WebRwanda.com

πŸ”’
❌
There are new available articles, click to refresh the page.
Before yesterdayMakuruki.rw | Amakuru Asesenguye !

Urutonde rw'abakinnyi bagiye kwitabira CHAN 2018 nta mpinduka nyinshi zigaragaraho

By Bikorimana Alexis

Ikipe y'igihugu Amavubi ari kwitegura imikino ya CHAN umwaka utaha yasohoye urutonde rw'abakinnyi izifashisha biganjemo abitabiriye imikino ya CECAFA yabereye muri Kenya u Rwanda rwari rwafashe nk'imyitozo.

Ku rutonde rwasohowe n'Umutoza wungirije, Mashami Vince afatanije n'Umutoza w'Abazamu Higiro, hari kugaragaraho impinduka nko ku mukinnyi Savio umaze igihe mu mvune ndetse akaba adaheruka no gukina imikino ya Shampiyona.

Dore Urutonde abakinnyi Amavubi azifashisha muri Morocco

Abazamu: Ndayishimiye Eric (Rayon Sports Fc), Nzarora Marcel (Police Fc) and Kimenyi Yves (APR Fc)

Ba myugariro: Usengimana Faustin (Rayon Sports Fc), Manzi Thierry (Rayon Sports Fc), Kayumba Soter (AS Kigali), Rutanga Eric (Rayon Sports Fc), Iradukunda Eric (AS Kigali), Fitina Omborenga (APR Fc), Ndayishimiye Celestin (Police Fc), Rugwiro Herve (APR Fc) and Mbogo Ally (SC Kiyovu)

Abo hagati: Mukunzi Yannick (Rayon Sports Fc), Bizimana Djihad (APR Fc), Nshimiyimana Amran (APR Fc), Niyonzima Ally (AS Kigali), Imanishimwe Djabel (Rayon Sports Fc), Hakizimana Muhadjiri (APR Fc), Nshuti Savio Dominique (AS Kigali)

Ba Rutahizamu: Nshuti Innocent (APR Fc), Mico Justin (Police Fc), Biramahire Abeddy (Police Fc) and Mubumbyi Barnabe (Bugesera Fc)

Abakinnyi bahamagawe bagiye kwitegura imikino ya gicuti bazakina mbere y'uko irushanwa ritangira, aho bazahura n'igihugu cya Sudan kuwa 05 Mutarama ndetse kuwa 08 bakongera bagacakirana na Algeria.

Amavui afite intego yo kugera byibuze muri 1/4 cy'iri rushanwa, aho bazabigeraho bitwara neza mu matsinda cyane cyane batsinda umukino wa mbere ufungura bazaba bacakirana n'ikipe ya Nigeria.

Dore uko ingengabihe y'imikino y'amatsinda Amavubi azakina iteye

Rwanda vs Nigeria – 15 January 2018 (Tanger)
Rwanda vs Equatorial Guinea – 19 January 2018 (Tanger)
Rwanda vs Libya – 23 January 2018 (Tanger)

Venezuela: Inyama z'ingurube bemerewe na Perezida zabaye intandaro y'imyigaragambo

By Makuruki

Perezida wa Venezuela wari waremereye abaturage b'iki gihugu ko mu minsi y'ibiruhuko bya Noheli azabaha inyama z'ingurube zikunzwe cyane muri iiki gihugu ariko kubera ibitarumvikanweho naho zari guturuka ntizabasha kuboneka byatumye abaturage bayoboka imihanda.

Abaturage ba Venezuela bigabije imihanda bamenagura inkono kubera agahinda gakomeye basigiwe n'iminsi mikuru, kuko bari bizeye kurya inyama z'ingurube muri iyi minsi mikuru nk'uko bari bazemerewe na Perezida w'iki gihugu ariko ntibabasha kuzihabwa.

Inyama z'ingurube ni kimwe mu biribwa bikunzwe muri Venezuela ndetse no mu bindi bihugu byo muri America y'Epfo, cyane cyane amaguru yazo azwi nka Pernil de Cerdo kuko usanga ari bimwe mu biryo gakondo byabo.

Perezida Maduro yari yiaangaje ko azakora uko ashoboye imiryango ikennye ikabasha kubona inyama z;'ingurube ntibarebere abandi ku munsi mukuru, ariko ntibyakunze kuko igihugu cya Portugal izi nyama zagombaga guturukamo cyabaye imbogamizi.

Perezida Maduro nubwo avuga ibi, Minisitiri w'Ububanyi n'Amahanga wa Portugal, Augusto Ernesto dos Santos Silva, yabyamaganiye kure avuga ko nta nyungu iki gihugu cyagirira mu kwanga ko ibicuruzwa bisohoka mu gihugu.

Nkuko bitangazwa na zimwe muri Sosiyete zicuruza ibiribwa muri Portugal, ngo ikibazo nyamukuru cyabayemo ni icy'amafaranga kuko Venezuela ibafitiye Miliyoni 40 z'Amayero zavuye kuri toni 14000 z'amaguru y'ingurube iki gihugu cyatumije muri 2017 ariko kubona ubwishu bikaba ingorabahizi nk'uko ccn ikomeza ibitangaza.

Ibiiciro by'ibiribwa biri hejuru muri iki gihugu nyuma yo kuba ubukungu bw'iki gihugu bwarasubiye hasi ndetse n'ifaranga ry'igihugu rigata agaciro.

JPEG - 89.7Β kb
Abaturage bo muri Venezuela bari mu myigaragambyo nyuma yo kkubeshywa inyama z'ingurube na Perezida Maduro

Savio na Tchabalala muri Rayon Sports yiteguye gutanga amande

By Alexis Musabirema

Ikipe ya Rayon Sports yamaze kugarura Nshuti Savio na Shabani Hussein Tchabalala wakiniraga Amagaju ibongera ku banye Kongo ,Zambiya na Malawi ngo yubake ubusatirizi bukomeye n'ubwo ngo ishobora gucibwa amande.

Ikipe ya Rayon Sports igomba kurara itanze urutonde rw'abakinnyi izakinisha mu mikino nyafurika, gusa hari n'amakuru avuga ko iyi lisite yamaze gutangwa.

Uru rutonde ndetse rukaba rwamaze gutangwaho bamwe mu bakinnyi bakomeye hano mu Rwanda barimo rutahizamu ukomeye wakinaga mu Magaju FC Umurundi Shabani Hussein Tchabalala ndetse na Nshuti Dominique Savio wakiniraga ikipe ya AS Kigali.

Umuvugizi wa Rayon Sports King Bernard avuga ko n'ubwo aba bakinnyi batarabeguka mu buryo bwemewe n'amategeko ariko yaciye amarenga ko baba bamaze kubagura.

