Mu ijonjora rya nyuma rya CAF Confederations Cup, AS Kigali yatomboye CS SFAXIEN yakinnyemo Biramahire Abeddy usigaye ukinira AS Kigali.
Ni tombora yabaye uyu munsi saa munani z'i Kigali mu Rwanda maze itombora iyi kipe yo muri Tunisia yakinnyemo Biramahire Abeddy muri 2018.
AS Kigali ikaba yarageze muri iki cyiciro nyuma yo gusezerera Orapa United yo muri Botswana na KCCA yo muri Uganda.
AS Kigali iramutse ikuyemo CS SFAXIEN yahita igera mu matsinda ya CAF Confederations Cup, ari nayo ntego yabo muri iyi mikino nyafurika.
Umukino ubanza ukaba uzabera muri Tunisia tariki ya 14 Gashyantare ni mu gihe uwo kwishyura uzabera mu Rwanda i Kigali tariki ya 21 Gashyantare 2021.
AS Kigali igomba guhangana na CS Sfaxien yo muri Tunisia
