Umuhanzi R. Kelly yatunguye cyane abafana be ubwo yatangazaga ibintu 5 akunda mu buzima ariko akavuga ko ikiza ku mwanya wa mbere ari ugukora imibonano mpuzabitsina.
Uyu mugabo wagiye ukunda kuvugwaho ibyaha byo gifata ku ngufu abangavu, avuga ko mu bintu akunda kurusha ibindi harimo n'igikorwa cyo gukora imibonano mpuzabitsina.
Mu nteruro isa n'aho itari ndende yagize ati 'Mu buzima hari abantu bakunda ibirori, uwo ninjye. Hari abantu bakunda Imana, uwo ninjye. Hari abakunda imibonano mpuzabitsina, uwo ninjye. Hari abakunda abantu, uwo ninjye. Hari n'abakora amakosa uwo nawe ninjye'.
Iyi nteruro iri mu bintu bitanu yavuze bikomeye bigenderwaho na benshi. Uyu muhanzi w'icyamamare kuri uyu mubumbe wiyemerera ko ukunda gukora imibonano mpuzabitsina yavuzweho kenshi gufata ku ngufu abagore ndetse rimwe na rimwe bikamugeza mu nkiko akishyura akayabo k'amadorari yewe hari igihe byaje kumuviramo gukena no gusubiza hasi ubutunzi bwe.
