WebRwanda.com

πŸ”’
❌
There are new available articles, click to refresh the page.
Today β€” May 20th 2018RUHAGOYACU.com

Mukura VS irasura Gicumbi FC ya Bekeni idafite rutahizamu Mutebi

By Eric Tony UKURIKIYIMFURAEric Tony UKURIKIYIMFURA

Ku munsi wa 24 wa shampiyona w'icyiciro cya mbere mu Rwanda, Azam Rwanda Premier League, ikipe ya Mukura Victory Sports irasura Gicumbi FC ku kibuga cyo idafite rutahizamu Mutebi Rashid umaze kuyitsindira ibitego birindwi muri shampiyona.

Ni umukino wa kabiri uyu rutahizamu w'umugande baguze muri Gicumbi FC agiye gusiba, nyuma yo kuvunika agasiba n'umukino batsinzwemo na APR FC muri iki cyumweru hagati nk'uko bitangazwa n'umutoza wa Mukura Victory Sports; Haringingo Francis Christian.
Mutebi Rashid (hagati) yarebeye umukino wa Mukura na APR FC muri tribune kubera imvune/ Foto: JuliusMutebi Rashid (hagati) yarebeye umukino wa Mukura na APR FC muri tribune kubera imvune/ Foto: Julius

Yagize ati: β€œAbakinnyi ntafite ni Mutebi, yari asanzwe arwaye na we atangiye imyitozo uyu munsi ntabwo aramera neza ku buryo yashobora gukina mu mukino w'ejo. Ni Mutebi gusa kuko na Zagabe amaze iminsi yaratangiye imyitozo nubwo atazaba ari mu bakinnyi 18 tuzatwara.”

β€œTuri gukora ibishoboka byose ngo tuzabone amanota atatu kuko natwe ahantu turi si heza. Dukeneye amanota atatu cyane, akenshi turakina ntidutsinde tukanganya cyangwa tugatsindwa.”

Umutoza wa Mukura Victory Sports; Haringingo Francis/ Foto:JuliusUmutoza wa Mukura Victory Sports; Haringingo Francis/ Foto:Julius

Ba myugariro b'iyi kipe, Hatungimana Basile na Manirareba Ambroise bo bafite imvune z'igihe kirekire, aho batazongera kugaragara mu kibuga muri uyu mwaka w'imikino.

Nyuma yo gutsindwa na Police FC muri iki cyumweru, umutoza wa Gicumbi FC; Bizimana Abdul Bekeni yavuze ko mu gihe ubuyobozi bw'ikipe butagize icyo bukora ishobora kumanuka.

Bekeni asanga nta gikozwe Gicumbi FC ishobora kumanuka/ Foto: HardyBekeni asanga nta gikozwe Gicumbi FC ishobora kumanuka/ Foto: Hardy

Iyi kipe irabarizwa ku mwanya wa 15 n'amanota 19 mu gihe Mukura Victory Sports bagiye guhura ifite amanota 24 ku mwanya wa cyenda.

  • May 20th 2018 at 00:13

Rayon Sports ntabwo nayibayemo nabi ku buryo nayitsinda igitego ngo nishime- Mugenzi Cedric

By Eric Tony UKURIKIYIMFURAEric Tony UKURIKIYIMFURA

Umukinnyi wo hagati mu kibuga ukina asatira izamu mu ikipe ya Etincelles; Mugenzi Cedric bakunze kwita Ramires avuga ko gutsinda Rayon Sports mu mukino uheruka guhuza amakipe yombi ariko ntiyishimire igitego yabitewe n'uko iyi kipe yakiniye atigeze ayigiriramo ibihe bibi nubwo atayitinzemo.

Rayon Sports irakira Etincelles FC mu mukino w'umunsi wa 24 wa shampiyona kuri iki Cyumweru guhera saa 15:30, umukino uhuza amakipe yombi kuri Stade ya Kigali.

Uyu mukino mushobora kuwukurikira umunota ku wundi hano kuri RuhagoYacu ndetse no mu mashusho akeye ya Azam TV.

Rayon Sports irakira Etincelles FC kuri iki CyumweruRayon Sports irakira Etincelles FC kuri iki Cyumweru

Mu kiganiro RuhagoYacu yagiranye na Mugenzi Cedric β€˜Ramires' ukinira Etincelles Fc, yadutangarije ko biteguye neza uyu mukino, babizi ko kandi bagiye guhura n'ikipe ikomeye.

β€œNi ikipe ikomeye tugiye guhura, turabizi. Yego ihanganiye shampiyona ariko natwe turashaka kwerekana ko urwego ikipe yacu iriho bitari ugutungurana ko ahubwo twabikoreye.”

Mu mikino ibanza ya shampiyona, Etincelles yakiriye umukino wahuje amakipe yombi i Rubavu, itsinda igitego 1-0 cya Mumbele Saiba Claude.

Mugenzi Cedric ari gukina umwaka wa kabiri muri Etincelles/ Foto: InyarwandaMugenzi Cedric ari gukina umwaka wa kabiri muri Etincelles/ Foto: Inyarwanda
Ramires nk'uko bamwita yazamuye amaboko hejuru ubwo yari amaze gutsinda igitego bakina na Rayon Sports mu gikombe cy'AmahoroRamires nk'uko bamwita yazamuye amaboko hejuru ubwo yari amaze gutsinda igitego bakina na Rayon Sports mu gikombe cy'Amahoro

Ubwo RuhagoYacu yabazaga uyu mukinnyi impamvu yatsinze igitego mu mukino ubanza wa 1/8 cy'igikombe cy'Amahoro wabereye I Rubavu (bakanganya 1-1) ariko ntacyishimire, Mugenzi Cedric yavuze ko Rayon Sports ari ikipe yakiniye, kandi atayigiriyemo ibihe bibi ku buryo yari kwishimira kuyitsinda.

Yagize ati: β€œNi ikipe nziza nakiniye. Rayon Sports ntabwo nayibayemo nabi ku buryo nari kuyitsinda ngo nishime. Kuyivamo byarabaye ariko nishimira byibuze ko nakinnye mu ikipe nk'iriya.”

Mugenzi Cedric yageze muri Rayon Sports mu ntangiriro z'umwaka w'imikino 2015/16 avuye muri Gicumbi FC, ayikinira umwaka umwe batwayemo igikombe cy'Amahoro cya 2006, ahava ajya muri Etincelles FC.

Etincelles FC ifite amanota 31 ku mwanya wa karindwi hamwe n'umutoza wayo Ruremesha Emmanuel bazwiho kugora amwe mu makipe akomeye by'umwihariko Rayon Sports kuri ubu iri ku mwanya wa kane n'amanota 36 mu gihe ifite imikino itatu yindi y'ibirarane.

Mugenzi Cedric yari muri Rayon Sports yegukanye igikombe cy'Amahoro mu 2016Mugenzi Cedric yari muri Rayon Sports yegukanye igikombe cy'Amahoro mu 2016


Ibyo wamenya ku mikino iheruka guhuza amakipe yombi vuba aha

Mu 26 iheruka guhuza amakipe yombi, Rayon Sports yatsinze 13, Etincelles 5, banganya 8.

Intsinzi ikomeye hagati yazo ni 7-1 bya Rayon Sports mu 2004.

Kunganya kunini hagati y'amakipe yombi ni ibitego 3-3, ibi byabaye mu Ugushyingo 2010.

Umukino uheruka, Etincelles yatsinze Rayon Sports igitego 1-0 mu mikino ibanza.

Rayon Sports ntiyashoboye gutsinda Etincelles mu mikino ibiri iheruka kuyakiramo muri shampiyona (1-1, 0-0) mu 2015/16 na 2016/17.