Aganira na Rayon time yabajijwe iby'abakinnyi bongeyemo agize Ati:” Hano mu gihugu barahari ndetse no hanze gusa ntabwo birabyo mu buryo bwemewe n'amategeko kuburyo twatangaza ngo ni uyu ng'uyu ariko twarabikoze. Kubaganiriza hari n'abandi twaganirije ariko nabo twarabaganirije(Savio na Tchabalala) ariko nibyo navugaga ntabwo turemeza neza ko ari abacu sibo gusa hari n'abandi bo muri za Malawi turacyafite umwanya n'ubwo bizadusaba gutanga amande ariko icyo dushaka ni uko tubona abakinnyi badufasha kugera kure.”

Savio yaraye asheshe amasezerano yarafitanye na AS Kigali nyuma yo kuyishinja kutubahiriza amasezerano bagiranye bitewe n'uko itamuhaye ibyo yamwemereye ubwo yamuguraga imukura muri Rayon Sports mu kwezi kwa 7 uyu mwaka wa 2017.

Tchabalala we yarafite amasezerano y'amezi 6 mu Magaju ariko bivugwa ko Rayon Sports yamaze kumvikana n'iyi kipe yo mu karere ka Nyamagabe kugura uyu mukinnyi.


Tchabalala rutahizamu ukomeye wakiniraga Amagaju

Uretse Savio na Tchabalala iyi kipe ya Rayon Sports yazanye bivugwa ko hari abakinnyi 3 baturutse mu bihugu nka Malawi, Zambiya na Kongo. Bivugwa ko Rayon Sports ishaka kubaka ubusatirizi bukomeye .

King Bernard avuga ko batararangiza kugura kuko bakishaka abandi ndetse ko biteguye no gutanga amande gusa aba bakinnyi bose nta n'umwe bararangizanya ku buryo bwemewe n'amategeko ari nayo mpavu ishobora gukerererwa ndetse ikaba initeguye gutanga amande.

King Bernard yavuze ko bari bafite abakinnyi bacyeya kandi bari bakeneye amaraso mashyashya, yemeje kandi ko bagomba gutanga urutonde muri FERWAFA bitarenze uyu munsi ati:”Urutonde rwagombye gutangwa bitarenze ku itariki 31 ariko kuko hazaba ari weekend na konje tugomba ku rutanga uyu munsi .”

Uretse aba bakinnyi bashya Rayon Sports yatanze ku rutonde abandi ni abasanzwe bakina shampiyona uretse rutahizamu Ismailla Diarra wari utaremererwa gukina.

Uku kwiyubaka kwa Rayon Sports kugamije gushaka kwitwara neza mu marushanwa nyafurika, ikaba ishaka kugera mu matsinda ya Champions League.

Kugirango irege mu matsinda irasabwa gusezerera ikipe ya Lydia Ludic Academic y'I Burundi yayisezerera igahura na Mamelodi Sundowns yo muri Afurika y'Epfo nayo yayisezerera ikajya mu matsinda itayisezerera ikajya muri confederation cup.

Gasabo: umugabo afunzwe azira ama Euros y'amakorano

By Bikorimana Alexis

Police y'u Rwanda iratangaza ko yataye muri yombi umugabo wageragezaga kuvunjisha ama Euros 3250 y'amakorano.

Umuvugizi wa police mu mujyi wa Kigali, Supt Emmanuel Hitayezu yatangaje ko kuwa 26 Ukuboza bafunze Livine Nsaguye wageragezaga kuvunjisha ama Euros 3250 angana na miliyoni 3.3 mu manyarwanda.

Supt. Emmanuel Hitayezu yagize ati, β€œUbwo Livine Nsaguye yazaga ku biro by'ivunjisha biri i Remera ku Gisimenti, yatanze ama Euro 65 ngo bamuvunjire ariko bahita bavumbura ko ari amakorano ako kanya bahita bahamagara Police ari naho uyu mugabo yahise afatirwa agatabwa muri yombi.”

Yongeyeho ati β€œIperereza rirakomeje kuko hari abantu benshi bafite aho bahuriye n'ikwirakwizwa ry'amafaranga y'amakorano, bamwe twarabafashe abandi bari gushakishwa kandi tuzabafata”

Umugabo wagurishije aya ma Euros Nsaguye, asanzwe ari ku rutonde rw'abashakishwa na Police y'u Rwanda.

Livine Nsanga avuga ko yari yaguze aya mafaranga miliyoni 1.5 y'amanyarwanda, akaba yateganyaga kuvunjisha akayakuba kabiri karenga.

Police y'u Rwanda yashimye ubufatanye ikomeje kugirana n'abaturage mu gukumira ibyaha, kandi bakirinda gukunda inyungu nyishi kuko hari igihe birangira ubuze byose, gusa ibasaba kuba maso no gukomeza gutangira amakuru ku gihe mu gihe babonye umunyacyaha.

Abagera kuri 38 bamaze gufungwa bazira amafaranga y'amakorano mu mujyi wa Kigali, gusa haracyari benshi bagihangika abacuruzi cyane aba Mobile Money inote za 2000 Frw na 5000 Frw z'amakorano.

Abagore bakiriye bate ububasha bwo kuba abatware b'ingo ?

By Alexis Musabirema

Bamwe mu bagore bo mu turere twa Rusizi na Nyamasheke ntibemeranya n'itegeko riherutse gushyirwaho mu Nteko Ishinga Amategeko rivuga ko mu rugo umugabo n'umugore bose bakwiye kuba abatware b'urugo.

Iri tegeko riherutse gushyirwaho n'Inteko Ishinga Amategeko mu rwego rwo gukomeza gushimangira ihame ry'uburinganire n'ubwuzuzanye mu mu Rwanda.

Itegeko rivuga ko umugabo adakwiye kuba umutware w'urugo wenyine ngo yumveko ibyemezo birufatirwamo ariwe ukwiye kubigiramo uruhare gusa ahubwo ko n'umugore we bakwiye kuzuzanya buri wese akaba umutware w'urugo.

Gusa ntirivugwaho rumwe mu Rwanda kuko ubusanzwe umuco ndetse n'amategeko yarasanzwe ariho yagenaga umugabo nk'umutware w'urugo.

Twashatse kumenya icyo abagore batekereza kuri iri tegeko maze twegera bamwe mu bo mu turere twa Rusizi na Nyamasheke

Umwe mubo twaganiriye, Muhamwenimana Rachel wo mu murenge wa Nyabitekeri mu karere ka Nyamasheke yagize ati :” ntawe utagira ijambo kuko umuyobozi wacu yarariduhaye ubwo ni ukuvuga ngo umugabo agahabwa agaciro k'ubugabo bwe n'umugore nawe agahabwa agaciro nk'umugore. Ibyo kuba umutwarere rero ntabwo ibyo byashoboboka kuko ntabwo waba waravuye iwanyu yarakuzanye ngo ujye kumutegeka.”

