Ni muri ya gahunda y'uyu muyobozi y'ubutumwa akunze gusangiza abamukurikira ku mbuga nkoranyambaga by'umwihariko Twitter, aho mu masaha ya mu gitondo abifuriza kugira umunsi mwiza ariko akabibutsa gahunda zigezweho by'umwihariko izo kwirinda ikwirakwira rya Corinavirus.
By'umwihariko mu ntangiro z'impera z'icyumweru [Weekend], Minisitiri Busingye kuri uyu wa Gatanu tariki 21 Kanama 2020, yifashishije urukura rwe rwa Twitter yongera kwibutsa abantu ko n'ubwo ari iminsi irangwa no kwishimira ko basoje icyumweru ariko bagomba kwibuka ko COVID19 ihari.
Yagize ati “Bjr #RwOT #Covid19Watch. Weekend iraje, nyine n'ibiyiranga ; gusohoka, ibirori, inama, isoko, siporo, insengero,chantier, garage, gusura abarwayi, utubari turi disguised mu ngo...tout sa.”
Yakomeje agira ati “Aho turi hose tuzirikane ko korona itwegereye kurusha uko tubyibwira. Twirinde ! Bon WE [Weekend nziza]”
Bjr #RwOT #Covid19Watch
Weekend iraje, nyine n'ibiyiranga ; gusohoka, ibirori, inama, isoko, siporo, insengero,chantier, garage, gusura abarwayi, utubari turi disguised mu ngo...tout sa.Aho turi hose tuzirikane ko korona itwegereye kurusha uko tubyibwira.
Twirinde !
Bon WE.
— Busingye Johnston (@BusingyeJohns) August 21, 2020
Kugeza ubu nta muti n'urukingo bya Coronavirus biraboneka, hakoreshwa uburyo bwo kuvura ibimenyetso by'iki cyorezo gusa, kugeza umubiri w'umuntu wubatse ubudahangarwa, virus igashira ityo mu maraso.
Ibimenyetso bya Coronavirus birimo inkorora, ibicurane, guhumeka bigoranye n'umuriro. Yandura binyuze mu matembabuzi aturuka mu myanya y'ubuhumekero.
Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n'amazi n'isabune, kwambara udupfukamunwa n'amazuru mu gihe umuntu avuye mu rugo cyangwa ahuye n'abantu benshi.
Inzego zirimo Minisiteri y'Ubuzima, Minisiteri y'Ubutegetsi bw'Igihugu ndetse na Polisi y'Igihugu zikomeje gusaba Abaturarwanda bose gukomeza kwitwararika bubahiriza amabwiriza yo kwirinda ikwirakwira ry'icyorezo cya COVID-19.
Ni mu gihe imibare ya Minisiteri y'Ubuzima yo ku wa 20 Kanama 2020, igaragaza ko kuva umurwayi wa mbere wa COVID-19 agaragaye mu Rwanda ku wa 14 Werurwe 2020, hamaze kuboneka abantu 2717 banduye mu bipimo 351 383 bimaze gufatwa, 1705 barayikize mu gihe 1001 bakiri mu bitaro naho 11 bitabye
source http://www.ukwezi.rw/mu-rwanda/3/article/Aho-turi-hose-tuzirikane-ko-korona-itwegereye-kurusha-uko-tubyibwira-Minisitiri-Busingye
