Muri Uganda haravugwa inkuru iteye agahinda aho umusore witwa Roy Watulo wo mu gace ka Mukono yapfuye hashize amasaha make ashingiranwe n'umukunzi we witwa Anita Watulo bari bamaze imyaka myinshi bari mu munyenga w' urukundo.
Nk' uko Nilepost dukesha iyi nkuru yanditse ko Roy Watulo yapfuye saa Sita z'ijoro(12h00 A.M) zo kuri uyu wa Mbere tariki 07 Ukuboza 2020, nyuma yo gusezerana imbere y'Imana n'umukunzi we Anita kuri uyu wa Gatandatu tariki ya 5 Ukuboza. Ni ubukwe bwabereye muri UCU Chapel .
Roy Watulo n'umukunzi we Anita Watulo bose bari abanyeshuri ba Uganda Christian University ari naho ubukwe bwabo bwabereye.
Mu itangazo ryashizwe ahagaragara n'ubuyobozi bwa UCU riragira riti' Tubabajwe no kubamenyesha inkuru ibababaje y'urupfu rwa Roy Watulo umuhungu wa Dr. Richard Watulo , wigaga mu ishami ry'uburezi n'indimi muri Uganda Christian University'
Itangazo rikomeza rivuga ko Roy Watulo yari yakoze ubukwe kuwa Gatandatu tarki ya 5 Ukuboza 2020Â n'umukunzi we Anita bari banasanzwe bigana.
Kugeza ubu amakuru yicyateye urupfu rwa Roy Watulo ntaramenyekana. Iperereza rya Polisi riracyakomeje ngo hamenyekane icyamwishe.
Source : https://impanuro.rw/2020/12/08/umusore-yapfuye-amaze-amasaha-make-ashingiranwe-numukunzi-we/