Mukabahizi Annociata nawe wo muri Nyamasheke yagize ati :”Oya da ntabwo bishoboka, umugabo burya niwe mutware w'urugo ubundi urutugu rurakura ariko ntirusumba ijosi , bagomba kuzuzanya mu rugo rwabo bakubahana, ntabwo umugore agomba gusumbisha ijwi umugabo.”

Nyirabarore Tasiyana nawe wo mu murenge wa Nyabitekeri avuga ko umugore wabaye umutware w'urugo yaba yasuzuguye umugabo we ati :”Ni ukubahana umugore akubaha umugabo ariko umutware w'urugo akwiye kuba umugabo naho umugore abaye umutware yaba amusuzuguye kwaba ari ukurengera.”

Tabu Esteria twamusanze mu karere ka Rusizi mu murenge wa Bugarama we tumubajije uko yumva iby'iri tegeko yagize ati :” ariko se ibyo wabyumvisehe?, Yewe ingo z'ubu zikomezwa n'ubwumvikane ariko nta mugore utegeka urugo . ubundi umugabo akunda umugore akamufata neza ariko umugore nawe aba akwiye kumwumvira muri byose.”

Bamwe mu bayobizi b'imirenge twaganiriye ari nabo batanga inyigisho mboneza mubano nabo bemera ko abaturage batararyumva neza kuko hari n'abatarimenya ariko ngo igisubizo cyabyo ni ugukomeza kwigisha.

Umuhuzabikorwa w'umurenge wa Nkombo Rwango Jean De Dieu umwe mubo twaganiriye yagize ati :”abaturage turabibaganiriza na mbere yo gusezeranya abageni nabyo tubigarukaho, gusa bigaragara ko baba banyotewe no kubyumva kuko mbere atari ko byakorwaga, mbere umugabo yumvaga ko ariwe mutware w'urugo kuko ari nako itegeko ryavugaga ariko ubu n'umugore yaba umutware babyumvikanyeho.”

akomeza avuga ko ariko iri tegeko rigikenewe kwigishwa buri wese akumva ko mu rugo hakwiye gufatwa icyemezo bigendeye kubwumvikane.

Umuhuzabikorwa w'umurenge wa Bugarama Ntivuguruzwa Gervais, tumubajije uko abaturage ayobora bafata iri tegeko yagize ati :” itegeko ngirango murabizi nta gihe riramara risohotse mu igazeti ya leta nanavuga ko ari itegeko benshi batari banamenya ko ryateganyije ko umugabo n'umugore mu muryango banganya uburenganzira n'ububasha mu byemezo bireba umuryango. Uburyo babyakiriye njya mbibonera kenshi turi mu mihango yo gusezeranya iyo turi kubashyingira turibasobanurira nibwo ubona ko hari benshi babaye nk'abatunguwe.”

Uyu muyobozi avuga ko kubera itegeko rya mbere ryahaga ubutware umugabo bituma abantu batarabyumva neza gusa ngo itegeko ryo ryarasohotse kandi bazakomeza kubyigisha kandi hari icyizere ko abaturage bazageraho baryumva.

Nshuti Savio yasezeye muri AS Kigali nyuma y'amezi atandatu gusa asinye muri iyi kipe

By Bikorimana Alexis

Nahuti Savio ukinira ikipe ya AS Kigali ndetse n'ikipe y'igihugu Amavubi, yamaze gusezera muri iyi kipe nyuma yo kuyimaramo amezi atandatu ariko ikipe ntiyubahirize ibikubiye mu masezerano bagiraranye.

Umunyamabanga w'ikipe ya AS Kigali, Joseph Nshimiye yabwiye Makuruki.rw ko iyi nkuru ari kuyumva mu binyamakuru ariko we ko nta byinshi afite yabivugaho kuko nk'ikipe batabimenya.

Joseph Nshimiye yagize ati, β€œAmakuru yo kuba Savio Nshuti yasheshe amasezerano mu ikipe ya AS Kigali turi kuyumva mu itangazamakuru twe ntayo tuzi kandi nta byinshi birenze mfite kuvuga kugeza menye amakuru
nyayo”

Nahuti Savio umaze amezi atandatu gusa mu ikipe ya AS Kigali nyuma yo kuva mu kipe ya Rayon Sports yari yaragiriyemo ibihe byiza, yamaze kwandika ibaruwa isezera mu ikipe ya AS Kigali kubera atahawe inzu ye bwite nkuko byari mu masezerano yagiranye n'iyi kipe muri Kamena uyu mwaka.

Savio uhagarariwe mu mategeko na Ricard Sports Corporation yatangaje ko bamaze kwandikira ibaruwa isesa amasezerano bari bafitanye na AS Kigali kuko ibyo Perezida w'iyi kipe Kanyandekwe Pascal atubahirije ibikubiye mu masezerano.

Nshuti Savio amaze igihe kinini avuzwa n'iyi kipe nyuma yo kugira ikibazo cy'urutugu byatumye atagaragara cyane mu mikino ya Shampiyona ndetse no mu mikino ya CECAFA ikipe y' u Rwanda iherukamo muri Kenya.

Nshuti Savio ni umwe mu bakinnyi bo mu Rwanda baguzwe amafaranga menshi gusa yari yumvikanye na AS Kigali ko nihagira ikipe yo hanze imwifuza ko bazamureka akagenda nta mananiza gusa iyo kipe nayo ikaba yarasabwaga kuba yakishyura ibihumbi 80 by'amadorali.

Abanyarwanda batandatu bafungiwe muri Uganda

By Bikorimana Alexis

Urwego rw'Ubutasi muri Uganda rufunze abanyarwanda batandatu harimo abagore bane n'abagabo babiri gusa icyo bafungiye kikaba kitarajya ahagaragara.

Abagore bane n'abagabo babiri biravugwa ko bafunzwe mu cyumweru gishize n'inzego z'ubutasi muri Uganda.

Abanyamategeko bunganira Abanyarwanda batandatu bafunzwe n'inzego z'iperereza muri Uganda barasaba ko uburenganzira bwabo bwubahirizwa.

Claudette Ninsiima ufite umugabo umwe mu bafunze yavuze ko ataravugana cyangwa ngo abone umugabo we, Herbert Munyangaju, kuva ku wa Gatatu w'icyumweru gishize.

Bivugwa ko yatawe muri yombi n'abagabo bari bafite intwaro ari mu kabari I Kampala kandi ubu afunzwe n'urwego rw'ubutasi rwa gisirikare.

Madamu Ninsiima Claudette akomeza avuga ko afite impungenge z'umutekano w'umugabo we.

Yagize ati: "Sinzi niba atekanye, niba akiri muzima nifuza kumubona nkamenya impamvu afunzwe, ubwoba mfite ni uko azicwa urubozo akaba yakicwa cyangwa agakorerwa ibindi bisa nabyo."

