Iyi nkuru y'akababaro y'urupfu rw'uyu musaza, yamenyekanye kuri iki Cyumweru nk'uko byemejwe na Kiyovu Sports ibinyujije ku rubuga rwayo rwa Twitter.
Bushayija Léonard wayoboye iyi kipe, yari amaze iminsi arwaye impyiko, aho yajyaga ajya kwivuza mu bitaro, by'umwihariko muri iyi minsi ya vuba akaba yari arembye cyane.
Yitabye Imana nta kwezi gushize ashyizwe muri Komisiyo yateguye amatora ya Komite Nyobozi ya Kiyovu Sports yabaye ku wa 27 Nzeri 2020.
Kiyovu Sports yagize iti 'Inkuru y'akababaro, umusaza wacu Bushayija Léonard amaze kwitaba Imana, umuryango wa Kiyovu wifatanyije mu kababaro n'umuryango wa muzehe Léonard, Imana imwakire mu bayo kandi ikomeze abasigaye. Ikipe itakaje umugabo w'ingirakamaro, umwe mu bayibereye abayobozi beza.'
Inkuru ya Kababaro, Umusaza wacu Bushayija Leonard Amaze kwitaba Imana,umuryango wa Kiyovu wifatanyije mu akababaro n'umuryango wa Muzehe Leonard Imana imwakire Mubayo, kandi ikomeze abasigaye, ikipe itakaje umugabo w'ingirakamaro,umwe mubayibereye abayobozi beza.@FERWAFA pic.twitter.com/OVl66jkxTN
â€" The Official Account of SC Kiyovu (@SCKiyovuSports) October 11, 2020
Source : http://www.ukwezi.rw/Imikino/article/Bushayija-wayoboye-Kiyovu-Sports-yitabye-Imana
