Kuri uyu wa Mbere, tariki ya 14 Ukuboza 2020, Inama y'Abaminisitiri yateraniye muri Village Urugwiro iyobowe na Nyakubahwa Perezida wa Repubulika y'u Rwanda, Paul Kagame, yafatiwemo ingamba nshya zo gukumira icyorezo cya Covid_19.
Iyi nama y'Abaminisitiri yanzuye ko kuva ku itariki ya I5 kugeza ku ya 21 Ukuboza 2020, ingendo zirabujijwe guhera saa tatu z'ijoro kugeza saa kumi za mu gitondo. Naho kuva ku itariki ya 22 Ukuboza 2020 kugeza ku ya 04 Mutarama 2021, ingendo zirabujijwe guhera saa mbiri z'ijoro kugeza saa kumi za mu gitondo .
Mu Karere ka Musanze ho hashyizweho ingamba zihariye zigena ko ingendo zibujijwe guhera saa Moya z'ijoro kugera saa Kumi z'igitondo.
Izi ngamba nshya zashyizweho n'Inama y'Abaminisitiri zigomba guhita zishyirwa mu bikorwa guhera kuri uyu wa Kabiri tariki ya 15 Ukuboza 2020.
Izi ngamba zizongera kuvugururwa nyuma y'ibyumweru 3 hashingiwe ku isesengura ry'inzego z'ubuzima.
