Kuri uyu wa Gatatu ku itariki ya 09 Ukuboza 2020, Minisitiri w'intebe wa Ethiopia Abiy Ahmed aratangira uruzinduko rw'iminsi ibiri mu gihugu cya Kenya baturanye â€" rwa mbere agiriye mu mahanga kuva leta ye yatangira ibitero muri leta ya Tigray.
Arakirwa na mugenzi we wa Kenya, Perezida Uhuru Kenyatta, mu mujyi wa Moyale uri ku mupaka w'ibihugu byombi, mu majyaruguru ashyira uburasirazuba bwa Kenya.
Biteganyijwe ko aba bategetsi bataha ku mugaragaro ibikorwa-remezo ndetse bakanareba imishinga y'ibikorwa-remezo birimo kubakwa.
Ibi birimo nk'ahakirirwa abantu ku mupaka wa Moyale hazwi nka One Stop Border Post (OSBP) n'icyambu gishya cya Lamu ndetse n'umushinga w'inzira w'ubwikorezi ihuza icyambu cya Lamu, Sudani y'epfo na Ethiopia.
Umubano hagati y'ibihugu byombi umeze neza ndetse aba bategetsi bahuye inshuro nyinshi mbere yaho, ariko uku guhura kuri uyu wa gatatu kubaye mu gihe kidasanzwe.
