Minisiteri y'Uburezi yafunze amashuri 20 y'imyuga n'ubumenyingiro nyuma y'igenzura yakoze ibinyujije mu Kigo cy'Igihugu gishinzwe guteza imbere Imyigishirize y'Imyuga n'Ubumenyingiro (WDA) igasanga atujuje ibisabwa bituma atanga ireme ry'uburezi.
Aya mashuri afunzwe nyuma yaho hamaze igihe muri WDA bamwe mu bayobozi ba mashuri bataka mu itangazamakuru Ruswa bakwa na bamwe mu bakozi ba WDA.
Mu rwego rwo guteza imbere ireme ry'Uburezi mu mashuri y'Imyuga n'Ubumenyingiro, MINEDUC iramenyesha ababyeyi n'abanyeshuri ko hari amashami yo mu bigo by'amashuri 20 akurikira ahagaritswe hashingiwe ku bugenzuzi bwakozwe.
Urutonde rw'Ibigo by'amashuri yigisha Imyuga n'Ubumenyingiro byemewe mwarusanga ku biro bya buri Karere no ku rubuga rwa MINEDUC.
Minisiteri y'Uburezi ibinyujije mu kigo cy'Igihugu gishinzwe guteza imbere imyigishirize y'Imyuga n'Ubumenyingiro (WDA), yakoze ubugenzuzi mu Gihugu hose kuva mu kwezi kwa Kanama kugeza muri Nzeri 2020.
Hashingiwe ku byavuye muri ubwo bugenzuzi, Minisiteri y'Uburezi iramenyesha ababyeyi n'abanyeshuri ko amashami yo mu bigo by'amashuri bikurikira yahagaritswe, ayo mashuri akazongera kwemererwa kwakira abanyeshuri muri ayo mashami amaze kuzuza ibisabwa.
