Kuri uyu wa 23 Ugushyingo 2020, Urukiko rwa Kayanza ruherereye mu Ntara ya Kayanza mu Burundi, rwahannye bikomeye Ndayisenga Emile wafashwe ari kubaga imbwa ngo ayirye.
Muri ibyo bihano Ndayisenga yahanishijwe harimo _ igifungo cy'amezi atatu cyangwa akishyura ihazabu y'amafaranga y'Amarundi 100,000 (akabakaba amafaranga y'u Rwanda 51,000) gisanzwe gihabwa uwatatiye umuco n'imigenzo by'u Burundi.
Uyu Murundi utuye mu gace ka Gahahe yafashwe ari kubaga imbwa yari yororeye mu rugo, ubwo yiteguraga kuyirya nk'uko na we yabyiyemereye.
Nk'uko igitangazamakuru Jimbere Magazine dukesha iyi nkuru cyabitangaje cyavuze ko Ndayisenga yasabye urukiko ko rwamurekura, akajya gushakisha ihazabu yaciwe.
