Ikipe ya TP Mazembe yo muri DR Congo yamaze gutiza Rayon Sports abakinnyi babiri kugera mu mpera za Gicurasi 2021.
Abakinnyi yatijwe ni umunya-Cote d'Ivoire, Jean Vital Aurega ukina mu kibuga ahagati na rutahizamu Robert-Mbelu ukomoka mu gihugu cya DR Congo.
Ku munsi w'ejo nibwo perezida w'inzibacyuho wa Rayon Sports, Murenzi Abdallah yatangaje ko bari mu biganiro na Jean Vital Aurega ndetse ko mu minsi ya vuba ari bube ari muri Rayon Sports, yongeyeho ko hari n'ubufatanye bafitanye na TP Mazembe ku buryo hari n'umukinnyi izabatiza.
Nk'uko bigaragara ku ibaruwa ya TP Mazembe yandikiye Rayon Sports yo ku wa 7 Ukwakira 2020, isubiza iyo bari babandikiye ku wa 21 Nzeri 2020 ibatira aba bakinnyi.
TP Mazembe yameye gutiza aba bakinnyi muri Rayon Sports kugeza tariki ya 30 Gicurasi 2021.
Byitezwe ko mu minsi ya vuba aba bakinnyi bazaza mu Rwanda kugira ngo bashyire mu bikorwa ibyo bumvikanye na Rayon Sports.
Source : http://isimbi.rw/siporo/article/tp-mazembe-yatije-rayon-sports-abakinnyi-2
