Uyu munsi nibwo habaye ihererekanya bubasha hagati ya komite icyuye igihe ya Rayon Sports yegujwe yari iyobowe na Sadate ndetse na komite y'inzibacyuho iyobowe na Murenzi Abdallah.
Urwego rw'igihugu rw'imiyoborere 'RGB', nyuma y'ibibazo byagaragaye mu muryango wa Rayon Sports yafashe umwanzuro wo guhagarika komite nyobozi y'uyu muryango yari iyobowe na Munyakazi Sadate.
Haraye hashyizweho komite y'inzibacyuho iyobowe na Murenzi Abdallah, Twagirayezu Thadee na Me Nyirihirwe Hilaire.
Uyu munsi ku biro by'Urwego rw'Igihugu rw'imiyoborere, ku biro bya RGB habaye ihererekanya bubasha hagati ya komite icyuye igihe na komite y'inzibacyuho.
Munyakazi Sadate yamurikiye iyi komite ibintu bigera kuri 14.
Yayimurikiye;
Inyandiko 407 banditse nizo bandikiwe,
Amasezerano 75 bagiranye n'abakinnyi, staff technique n'abafatanyabikorwa
Ibikoresho by'ikipe
Impapuro 643 zigaragaza raporo yikoreshwa ry'imari n'umutungo
Sheki za banki 14
Impapuro 5 twandikishirijeho ibirango bya Rayon Sports muri RDB
Kashi z'umuryango
Igikombe cya shampiyona 1 n'igikombe cya Padiri Firepo
Bagaragaje imyenda y'umuryango niyo bafashe ndetse n'iyo bafitiwe
Bagaragaje abakinnyi 43 barimo 10 bakiri bato babona ari akazoza ka Rayon Sports
Staff Technique igizwe n'abakozi 9 ndetse n'abandi bakozi 4 b'umuryango wa Rayon Sports
Bagaragaje raporo 4
Inyandiko zinyuranye zijyanye n'amategeko
Bagaragaje kandi imanza ikipe ifite
