Urubuga rwa Facebook rwatangaje ko mu ijoro ryo ku ya 31 Ukuboza 2020 rwaciye agahigo gakomeye kuko Whatsapp, imwe muri sosoyete ya Facebook, yakoreshejwe n'abantu basaga miliyoni imwe n'ibihumbi magana ane ku isi yose (1,400,000) bandikirana ubutumwa bwo kwifurizanya umwaka mushya muhire ndetse n'ishya n'ihirwe mu mwaka mushya wa 2021. Si ibi gusa kuko Facebook yatangaje ko mu ijoro ryo ku wa 31 Ukuboza 2020 rishyira ku ya 01 Mutarama 2021 abantu basaga ibihumbi magana atanu na mirongo itanu( 550,000) bayikoresheje bahamagara mu buryo bw'amashusho (video calls).
Facebook kandi yatangaje ko uyu mubare w'abantu bakoresheje Whatsapp mu ijoro ryo ku wa 31 Ukuboza rishyira ku ya 01 Mutarama 2021 ungana 50% ugereranyije n'imyaka yose yashize. Whatsapp yashinzwe ku ya 03 Gicurasi 2009 nyuma iza kugurwa n'umuherwe Mark Zuckerberg ari nawe ny'ir'urubuga rwa Facebook. Kuri ubu Whatsapp ni imwe muri sosiyete iyoborwa na Mark Zuckerberg. Si Whatsapp gusa dore ko na Instagram nayo yaje kuba imwe muri sosiyete iyoborwa na Mark Zuckerberg izi zose zikaba ari sosiyete zishamikiye ku rubuga rwa Facebook.
Â