Amakipe yombi yanganyije igitego 1-1 ubwo aheruka guhurira mu gikombe cy'Amahoro mu mpera z'ukwezi gushize.

  • May 19th 2018 at 23:05

Amavubi U-20 ya Handball yahigitse Kenya, yongera gusanga Uganda ku mukino wa nyuma

By Eric Tony UKURIKIYIMFURAEric Tony UKURIKIYIMFURA

Ikipe y'igihugu y'u Rwanda ya Handball y'abatarengeje imyaka 20 inyagiye iya Kenya ibitego 31 kuri 20, ihita ibona itike yo gukina umukino wa nyuma mu gikombe IHF Challenge Trophy kiri kubera muri Uganda.

Ni umukino wabaye kuri uyu wa Gatandatu, aho amakipe yombi yabonye itike yo gukina imikino ya Β½ nyuma yo kwitwara neza mu mikino ibanza.

U Rwanda rwihariye igice cya mbere cy'umukino, rutsinda Kenya ibitego 15-0 mu gihe mu gice cya kabiri ikipe y'u Rwanda yatsinzemo ibitego 16 naho Kenya itsindamo ibitego 20, bituma umukino urangira Amavubi U-20 y'u Rwanda atsinze Kenya ibitego 31-20, abona itike yo gukina umukino wa nyuma uteganyijwe kuri iki Cyumweru saa 15:00 za Kigali.

U Rwanda rwageze ku mukino wa nyuma rwihanije ikipe ya KenyaU Rwanda rwageze ku mukino wa nyuma rwihanije ikipe ya Kenya

Nshimiyimana Alex w'ikipe y'u Rwanda ni we watsinze ibitego byinshi muri uyu mukino (9).

Undi mukino wa Β½ wahuje ikipe y'igihugu ya Uganda n'iya Ethiopia, Uganda igera ku mukino wa nyuma isezereye Ethiopia ku bitego 35 kuri 21.

Ni ku nshuro ya kabiri yikurikiranya ibihugu byombi bihuriye ku mukino wa nyuma w'iri rushanwa, aho bahuriye ku mukino wa nyuma mu Ukuboza 2016, u Rwanda rwegukana igikombe rutsinze Uganda ibitego 38-32.

Ikipe y'igihugu ya Kenya yakinnye n'u Rwanda kuri uyu wa GatandatuIkipe y'igihugu ya Kenya yakinnye n'u Rwanda kuri uyu wa Gatandatu

Ikipe izabasha kwegukana iki gikombe gihuza amakipe agize akarere ka Gatanu k'Afurika k'imikino muri Handball (Zone 5), izahita ikatisha itike yo kwerekeza mu gikombe cya Afurika cy'abatarengeje imyaka 20 giteganijwe uyu mwaka.

  • May 19th 2018 at 22:09

Uwizeyimana Bonaventure yegukanye agace ka kabiri ka Rwanda Cycling Cup

By Aimable MBARUSHIMANAAimable MBARUSHIMANA

Uwizeyimana Bonaventure ukinira ikipe yo gusiganwa ku magare Benediction Club; ni we wanikiye bagenzi be mu gace ka kabiri ka Rwanda Cycling Cup.

Aka gace ka shampiyona ngarukamwaka yo gusiganwa ku magare katangiriye i Kayonza kagasorezwa i Muhanga; abasiganwa bakoze ibirometero bisaga 120 ; birangira Uwizeyimana Bonaventure asize bagenzi be aho yakoresheje amasaha 2 n'iminota 45.

Kuri uyu wa Gatandatu, Rwanda Cycling Cup yerekeje i MuhangaKuri uyu wa Gatandatu, Rwanda Cycling Cup yerekeje i Muhanga
Nk'umukino umaze gukundwa n'abanyarwanda batari bake- Bamwe bagiye bahagarra bakareba uko abakinnyi bitwara muri iri siganwaNk'umukino umaze gukundwa n'abanyarwanda batari bake- Bamwe bagiye bahagarra bakareba uko abakinnyi bitwara muri iri siganwa

Aganira nitangazamakuru Uwizeyimana yavuze ko kwitwara neza abikesha imyiteguro myiza ariko ngo na none bagenzi be bakinana ngo bamufashije cyane.

Ati: "kwitwara neza mbikesha imyuteguro myiza kuko nitoje bihagije ariko na bagenzi banjye dukinana bamfashije kunaniza abo twari duhanganye"

Yanongeye ho kandi ko aya marushanwa aba buri kwezi ayabonamo umusaruro uzabafasha kwitwara neza muri Tour du Rwanda iteganyijwe kuzaba muri Kanama 2018.

Uwizeyimana Bonaventure ni we wegukanye agace ka kabiri ka Rwanda Cycling Cup 2018Uwizeyimana Bonaventure ni we wegukanye agace ka kabiri ka Rwanda Cycling Cup 2018

Mu cyiciro cy'ingimbi zahagurukiye Ntunga mu karere ka Rwamagana aho bakoresheje ibirimetero 92; uwanikiye abandi ni uwitwa Muhoza Eric wakoresheje amasaha 2 n"iminota 42.

Mu bari n'abategarugori nabo bahagurukiye Ntunga berekeza nabo Muhanga; umukobwa w'imyaka 15 witwa Nzasabimana Velentine niwe wasize abakobwa bagenzi be.

Agace ka gatatu kazakinwa mu ntangiriro z'ukwezi gutahaAgace ka gatatu kazakinwa mu ntangiriro z'ukwezi gutaha

Ni ku nshuro ya kane Rwanda Cycling Cup ikinwa ;iy'uyu mwaka wa 2028 ikaba imaze gukinwa uduce 2 muri 12 duteganyijwe; agace ka mbere kakaba kari katwawe na Munyaneza Didier.

AMAFOTO: Hardy UWIHANGANYE/ RuhagoYacu

  • May 19th 2018 at 21:32

Troyes 0-3 Monaco

By NIYONSABA MadjaliwaNIYONSABA Madjaliwa
  • May 19th 2018 at 16:23

Caen 0-0 Paris Saint Germain

By NIYONSABA MadjaliwaNIYONSABA Madjaliwa
  • May 19th 2018 at 16:22

Bayern Munich 1-3 Eintracht Frankfurt

By NIYONSABA MadjaliwaNIYONSABA Madjaliwa
  • May 19th 2018 at 16:21

Villarreal 2-2 Real Madrid

By NIYONSABA MadjaliwaNIYONSABA Madjaliwa
  • May 19th 2018 at 16:20

Chelsea 1-0 Manchester United

By NIYONSABA MadjaliwaNIYONSABA Madjaliwa
  • May 19th 2018 at 16:19

Juventus 2-1 Hellas Verona

By NIYONSABA MadjaliwaNIYONSABA Madjaliwa
  • May 19th 2018 at 16:18

Biramahire Abeddy azamara ibyumweru bibiri adakina

By UWIRINGIYIMANA PeterUWIRINGIYIMANA Peter

Rutahizamu w'ikipe y'igihugu Amavubi n'ikipe ya Police Fc, Biramahire Abeddy ari mu kiruhuko cy'ibyumweru bibiri nyuma y'imvune yagiriye mu mukino w'umunsi wa 21 shampiyona wahuje Police Fc na Miloplast.

Biramahire Abeddy yavunitse ikirenge mu mukino Police Fc akinira yatsinzemo Miloplast 3-0 hagati muri iki cyumweru, ubwo yahuriraga na ku mupira na Mukamba Namasombwa wamukubise urukweto mu bworo bw'ikirenge, iyi akaba ariyo mvune igiye gutuma amara ibyumweru bibiri adakina umupira.

β€œMuganga yantegetse kumara ibyumweru bibiri ntakina kugira ngo arebe niba hari ikizahinduka, gusa yambwiye ko hatagize igihinduka nazasubirayo akongera akareba”. -Biramahire Abeddy rutahizamu wa Police Fc aganira na RuhagoYacu.

