mwiza kuri twese!

Dr. Fidele Masengo Foursquare Gospel Church

MU GIHE IMFATIRO ZISENYUTSE UKORA IKI?

By Ubugingo

Zaburi 11:3 - Niba imfatiro zishenywe, Umukiranutsi yakora iki?

Muri iki gitondo nibajije cyane kuri iki kibazo numva kigoye gusubiza. Natekereje ku mfatiro z'abantu nsanga ari ninshi harimo: ubuzima(santΓ©), ubukungu, umuryango, akazi, igihugu, inshuti, urugo cg urushako, etc. Nibajije ngo mu gihe izi mfatiro zisenyutse umuntu yakora iki?

Nasanze abantu basenye zimwe muri izo mfatiro bajya bakora byinshi: kwiheba, kwimuka, kwiyanga, kwiyahura, guhungabana, kubyakira, kwiganyira...Wewe usoma iyi nkuru uzi ubwawe uko wabyitwaramo cg wabyitwayemo!

Maze gutekereza nasanze hari igisubizo kimwe cyonyine gihagije, gikwiye.

Dore ngiki: Imigani 18:10 - Izina ry'Uwiteka ni umunara ukomeye, Umukiranutsi awuhungiramo, agakomera.

Ahandi hose uhungira, ikindi cyemezo ufata ntacyo gihindura.

Kubera kumenya ubu bwihisho, ndakugira inama yo gukora ibi bintu 5 mu gihe imfatiro zawe zasenyutse:

1) Gushaka Imana; 2) Guhungira ku Mana; 3) Gusenga Imana; 4) Kwiringira no kwizera Imana; 5) Kuguma mu Mana;

Mugire umunsi mwiza mwese! Dr. Fidele Masengo Foursquare Gospel Church

GUHINDUKIRA UVA MU BIBI URIMO

By Ubugingo

Luka 15:18 - Reka mpaguruke njye kwa data mubwire nti: Data, nacumuye ku Yo mu ijuru no maso yawe, Luka 15:20 - Arahaguruka ajya kwa se."Agituruka kure, se aramubona aramubabarira, arirukanka aramuhobera, aramusoma.

Umugani w'Umwana w'ikirara ni kimwe mu byanditswe gifasha kumva neza ubutumwa bwiza.

Uriya mugani werekana ubuzima bw'umubyaha, n'ibyiringiro ahorana by'agakiza. Unerekana ibyishimo Imana igira iyo hagize umuntu wihana akava mu nzira mbi. Utwigisha urukundo rw'Imana rugaragazwa n'uburyo itwihanganira, itubabarira, ikanatwakira tutayitunganiye.

Hari amasomo menshi nize muri uyu mugani. Ndibanda gusa ku masomo nakuye ku Mwana w'ikirara ubwe.

Amwe muriyo ni akurikira: 1) Yafashe umwanya yitekerezaho, atekereza ku buzima abayemo.

Ese ujya ufata umwanya wo kwitekerezaho, gutekereza ku mibereho yawe ya gikristo, ibyo urimo, ibyo wagombye kuba ukora nk'umukristo udakora?

2) Yagize ubutwari bwo kubona amakosa ye aho kubona ay'abandi.

Amaze kwisubiraho, yasanze ikibazo kitari ku bandi, ahubwo ariwe kibazo. Yashoboraga gupfana umukoresha we (nyiri ngurube), ise, mukuru we, inshuti zose yasanze mu gihugu yararukiyemo...ariko siko byagenze. Yiyemeje icyaha.

Ubu ni ubutwari bukomeye. Abenshi aho kuva mu cyaha, bagishakira ibisobanuro, bakakigereka ku bandi. Bazira ubabwira ukuri! Iyo ubabwiye ngo ijambo ry'Imama riragusaba ibi n'ibi....barakwanga! Isuzume ahari ikibazo ni wewe ntabwo ari abandi!

3) Yafashe icyemezo cyo kuva mu ikosa atitaye ku kiguzi n'ingaruka byamusabaga.

Mu by'ukuri afata icyemezo cyo gusubira kwa se, ntiyari azi ibimutegereje. Ndatekereza ko mu byo yumvaga byamubaho harimo no kuba yahanwa by'intangarugero, kuba igiseko, iciro ry'imigani, kutemerwa, gusabwa gusubiza ibyo yahombeje, etc.

Abenshi mu bantu b'iki gihe babuze ubutwari bwo kuva mu makosa, ahubwo barushaho kuyongera. Batinya ingaruka zo kuva mu kibazo bikabatera kugihamamo. Kutava mu kibazo kubera gutinya kwirengera ingaruka, n'ugushakira umuti w'ikibazo mu kibazo!