Umunyamategeko wunganira abatawe muri yombi, Eron Kiiza, avuga ko abo yunganira baguye mu mutego w'ubushyamirane bwa dipolomasi hagati y'u Rwanda na Uganda.

Yagize ati, "Tuzi ko hari ubushyamirane hagati y'u Rwanda na Uganda. Ubushyamirane ubwo ari bwo bwose hagati y'ibihugu bituranye ni ikintu gikomeye ariko twizeye ko bitazakomera kurusha uko bikomeye ubu kubera ko Abagande n'Abanyarwanda benshi bari kubihangayikiramo."

Umuvugizi w'ingabo za Uganda, Brigadier Richard Karemire, yanze kuvuga byinshi kuri ibi bibazo abwira BBC dukesha iyi nkuru ko bireba urwego rw'imibanire hagati y'ibihugu kandi ko bizakemurwa mu nzira za dipolomasi.

Biracyagoye kumenya impamvu iri ku isonga y'umwuka mubi uri kugaragara hagatiy'u Rwanda na Uganda.

Ibi bije mu gihe Ikinyamakuru gikomeye muri Uganda, "Red Pepper", cyandika amakuru ashyira hanze amabanga cyafunzwe ubwo cyasohoraga inkuru yavugaga ko perezida Yoweri Museveni yageragezaga guhirika ku butegetsi Perezida w'u Rwanda, Paul Kagame.

BBC ariko yasoje iyi nkuru yayo ivuga ko leta ya Uganda yahakanye iri fungwa ry'aba banyarwanda.

Hashize iminsi havugwa ihohoterwa ry'Abanyarwanda bajya muri Uganda kuko hari n'uherutse kuzanwa witwa Gatsinzi Fidele yarangiritse cyane akavuga ko ari iyica ruboze yakorewe ubwo yafatwaga n'urwego rw'ubutasi bwa Uganda bufatanyije n'abarwanya u Rwanda bacumbikiwe muri icyo gihugu.

Gen. Chiwenga wayoboye abahiritse Mugabe yagizwe Vice-Perezida we

By Bikorimana Alexis

Perezida wa Zimbabwe yagize Gen. Constantino Chiwenga Vice Perezida we nyuma yo kuba yarayoboye urugamba rwo gukura ku butegetsi 'umukambwe Robert Mugabe.

Kuri uyu wa kane, tariki ya 28 Ukuboza 2017, Gen. Constantino Chiwenga wayoboye urugamba rwo guhirika ubutegetsi bwa Robert Mugabe yarahiriye kuba Vice Perezida wa Zimbabwe.

Ubwo Gen. Constantino Chiwenga yarahiraga, yashimangiye ko agiye kubaha kandi agaharanira amahoro muri Africa yo mu muhora w'Epfo.

Kuva Perezida Emmerson Mnangagwa yajya ku butegetsi, ari guhangana n'abayobozi bitwikiraga imbaraga nke za Robert Mugabe bakanyereza umutungo w'igihugu

Kuri ubu Perezida Emmerson Mnangangwa ari gukurikirana abaminisitiri bahunze igihugu ubwo urugamba rwo guhirika Mugabe rwari rurimbanije barimo Jonathan Moyo, Saviour Kasukuwere na Paddy Zhanda .

Ikigo cy'igihugu gishinzwe kurwanya ruswa muri Zimbabwe (ZACC) kimaze gufunga abari inshuti za hafi na Perezida Mugabe barimo namely Joseph Made, Walter Chidakwa, Ignatius Chombo na Jason Machaya naho Kudzanai Chipanga wari uhagarariye urubyiruko mu Ishyaka rya Zanu PF riri ku butegetsi ndetse na Innocent Hamandishe bakaba bafungiwe kwivanga mu gihe igisirikare cyashakaga gukuraho Robert Mugabe.

Si Gen. Constantino Chiwenga gusa ushyizwe muri Guverinoma ya Zimbabwe kuko abandi basirikare bakomeye bagize uruhari mu guhirika ubutegetsi bw'umukambwe Robert Mugabe nka Gen Maj Sibusiso Moyo wagizwe Minisitiri w'Ububanyi n'amahanga nyuma yo kuba ari we watangaje ko Igisirikare kibaye gifashe ubutegetsi.

Abandi basirikare Perezida Mnangagwa yahaye akazi harimo Christopher Mutsvangwa wagizwe Minisitiri w'itumanaho ndetse na Victor Matemadanda amugira ushinzwe ingabo zavuye ku rugerero.

Ubuhinde: Acunga umutekano wo mu muhanda yifashishije imibyinire ya Michael Jackson

By Bikorimana Alexis

Ranjeet Singh yabaye inkuru iri kugarukwaho cyane ku mbuga nkoranyambaga nyuma yo gucunga umutekano wo mu muhanda akoresheje imbyino ya Michael Jackson.

Umupolisi witwa Ranjeet Singh wo mu Buhinde mu mujyi wa Indore utuwe n'abantu basaga miliyoni 2, acunga umutekano wo mu umuhanda yifashishije imbyino z'umuhanzi w'icyamamare ufatwa n'umwami w'injyana ya Pop, Michael Jackson.

Mu kiganiro yagiranye n'ibiro ntangazamakuu by'Ubufaransa, AFP dukesha iyi nkuru, Ranjeet Singh yavuze ko yakunze imibyinire ya nyakwigendera Michael Jackson byatumye yiga uko abyina kandi abyifashishije imyaka isaga 12 nkora aka kazi ka gipolisi.

JPEG - 32.9Β kb
Ranjeet Singh Amaze imyaka 12 yifashisha imibyinire ya Michael Jackson mu gucunga umutekano mu mujyi wa Indore

Ranjeet Singh yagize ati, β€œNdi umufana ukomeye wa Nyakwigendera Michael Jackson, nakunze uko yabyinaga, ngerageza kumwigana birampira, ndetse kuri ubu imibyinire nyifashisha mu kazi kanjye ka buri munsi”

Yongeyeho ati, β€œAbantu benshi birabatangaza ariko njye mba nzi ibyo nkora, kuko gucunga abaturage bambuka umuhanda, amamodoka…..bisaba gushyiramo ubwenge”

Kugeza ubu Ranjeet Singh amaze kumenyekana cyane kubera guhererekanwa ku mbuga nkoranyambaga bashaka kwerekana ko akora ibintu bidasanzwe.

Kuri ubu Kaminuza y'Ubuhinde igiye kureba niba yagerageza uburyo bwa Ranjeet Singh bakabwigisha abanyeshuri kuburyo bazarandura burundu urusobe rw'amamodoka akereza abagenzi mu muhanda.