Rutahizamu wa Police FC; Biramahire Abeddy agiye kumara ibyumweru bibiri adakinaRutahizamu wa Police FC; Biramahire Abeddy agiye kumara ibyumweru bibiri adakina
Biramahire Abeddy yavunitse ikirenge cy'iburyoBiramahire Abeddy yavunitse ikirenge cy'iburyo

Uyu rutahizamu w'imyaka 20 yabwiye RuhagoYacu ko bitoroha ku mukinnyi uvuye mu mvune kugaruka vuba mu bihe bye byiza kuko aba agitinyisha imvune ngo hatagira ukoma aho yari yaravunitse. Yagize ati:β€œBiragora cyane guhita wongera ngo ukine nk'uko warusanzwe ukina kuko uba ugitinyisha imvune, ngira ngo mujya mu bibona kuri Butera wo muri APR nawe ntago agikoresha za mbaraga ze tuzi kuko atarakira neza”.

Abeddy akinira kandi ikipe y'igihugu AmavubiAbeddy akinira kandi ikipe y'igihugu Amavubi
Abeddy wambaye numero (7) ni umwe mu bakiniye u Rwanda muri CHAN 2018Abeddy wambaye numero (7) ni umwe mu bakiniye u Rwanda muri CHAN 2018

Mu kiganiro na RuhagoYacu kandi Biramahire Abeddy yavuze ko abona ko igihe cyararenze kuri Police Fc kuba yatwara igikombe cya shampiyona kuko abona APR FC na As Kigali zayisize cyane gusa ngo Police Fc ishyizemo imbaraga nyinshi ishobora gufata umwanya wa kabiri. Gusa kuri Abeddy ngo gutwara igikombe cy'amahoro uyu mwaka birashoboka ku ikipe ya Police Fc akinira.

β€œBirashoboka kuba twatwara igikombe cy'amahoro uyu mwaka nubwo dufite ikipe ya APR Fc imbere gusa ntago navuga ko ari ikipe igoranye nkurikije uko Police Fc ihagaze kuri ubu cyane ko mu mikino twagiye duhura itakunze kudutsinda ngira ngo murabyibuka ko no mu mikino ibanza ya shampiyona twanganyije 0-0”.

Biramahire Abeddy ahanganye na Rukundo Denis na Prince Buregeya ba APR FCBiramahire Abeddy ahanganye na Rukundo Denis na Prince Buregeya ba APR FC
Muri shampiyona iheruka yatowe nk'umukinnyi mwiza utanga icyizereMuri shampiyona iheruka yatowe nk'umukinnyi mwiza utanga icyizere

Biramahire Abeddy ni we ufite igihembo yahawe na AZAM TV nk'umukinnyi ukiri muto ugaragaza icyizere cy'ejo hazaza muri shampiyona ya 2016-2017.

  • May 19th 2018 at 13:14

Amavubi U-20 y'abakinnyi 10 yihagazeho imbere ya Zambia, arasezererwa

By UWIRINGIYIMANA PeterUWIRINGIYIMANA Peter

Ikipe y'igihugu y'u Rwanda y'abatarengeje imyaka 20 isezerewe na Zambia ifite igikombe giheruka mu mikino yo gushaka itike y'igikombe cya Afurika cy'abatarengeje imyaka 20 kizabera muri Niger umwaka utaha, kapiteni Buregeya Prince yabonyemo ikarita itukura.

Wari umukino wo kwishyura mu mikino yo guhatanira itike ijya Niger mu gikombe cya Afurika cy'abatarengeje imyaka 20 waberaga Lusaka muri Zambia, umukino urangiye Zambia inganyije n'u Rwanda 1-1 maze u Rwanda rusezererwa ku giteranyo cy'ibitego 3-1.

Zambia yanganyije n'u Rwanda mu mukino wo kwishyuraZambia yanganyije n'u Rwanda mu mukino wo kwishyura

U Rwanda rwihagazeho mu gice cya mbere kuko cyarangiye rutinjijwe igitego mu gihe rwanyuzagamo rukanasatira izamu. Mu gice cya kabiri Zambia yaje kubona igitego cyatsinzwe na Mwiya Malumo ku munota wa mirongo itanu na kabiri ku burangare bw'abakina ina inyuma mu ikipe y'u Rwanda.

Nyuma y'iminota mike u Rwanda rwaje kwishyura iki gitego rubifashijwemo na Guelette Samuel Leopord Marie wari wabanje mu kibuga kuri uyu mukino. Uyu mukino wabonetsemo penaliti ya Zambia yatewe na Francisco Mwepu mu minota ya nyuma maze umunyezamu Ntwari Fiacre w'u Rwanda ayikuramo.

Guelette Samuel Leopord Marie wambaye numero 9 yishyuriye Amavubi U-20 muri uyu mukinoGuelette Samuel Leopord Marie wambaye numero 9 yishyuriye Amavubi U-20 muri uyu mukino

Kapiteni w'u Rwanda Buregeya Prince yaje kubona ikarita itukura ku ikosa yakoreye mu kavuyo abakinnyi ba Zambia bateje mu rubuga rw'amahina rw'ikipe y'u Rwanda.

Kapiteni w'u Rwanda Prince Buregeya yahawe ikarita itukura ntiyarangiza umukinoKapiteni w'u Rwanda Prince Buregeya yahawe ikarita itukura ntiyarangiza umukino

Umukino ubanza Zambia yari yabashije gutsinda u Rwanda 2-0 mu mukino wabeye kuri stade ya Kigali i Nyamirambo bivuze rero u Rwanda rusezerewe ku bitego 3-1.

11 ba Zambia babanjemo: Prince Bwalya, Prince Mumba, Justine Mwanza, Benson Kolala, Kingsley, Kakwiya, Christopher Katongo, Thomas Zulu, Lameck Banda, Martin Njobvu, Mwiya Malumo, Francisco Mwepu.

11 b'u Rwanda Babanjemo: Ntwari Fiacre, Buregeya Prince, Uwineza Aime Placide, Mugisha Patrick, Nshimiyimana Mark Govin, Ishimwe Sareh, Ishimwe Christian, Nshimyumuremyi Gilbert, Bonane Jamvier, Guelette Samuel Leopord Marie, Byiringiro Lague.

AMAFOTO- Police FC inyagiye Espoir FC isatira Rayon Sports ku rutonde rwa shampiyona

By Eric Tony UKURIKIYIMFURAEric Tony UKURIKIYIMFURA

Ibitego bya Ishimwe Issa Zappy, Ndayishimiye Antoine Dominique na Mico Justin bihesheje Police FC gufata umwanya wa gatanu ku rutonde rwa shampiyona, ni nyuma yo kunyagira Espoir FC ibitego 3-0 mu mukino w'umunsi wa 24 wa shampiyona waberaga ku Kicukiro.

Police FC ihise igira amanota 36 ku mwanya wa gatanu ku rutonde rwa shampiyona, amanota banganya na Rayon Sports ya kane gusa bagatandukanywa n'uko Rayon Sports yabatsinze mu mikino ibanza n'ubwo n'ibitego ibibarusha.

Undi mukino w'umunsi wa 24 wa shampiyona wabaye, Kirehe FC yatsindiwe iwayo na Sunrise FC ibitego 2-0 bya Moussa Ally Sova na Niyibizi Vedaste

Amafoto menshi yaranze uyu mukino mukande hano.

