Bahavu Jeannette wamenyekanye nka Diane ubwo yakinaga muri filime y'uruhererekne ya City Maid, yavuze ko impamvu umukunzi we, Ndayikingurukiye Fleury[Legend] atapfukamye agiye kwamwambika impeta ya fiançailles(Gutera ivi) ari uko abizi neza ko byari ku mubabaza.
Gutera ivi ni ibintu bigezweho mu rubyiruko, cyane ku bantu bafatwa nk'aho basobanutse, kuko ni igikorwa gifatwa nk'ubusirimu, hari n'abakobwa bavuga ko umusore adateye ivi amusaba ko bazabana, ubundi buryo bwose yabikoramo atabyemera.
Nyamara n'ubwo Bahavu Jeannette ari umuntu uzwi cyane mu ruganda rwa Sinema nyarwanda, n'umukunzi we Legend akaba ari umuntu uzwi cyane mu gufata no gutunganya amashusho, si ko byagenze mu ijoro ryo ku wa Gatanu tariki ya 17 Nyakanga 2020 ubwo yasabaga uyu mukobwa kuzamubera mama w'abana be.
Bari ahantu hateguye neza, ndetse handitse amagambo agira ati“Will You Marry Me?”, ubundi amwambika impeta atiriwe apfukama.
Mu kiganiro n'ikinyamakuru ISIMBI, Bahavu Jeannette yavuze ko impamvu Legend atateye ivi yari abizi neza ko byari kumubabaza bitewe n'ibiganiro bagiye bagirana kuri iki gikorwa cyo gutera ivi.
Yagize ati“impamvu atigeze apfukama ngira ngo ni uko na mbere hose twarabiganiraga, urabona hari ukuntu mubona nk'amafoto mugatangira kuyavugaho, muti kuki yapfukamye, kuki byagenze kuriya. Njye mba numva ari n'ikintu cyambabaza kuncira bugufi, mbifata nk'aho naba ndi ikigirwa mana, “
“Nakuze numva bavuga ngo nta y'indi Mana nzapfukamira, noneho gupfukama ntabwo nagushyize mu gihano, ntabwo ndabyumva neza ariko wenda nzabyumva, numve impamvu abantu bapfukama.”
Aba bombi bakaba barafashe umwanzuro wo kuzabana nyuma y'imyaka irenga 3 bakundana. Diane avuga ko yifuza kuzabyara abana 3 Imana n'ibishaka.
Reba ikiganiro na Diane
source http://isimbi.rw/imyidagaduro/article/diane-yavuze-impamvu-umukunzi-we-atateye-ivi-ubwo-yamwambikaga-impeta-video
