Paul Pogba mu nzira zisohoka muri Manchester United #rwanda #RwOT

Nkuko byatangajwe n'uhagarariye (agent) Paul Pogba, Mino Raiola yavuze ko uyu musore ari mu nzira zisohoka muri Manchester united. Yagize ati: ' navuga ko ibya Paul Pogba Muri Manchester united birangiye'.

Ubwo Mino Raiola uhagarariye Pogba yaganiraga n'itangazamakuru yahishuye byinshi Ku kazoza k'uyu musore, avuga ko Paul Pogba akeneye guhindura ikipe akajya ahandi, kandi ko byaba byiza asohotse muri Man U mw'igura n'igurisha ry'ubutaha.
Aganira n'itangazamakuru birambuye yagize ati 'ibyiza nuko twavugisha ukuri, tukareba imbere maze tukareka guta umwanya: Paul ntago yishimye muri Manchester united mu gihe atabasha kwibona mu buryo ashaka cg yari yiteze, navuga ko igisubizo cyiza Ku mpande zombi ari uko mw'igura n'igurisha ry'ubutaha yajya ahandi, Bitabaye ibyo yazagendera Ubuntu dore ko amasezerano ye asigaje amezi 18.'

Bimwe mu byatangajwe na Mino Raiola uhagarariye Pogba 

Paul Pogba w'imyaka 27 amaze gukinira Manchester united imikino igera 118 aho amaze kuyitsindira ibitego birenga 25. Uyu musore amasezerano ye muri Man U akaba azarangira muri 2022 mu gihe atongerewe andi. Pogba yagiye agaragaza kenshi ko afite inzozi zo gukinira Real Madrid ndetse ko ariyo kipe yifuza kujyamo, nubwo Juventus nayo yagaragaje ko yifuza uyu musore cyane.

 

The post Paul Pogba mu nzira zisohoka muri Manchester United appeared first on Kigalinews24.

Source : https://kigalinews24.com/2020/12/07/paul-pogba-mu-nzira-zisohoka-muri-manchester-united/