Uko byari byifashe

FT: Police FC 3-0 Espoir FC

Umutoza wa Espoir; Okoko aganira na rutahizamu John SsemaziUmutoza wa Espoir; Okoko aganira na rutahizamu John Ssemazi
Conte mu Rwanda? Umutoza wa Police akora ibimenyetso byinshi bisa n'iby'umutoza wa Chelsea yo mu BwongerezaConte mu Rwanda? Umutoza wa Police akora ibimenyetso byinshi bisa n'iby'umutoza wa Chelsea yo mu Bwongereza
Okoko yababajwe no kunyagirwa na PoliceOkoko yababajwe no kunyagirwa na Police
Songa Isaie akurura kapiteni wa Espoir FC; Jacques WilondjaSonga Isaie akurura kapiteni wa Espoir FC; Jacques Wilondja
Said Abed, umutoza wungirije wa Espoir abaza abakinnyi be impamvu bari guhagarara nabi mu kibugaSaid Abed, umutoza wungirije wa Espoir abaza abakinnyi be impamvu bari guhagarara nabi mu kibuga
Usabimana Olivier yabonye uburyo bubiri bw'ibitego ubwo yari amaze gusimbura.....Usabimana Olivier yabonye uburyo bubiri bw'ibitego ubwo yari amaze gusimbura.....

90+1' Usabimana Olivier azmaukanye umupira ahaye Songa Isaie, Wilondja Jacques aramwitambika umupira ufatwa n'umuzamu.

90+1' Moustapha ahinduye umupira neza imbere y'izamu, Usabimana Olivier akozeho umupira ujya ibicu ariko umusifuzi wo ku ruhande avuga ko hari habayeho no kurarira.

90' Iminota itatu y'inyongera.

89' Koruneri ya Espoir FC, ariko Fiston Munezero akiza izamu.

89' Mico Justin yongeye kuzamukana umupira ariko arawutakaza.

87' Gooooaaaaal Igitego cya gatatu cya Police FC gitsinzwe na Mico Justin ku mupira ahawe na Nizeyimana Mirafa wari uzamutse neza hagati mu kibuga. Police FC 3-0 Espoir FC


Mico Justin na Usabimana Olivier bishimira igitego cya gatatu cya Police FCMico Justin na Usabimana Olivier bishimira igitego cya gatatu cya Police FC

86' Ikarita y'umuhondo ku munyezamu Bwanakweri Emmanuel kubera gutinza umukino.

84' Issa Zappy ahinduye umupira imbere y'izamu uruhukira mu biganza bya Masudi Ntagungira ufatira Espoir FC.

81' What a save! Masudi akuyemo umupira wa Moustapha yari atereye mu rubuga rw'amahina, awushyira muri koruneri itagize icyo itanga.


80' Police FC 2-0 Espoir FC

78' Songa Isaie asimbuwe na Mushimiyimana Mohamed ku ruhande rwa Police FC.

76' Usabimana Olivier ateresheje umupira n'umutwe uca ku ruhande, yari amuhaye neza Moustapha.

74' Yabababab! Songa Isaie ahushije igitego cyabazwe ku mupira yari ahawe mu rubuga rw'amahina, ashatse gutera ku izamu rya kabiri umupira ujya ku ruhande.

73' Ssemazi agerageje ishoti umupira ugarurwa na Fiston, Adoplhe asubijemo umupira ujya ibicu.
71' Koruneri ya Espoir FC itewe na Adolphe Hakundukize, Police FC bakiza izamu.

71' Dominique watsinze igitego cya kabiri asimbuwe na Moustapha Nsengiyumva.
70' Koruneri ya Espoir FC ku mupira urengejwe na USABIMANA Olivier.

70' Police FC 2-0 Espoir FC

Albert Mphande utoza Police FC ati murebe n'urwo ruhandeAlbert Mphande utoza Police FC ati murebe n'urwo ruhande
Songa Isaie amanukana umupira akurikiwe na HamidouSonga Isaie amanukana umupira akurikiwe na Hamidou
Antoine Dominique watsinze igitego cya kabiriAntoine Dominique watsinze igitego cya kabiri

67' Espoir FC bagerageje ishoti umupira uca ku ruhande. Dominique na we agerageje ishoti umupira awuta kure.

64' Uwimana Emmanuel asimbuye Nyandwi Nicolas ku ruhande rwa Espoir FC.

63' Ndayishimiye Celestin ahinduye umupira ufatwa na Masudi.

63' Usabimana Olivier yari yinjiye neza, ateye ishoti umupira uca ku ruhande.

60' Amini Muzerwa asimbuwe na Usabimana Olivier ku ruhande rwa Police FC.

60' Police FC 2-0 Espoir FC

58' Coup-franc ya Police FC itewe na Mirafa, Songa Isaie ashatse kuwutanga umunyezamu wa Espoir FC basanga yarayemo.

Kapiteni wa Police FC Umwungeri Patrick uri kumwe na Benjamin wa Radio/TV10, yabanje hanze uyu munsiKapiteni wa Police FC Umwungeri Patrick uri kumwe na Benjamin wa Radio/TV10, yabanje hanze uyu munsi
Casa Mbungo utoza Kiyovu yaje kureba Police FC yavuyemo mu myaka ibiri ishizeCasa Mbungo utoza Kiyovu yaje kureba Police FC yavuyemo mu myaka ibiri ishize

58' Amini azamukanye umupira yinjira mu rubuga rw'amahina mu gihe akisuganya ngo ashote, bawumukuraho neza.

56' Umukino uhagaze gato havurwa Ngendahimana Eric wicaye hasi mu kibuga.

51' Amini abonye uburyo bwo gutsindira Police FC hafi n'izamu ateye ishoti umupira uca ku ruhande ahagana hejuru.

48' Songa Isaie agerageje ishoti umupira ufatwa na Ntagungira Masudi abanje kuwudunda hasi aryamye.

47' Koruneri ya Espoir FC ku mupira urengejwe na Fiston Munezero ariko bayiteye umupira ujya hanze.

46' Espoir FC yatangiranye impinduka mu gice cya kabiri. Nkurunziza Felicien yinjiye mu kibuga.

Igice cya kabiri gitangiye saa 16:30.




HT: Police FC 2-0 Espoir FC

45+1' Koruneri ya Espoir FC ku mupira urengejwe n'umunyezamu Bwanakweri.

45' Gooooaaal Igitego cya kabiri cya Police FC gitsinzwe na Ndayishimiye Antoine Dominique ku mupira uvuye muri koruneri itewe na Mirafa. Police FC 2-0 Espoir FC







Muhinda Bryan abwira bagenzi be ati mukoreshe ubwengeMuhinda Bryan abwira bagenzi be ati mukoreshe ubwenge

44' Nizeyimana Mirafa ateye umupira ahana ikosa, Hamidou arenza umupira n'umutwe ujya muri koruneri.

44' Coup-franc ya Police FC: Hamidou akiniye nabi Mico Justin hafi n'izamu.

43' Gusatira gukomeye ku ruhande rwa Espoir FC, Munezero Fiston na Hussein bakina neza.

41' Gusimbuza kwa Espoir FC: Ntagungira Masudi afashe umwanya wa Isingizwe Patrick.

41' Umukino uhagaze gato havurwa Ndayishimiye Celestin wa Police FC ukiniwe nabi.

40' Police FC 1-0 Espoir FC

39' Niyitanga Yussuf akiniye nabi Habimana Hussein hafi n'izamu rya Police FC.

38' Gusatira kwa Police FC ariko umupira ukurwaho na ba myugariro ba Espoir FC.

37' Renzaho Hussein ashatse kwinjiriza Niyitanga Yussuf umupira mu rubuga rw'amahina, awutangwa na Bwanakweli.

34' Coup-franc ya Police FC itewe na Munezero Fiston umupira ushyirwaho umutwe na Dominique ujya hanze.

33' Umukino uhagaze gato havurwa umukinnyi wa Police FC uryamye hasi mu kibuga.

