Mike Arteta yatunze agatoki Isco nkimwe mu ntwaro yiteguye kuzana mu kwa mbere k'umwaka utaha amuvana muri Real Madrid, nkuko bitangazwa n'ibinyamakuru byo muri Espagne.
Nyuma yuko mu mpeshyi y'uyu mwaka ikipe ya Arsenal iguze Thomas Partey nkumwe mu bakinnyi bitezeho umusaruro mu gihe kirekire bamutanzeho asaga miliyoni 44.5 z'ama Pound, iyi kipe kandi yaguze Gabriel, Pablo Mari, Willian na Cedric Soares.
Iyi kipe y'abarashi nkuko bakunze kuyita ngo yiteguye gusinyisha Isco ukina hagati mu kibuga, akaza muri Arsenal mu kwezi kwa k'umwaka utaha.
Kuri ubu Arsenal iri Ku mwanya wa 12 muri shampiyona. Aho yatsinze Manchester United, Fulham, Sheffield United, Westham United. Ariko yatsinzwe na Manchester City, Leicester city, Liverpool na Aston Villa. Mu gihe ubushize yanganyije 0-0 na Leeds United.
Arteta ngo yiteguye gutanga ibishoboka byose ariko akabona isco, ibitangazamakuri byo muri Espagne bivuga ko uyu mutoza yifuza isco Ku ntizanyo maze akazamugura mu mpeshyi y'umwaka utaha.
Francisco Isco w'imyaka 28 yageze muri Real Madrid mu mwaka wa 2013 avuye muri Malaga kuri miliyoni 30 z'ama Euro, amaze gukinira iyi kipe imikino irenga 200.
Zimwe mu mpamvu zihishe inyuma yo kutishima k'uyu munyespagne harimo no kubura umwanya wo gukina, dore ko kuva uyu mwaka w'imikino watangira amaze kubanza mu kibuga inshuro eshatu gusa.
Â
The post Isco utishimiye i Madrid mu nzira zerekeza muri Arsenal appeared first on Kigalinews24.
Source : https://kigalinews24.com/2020/11/27/isco-utishimiye-i-madrid-mu-nzira-zerekeza-muri-arsenal/
