Kaminuza nkuru y'u Rwanda , kuri uyu wa Gatatu tariki ya 11 Ugushyingo 2020, yatangaje ko abanyeshuri biga mu mwaka wa mbere n'abiga mu mwaka wa kabiri bazasubira ku ishuri tariki 30 Ugushyingo 2020. Nyuma y'igihe kirekire yari amaze afunze biturutse ku cyorezo cya Coronavirus.
Mu Nama y'Abaminisitiri yo ku wa 25 Nzeri 2020, iyo nama ikaba yarafatiwemo umwanzuro ko amashuri azafungura ariko hakurikijwe ibyiciro byayo, hashingiwe no ku isesengura riba ryakozwe, ndetse n'imyiteguro y'ayo mashuri.
Ku wa 16 Werurwe 2020 nibwo Minisiteri y'Uburezi yatangaje ko amashuri afunzwe mu rwego rwo kwirinda ikwirakwira rya Coronavirus bituma abanyeshuri bahita bakurwa ku bigo by'amashuri barataha.
