Kapiteni w'ikipe ya Arsenal, Pierre-Emerick Aubameyang, Bernd Leno na Hector Bellerin baraye bise izina abana b'Ingagi, umuhango wabaga ku nshuro ya 16.
Ibi byabaye binyuze ku masezerano y'ubufatanye ikipe ya Arsenal yagiranye n'u Rwanda yo kwamamaza ubukerarugendo bw'u Rwanda binyuze muri gahunda ya Visit Rwanda.
Buri mwaka mu Rwanda haba umuhango wo Kwita Izina abana b'Ingagi ukabera muri Pariki y'Ibirunga mu Kinigi.
Kuri iyi nshuro bitewe n'ibihe Isi irimo by'icyorezo cya COVI-19, uyu muhango wabaye hifashishijwe uburyo bw'ikoranabuhanga.
Ku munsi w'ejo ku wa Kane hiswe abana b'Ingagi 24, akaba ari abavutse nyuma y'itariki ya 6 Nzeri 2019.
Umunya-Gabon akaba na kapiteni w'ikipe ya Arsenal, Pierre-Emerick Aubameyang umwana w'Ingagi yamwise Igitego.
Myugariro wa Arsenal ukomoka muri Espagne, Hector Bellerin we umwana w'Ingagi yamwise Iriza.
Umunyezamu wa Arsenal ukomoka mu gihugu cy'u Budage, Bernd Leno, umwana w'Ingagi yamwise Myugariro.
Urutonde rw'amazina yiswe abana 24 b'ingagi:
1. Kazeneza
2. Nkomezamihigo
3. Uwacu
4. Murengezi
5. Duhuze
6. Cyororoka
7. Igitego
8. Indiri
9. Ubushobozi
10. Amarembo
11. Ihogoza
12. Umusanzu
13. Nkerabigwi
14. Impinduka
15. Myugariro
16. Isezerano
17. Iriza
18. Nyiramajyambere
19. Ikamba
20. Amabwiriza
21. Izabukuru
22. Ishya
23. Umuyobozi
24. Umuganga
Source : http://isimbi.rw/ubukerarugendo/article/abakinnyi-3-ba-arsenal-bise-izina-abana-b-ingagi
