Rutahizamu wa Rayon Sports, Issa Bigirimana yamaze gusinyira ikipe ya Forest Rangers yo muri Zambia imyaka 1.
Ku munsi w'ejo ni bwo ISIMBI yabagejejeho inkuru y'uko Issa Bigirimana ari muri Zambia aho yagiye kumvikana n'ikipe imwifuza.
Uyu musore akaba yamaze gusinyira ikipe ya Forest Rangers FC yo muri Zambia ikina mu cyiciro cya mbere.
Aganira na ISIMBI, Issa Bigirimana yavuze ko ari byo yamaze gusinyira iyi kipe amasezerano y'umwaka umwe.
Ati"ni byo namaze gusinyira Forest Rangers FC. Ni amasezerano y'umwaka umwe gusa. Ni ikipe nziza rwose kandi ihagaze neza."
Muri Nyakanaga 2020, ni bwo uyu rutahizamu yasinyiye Rayon Sports amasezerano y'umwaka, gusa uyu musore nta mafaranga yahawe ya recruitment ahubwo yumvikanye n'ikipe umushahara gusa ariko mu masezerano ye ashyiramo mu gihe yaba abonye ikipe imugura yahita yigendera nta mananiza arimo.
Kugeza aho shampiyona ya Zambia yarhagarariye tariki ya 9 Kanama 2020, iyi kipe yari iya kabiri n'amanota 50 inganya na Nkana ya mbere.
Source : http://isimbi.rw/siporo/article/rutahizamu-wa-rayon-sports-yasinyiye-forest-rangers-yo-muri-zambia
