APR FC ikomeje kwitegura imikino nyafurika ya CAF Champions League ku wa Kane biteganyijwe ko izakina umukino wa gicuti na Bugesera FC kuri Stade Regional i Nyamirambo.
Iyi kipe ni imwe mu makipe amaze gukina imikino ya gicuti myinshi yitegura umwaka w'imikino wa 2020-2021 cyane Champions League aho izahura na Gor Mahia yo muri Kenya mu mpera z'uku kwezi.
Uyu mukino biteganyijwe ko uzagaragaramo abakinnyi bose ba APR FC kuko n'abari mu ikipe y'igihugu bazaba bamaze kugera mu bandi kugira ngo bakomezanye imyitozo.
Uzaba ari umukino 9 wa gicuti APR FC izaba igiye gukina, ni nyuma yo gukina indi 8 aho yatsinzemo 5 ikanyanya 3.
Mu byumweru bitandatu APR FC imaze itangiye imyitozo, imaze gukina imikino itandatu ya gicuti, itsindamo itatu ari yo uwa Etoile de l'Est ibitego 3-0, yatsinze kandi Rwamagana City 7-1 n'ubanza yatsinzemo Rutsiro 1-0, yatsinze Sunrise FC 2-1 na Etincelles 1-0. Imikino itatu yanganyije harimo ibiri na AS Kigali 1-1 yombi ndetse n'uwa kabiri yakinnye na Rutsiro FC amakipe yombi anganya 0-0.
