Bamwe mu baturage batuye mu karere ka Gasabo batashatse ko imyirondoro yabo ijya mu bitangazamakuru, bavuko mugihe hariho gahunda yo gupima bagasanga mu gace runaka harimo abanduye akogace bakagashyira mu kato byafashaka abantu kwirinda kujya muri ako gace kugirango hato badahura nabahatuye bikaba byabaviramo kwandura Corona.
Umwe yagize ati: "burya iyo bashyiraga agace runaka mu kato byafashaka kwirinda none ntituzi impamvu iyo gahunda yavuyeho."
Hari mugenzi we yavuze ko buriya bururyo bwo gushyira ahantu mukato bugihari nta mibare myinshi yagaragaraga nkuko bimeze ubungubu.
Twashatse ku menya icyo Ministeri y'Ubuzuma ivuga kubijyanye no kuba ntahantu hagishyirwa mu kato nkuko byakorwaga ahantu habaga hagaragaye abarwayi ba Covid-19. Tuvugana n'Umuvugizi wa Ministeri y'Ubuzima Jilien Mahoro Niyingabira, avuga ko impamvu iyo gahunda itagihari aruko bageze aho bigoye cyane kumenya aho icyorezo kiri.
Yagize ati: " Ubundi mu bintu by'ibyorezo nk'ibi bimeze nka Covid-19. Aho tuba dufite abarwayi benshi hari ibyiciro icyorezo kigenda kinyuramo, kandi buri kiciro hakaba hari igikorwa kigomba gukorwa kugira ngo abaturage barindwe bafashwe kutandura no kwanduza abandi, ariko ubu tugeze aho bigoye cyane kumenya aho icyorezo kiri."
Yakomeje avuga ko ibikorwa byakorwaga mbere byogupima ahantu hagaragara umubare w'abanduye hagashyirwa mu kato byabaga bijyanye naho icyorezo cyari kigeze icyo gihe, ubu icyo abantu bacyeneye kumva no gusobanikirwa nuko abapimwa bagasanganwa ubwandu biba bigoye kugirango agusobanurire aho yakuye ubwo bwandu kuko aba yarahuye nabantu batandukanye kandi mu bice bitandukanye by'igihugu
Ubwandu bwamaze kugera hose mugihugu nk'uko imibare itangazwa na Ministeri ibigaragaza mu bipomo biba byafashwe uwo munsi kuko usanga hirya no hino muturere hagaragara umurwayi wa Covid-19
Umuvugizi wa Misteri arakomeza gusaba buri munyarwanda wese kwirinda kuko icyorezo kirahari kandi kiriho kirahitana abantu bityo ko buri wese asabwa gukomeza kwirinda no kubahiriza amabwiriza n'ingamba zashyizweho zo gukumira Covid-19.
Imibare yaraye itangajwe na Ministeri y'Ubuzima kuruyu wa 13/2021 habonetse abarwayi 172 mugihe abantu 3 bitabye Imana bazize Covid-19. Mur'iyi mibare Mu mujyi wa Kigali hagaragaye abarwayi 88.
Bagabo John
Source : https://www.imirasire.rw/?Tugeze-aho-bigoye-cyane-kumenya-aho-icyorezo-kiri-Umuvugizi-wa-Ministeri-y
