Ubuyobozi bw'ikipe ya Mukura VS yo mu karere ka Huye, bwamaze gufata icyemezo cyo gutandukana n'uwari umutoza mukuru wayo Bahloul Djilali ndetse n'abari bamwungirije bose uko ari babiri.
Nyuma y'iminsi mike gusa shampiyona itangiye, ikipe ya Mukura VS yabonye inota rimwe gusa mu mikino itatu bakinnye, kuko batsinzwemo ibiri banganyamo umwe.
Ubuyobozi bw'iyi kipe yo mu karere ka Huye, bwahise bufata icyemezo cyo gusezerera abari abatoza batatu b'iyi kipe barangajwe imbere n'Umunya-Algeria Bahloul Djilali, bisobanuye ko iyi kipe iraba itozwa na Nshimiyimana Canisius by'agateganyo.
Mu mpamvu zatumye basezerera aba batoza, zirimo umusaruro muke, nyamara bamwe bavuga ko hari hakiri kare ko ubuyobozi bwa Mukura VS bwasezerera aba batoza kuko ikipe yatakaje abakinnyi ngenderwaho ariko ntibagura abasimbura babo.
Abatoza batatu b'iyi kipe bamaze gusezererwa bose
Source : https://impanuro.rw/2021/01/01/breaking-news-mukura-vs-yamaze-kwirukana-umutoza-wayo/
