Iyi ndirimbo yise 'Nezerwa' yagiye hanze kuri uyu wa Mbere tariki 14 Ukuboza 2020, ikoze mu buryo bw'amajwi n'amashusho.
'Nezerwa' ni imwe mu ndirimbo za Gauchi zibyinitse, agaragara mu isura nshya, aririmba abwira abantu gushimira Imana ko ikibatije ubuzima, kuko hari abandi bifuza gusoza umwaka wa 2020 batabibonye.
Mu kiganiro na UKWEZI yavuze ko iyi ndirimbo icyo yayikoreye ari ugufasha abantu kwishimira uko Imana ikibatije ubuzima bakaba basoje umwaka bagiye kwinjira mu wundi.
Ati 'Nezerwa ni indirimbo ifasha abantu kurangiza umwaka no kubinjiza mu mwaka mushya. Umwaka utaha rero uko byagenda kose nkaba ngomba gusohora Album yanjye ya mbere, izaba igizwe n'indirimbo z'amashusho gusa.'
Reba hano indirimbo 'Nezerwa'
Iyi ndirimbo avuga ko ari iya cyenda mu zizaba zigize album ari gutunganya yise 'Collabo' gusa ikaba izaba ari inyongezo kuko izindi zose ari izo yahuriyemo n'abandi bahanzi.
Indirimbo 'Nezerwa' ya Gauchi yakozwe mu buryo bw'amajwi Evydecks afatanyije na Fazzo n'aho amashusho (Video) yakozwe na AB-Godwin.
Gauchi yaherukaga gusohora indirimbo yise 'Ikaze', Ceza', 'Ndagarutse' n'izindi zizaba ziri kuri iyi album izarangira mu mwaka utaha wa 2021.
Reba hano indirimbo 'Nezerwa'