Ranjeet Singh avuga ko urubyiruko rutwara imodoka muri iki gihugu usanga ntacyo bitayeho ariko ko ubu buryo yazanye bufasha kuba bwagabanya impanuka, aho kuva yajya mu kazi ka gipolisi amaze kubona abatwara imodoka bakiri bato bakoze impanuka zikomeye bagera kuri 40.

JPEG - 54.7Β kb
Ranjeet Singh acunga umutekano akoresheje imibyinire ya Michael Jackson

Bugarama: abakobwa barenga 110 babyariye iwabo

By Alexis Musabirema

Ubuyobozi bw'umurenge wa Bugarama buvuga ko abakobwa barenga 110 babyariye iwabo harimo n'abatari bagira imyaka y'ubukure Akagari ka Ryankana kakagiramo abakobwa 80 konyine.

Uyu murenge ni umwe mu mirenge ifite ikibazo cy'abakobwa baterwa inda zitateguwe ku bwinshi, bamwe mu bakobwa bahuye n'iki kibazo twaganiriye bazitewe bakiga mu mashuri abanza ndetse bakiri bato.

Murutase Vestine yatewe inda afite imyaka 17 yiga mu mwaka wa 5 w'amashuri abanza ayiterwa na muramuwe

Avuga ko kuva icyo gihe bakimara kuryamana iterambere ry'ubuzima bwe ryahise rijyaho akadomo.

Yavuze ko yabaga kwa mukuru we ahaba nk'umwana mu rugo nta kibazo afite ariko nyuma ngo umugabo wa mukuru we (muramu we ) yaje kumufata ku ngufu amutera inda yiga mu mwaka wa 5 w'mashuri abanza afite imyaka 18.

Avuga ko uyu mugabo ajya kumutera inda yabikoze ku gahato ati :” ntabwo twumvikanye kugirango abigereho nabaga iwe bisanzwe nkajya nyuzamo nkaza mu rugo nkongera nkasubirayo kuko rero mukuru wannye yari umucuruzi aza kujya mu Karangiro arambwira ati ushobora kumesera imyenda nzajyana I Burundi kurangura . Ubwo rero naragiye mu cyumba gufata imyenda nk'umwana mu rugo ntacyo nikanga sinarinzi ko arimo n'uko musanzemo bigenda gutyo ntabwo twigeze tuganira , nari nambaye agatenge gutya mu mabere ndagenda igihe ngiye gutora ya myenda ubwo biba birabaye.”

Avuga ko bikimara kuba yamaze amezi abiri ameze neza bigera ubwo ishuri rifungura ajya kwishuri ariko nyuma y'igihe gito bitangira guhinduka iwabo barabimenya ahita ahagarika ishuri.

Avuga ko uwamuteye inda yahise acika ndetse igihe agarukiye imiryango igahitamo kumubabarira ariko ikamutegeka kumuha umurima ndetse n'indezo ariko ngo byarangiriye mukubivuga kuko atakibimuha. Vestine avuga ko imiryango yamutegetse kumubabarira kandi ko iyo atabikora yari kuba igicibwa mu muryango.

Vestine avuga ko ibi bintu byamubayeho bitumye abayeho nabi kandi yarigaga ati :” ubu ubuzima mbayeho nyine ni uguhinga rimwe tukanarumbya, hari igihe nicara nkabona abo twiganaga bavuye kwiga nkumva agahinda karanyishe ariko nyine nta kundi nagira.”

Undi twaganiriye nawe watewe inda ndetse agatererenwa ni Uwimana Selaphine ngo yatwaye inda afite imyaka 16 ayitewe n'umusore witwa Kimonyo, uwamuteye inda ngo yahise yigira mu murenge wa Giheke mu karere ka Rusizi.

Avuga ko uyu musore yamuteye inda bitewe n'uko bakundanaga ariko nyuma ngo yanga kumufasha. Ati β€œYarankuze nyine turaryamana akajya ambwira ko azamfasha noneho maze gutwara inda nagiye iwabo ngiye kubimubwira nsanga ntawuhari mpasanga iwabo barambwira ngo twebwe ntubitubwire ntituzi aho mwabonaniye, twarakundanaga nonese hari uwaguha inda mudakundana.”

Avuga ko yamuteye inda yigaga mu mwaka wa kane, ngo kuva baryamana nta kintu aramufasha na kimwe ndetse ngo no mu minsi ishize yaje mu iwabo agiye kumureba amuha gahunda yo kugaruka nyuma ya saa sita asubiyeyo asanga yigendeye.

Aba bakobwa bombi bahuriza ku cyifuzo cy'uko abatera amada bategekwa kuzajya babafasha igihe babyaye bakareka kubaterererana.


Umuyobozi w'umurenge wa Bugarama Ntivuguruzwa Gervais

Uyu murenge wa Bugarama ni umwe mu mirenge mu gihugu ifite abakobwa benshi baterwa amada baba abakuze ndetse n'abataragira imyaka y'ubukure . Muri aka kagari ka Ryankana umuyobozi wako Ndayisaba Valensi yatubwiye ko ubwabo bafite abakobwa 80 batewe amada batateguye barimo 34 bataragira imyaka y'ubukure.

Umuyobozi w'uyu murenge wa Bugarama Ntivuguruzwa Gervais yatubwiye ko mu murenge wose ibarura bakoze muri uyu mwaka wa 2017 basanze abakobwa barenga 110 batewe amada batateganyije.

Yavuze ko bagerageza gufata ingamba zo kugabanya iki kibazo bagahana abagabo batera inda aba bana ariko kandi ngo baracyahura n'imbogamizi zo kumenya aba bateye inda kuko ngo abakobwa n'imiryango yabo bagerageza kubihishira bitewe n'ibyo baba bemerewe n'aba bagabo cyangwa se kwanga ngo gusebya umuryango kuri aba baba bazitewe n'abo bafitanye amasano.

Umugabo uzajya utera umwana w'umukobwa inda azajya ahanwa by'intangarugero-Guv.Gatabazi

By Bikorimana Alexis

Guverineri Gatabazi Jean Marie Vianney, yasabye abayobozi kutarebera ikibazo cy'abana b'abakobwa baterwa inda bakiri bato, kandi abagabo babikora bagahanwa by'intangarugero.

Guverineri w'Intara y'Amajyaruguru, Gatabazi Jean Marie Vianney yavuze ko hagomba kubaho ubukangura mbaga ku kibazo cy'abangavu baterwa inda zitateganijwe, ku buryo bizafasha abaturage kumva uburemere bw'iki kibazo bakagira uruhari mu kubirwanya bivuye inyuma.

Ubwo Guverineri Gatabazi yari ayoboye inama y'abayobozi b'inzego z'ibanze bayobora mu mirenge igize Umujyi wa Musanze (Muhoza, Cyuve, Musanze na Kimonyi.) yasabye kutarebera igihe hari ibibazo by'ingutu bikomeje kudindiza iterambere.

