Kuri uyu wa gatanu tariki 9 Ukwakira2020, Perezida John Magufuli ubwo yarari kwiyamamaruza kuba Perezida wa Tanzania yabwiye abanyatanzaniya kwifatanya n' Abanyakenya ko batakambira Imana mu masengesho basaba ko Covid_ 19 irangira iwabo.
Bwana Magufuli yavuze ko Kenya izakora amasengesho yo ku rwego rw'igihugu kuva uyu munsi, ejo tariki 10 no ku cyumweru tariki 11.
Yongeyeho ati:
'birakwiye ko tubafasha gusenga kugira ngo corona ive iwabo nk'uko Imana yayivanye hano muri Tanzania.'
Muri iki cyorezo cya coronavirus Kenya na Tanzania byagiranye amakimbirane ashingiye ku kwemerera no kwangira abaturage kwambuka imbibi z'ibihugu byombi.
Mu ntangiriro z'iki cyumweru perezida Uhuru Kenyattta wa Kenya yatangaje ko agiye gusaba abaturage bose gusenga cyane kugira ngo iki cyorezo gishire mu gihugu. Muri ayo masengesho ibindi bibazo bikomereye igihugu cyahuye nabyo babizirikana.
Amasengesho yo ku cyumweru yo biteganyijwe ko azabera ku biro by'umukuru w'igihugu i Nairobi guhera saa kumi za mugitondo.
Ayo masengesho azacya kuri Radio ndetse no kuri Televiziyo no ku mbuga nkoranyambaga mu gihe azaba ari kuba.
Mu minsi yashize perezida Uhuru Kenyattta yatangaje ko utubari twongeye gufungura , nyuma y'amezi atandatu dufunzwe mu kwirinda ikwirakwira ry'ubwandu bwa coronavirus
Kugeza ubu muri Kenya hamaze gutangazwa abantu barenga 38,000 banduye coronavirus, muri bo abarenga 700 imaze kubica.
Muri Tanzania Kuva mu kwezi kwa gatanu, yahagaritse gutangaza uko ihagaze imbere y'iki cyorezo, nyuma abategetsi bagiye bemeza ko iyi ndwara yashize muri iki gihugu cyabo.
John Pombe Magufuli yemeza ko Imana yakijije Tanzania Covid_19
