Minisiteri y'Ubuzima (MINISANTE) yatangaje ko kuri uyu wa Kane tariki 31 Ukuboza 2020, mu Rwanda abantu batandatu bitabye Imana bishwe na COVID-19 bituma umubare wabamaze guhitanwa nayo ugera kuri 92 kuva yagaragara mu Rwanda muri Werurwe 2020.
Abishwe na COVID-19 mu masaha 24 ashize ni abagore babiri b'imyaka 38 na 40 n'abagabo bane b'imyaka 52, 57, 62 na 71 bose bakaba bitabye Imana bari i Kigali.
Minisiteri y'Ubuzima kandi yatangaje ko kuri iyi tariki kandi mu Rwanda habonetse abantu 133 bashya banduye COVID-19, naho abandi 173 mu bari barwaye bakize.
Abo barwayi bashya 133 babonetse mu bipimo 4,332 bakaba barimo ababonetse i Kigali : 97, Musanze : 24, Rubavu: 6, Huye: 3, Muhanga: 2, Kamonyi: 1.
Source : https://impanuro.rw/2021/01/01/amakuru-mashya-abandi-bantu-batandatu-bishwe-na-covid_19-mu-rwanda/
