- Uyu mugabo uri guhatanira umwanya w'Umukuru w'Igihugu ari mu bizazane kuva yatangira urugendo rwe rwa Politiki. Usibye gufungwa kwa hato na hato, kuva yatangira yagiye abuzwa n'inzego z'umutekano kwiyamamariza mu bice bitandukanye, ashinjwa kurenga ku mabwiriza, gukererwa kugera aho agomba kwiyamamariza n'ibindi.
Ku mugoroba wo kuri uyu wa Kane, yabujijwe n'abashinzwe umutekano kwinjira muri hotel yo mu gace ka Migyera aho yagombaga kurara akabyuka akomeza ibikorwa bye byo kwiyamamaza.
Yahise yanzura ko we n'abantu be bagomba kurara mu modoka. Mu masaha y'igitondo, amashusho yakwirakwijwe ku mbuga nkoranyambaga, agaragaza uyu mugabo ushaka kuba Perezida, asutamye hanze, afite agacupa k'amazi yo kunywa ari gukaraba mu maso.
Polisi yavuze ko yafashe umwanzuro wo kumubuza kujya muri hotel kuko we n'abantu be batari kuyikwirwamo.
Source : https://impanuro.rw/2020/11/27/bobi-wine-yaraye-ku-muhanda-ijoro-riracya-impamvu-ni-iyihe/
