Umuhanzi Tom Close yagizwe Umuyobozi w'Ishami rishinzwe gutanga amaraso mu Kigo cy'Igihugu gishinzwe Ubuzima (RBC) nyuma y'umwaka n'amezi umunani ayobora ishami rya Kigali.
Inama y'Abaminisitiri yateranye kuri uyu wa 14 Ukuboza 2020 yafashe imyanzuro itandukanye ku ngamba zo kwirinda icyorezo cya COVID-19 inashyira mu myanya abayobozi batandukanye.
Muri bo harimo Dr Muyombo Thomas wagizwe Umuyobozi w'Ishami rishinzwe gutanga amaraso mu Kigo cy'Igihugu gishinzwe Ubuzima (RBC).
Kuva muri Kanama 2015, Tom Close ni umukozi w'Ikigo cy'Igihugu cy'ubuzima (RBC) mu ishami rishinzwe gutanga amaraso akaba yari ashinzwe ibikorwa byo gushaka abatanga amaraso bashya bujuje ubuziranenge no kongera umubare w'abayatanze bakongera kuyatanga.
Muri Mata 2019 yagizwe n'Inama y'Abaminisitiri Umuyobozi w'Ikigo gishinzwe gutanga amaraso, Ishami rya Kigali (RCBT-Kigali).
Muri Gashyantare 2017, Tom Close yari yatorewe kuba Perezida w'Ihuriro Nyafurika rishinzwe ibyo gutanga amaraso mu bihugu 13 biri mu gace k'Uburasirazuba bwa Afurika
Source : https://impanuro.rw/2020/12/15/inama-y-abaminisitiri-yazamuye-mu-ntera-tom-close/