31' Amini ahinduye umupira imbere y'izamu, Simpenzwe Hamidou awukuraho neza n'umutwe.

30' Police FC 1-0 Espoir FC

29' Zappy yongeye guhindura undi mupira nanone Isingizwe Patrick arawuhusha ariko ubwugarizi bwe burahagoboka.

29' Hakundukize Adolphe yari ashatse guha Ssemazzi umupira uramurengana.

27' Indi koruneri ya Espoir FC, Ssemazi ateye umupira bawusubiza muri koruneri ku mupira ukozweho n'umunyezamu.

26' Bwanakweri Emmanuel ahawe amashyi nyuma yo gufata umupira wa Ssemazi John.

25' Songa Isaie yari akinannye neza na Dominique babura ubafasha.

24' Espoir FC yacanye umuriro ku izamu rya Police FC, koruneri babonye bashota umunyezamu awukuramo.

23' Espoir FC babuze igitego ku mupira wa Ssemazi ukozweho na Bwanakweri usanga Renzaho ahagana muri penaliti awuteye ugonga izamu.

21' Ssemazi ahinduye umupira imbere y'izamu, Bwanakweli awufata neza.

20' Police FC 1-0 Espoir FC

19' Goooooaaal Igitego cya Police FC gitunguranye gitsindwa Ishimwe Issa Zappy ku mupira ahinduriye muri metero nka 30, Isingizwe Patrick ashatse kuwufata ujya mu izamu. Police FC 1-0 Espoir FC






18' Espoir FC bari bazamukanye umupira kuri Ssemazi, Salima avuga ko Police FC babanje gukora ikosa, babanza bagatereka umupira.

16' Ndayishimiye Antoine Dominique ahinduye umupira imbere y'izamu rya Espoir, Isingizwe Patrick arasimbuka awukubita ibipfunsi, kuri ubu umukino uhagaze gato havurwa uyu munyezamu wahise yicara.

Umutoza Okoko asenga mbere yo kuva muri busUmutoza Okoko asenga mbere yo kuva muri bus

14' Koruneri ya kabiri Espoir FC ku mupira wa Ssemazi urengejwe na Hussein, itewe na Renzaho bawukuraho neza n'umutwe.

13' Hamidou ateye umupira imbere urarenga. Urenguwe na Ngendahimana Eric, Espoir barawisubiza gusa Hussein arahagoboka.

10' Police FC 0-0 Espoir FC

9' Renzaho Hussein ahinduye umupira umunyezamu Bwanakweli arasimbuka awushyira muri koruneri itewe ariko Hamidou arawurenza.

8' Niyitanga Yussuf akiniye nabi Muvandimwe Jean Marie.

7' Simpenzwe Hamidou yari akinnye nabi aha umupira Amini uhereje Songa Isaie asanga yarayemo.

Intebe abakinnyi b'abasimbura bicaraho ku KicukiroIntebe abakinnyi b'abasimbura bicaraho ku Kicukiro

5' Mico Justin ateye umupira babaye nk'abahererekanya ugonga urukuta ujya muri koruneri itagize icyo itanga.

4' Coup-indirecte ya Police FC ku mupira ufashwe na Isingizwe Patrick uvuye ku mukinnyi we (Abdul).

3' Renzaho Hussein akiniye nabi Celestin hafi n'izamu rya Police.

2' Police FC bazamukanye umupira, Amini ashatse guha Celestin Ndayishimiye uyu munsi wambaye igitambo cya kapiteni, umupira uramurengana.


1'
Espoir FC itangiye isatira Police FC, babonye coup-franc bateye ariko Songa Isaie akiza izamu n'umutwe.

15:29: Umukino ugiye kuyoborwa na Salima Mukansanga

15:28 Amakipe yombi amaze gusuhuzanya.


Police FC:
Bwanakweli, Zappy, Celestin, Hussein, Fiston, Eric, Amini, Mirafa, Mico, Songa, Antoine Dominique.

Espoir FC: Isingizwe Patrick, Wilondja, Figo, Walusambo, Hamidou, Nicolas, Adolphe, Abdul, Hussein, Yussuf na Ssemazzi.


Amafoto: NTARE Julius/ RuhagoYacu

  • May 19th 2018 at 08:29

FRVBplayoffs: Gisagara yigaranzuye APR VC isanga REG ku mukino wa nyuma

By Eric Tony UKURIKIYIMFURAEric Tony UKURIKIYIMFURA

Ikipe ya Gisagara Volleyball Club yageze ku mukino wa nyuma w'imikino ya Play offs 2018 nyuma yo gutsinda APR VC umukino wa kabiri amaseti 3-1 kuri uyu wa Gatandatu.

Ni umukino wa gatatu wahuzaga amakipe yombi nyuma y'uko buri kipe itsinze umukino umwe muri ibi yabanje kubahuza.

Gisagara VC yari yakiriye uyu mukino, yatsinze iseti ya mbere ku manota 25-21 ya APR VC, inayisubira ku iseti ya kabiri ku manota 25 kuri 15.

APR VC yatsinze iseti ya gatatu ku manota 25 kuri 20 ya Gisagara yabashije no gutsinda iseti ya nyuma ku manota 25-20 itsindira kugera ku mukino wa nyuma.

Gisagara VC izakina na REG VC ku mukino wa nyuma w'iyi mikino ya kamarampaka y'uyu mwaka, umukino uzaba tariki ya 26 na 27 Gicurasi, aho ikipe izegukana igikombe igomba gutsinda imikino ibiri. REG VC yo yari yatsinze UTB imikino 2-0 (3-1 na 3-1) muri Β½.

Umukino w'umwanya wa gatatu uzahuza UTB na APR VC.

Mu cyiciro cy'Abagore

Umunsi wa mbere (Imikino yabereye kuri Petit Stade Amahoro)

  • APR VC 3-0 Ruhango VC (25-11,25-17 na 25-18)
  • RRA VC 3-0 KVC (25-12, 25-19,25-18)

Uko amakipe yari akurikiranye

  1. RRA VC, amanota 33
  2. APR VC amanota 32
  3. Ruhango VC amanota 21
  4. KVC amanota 16
  • May 19th 2018 at 08:06

AZAM TV irabagezaho imikino ikomeye y'umunsi wa 24 wa ARPL

By Eric Tony UKURIKIYIMFURAEric Tony UKURIKIYIMFURA

Imikino yose inganya agaciro ariko umwe ushobora gukomera kuruta indi bitewe n'amakipe ari buwuhuriremo, ari na yo mpamvu AZAM TV yabahitiyemo imikino itatu ku munsi wa 24 wa AZAM Rwanda Premier League, mukazayikurikirana neza kurusha abibereye ku kibuga.

Kuri iki Cyumweru tariki ya 20 Gicurasi 2018, abatunze Dekoderi ya AZAM TV ntibazicwa n'irungu kuko izaba ibagezaho umukino Rayon Sports izaba yakiriyemo Etincelles kuri Stade ya Kigali guhera saa 15:00.

Ni umukino ukomeye ugiye guhuza amakipe ahagaze neza muri shampiyona dore ko Rayon Sports iri ku mwanya wa kane n'amanota 36 mu gihe Etincelles FC ifite amanota 31 ku mwanya wa gatandatu.

Hamwe na AZAM TV ushobora gukurikira imikino ya shampiyona y'u RwandaHamwe na AZAM TV ushobora gukurikira imikino ya shampiyona y'u Rwanda
Rayon Sports na Etincelles ni umwe mu mikino yitezwe mu mpera z'iki CyumweruRayon Sports na Etincelles ni umwe mu mikino yitezwe mu mpera z'iki Cyumweru

Ikindi gikomeza uyu mukino, ni uko Etincelles yatsinze Rayon Sports igitego 1-0 mu mikino ibanza, ubwo amakipe yombi yari yahuriye kuri Stade Umuganda mu karere ka Rubavu.