Guverineri Gatabazi yagize ati β€œNi ngomwa ko mushyiraho ubukangurambaga kugira ngo duhangane n'iki kibazo, mubinyuze mu nyigisho zihabwa abaturage, nabo bumve uburemere bw'ikibazo cy'abana b'abakobwa bari munsi y'imyaka 18 basambanywa n'abagabo bakuze bikabagiraho ingaruka zirimo gutwara inda zitateganyijwe, ndetse bakaba banandura indwara zandurira mu mibonano mpuzabitsina idakingiye.”

Yongeyeho ko iki ari ikibazo gikwiye guhangayikisha buri wese, hagakurikiranwa abo bagabo batera abana b'abakobwa inda kandi uzafatwa agashyikirizwa inzego bireba kugirango ahabwe ibihano bimukwiye.

Yaboneyeho umwanya wo kwibutsa abayobozi guhangana n'ikibazo cy'ibiyobyabwenge kuko ibyaha byinshi bikorwa 90% biba bifitanye isano no gufata ibiyobyabwenge.

Ibi bije mu gihe Minisiteri y'Uburinganire n'Iterambere ry'Umuryango,MIGEPROF, yagaragaje ko mu mwaka wa 2016, abangavu bari hagati y'imyaka 16-19 bagera ku 17500 batewe inda zitateguwe nka kimwe mu bibazo bituma abana b'abakobwa bata ishuri.

Miss Fiona abaye igisonga cya mbere cya Miss Africa 2017-Amafoto

By Bikorimana Alexis

Miss Mutoni Fiona abaye uwa kabiri akurikira Miss Gaseangwe Balopi wo muri Botswana mu irushanwa rya Miss Africa 2017 ryaberaga mu gihugu cya Nigeria.

Irushanwa ryabaga ku nshuro ya kabiri, rigamije kubungabunga ibidukikije, abaryitabiriye bakoze ibikorwa bitandukanye ndetse basura n'uduce tumwe two muri Nigeria.

Iri rushanwa ryegukanwe na Miss Miss Gaseangwe Balopi wo muri Botswana ryari rimaze ibyumweru 3 ribera muri Nigeria, abaryitabiriye uko ari 25 bakaba bariyerekanye bambaye imyenda yo kogana ndetse ku munsi w'ejo bifotoje bambaye imyenda gakondo yerekana umuco w'ibihugu bahagarariye.

Muri 25 bari bitabiriye babanje gutoranyamo 15 , aribo baje gutorwamo nanone 5 bahiga abandi barimo n'Umunyarwanda.

Batanu baje mu myanya y'imbere baturuka muri Botswana, Rwanda Afurika y'Epfo, Sudani y'Epfo na Namibia.

Miss Gaseangwe wo muri Botswana wegukanye ikamba rya Miss Africa 2017 yahembwe ibihumbi 30 by'Amadolari ya Amerika, bivuze ko miliyoni 25 z'Amanyarwanda.

Ibirori byo gutangaza uwahize abandi, byabereye muri Calabar International Conference Centre muri Leta ya Cross River ari nayo itegura iri rushanwa byari byitabiriwe n'abahanzi bakomeye nka Neza (Rwanda), Tekno na Runtown (Nigeria), Vanessa Mdee (Tanzania) na Mafikizolo (Afurika y'Epfo)

JPEG - 67.1Β kb
Miss Gaseangwe Balopi wo muri Botswana niwe wabaye Miss Africa 2017
JPEG - 86.1Β kb
Miss wo muri Sudan y'Epfo yabashije kuza muri 5 ba mbere
JPEG - 93.5Β kb
Miss wari uhagarariye Africa y'Epfo yabaye igisonga cya kabiri cya Miss Africa 2017
JPEG - 92.5Β kb
Miss wari uhagarariye Namibia yaje muri 5 bambere
JPEG - 82.2Β kb
Miss Phiona wari uhagarariye u Rwanda yabaye igisonga cya mbere cya Miss Africa 2017
JPEG - 114.6Β kb
Mbere yo kumenyeshwa uwegukanye ikamba rya Miss Africa 2017 babanje kwiyerekana bambaye imbenda yo ogana

APR FC inganije na Musanse iguma ku mwanya wa gatatu

By Bikorimana Alexis

APR fc yari yakiriye ikipe ya Musanze birangira amakipe yombi anganije 1-1 bituma APR fc iguma ku mwanya wa gatatu irushwa amanota 3 na Kiyovu Sports iyoboye urutonde rwa Shampiyona y'u Rwanda.

Shampiyona y'u Rwanda yari igeze ku munsi wayo wa 10, ikipe ya APR fc yari yakiriye ikipe ya Musanze kuri Stade ya Kigali urangiye amakipe yose anganya igitego 1-1, igitego cya APR FC cyabonetse ku munota 52' w'umukino gitsinzwe na Muhadjiri Hakizimana mu gihe icya Musanze cyabonetse ku munota wa 87' w'umukino gitsinzwe na Wai Yeka.

Umukino waranzwe no gusatira cyane ku ikipe ya APR fc ariko ntibyabujije igice cya mbere kurangira ari 0-0.

Igice cya kabiri cyatangiye APF fc igaragaza ko ishaka intsinzi byaje kuyihira ku munota wa 52' ibona igitego cyatsinzwe na Muhadjiri,

Ikipe ya Musanze ntiyaciwe integer n'igitego cya APR FC kuko ku munota wa 87' ikipe ya Musanze ibona igitego cyo kwishyura kuri Penaliti yatsinzwe neza na Wai Yeka ku ikosa ry'umuzamu, Ntaribi

Abakinnyi babanjemo ku mpande zombi:

APR FC: Ntaribi Steven, Ombolenga Fitina, Emmanuel Imanishimwe, Rugwiro Herve (C), Nsabimana Aimable, Martin Fabrice Twizeyimana, Muhadjiri Hakizimana, Issa Bigirimana, Djihad Bizimana, Nshuti Innocent na Sekamana Maxime.

Musanze FC: Mazimpaka Andre, Habyarimana Eugene, Kanamugire Moses, Hakizimana Francois, Mwiseneza Daniel, Munyakazi Youssuf, Peter Otema (C), Niyonkuru Ramadhan, Wai Yeka, Mudeyi Suleiman na Hakizimana Djaphet.

Ishyaka Jean Luc yabaye umunyamahirwe wa mbere watomboye Moto

By Bikorimana Alexis

Ishyaka Jean Lucyabaye yatomboye moto ikoresha umuriro w'amashanyarazi mu imurikagurisha ry'abayamisiri riri kubera muri Petit Stade.

Ku munsi w'ejo, tariki ya 26 Ukuboza 2017, Ishyaka Jean Luc yatsindiye Moto imwe muri 2 zigomba gutangwa muri iri murikagurisha.

