Gasogi United imwe mu makipe amaze kwerekana itandukaniro, ndetse uwavuga ko ubu iri mu makipe atanu meza dufite mu cyiciro cya mbere mu Rwanda ntiyaba abeshye. Iyi kipe ndetse ikaba yaratangiye neza shampiyona y'uyu mwaka iherutse guhagarikwa, gusa nyuma yibyo muri Gasogi united haravugwa ko hari abakinnyi babiri bashobora gusohoka muri iyi kipe.
Emmanuel Bola Lobota na Hervé Beya-Beya nibo bakinnyi babiri biri kuvugwa ko bashobora gusohoka muri Gasogi United.
Aba bakinnyi bakomoka mu gihugu cya DRC bose nta gihe kinini gishize bageze muri iyi kipe bakunze kwita Urubambyingwe.
Beya-Beya biravugwa ko ashobora gutandukana na Gasogi kubera urwego ruri hasi uyu musore yagaragaje. Naho mugenzi we bakomoka mu gihugu kimwe, Bola Lobota we bivugwa ko afite ikibazo cy' uburwayi ngo gishobora gutuma atandukana n' iyi kipe.
Bola Lobota yakiniye amakipe atandukanye nka 'AS Maniema' na 'AS Nyuki' yose yo muri Congo, nyuma uyu musore yaje gukora igeragezwa muri Rayon Sport mbere yuko aza Gasogi United.
Uyu rutahizamu ukomoka muri DRC kimwe na Hervé Beya-Beya bose bakiniye AS Maniema na AS Nyuki zo muri Congo. Hagize igishya tumenya kuri iyi nkuru tuzakibagezaho.
Â
The post Abakinnyi babiri bakomoka muri Congo mu nzira zisohoka muri Gasogi United appeared first on Kigalinews24.