Uretse uyu mukino uzaba ari ishiraniro, AZAM TV izanabagezaho umukino wa APR FC n'Amagaju FC uzaba kuwa Mbere tariki ya 21 Gicurasi 2018 guhera saa cyenda n'igice (3:30pm) kuri Stade ya Kigali.

Umukino wa APR FC n'Amagaju na wo muzawureba kuri Azam TVUmukino wa APR FC n'Amagaju na wo muzawureba kuri Azam TV

Mu mikino ibanza, Amagaju yari yahawe ikarita itukura yahagamye APR FC banganya ubusa ku busa.

Abafite Dekoderi ya AZAM TV bazakurikirana kandi umukino ukomeye uzahuza Kiyovu Sports na AS Kigali kuwa Kabiri tariki ya 22 Gicurasi 2018, ku kibuga cyo ku Mumena. AS Kigali iyoboye shampiyona n'amanota 45, aho irusha amanota arindwi Kiyovu Sports ya gatatu.

Kiyovu Sports izakira AS Kigali kuwa KabiriKiyovu Sports izakira AS Kigali kuwa Kabiri

Hamwe na AZAM TV, biroroshye gukurikirana shampiyona ukunda ari yo mpamvu abataragura ifatabuguzi bashishikarizwa kwihutira kuyigura ngo hatagira uzajya acikanwa n'ibyiza bya Ruhago nyarwanda ndetse n'andi makuru atandukanye tutibagiwe n'ibindi biganiro byose AZAM TV ibagezaho.

Hamwe na AZAM TV ushobora gukurikira imikino ya shampiyona y'u RwandaHamwe na AZAM TV ushobora gukurikira imikino ya shampiyona y'u Rwanda

Ku bakoresha telefoni kandi, na mwe mushobora gutunga application ya Azam TV ubundi mugakurikirana shampiyona y'u Rwanda n'ibindi biganiro byose bya Azam TV.

Azam TV irabagezaho imikino itatu y'umunsi wa 24 wa shampiyona y'u Rwanda (ARPL)

  • May 19th 2018 at 05:35

Handball: Ikipe y'u Rwanda mu ihurizo ryo gutsinda Kenya ikagera ku mukino wa nyuma

By UWIRINGIYIMANA PeterUWIRINGIYIMANA Peter

Ikipe y'igihugu y'abatarengeje imyaka 20 muri Handball iherereye muri Uganda ifite umukino ukomeye irahuramo na Kenya kuri uyu wa Gatandatu tariki 19 Gicurasi bashaka itike yo kugera ku mukino wa nyuma mu irushanwa rihuza amakipe yo mu karere ka gatanu, iry'uyu mwaka rikaba ririmo kubera muri Uganda.

Ni umukino ukomeye ku basore b'ikipe y'igihugu y'u Rwanda bari babashije kwitwara neza imbere y'ikipe y'igihugu ya Somalia mu mukino wabahuje bashaka itike ya Β½ banayibona batsinze Somalia ibitego 36-24, uyu umukino w'u Rwanda na Kenya uteganyijwe gutangira ku isaha ya saa kumi n'igice ku masaha ya hano mu Rwanda.

Ikipe y'u Rwanda y'abatarengeje imyaka 20 muri Handball irisobanura na Kenya kuri uyu wa GatandatuIkipe y'u Rwanda y'abatarengeje imyaka 20 muri Handball irisobanura na Kenya kuri uyu wa Gatandatu

Aba basore b'u Rwanda bari bagiye bitwara neza mu mikino itandukanye yo muri iri rushanwa dore ko bari babashije gutsinda amakipe arimo Uganda n'u Burundi, uyu munsi rero bafite akazi ko gutsinda Kenya bakabona ku gera ku mukino wa nyuma dore ko Kenya nayo ubona ko ari imwe mu makipe akomeye yitabiriye iri rushanwa.

Si u Rwanda rufitanye umukino na Kenya gusa kuko uyu munsi saa munani n'igice ikipe y'igihugu ya Ethiopia n'ikipe y'igihugu ya Uganda nabo baraba bakino umukino wo kwishakamo uzagera ku mukino wanyuma w'irushanwa rya IHF Challenge Trophy ry'uyu mwaka ririmo kubera muri Uganda.

  • May 19th 2018 at 05:05
Yesterday β€” May 19th 2018RUHAGOYACU.com

Umukino wa APR FC n'Amagaju ntugikiniwe ku Kicukiro- Gahunda yose y'umunsi wa 24 wa shampiyona

By UWIRINGIYIMANA PeterUWIRINGIYIMANA Peter

Umukino w'umunsi wa 24 wa shampiyona y'cyiciro cya mbere mu Rwanda uzahuza ikipe ya APR Fc n'ikipe y'Amagaju Fc wavanywe ku kibuga cya kicuciro wimurirwa i Nyamirambo ku busabe bw'ikipe ya APR Fc.

Kuri uyu wa Gatanu tariki 18 Gicurasi mu masaha ya mu gitondo nibwo APR FC yandikiye ishyirahamwe ry'umupira w'amaguru mu Rwanda (FERWAFA) isaba ko umukino bafitanye n'ikipe y'Amagaju Fc wavanwa kuri stade ya Kicukiro ukimurirwa kuri stade ya Kigali i Nyamirambo aho basanzwe bakirira imikino yabo yo murugo.

Ferwafa nayo yaje kwemera ubusabe bw'ikipe ya APR Fc ibinyujije mu ibaruwa yandikiwe umuyobozi w'ikipe ya APR Fc ndetse inamenyesha ubuyobozi bw'kipe y'Amagaju ko ho uyu mukino uzabera hahindutse.

Umukino wa APR FC n'Amagaju FC uzakinirwa kuri Stade ya Kigali i NyamiramboUmukino wa APR FC n'Amagaju FC uzakinirwa kuri Stade ya Kigali i Nyamirambo

Uyu mukino w'ikipe y'Amagaju na APR Fc uteganyijwe kuzaba mu cyumweru gitaha, kuwa Mbere tariki 22 Gicurasi, mu gihe ikipe ya APR Fc ikomeje urugamba rwo guhatanira igikombe cya shampiyona cy'uyu mwaka naho Amagaju Fc akaba akomeje guhangana no kutajya mu cyiciro cya kabiri.

Uko amakipe azahura ku munsi wa 24 wa shampiyona

Kuwa Gatandatu tariki ya 19 Gicurasi

  • Kirehe FC vs Sunrise FC (Kirehe)
  • Police FC vs Espoir FC (Kicukiro Stadium)

Ku Cyumweru tariki ya 20 Gicurasi

  • Rayon Sports FC vs Etincelles FC (Stade de Kigali)
  • Miroplast FC vs Musanze FC (Mironko)
  • Bugesera FC vs Marines FC (Wasubitswe)
  • Gicumbi FC vs Mukura VS (Gicumbi)

Tariki ya 21 Gicurasi

  • APR FC vs Amagaju FC (Stade de Kigali)

Tariki ya 22 Gicurasi

  • SC Kiyovu vs AS Kigali (Stade Mumena)
  • May 19th 2018 at 04:46

Scandinavia WFC yasuye urwibutso rwa Genocide ku Gisozi mbere yo gukina na ES Mutunda

By Eric Tony UKURIKIYIMFURAEric Tony UKURIKIYIMFURA

Mbere y'uko berekeza mu majyepfo y'u Rwanda gukina umukino wa shampiyona ugomba kubahuza n'ikipe ya ES Mutunda muri shampiyona, ikipe ya Scandinavia WFC yasuye urwibutso rwa Genocide rwa Kigali ruri ku Gisozi yunamira inzirakarengane z'abatutsi bazize Genocide yo mu 1994 zihashyinguye.

