Inkuru y'ifungwa rya Mutangana Jean Bosco yamenyekanye mu cyumweru gishize ubwo Urwego rw'Igihugu rw'Ubugenzacyaha rwatangazaga ko uyu wigeze kuba Umushinjacyaha Mukuru w'u Rwanda yatawe muri yombi akekwaho icyaha cyo gukoresha inyandiko mpimbano.
Umuvugizi w'Urwego rw'Ubugenzacyaha (RIB), Dr Murangira B. Thierry yabwiye Umuseke ko Mutangana Jean Bosco yarekuwe ejo hashize ku wa mbere tariki 02 Ugushyingo 2020.
Dr Murangira B. Thierry avuga ko Mutangana yarekuwe by'agateganyo azakomeza gukurikiranwa ari hanze ndetse ko iperereza ku cyaha akekwaho, rigikomeje.
Muri Nyakanga, Jean Bosco Mutangana yarahiriye kwinjira mu basanzwe bakora umwuga wo kunganira abandi mu mategeko (Avoka) ndetse biza kuvugwa ko yashinze inzu (cabinet) yo kunganira abantu mu mategeko.
Mutangana Jean Bosco amaze igihe mu rwego rw'Ubutabera by'umwihariko mu rwego rw'Ubushinjacyaha kuko yanigeze kuba umuvugizi w'uru rwego.
Yanabaye Umushinjacyaha ku rwego rw'Igihugu igihe kinini, akaba yaranaburanye imanza zikomeye zirimo urwaregwagamo Emmanuel Mbarushimana alias Kunda woherejwe na Denmark ngo aburane ku byaha bya Jenoside
The post uwahoze ari umushinjacyaha mukuru Mutangana Jean Bosco warufunzwe yabaye arekuwe byagateganyo appeared first on Kigalinews24.
