Hashize iminsi ku mbuga nkoranyambaga zitandukanye harimo gucicikana amafoto ya The Ben ari kumwe na Miss Pamella. Mbere gato yuko aya mafoto acicikana, Pamella yari yagaragaye mu isabukuru y'amavuko ya The Ben ndetse amafoto yacicikanye ku mbuga nkoranyambaga zitandukanye ni muri ibyo birori yafatiwemo. The Ben yakomeje kugenda ahisha ibijyanye n'urukundo rwe na Pamella ndetse akanavuga ko ari mwene wabo gusa byaje kuba mahwi ubwo we ubwe yishyiriraga ku rukuta rwa instagram  ye amashusho ye ari kumwe na Pamella maze ahita amaraho urujijo rwose rwari ruhari.
The Ben ari kumwe na Miss Pamella
Ejo bundi tariki ya 11 Mutarama 2021, Pamella abinyujije ku rukuta rwe rwa instagram yashyize hanze ifoto ye ari kumwe na The Ben maze ayiherekesha amagambo agira ati: " Butter/Jelly🤎 " iyi foto ikimara kujya hanze nayo yahise ishyira akadomo kuri bake bari bagishidikanya ku rukundo rwa The Ben na Pamella.
Kuri ubu amakuru agera kuri YEGOB nuko mu minsi mike The Ben agiye gushyira mu rugo Pamella bakabana nk'umugabo n'umugore dore ko urukundo rwabo rurimo kugenda rututumba uko iminsi igenda yicuma.
Pamella Uwicyeza, wigaruriye umutima wa The Ben, ni umwe mu bakobwa bitabiriye irushanwa rya Miss Rwanda mu mwaka wa 2019 gusa ntiyaje guhirwa no kwegukana ikamba na rimwe mu yatangagwa.
Sangiza abandi iyi nkuru:
Source : https://yegob.rw/ubukwe-the-ben-agiye-gushyira-mu-rugo-miss-pamella-bibanire-nkumugabo-numugore/