Scandinavia WFC ni ikipe y'umupira wamaguru y'abari n'abategarugori ibarizwa mu karere ka Rubavu, aho iri gukina umwaka wayo wa mbere muri shampiyona y'icyiciro cya mbere mu Rwanda.

Iyi kipe ifite amahirwe yo kuba yahigika AS Kigali WFC ku gikombe cya shampiyona y'uyu mwaka, yageze mu mujyi wa Kigali kuri uyu wa Gatanu isura urwibutso rwa Genocide ya Kigali ruri ku Gisozi, aho bunamiye inzirakarengane z'abatutsi zihashyinguye.

Ikipe ya Scandinavia WFC yasuye urwibutso rwa Genocide ku Gisozi kuri uyu wa GatanuIkipe ya Scandinavia WFC yasuye urwibutso rwa Genocide ku Gisozi kuri uyu wa Gatanu
Abakinnyi, Abayobozi n'abakunzi b'iyi kipe bunamiye inzirakarengane z'Abatutsi bazize Genocide mu 1994 bashyinguwe ku GisoziAbakinnyi, Abayobozi n'abakunzi b'iyi kipe bunamiye inzirakarengane z'Abatutsi bazize Genocide mu 1994 bashyinguwe ku Gisozi

Nyuma yo kuva ku rwibutso, ubuyobozi bw'ikipe n'abakunzi bayo bagiye kwakirira abakinnyi muri Kigali Convention Center mbere yo kwerekeza mu majyepfo, aho bafite umukino wa shampiyona bahuramo na ES Mutunda kuri uyu wa Gatandatu.

Scandinavia WFC irabarizwa ku mwanya wa kabiri, inyuma ya AS Kigali WFC banganya amanota ku rutonde rwa shampiyona n'amanota 30 mu mikino bamaze gukina uko ari 11.

Abakinnyi ba Scandinavia WFC bakiriwe muri Kigali Convention CentreAbakinnyi ba Scandinavia WFC bakiriwe muri Kigali Convention Centre
Iyi kipe iri kwitegura umukino ifitanye na ES Mutunda kuri uyu wa GatandatuIyi kipe iri kwitegura umukino ifitanye na ES Mutunda kuri uyu wa Gatandatu

Umuyobozi w'ikipe ya Scandinavia WFC; Paluku Thierry afite icyizere cyo kwegukana shampiyona y'uyu mwakaUmuyobozi w'ikipe ya Scandinavia WFC; Paluku Thierry afite icyizere cyo kwegukana shampiyona y'uyu mwaka

AS Kigali iherutse gutsindwa n'Inyemera WFC ibitego 3-2 ibarusha ibitego 10 mu byo bazigamye, aho umukino uzahuza aya makipe yombi ya mbere ari wo witezweho gutanga ikipe izegukana igikombe cya shampiyona mu bagore mu gihe nta kipe yongeye gutsikira mbere y'uko bahura.

Ikipe y'umujyi wa Kigali imaze imyaka icyenda yose yarihariye umupira w'abagore mu Rwanda, aho yegukanye ibikombe bya shampiyona kuri izo nshuro zose zikurikiranya.

Mu mikino ibanza, Scandinavia WFC yari yatsinzwe na AS Kigali WFC igitego 1-0 mu mukino wabereye i Nyamirambo.

Scandinavia WFC irashaka guhagarika AS Kigaki WFC uyu mwakaScandinavia WFC irashaka guhagarika AS Kigaki WFC uyu mwaka

Abakinnyi ba Scandinavia baraye berekeje mu majyepfo kwitegura umwe mu mikino itatu ishobora kubahesha igikombe uyu mwakaAbakinnyi ba Scandinavia baraye berekeje mu majyepfo kwitegura umwe mu mikino itatu ishobora kubahesha igikombe uyu mwaka


Umunsi wa 12 muri shampiyona y'Abagore

Uyu munsi, tariki ya 19 Gicurasi 2018

  • AS Kigali WFC vs Gakenke WFC (Stade de Kigali, 13h00)
  • ES Mutunda WFC vs Scandinavia WFC (Mutunda, 15h00)
  • Rambura WFC vs Bugesera WFC (Rambura, 15h00)

Tariki ya 23 Gicurasi 2018

  • Kamonyi WFC vs Inyemera WFC (Remera Rukoma, 15h00)

Abamaze gutsinda ibitego byinshi

  1. Nibagwire Anne (Scandinavia WFC)-12
  2. Iradukunda Callixte (AS Kigali)-11
  3. Mukeshimana Dorothe (AS Kigali)-9
  4. Abimana Djamila (Scandinavia WFC)-8
  5. Mushimiyimana Marie Claire (Scandinavia)-7
  6. Umwariwase Duja (AS Kigali)-7

Amafoto: Hardy UWIHANGANYE/ RuhagoYacu.

  • May 19th 2018 at 03:21

Rusheshangoga ugiye gutandukana na Singida arifuzwa n'amakipe y'ibigugu yo mu Rwanda

By Jean Luc IMFURAYACUJean Luc IMFURAYACU

Umwaka 1 wonyine ni wo Michel Rusheshangoga akiniye ikipe ye Singida United yo mu gihugu cya Tanzania, akaba yaramaze gufata icyemezo cyo kutazakomezanya n'iyi kipe yo muri iki gihugu.

Rusheshangoga Michel yavuye mu Rwanda mu ikipe ya APR FC mu ntangiriro z'uyu mwaka w'imikino uri kugana ku musozo, akaba yari amaze imyaka hafi 2 ari we mukinnyi wa mbere muri shampiyona y'icyiciro cya mbere hano mu gihugu, ku ruhande rw'iburyo inyuma, kuva Mackenzie yajya muri Kenya.

Uyu musore yagombaga kwishyurwa $50 000 n'ikipe ya Singida United yo muri Tanzania, akabasinyira amasezerano y'imyaka 2, ariko kubera ibibazo by'amikoro iyi kipe yaje guhura nabyo, ntabwo babashije kumubonera aya mafaranga yose agera kuri 43,429,000 nk'uko bari babimusezeranyije.

JPEG - 193Β kb
Michel na Danny baguzwe na Singida mu ntangiror z'uyu mwaka w'imikino

" Ubu bisa nk'ibyarangiye ntabwo nzakomeza aha muri Tanzania mu ikipe ya Singida kuko ikipe ifite ibibazo bikomeye by'amikoro n'ibyo yari yadusezeranyije byose ntabwo yabashije kubiduha," Michel Rusheshangoga aganira na RuhagoYacu.

" Ikipe yacu yari yatangiye neza ubona inafite project (umushinga) nziza ariko amafaranga aho atabashije kuboneka byabaye bibi, urabona ko nk'umutoza azahita yigendera, abakinnyi b'abanyamahanga hafi ya bose barigendeye, ku buryo ababashije kwihangana bakaguma aha ari twe b'abanyarwanda, gusa nanjye nzava muri iyi kipe nyuma y'umukino w'igikombe cy'igihugu."

Rusheshangoga Michel w'imyaka 23 yumva agifite amahirwe yo gukina hanze y'u Rwanda, akaba ari yo mpamvu aganira n'amakipe menshi, gusa nta n'imwe muri zo aremerera.

" Hari abanyegereye bagira ibyo banyereka bashobora kumpa muri aya makipe y'aha muri Tanzania, gusa ubona ko bidahambaye cyane, kuko hari n'amakipe yo mu Rwanda anyereka ko yabimpa ibyo aba bampa, ubu rero sindamenya icyo nzakora." Myugariro w'ikipe y'igihugu Amavubi Rusheshangoga.

