Kuri uyu wa Mbere tariki ya 07 Ukuboza 2020, Akanama k'amatora muri Ghana kasabye ko habaho amahoro muri aya matora , kuva atangiye kugeza arangiye.
Abanya-Ghana barenga miliyoni 17 bemerewe gutora muri aya matora aho abakandida 11 bashaka guhigika Perezida Nana Akufo-Addo, urimo gushaka manda ya kabiri.
Ghana ifatwa nka kimwe mu bihugu birangwamo demokarasi cyane muri Afurika y'uburengerazuba.
Amatora yabanje yagiye arangwamo ubushyamirane butewe n'imitwe y'ubwirinzi yahabwaga akazi n'abanyapolitike, ariko itegeko ryagiyeho mu mwaka ushize ryabujije ikoreshwa ry'iyo mitwe.
Iryo tegeko rivuga ko kujya muri iyo mitwe bihanishwa igifungo cyo kuva ku myaka 10 kuzamura.
Mu butumwa bwo kuri Twitter, akanama k'amatora kashishikarije abatora kurangwa n'amahoro.
Ibikorwa byo kwiyamamaza kw'abakandida byarangiye ku itariki ya 5 y'uku kwezi kwa 12
Source : https://impanuro.rw/2020/12/07/ghana-akanama-kamatora-kasabye-abatora-ikintu-gikomeye-cyane/