4) Kwihana nyako n'uguhindura imyumvire, imitekerereze, icyerekezo.

N'ugufata indi nzira ihabanye n'iyo umuntu asanzwemo no kuyikomeza atitaye ku rucantege ashobora guhura narwo. Umuririmbyi wo mu gushimisha ati kuki watinze cyane mu byaha? Igire inama yo kugaruka.

Ndakugira inama yo gusubira mu nzu ya so!

Umunsi mwiza kuri twese. Dr. Fidele Masengo Foursquare Gospel Church

KUNDA Thérèse, wari umugore wa Evangelist KWIZERA yatabarutse!

By Ubugingo

β€œKubana neza hagati y'abashakanye birashoboka!” Uru nirwo rwibutso rukomeye Evangelist KWIZERA Emmanuel asigiwe n'uwari umudamu we KUNDA ThΓ©rΓ¨se, watabarutse ku mugoroba wo ku Cyumweru tariki 6 Kanama 2017 azize indwara ya cancer y'umwijima.

Hari hashize iminsi micye aba babyeyi b'abana batatu, bizihije isabukuru y'imyaka 10 bamaze barushinze.

Kunda ari hamwe n'umuryango we

Kunda ThΓ©rΓ¨se yari amaze imyaka 10 akorera umuryango MSH (Management Sciences for Health), aho yagiraga uruhare runini mu migendekere myiza y'ubwisungane mu kwivuza β€œMutuelle de Santé”.

Uyu mubyeyi kandi yari azwi cyane mu murimo w'Imana kuva akiri muri Kaminuza y'u Rwanda i Butare, ari naho yakiriye Yesu nk'Umwami n'Umukiza w'ubugingo bwe. Atabarutse yari umudiyakoni mu itorero "Evangelical Restoration Church", by'umwihariko muri Paroisse ya Kimisagara, aho yibukwa nk'umwe mu bayoboye urubyiruko ndetse no mu batangije igiterane cy'umuryango. Yari umujyanama w'abashakanye, abafasha kubakira ingo zabo ku ndangagaciro za gikristo.

Kunda ari hamwe na Evangelist KWIZERA Emmanuel

Evangelist KWIZERA Emmanuel, amusezeraho yagize ati: β€œKunda yari umugore wanjye, twari tumaranye imyaka 10. Muri iyo myaka yose yanyeretse ko kubana hagati y'abashakanye bishoboka kandi ko ibyo twizera ari ukuri. Ubu, ndi uwo ndi we mu murimo w'Imana kubera ko yambereye umugore mwiza. Yahoraga yishimye, yari intwari, yakundaga bose kandi yari umunyabwenge.”

Kunda hamwe na Evangelist KWIZERA Emmanuel

Mu gihe cy'uburwayi bwe, Kunda Thérèse yakomeje kwiringira Imana. Evangelist Kwizera Emmanuel ni umuvugabutumwa uzwi cyane mu Rwanda ndetse no mu mahanga. Ubu ni umwe mu bagize ihuriro ry'ivugabutumwa Lausane Movement, aho ashinzwe ivugabutumwa ku isi.

Gahunda yo gusezera kuri KUNDA Thérèse

  • Kuwa Kane taliki 10/08/2017
  • 9:00: Gusezera mu rugo i Rebero, mu mudugudu wa BNR
  • 10:30: Amasengesho yo kumusezera, Evangelical Restoration Church
  • Kimisagara
  • 15:00: Gushyingura mu irimbi rya Rusoro

Nibyiza kwemera amakosa kuko bituma tubabarirwa

By TheoNdiz2

Ikibazo gituma abashakanye batumvikana muri iki gihe ni ukutemera amakosa.Nibyiza kwemera amakosa kuko bituma tubabarirwa. Itangiriro 3:9-13.

IMANA IZASHYIRAHO INZIRA

By Ubugingo

"Umva ibyo Uwiteka avuga, ari we waremye inzira mu nyanja agacisha inzira mu mazi menshi, "Ibya kera ntimubyibuke, kandi ibyashize mwe kubyitaho. Dore ngiye gukora ikintu gishya, ubu ko kigiye kwaduka ntimuzakimenya? Nzaharura inzira mu butayu, ntembeshe imigezi mu kidaturwa..." (Yesaya 43:16,18-19).

Imana ishobora guca inzira aho umuntu wese atabasha kubona. Afite uburyo bwinshi bwo gukemura ikibazo kimwe ku bantu batandukanye, ahantu hatandukanye cyangwa ahantu hamwe.

Imana ishobora guca inzira yumutse mu mazi akomeye menshi nk'inyanja n'ibiyaga. Imana ishobora guca inzira y'amazi mu butayu no mu kidaturwa. Ntakintu na kimwe cyabuza abantu bayo gukomeza imbere muri byose kereka gusa gusuzugura Ijambo ryayo no kutita kubushake bwayo. Wirinde icyagukoresha nk'ibyo, uko byagenda kose.