JPEG - 248.4Β kb
Imyaka 4 yabaye muri APR FC, yari mu bakinnyi ngenderwaho muri iyi kipe

Uyu musore RuhagoYacu ifite amakuru ko yifuzwa cyane n'ikipe ya APR FC ndetse n'ikipe ya Rayon Sports, ari nako ikipe ya AZAM FC iri mu zishaka kumugura.

Rayon Sports irifuza kugura umukinnyi w'inyuma ku ruhande rw'iburyo kuko ivuga ko ihafite ikibazo, ikaba iri gushyiramo imbaraa nyinshi mu gihe APR FC ishaka kuba yagarura uyu musore wagize ibihe byiza muri iyi kipe y'ingabo z'igihugu mu myaka 4 yahabaye.

RuhagoYacu yamubajije niba agarutse mu Rwanda bishoboka ko yajya muri Rayon Sports nyuma y'imyaka yakinnye muri APR FC, Michel arabanza araseka, gusa avuga ko byose biba bishoboka, ariko ataremeranya n'ikipe n'imwe mu makipe amushaka mu Rwanda.

" Rayon Sports ifite amahirwe? Simbizi. APR FC ifite amahirwe? nabyo simbizi, gusa harimo ikipe imwe iri gushyiramo imbaraga cyane, ku buryo wenda umwaka utaha nazayikinira." Rusheshangoga Michel, akomeza kuganira na RuhagoYacu.

Rusheshangoga Michel muri Tanzania bivugwa ko buretse kuba yarabonye igice ku mafaranga yagombaga kugurwa, ahembwa Frw 2,100,000.

RuhagoYacu ikaba yarabatangarije kuri uyu wa gatanu ko APR FC igiye gukoresha imbaraga zishoboka ikagura abakinnyi bakomeye, bayifasha kugera kure umwaka utaha ku mugabane w'Africa.

Singida isigaje imikino 3 uyu mwaka harimo 2 ya shampiyona, umwe bakaza kuwukina kuri uyu wa gatandatu na Maji Maji, ari nawo mukino wa nyuma Rusheshangoga araba akiniye kuri Namfua Stadium ya Singida yari amazeho amezi 8, ubundi bagafata inzira ku wa mbere bajya gukina na Tanzania Prisons basoza shampiyona.

JPEG - 156.6Β kb
Rusheshangoga yari amaze umwaka muri Singida United

Singida United izasoza umwaka w'imikino tariki ya 03 Kamena ihura na Mtibwa Sugar ku mukino wa nyuma w'igikombe cy'igihugu.

  • May 19th 2018 at 02:50

MINISPOC yagenye uko Frw 244,283,135 Amavubi yatsindiye ajya muri CHAN azakoreshwa, FERWAFA itegekwa kugira ayo ihaho NPC

By Jean Luc IMFURAYACUJean Luc IMFURAYACU

Ubwo u Rwanda rwatsindiraga kujya mu mikino y'igikombe cy'Africa cy'abakina imbere mu bihugu byabo cyabereye muri Morocco, rukabasha kubona umwanya wa 3 muri aya marushanwa, rwatsindiye akayabo k'amadorali 281 000, atangwa n'impuzamashyirahamwe y'umupira w'amaguru muri Africa.

Izi miliyoni 244,283,135 z'amafaranga y'u Rwanda, FERWAFA (ikiyobowe na Nzamwita Vincent De Gaulle) yari yemereyemo abakinnyi batsindiye itike yo kujya muri CHAN kubahamo angana n'amadorali 175 000 bakayagabana ariko biza guterwa utwatsi na MINISPOC ivuga ko FERWAFA yabikoze nta burenganzira ibifitiye, atari amafaranga yayo, ahubwo ari amafaranga yari yahawe MINISPOC (ifite mu nshingano zayo gutegura ikipe y'igihugu).

JPEG - 461.7Β kb
MINISPOC ivuga ko FERWAFA nta burenganzira yari ifite bwo guha abakinnyi $175 000

Kuri ubu ikaba yamaze kwandikira FERWAFA iyimenyesha uko aya mafaranga igomba kuyakoresha, aho yanayitegetse ko igomba gufata kuri aya mafaranga yaje agenewe umupira w'amaguru, igahaho NPC (National Paralympic Committee), impuzamashyirahamwe y'imikino y'abamugaye mu Rwanda miliyoni zigera kuri 53,210,000 kuri konti y'iri shyirahamwe. Aha MINICPOC ntiyasobanuye icyo azakoreshwa.

Mu ibaruwa RuhagoYacu ifitiye kopi MINISPOC yandikiye FERWAFA kuri uyu wa gatatu, ikaba yababwiye ko bagomba gushyira mu bikorwa iki cyemezo cyo aho ivuga ko abakinnyi bakinnye CHAN (Abasigaye mu Rwanda n'abagiye muri Maroc kimwe n'abatoza babo) batagomba kubona Frw 152,133,625 bari bemerewe na FERWAFA mbere.

Abakinnyi 23 babashije kujya ku rutonde rwa nyuma rw'abakinnye CHAN, MINISPOC yasabye ko bahabwa Miliyoni 23 bakagabana, aho buri wese agomba gucyura miliyoni 1, hakiyongeraho imisoro ya miliyoni 4.

Amafaranga angana na miliyoni 24 muri aya yatanzwe na CAF, MINICPOC yasabye ko yahabwa abakinnyi bagize ikipe y'abatarengeje imyaka 20 bakuyemo Kenya mu mukino ubanza nk'agahimbazamusyi, buri umwe nawe agahabwa miliyoni 1 y'amafaranga y'u Rwanda.

Frw 75,604,600 akaba azishyurwa ku byagiye ku mukino wahuje ikipe y'abatarengeje imyaka 20 n'ikipe ya Zambia, bafite n'umukino wo kwishyura kuri uyu wa gatandatu, naho amafaranga y'u Rwanda 57,383,500 akaba agomba kuzakoreshwa ku mukino uzakurikira u Rwanda ruramutse rubashije gukuramo Zambia yarutsinze ibitego 2-0 i Kigali, aho rwahura na Sudan cyangwa u Burundi.

JPEG - 175.7Β kb
Nzamwita na Bugingo muri Maroc
JPEG - 298.2Β kb
Nzamwita yari muri CHAN i Tangier akurikirana iyi mikino n'Amavubi

Frw 4,650,000 akaba agomba guhembwa abatoza b'ikipe y'igihugu y'abagore yagombaga gukina imikino ya CECAFA itarabashije kuba, ariko bakaba bari bamaze hafi ukwezi bari mu mwiherero bategura ikipe y'igihugu.

Abakinnyi bakinnye imikino ya CHAN bavuga ko batishimiye na gato kugeza na n'ubu kuba FERWAFA itarabahaye amafaranga yari yabageneye kuko umuyobozi wa FERWAFA yari yabyemereye i Tangier muri Morocco, akaza no kubisinyira, ariko Minisiteri ifite Siporo mu nshingano zayo na FERWAFA bakavuga ko ibyo Perezida wa FERWAFA wari uriho yakoze, nta burenganzira yari abifitiye.

Bamwe mu bakinnyi bakinnye imikino ya CHAN baganiriye na RuhagoYacu bakaba bavuga ko byababaje kuko bo batari baziko umuyobozi wa FERWAFA wacyuye igihe yabikoe nta burenganzira abifitiye, bikaba byarabateje igihombo gikomeye kuko bamwe bari baratse amadeni baziko aya mafaranga naza bazayishyura.

Amavubi azongera gukina mu kwezi kwa Nzeli, akina imikino yo gushaka itike y'igikombe cy'Africa cya 2019 kiabera muri Cameroon.

Inkuru bijyanye: Abakinnye CHAN barishyuza miliyoni 150

  • May 19th 2018 at 01:56
❌