Ku isi ubuso buri hafi 71% ni igice kiriho amazi. Byinshi mu bice by'isi biryamyeho amazi y'imigezi, inyanja n'ibiyaga. Muri iyi nkuru, turabagezaho urutonde rw'ibihugu birimo ibiyaga byinshi cyane kurusha ahandi.
Mu kunoza uru rutonde twifashishije Worldatlas, aho muri ubu bushakashatsi, urutonde rwakozwe harebwe ibiyaga nibuze biri ku buso bungana na m2Â 100,000 kuzamura, iyi ngano ni ahantu hangana n'ibibuga by'umupira w'amaguru 18.5 nibuze.
5.Sweden: Sweden ni igihugu kiri i Burayi. Muri iki gihugu habarurwa ibiyaga biri ku buso buri hejuru ya metero kare ibihumbi 100, bigera kuri 22,600.
4.Ubushinwa: Ubushinwa ni igihugu kiri ku mugabane w'Aziya. Habarurwa ibiyaga bigari bigera kuri 23,800.
3.Leta Zunze Ubumwe z'Amerika: Leta Zunze Ubumwe z'Amerika ni igihugu kiri ku mugabane w'Amerika. Muri iki gihugu habarurwa ibiyaga binini biri hejuru y'ubuso bwa metero kare 100,000 bigera ku 102,500.
2.Uburusiya: Igihugu cy'Uburusiya gikora i Burayi no muri Aziya. Muri iki gihugu habarurwa ibiyaga binini biri hejuru ya metero kare 100,000 bigera ku  201,200.
1.Canada: Igihugu cya Canada kiri ku mugabane w'Amerika. Muri iki gihugu habarurwa ibiyaga binini birenze ubuso bwa m2 100,000, bigera ku 879,800.
Agashaya, i Burayi hari igihugu cyitwa, Finland, kubera kugira ibiyaga byinshi byiganjemo ibito cyane, bakita igihugu cy'ibiyaga igihumbi nkuko u Rwanda barutazira igihugu cy'imisozi 1000. Gusa Finland ntiza mu myanya y'imbere twavuze kubera kwiganzamo ibiyaba bito cyane biri munsi y'ubuso 100,000 bwagendeweho muri ubu bushakashatsi. Gusa muri Rusanjye habarurwa ibiyaga bigera kuri 187,888. Ku buryo ugabanyije n'umubare w'abayituye, abaturage 26 bajya biharira ikiyaga cyabo. Ubu mu isi muri Rusanjye hari ibiyaga bigera miliyoni 117 biri hejuru ya m2 2000. U.S Geological Survey yerekana ko ubu amazi ari ku isi yose muri rusanjye angana na Km3 1,386,000,000.
Source : https://impanuro.rw/2021/01/14/menya-ibihugu-bitanu-birimo-ibiyaga-byinshi-ku-isi/