Imana irakuzi wowe ubwawe uko uri kandi yakuvuzeho Ijambo ryayo mbere yuko uvuka. Ntukisuzugure ushingiye kubyo uri gucamo ubu. Igihe kizagera ibibazo byose birangire. Icyo gihe uzahagarara mu bwiza bw'Uwiteka yasezeranye kera. Uzazamura icyubahiro cyayo, Ushime Uwiteka. Uzahimbaza Imana, ushime Izina ryayo ryera.

Ntucike intege. Ukomeze utumbire Imana, Ijambo yavuze kandi wibuke ko ikora ibintu byose ishingiye ku bushake bwayo no ku gihe cyayo gihora cyuzuye, ntikererwa cyangwa ngo izinduke, bigutere kwiga kwihangana.

Wahagaze he? Mu mateka y'akahise kawe? Mu mibanire yawe n'abantu baguhemukira? Mu byifuzo by'iyi si bitarangira? Ni ikihe kibazo cyaguhagaritse ukaba utagenda imbere?

Imana irakubwira ngo "byibagirwe byose, kandi ntunabyiteho." Igiye gukora ibintu bishya utigeze umenya mbere. Imana igiye gukora ikintu gishya mu buzima bwawe kizagutungura kikunezeze. Abagukinaga ku mubyimba bishingikirije ibyo bafite, bazabibona batangare bibatere guhimbaza Imana yawe n'izina ryayo ryera.

Tegereza wihanganye. Ntucike intege. Ukomeze utumbire icyo Imana yavuze utitaye kubyo abantu bavuga. Subiramo imbaraga ukura kucyo Imana yavuze, ukomeze ukore cyane kandi usenge. Wibuke ugushaka kw'Imana n'igihe cyayo kugirango ushobore kwihangana no guhora ushima utitaye kubikugose byakubuza. Imana igiye gukora ikintu gishya mu buzima bwawe.

Amena.

Ndatura umugisha ku buzima bwawe. Amena. Nshimiyimana Jean Foursquare Gospel Church Kimironko

UMUTUNZI UTIYIZI

By Ubugingo

Nzi amakuba yawe n'ubukene bwawe, (ariko rero URI UMUTUNZI), n'uko utukwa n'abiyita Abayuda nyamara atari bo, ahubwo ari ab'isinagogi ya Satani. Ibyahishuwe 2:9

Imana dusenga yisanze iriho. Mbere ya yo nta gihari. Ntabwo igira amateka ayihishe nk'uko abantu babayeho. Mu biriho n'ibizaba ntaco ihishwe. Izi amakuru y'ibyabayeho, ibiriho n'ibizaza. Mu kubaho kwayo nta matsiko igira yo kumenya, ntijya ibaza amakuru, ntijya yibagirwa ibyabaye ngo yiyibutse, ntijya yumvirana ibyavuzwe ngo isiguze. Izi amakuru yose akubaho hatabuze na kamwe. Muri ayo makuru hari n'amakuba yawe n'ubukene ndetse n'ibitutsi utukwa.

Imana yandikira Itorero ry'i Simuruna ruriya rwandiko, barimo banyura mu makuba arimo gutotezwa, ubukene, gutukwa, bari bahagurukiwe n'ibibazo bikomeye. Mbese bari bameze nk'uko nawe umeze.

Imana ibarebye ntiyagarukiye ku makuru y'amakuba, y'ubukene n'ayo gutukwa ahubwo yabonye n'UBUTUNZI bo batari bazi, bo batarebaga. Incuro nyinshi twibona gusa mu makuba, mu bukene, mu gusuzugurwa nyamara ibyo tureba siko kuri kose. Ukuri nyako gufite Imana kandi gutandukanye n'ibyo uzi.

Kubera amakuru make, amakuru mabi, amakuru adashyitse twifiteho akenshi dufata ibyemezo tutagombaga gufata. Niho usanga umuntu yihaye akato, agakuraho telephone, akiyanga, akanga n'abandi. Niba uri murabo bameze batyo, urazira amakuru make ufite.

Va mu byo urimo ubaze amakuru nyayo akureba. Mu byo utazi, harimo ko uri UMUTUNZI! Nta byago nko gutunga ibyo utazi kuko bikugira umukene mu karengane! Sigaho kubaho uwo ukeka uri, ubeho nk'uko Imana ikuvugaho! Amakuru Imana ikuvugaho niyo nyayo, niko kuri.

Mugire umunsi mwiza w'amatora.

Dr. Fidele Masengo, Foursquare Gospel Church

❌