Moto yatombowe ntikenera kunywa esssance kugirango igende kuko ikoresha amashanyarazi (iracagingwa)

Ishyaka Jean Lucakimara guhabwa moto yari atomboye yatangaje ko yishimiye moto abonye kuko izajya imufasha mu bikorwa bye bya buri munsi birimo kuyifashisha ajya ku ishuri.

JPEG - 155.2Β kb
Uhagarariye Smart Egypt yatangaje ko hari udushya twinshi Expo ya Misiri ihishiye abanyarwanda

Uhagarariye Smart Egypt mu Rwanda, yavuze ko iyi moto ihagaze ibihumbi 200 ariko gashya Expo y'uyu mwaka yazanye ko umwaka utaha bitegura kubona ibindi bishya.

JPEG - 182.3Β kb
Ishyaka Jean Luc yatomboye moto ihagaze ibihumbi 200 by'amanyarwanda

Uwahoze ari ikirangirire mu mupira w'amaguru ku Isi George Weah abaye Perezida wa Liberia

By Bikorimana Alexis

Ikirangirire mu mupira w'amaguru, George Weah atsinze uwari Vice Perezida wa Liberia, Joseph Boakai bari bahanganye mu matora y'umukuru w'igihugu yasubirwagamo kuri uyu wa gatatu.

Kuri uyu wa kabiri , tariki ya 26 Ukuboza 2017, abaturage bo muri Liberia bazindukiye mu matora y'umukuru w'igihugu bashaka usimbura Perezida wa mbere wayoboye igihugu cyo muri Africa ari umugore, Ellen Johson Sirleaf, atsinzwe n'umukinnyi wamenyekanye cyane ku ruhando Mpuzamahanga, George Weah.

Ni ku nshuro ya kabiri George Weah atsinze Joseph Boakai kuko mu kwezi k'Ukwakira uyu mwaka mu matora yabanje yari yamurushije amajwi asaga 9 ariko ntiyemezwa nka Perezida kuko amajwi ye atageraga kuri 50 nk'uko itegeko ribigena.

Mu matora yabaye mu kwezi k'Ukwakira, George Weah yagize amajwi 38.4% naho Joseph Boakai agira 28.8%, biba ngombwa ko amatora asubirwamo kuko bose nta wari wagejeje amajwi ateganwa n'amategeko.

Nyuma yo kubura amajwi abemerera kuba Perezida bombi, amatora yahise yimurirwa kuwa 7 Ukwakira ariko ntiyaba bitewe n'ibibazo by'umutekano byaterwaga n'amashyaka amwe harimo n'irya Vice Perezida Boakai watsinzwe.

Kuri uyu wa kabiri mbere y'uko amatora aba, Joseph Boakai yari yabwiye itangazamakuru ko yishimiye Demokarasi iri kugaragara mu gihugu cya Liberia kandi ko yiteguye kwakira ibiva mu matora nk'uko the Standard dukesha iyi nkuru ibitangaza.

Gearge Weah niwe mukinnyi wenyine ukomoka ku mugabane wa Africa wabashije gutwara umupira wa Zahabu (Ballon d'Or) mu 1995 ndetse akaba n'umukinnyi mwiza w'Impuzamashyirahamwe y'Umupira w'amaguru ku Isi, FIFA icyo gihe aykinaga mu ikipe ya Milan AC yo mu Butaliyani.

George Weah kandi ni umwe mu bakinnyi babaye abakinnyi beza ab'umwaka muri Africa kuko yabikoze inshuro eshatu.

George Weah w'imyaka 51, yakinnye mu makipe akomeye nka Chelsea, Manchester City, Paris Saint Gemrmain na Ac Milan yo mu Butaliyani.

Aje yiyongera ku bandi bakinnyi bakanyujijeho mu mupira w'amaguru ariko bakaza kujya no muri Polittike nka PelΓ© na Zico bose babaye aba Minisitiri ba Siporo muri Brazil nyuma yo kurangiza gukina umupira w'amaguru.

Cote d'Ivoire ishobora kongera kwakira Yaya Toure I Kigali

By Makuruki

Umukinnyi w'icyamamare w'umunya Cote d'Ivoire Yaya Toure yemeye kugaruka mu ikipe y'igihugu yaramaze igihe yarayisezeye umukino w'irushanwa Cote d'Ivoire izakurikizaho izawukinira I Kigali n'ikipe y'igihugu cy'u Rwanda.

Yaya Toure yasezeye gukina mu ikipe y'igihugu cye mu mwaka ushize wa 2016 nyuma yo kugifasha gutwara igikombe cya Afurika cyo mu mwaka wa 2015.

Gusa Cote D'Ivoire yahise ikurikizaho ibihe bibi ibura tike yo kujya mu gikombe cy'Isi, ndetse no mu gikombe cya Afurika cya 2017 ivamo hakiri kare , Yaya Toure ngo yakomeje gusabwa kugaruka mu ikipe y'igihugu ariko arabyanga.

Yaya Tour ariko nyuma yo gusanga igihugu cye kiri gutegura neza igikombe cya Afurika cyo mu mwaka wa 2019 yemeye kugaruka gufasha abakinnyi bakiri bato bari mu ikipe y'igihugu.

Dimitly Seluk uhagarariye inyungu z'uyu mukinnyi yavuze ko uyu musore yemeye kugaruka nyuma yo kubisabwa inshuri nyinshi ati :” Yaya yafashije igihugu cye gutwara igikombe cya Afurika cyo mu mwaka wa 2015 kandi atekereza ko ashobora kongera kubikora . Kuva yasezera gukinira ikipe y'igihugu yakomeje gusabwa kugaruka ariko ubu yabyemeye.”

Cote d'Ivoire iri mu itsinda rimwe n'u Rwanda mu mikino yo gushaka itike yo kujya mu gikombe cya Afurika cyo mu mwaka wa 2019 umukino ubanza Cote D'Ivoire yatsinzwe na Guinnea ibitego 3 kuri 2. Umukino uzakurikiraho Coite D'Ivoire izaza I Kigali gukina n'Amavubi y'u Rwanda.

Yaya Toure aramutse ahamagawe n'umutoza w'ikipe y'igihugu cye biteganyijwe ko umukino w'irushanwa mpuzamahanga yazakina yazawukinira I Kigali ahura n'Amavubi aro nabwo yazongera kwakirwa mu ikipe y'igihugu.

Amerika yihimuye ku bihugu bigize UN ngo birayisuzugura

By Bikorimana Alexis

America yatangaje ko igiye kugabanya amafaranga yashyiraga mu ngengo y'imari y'Umuryango w'abibibumbye kubera ko isanga abo igirira neza batabiha agaciro ahubwo barushaho kuyirwanya.

