Shema Divine Ni umunyarwandakazi uba mu gihugu cy’ubushinwa kurubu yatangiye gushyira hanze filime y’uruhererekane yise ‘Regretting’ mu rurimi rw’icyongereza bisobanuye ‘Kwicuza’ mu kinyarwanda.
Ni filime ikubiyemo ubutumwa bw’urukundo no kumvira inama umuntu agirwa cyane cyane n’ababyeyi.
Divine avugako filime ye y’uruhererekane izaba irimo inyigisho nyinshi ariko cyane cyane iziganisha ku rukundo,
ati “Iyi filime igamije kwereka abakobwa cyangwa se n’abahungu ko mu gihe babuze uwo bakundanye nta mpamvu yo kwiyicira ubuzima.”
Iyi filime inahanura urubyiruko ruri koherezwa mu bihugu byateye imbere guhaha ubumenyi, usanga iyo rugezeyo ruri kure y’ababyeyi rwikora ibyo rushatse bigatuma rwibagirwa indangagaciro za Kinyarwanda.
Ibi yabitekereje kubera ko nawe aba mu Bushinwa bityo akaba akunda kubona benshi byabayeho.
Ati “Rero muri iyi filime tubereka ingaruka zo kutumvira ndetse no kwisanisha n’abanyamahanga ku buryo byaba isomo urubyiruko ruri mu mahanga ndetse n’abateganya kujyayo.”
Shema ashimangira ko akenshi iyo umukobwa cyangwa umuhungu ari mu rukundo ni kenshi yirengagiza inama ababyeyi bamuha ugasanga birangiye arimo yicuza kandi bitari bikwiriye, ibi nabyo akabigaragaza muri iyi filime ye.
Avuga ko umwihariko wayo ari uko yakiniwe mu bihugu bitari u Rwanda gusa. Iyi filime ikinwamo n’abakinnyi batandukanye abenshi babarizwa muri studio yitwa Petit Parole iyobowe na Shema Divine.
Kanda hano urebe filime regretting
The post Shema Divine yageneye inama urubyiruko abicishije muri filime ye yise regretting. appeared first on KASUKU MEDIA.
source https://kasukumedia.com/shema-divine-yageneye-inama-urubyiruko-abicishije-muri-filime-ye-yise-regretting/
