Ibi yabigarutseho mu kiganiro yahaye imirasire.rw (imirasire.com) ku kibazo kivugwa yuko hari bamwe mu bamotari Iburasirazuba basaga 300 bari gushakishwa na Police kubera ko bariho bica amabwiriza arimo kwambutsa abantu bakabatwara mu tundi turerere kandi bitemewe
Mugusubiza kino kibazo yavuze ko agiye gukurikirana akareba hanyuma umumotari uzafatwa akazahanishwa mande y'ibihumbi 25 ndetse n'ikinyabizigacye kigafungwa.
Aha niho yahereye avugako bidakwiye kwirara ndetse nukwizera umuntu uwe ariwe wese, yagize ati" Umuntu wese afate mugenziwe nk'umurwayi wa Covid-19 bitewenuko kino cyorezo gikomeje kudutwara abantu bityo kwizera umu motari ugutwaye cg ngo wizere umugenzi uhetse ntabwo aribyo buri wese niyirinde kandi arinde na mugenziwe".
Yanaboneyeho kandi gusaba abaturage muri rusange gukomeza kwirinda ingendo zitari ngombwa kandi bakarushaho kubahiriza amabwiriza yashyizweho ajyanye no kwirinda Covid-19
Minisiteri y'Ubuzima yaraye itangaje ko abantu batanu bishwe na Coronavirus mu Rwanda mu gihe abarwayi bashya babonetse mu masaha 24 ari 194.
Abantu bahitanywe na Coronavirus barimo abagore babiri b'imyaka 93 na 68 bo mu Mujyi wa Kigali n'abagabo batatu b'imyaka 68, 48 b'i Kigali n'undi ufite 27 wo mu Karere ka Rwamagana.
Abamaze kwandura COVID-19 mu Rwanda ni 10,316, abamaze kuyikira ni 6,974, abakirwaye ni 3209 naho abamaze guhitanwa na Corona ni 133.
Bagabo John
Source : https://www.imirasire.rw/?Umuntu-wese-afate-mugenzi-we-nk-umurwayi-wa-Covid-19-Chief-inspector
