Umugabo wo mu gihugu cya Nigeria yaciye ibintu ku mbuga nkoranyambaga ubwo yavugaga ko umugore we yabyaye umwana mubi cyane bityo atari bwishyure amafaranga y'ibitaro byamufashije kubyara.
Uyu mugabo abinyujije kuri Facebook yavuze ko atemera ko uyu mwana w'umuhungu umugore we yabyaye ari uwe kuko ngo abona ari mubi cyane ugereranyije n'abandi yabyaye.
Uyu mugabo yavuze ko uwo mwana ari mubi cyane ku buryo ataba uwe ahubwo ko umugore we ashobora kuba yaramuciye inyuma akajya kubyara ku ruhande.
Mu rwego rwo kwereka umugore we ko ibintu bikomeye, uyu mugabo yavuze ko yanze kwishyura amafaranga y'ibitaro ataramenya aho umwana yaturutse.
Uyu mugabo yagize ati 'Ni gute umugore wanjye yabyara abandi ariko sintekereza ko uyu mwana ari uwanjye. Ni mubi cyane kuba uwanjye. Agomba kumbwira aho yakuye uyu mwana kuko sinishyura ibitaro. Ndarushye!'
