Umunyarwanda uheruka gusinyira ikipe ya Arsenal Maniraguha George Lewis yatunguye abanyarwanda ubwo yatangazaga ko nta kintu na kimwe azi ku gihugu cye cy’amavuko. Uyu musore w’imyaka 19 ishyira 20 y’amavuko, yavukiye i Kigali, yaje kujya muri Norvege akiri muto ubwo yari afite imyaka ine y’amavuko ajyanyeyo n’umuryango we.
Yanyuze mumakipe atandukanye arimo nka Tromso, Tromsdalen na Fram Larvik, tariki 18 Kanama 2020 nibwo yemejwe nk’umukinnyi mushya wa Arsenal aho azajya akina mu ikipe y’abatarengeje imyaka 23.
Mukiganiro yagiranye n’ikinyamakuru Tribuna dukesha iyi nkuru, yavuze ko atazi igihugu cy’u Rwanda kifuza ko azagikinira mu minsi iri imbere. ” u Rwanda ntakintu na kimwe nduziho, numva ngo niho ababyeyi banjye bakomoka, gusa icyo nzi n’uko nakuriye Tromso muri Norvege naho ibindi nta na kimwe nzi ” Uyu mukinnyi yakomeje avuga ko yasinye amasezerano mu ikipe ya Arsenal kuko yari abifitiye ubushobozi ” Hari ibyavuzwe ko nasinyiye Arsenal, kubera imikoranire ya hafi iri hagati y’iyi kipe n’u Rwanda, gusa ibyo nta kuri kurimo kuko nasinyiye Arsenal kubera imbaraga n’ubushobozi bambonyemo “.
Uyu musore yavutse mu kwezi k’Ukwakira mu mwaka wa 2000 , ababyeyi be bakomoka mu Rwanda bakaba barahavuye mu mwaka wa 2004 bajya gutura i Tromso mu gihugu cya Norvege ari naho yakuriye akanazamukira mu ikipe yaho, umwaka ushize w’imikino 2019-2020, yakiniraga ikipe yitwa Fram Larvik ibarizwa mu cyiciro cya gatatu mu gihugu cya Norvege. Igaba-Ishimwe Maniraguha George Lewis, yasinye imyaka ibiri n’igice muri Arsenal, akaba ahanzwe amaso n’abanyarwanda bamwitezeho umusaruro uhambaye, mu gihe azaba yemeye gukinira ikipe y’igihugu y’u Rwanda Amavubi.
The post Nyuma yo gusinyira ikipe ya arsenal umunyarwanda igaba Lewis yavuzeko atazi uRwanda. appeared first on KASUKU MEDIA.
source https://kasukumedia.com/nyuma-yo-gusinyira-ikipe-ya-arsenal-umunyarwanda-igaba-lewis-yavuzeko-atazi-urwanda/
