Abaturage b'abakarere ka Nyamagabe barinubira ibiciro bihanitse basabwa kugira ngo babone ibibanza byo gucururizamo mu isoko rya kijyambere rya Nyamagabe.
Mu kiganiro umwe mu bacuruzi bo muri iryo soko yagiranye n'umunyamakuru w'impanuro.rw , yamutangarije ko kubera ibiciro bihanitse basabwa kugira ngo babone ikibanza cyo gukoreramo ngo bamwe bagiye gusubira ku isuka kuko batagishoboye gucururiza muri iryo soko.
Abo bacuruzi barifuza ko badohorerwa ibiciro by'ibibanza bikagabanuka kuko n'ubundi ngo abaguzi ari bake .
Mu kiganiro yagiranye n'itangazamakuru umuyobozi w'akarere ka Ngamagabe Uwamahoro Bonavanture yatubwiye ko icyo kibazo bagiye kugishakira umuti wihuse . Yanahumurije abacuruzi ko hagiye kubaho ibiganiro byihuse hagati y'ubuyobozi bw'akarere ndetse n'abandi barebwa n'icyo kibazo.
Iri soko ryuzuye muri Kanama 2020 mu murenge wa Gasaka ho mu karere ka Nyamagabe mu rwego rwo guteza imbere ibikorwaremezo no guhagarika ubucuruzi bw'akajagari. Iri soko ryubastwe n'amafaranga asaga miliyari imwe y'amanyarwanda.
Umuyobozi w'akarere ka Nyamagabe mu kiganiro n'abanyamakuru
Abacuruzi bamwe na bamwe bari bafitemo ibibanza basubiye ku isuka
Iri ni isoko ry'akarere ka Nyamagabe ryubatse mu murenge wa Gasaka
Amafoto: Nshimiyimana Francois
Source : https://impanuro.rw/2020/12/06/amarira-ni-menshi-ku-bacuruzi-bo-mu-isoko-rya-nyamagabe/