America igiye kugabanya miliyoni $285 zingana na 25% by'amafaranga yageneraga umuryango w'Abibumbye guhera mu ngengo y'imari yayo y'umwaka utaha wa 2018-2019

Ambasaderi wa Leta Zunze Ubumwe za America mu Muryango w'Abibumbye, Nikki Haley yatangaje ko igihugu cye kirambiwe guhora gikoresha amafaranga menshi kandi ibihugu kiba kiri gufasha bitajya bigishyigikira muri gahunda zacyo.

JPEG - 80.2Β kb
Nikki Haley ababajwe no kubona America ihora isabwa kugira icyo itanga ngo ifashe ibindi bihugu ariko yafata umwanzuro runaka ugasanga ibyo bihugu bifashe iya mbere mu kuyirwanya

N'umujinya mwinshi Nikki Haley yavuze ko biteye agahinda kubona umuryango nka UN utagira ikiwinjiriza ariko ukaba ugizwe no gusesagura bya hato na hato.

Amerika ni cyo gihugu gishyira amafaranga menshi mu ngengo y'imari uyu muryango ukoresha kuko ishyiramo 22%.

Mu mwaka ushize Leta Zunze Ubumwe za America zatanze asaga miliyari 7.8 mu rwego rwo gufasha uyu muryango gukomeza ibikorwa byawo birimo ibyo kugarura amahoro ku Isi.

Amerika igabanije inkunga yayo mu gihe, umunyamabanga mukuru w'Umuryango w'Abibumbye, Antonio Guteres avuga ko hakenewe miliyari 5,4 z'amadorali nk'ingengo y'imari yo kwifashisha mu mwaka utaha wa 2018.

Ibi bifite aho bihuriye n'ibyavuye mu matora yo kwemeza ko Yeruzalemu iba Umurwa Mukuru wa Islael, kuko mbere y'amatora, Perezida Trump yari yatangaje ko igihugu kitazashyigikira Leta Zunze Ubumwe za America kuri iki cyemezo kizahagarikirwa inkunga.

Mu bihugu 172 byatoreye icyemezo cyo kuba Yeruzalemu yahinduka umurwa mukuru wa Islael, 128 byahakanye iki cyemezo, 9 byashyigikira America, ibindi 35 birifata.

Masudi yafatiye ingamba abakinnyi bigira ibihangange muri Simba

By Makuruki

Umutoza w'ikipe ya Simba SC by'agateganyo Masudi Djuma avuga ko nyuma yo gusigirwa ikipe ngo ayitoze by'agateganyo agiye guhindura ibintu bitatu birimo no gukubita akanyafu abakinnyi bigira ibihangange.

Umutoza Joseph Omog watozaga ikipe ya Simba SC aherutse kwirukanwa ikipe isigirwa Masudi Djuma wari umutoza wungirije.

Masudi Djuma wahoze atoza ikipe ya Rayon Sports yavuze ko agiye guhindura ibintu 3 kugira ngo iyi kipe arusheho kuyigira ubukombe.

Mu kiganiro yagiranye n'ikinyamakuru cyo muri Tanzaniya Mwanasipoti yavuze ko icya mbere azahindura ari ari ugukubita akanyafu abakinnyi bigira ibihangange muri iyi kipe.

Yavuze ko aba bakinnyi bigira ibihangange azabacisha bugufi bagahindura imyitwarire abakinnyi bose bakareshya mu ikipe. Yavuze ko icya kabiri azahindura ari ikinyabupfura cy'abakinnyi bikazatuma ikipe ya Simba SC iba igihangange.

Masudi Djuma kandi yavuze ko agiye guhindura imitoreze yakoreshwaga muri Simba n'umutoza Joseph Omog yo kukinisha abakinnyi bamwe gusa bahoraho. Yavuze ko ubu muri Simba SC buri mukinnyi azajya abona umwanya wo gukina akerekana ubushobozi bwiwe.

Masudi Djuma yavuze ko abakunzi ba Simba bagiye kubona impinduka ati :” ndifuza ko umuntu wese ufite ikipe ya Simba ku mutima yakwitegura impinduka zizatuma ikipe yacu itera imbere.”

Umutoza Masudi ashobora kugirwa umutoza mukuru w'iyi kipe ndetse ikaba iri no gushaka uzamufasha amahirwe menshi arahabwa umugabo witwa Selemani Matola wahoze ayikinamo ko ariwe ushobora kuza gufatanya na Masudi Djuma.

Miss Fiona na bagenzi be biyerekanye bambaye imyambaro gakondo-Amafoto

By Bikorimana Alexis

Miss Mutoni Fiona Naringwa na bagenzi be bari guhatanira ikamba rya Miss Africa 2017 biyerekanye bambaye imyenda gakondo iranga umuco w'ibihugu bahagarariye

Kuri uyu wa kabiri tariki ya 26 Ukuboza 2017, abakobwa bagera kuri 25 bitabiriye irushanwa rya Miss Africa 2017 biyerekanye bambaye imyambaro iranga umuco w'igihugu cyabo.

Iri rushanwa riri kubera mu gihugu cya Nigeria, aho umukobwa uri buhige abandi ari bwambikwe ikamba rya Miss Africa 2017 uyu munsi.

Abakobwa bose uko ari 15 bategerezanyije amatsiko yo kuza kumenya usimbura Loretta Mendez , ukomoka mu gihugu cya Angola wari usanganwe iri kamba.

Ibirori byo gutangaza uwahize abandi, birabera muri Calabar International Conference Centre muri Leta ya Cross River.

Egypt: 15 bahamijwe ibyaha by'intambara muri Sinai bishwe bamanitswe

By Bikorimana Alexis

Abarwanyi bagera kuri 15 bagize uruhari mu kugaba ibitero ku musozi wa Sinai, bakica na bamwe mu basirikare ba Leta ya Misiri, bahamijwe ibyaha by'intambara bicwa bamanitswe.

Leta ya misiri ivuga ko kuri uyu wa kabiri, tariki ya 26 Ukuboza, abarwanyi 15 bagize uruhari mu ntambara yabaye mu gace ka Sinai muri 2013 bakaza guhamwa n'icyahaha cy'ubwicanyi no kwica abasirikare ba Leta, bishwe bamanitswe.

Aba bagabo bahamijwe ibyaha birimo n'iterabwoba mu Misiri, bishwe bamanitswe muri gereza ebyiri zibarizwa mu Majyaruguru y'iki gihugu.

Bbc dukesha iyi nkuru ivuga ko uretse kuba aba bagabo bashinjwaga iterabwoba, bari bakurikiranyweho no kwica abasirikare bashinzwe kurinda umutekano w'igihugu ndetse no kugaba ibitero bya hato na hato ku musozi wa Sinai.

Intagondwa zigendera ku matwara y'umutwe wiyita leta ya Kiyislamu zateje intambara mu gace ka Sinai kandi zibasira abashinzwe umutekano w'igihugu batari bake.

❌