Ikigo gishinzwe kugenzura itumanaho muri Tanzaniya (TCRA) cyahagaritse televiziyo y'imyidagaduro ya Wasafi TV y'umuhanzi Diamond Platnumz mu gihe cy'amezi atandatu kubera ko bivugwa ko yarenze ku mabwiriza agenga itangazamakuru muri kiriya gihugu maze bakanyuzaho abaririmbyi bambaye ubusa mu gitaramo cyiswe 'Tumewasha'.
Gigy Money watumye Wasafi TV ihagarikwa.
Umuyobozi w'agateganyo wa TCRA, Johannes Kalungule, mu kiganiro n'abanyamakuru i Dar es Salaam, yavuze ko icyaha cyatumye iyi televiziyo ifungwa cyabaye ku ya 1 Mutarama 2021, aho iyi televiziyo yanyuzeho amashusho y'umuririmbyi wariho Live ndetse n'umunyamideli ukaba n'umunyamuziki, Gigy Money babyina bambaye mu buryo bushotora(mbese amashusho y'urukozasoni) mu gitaramo cyiswe Tumewasha
Kalungule yavuze ko ibyo binyuranyije n'amategeko agenga itumanaho n'itangazamakuru muri icyo gihugu bityo akaba asabwa guhagarika iyi televiziyo byihuse mu gihe cy'amezi 6 kandi nyirayo agasaba imbabazi rusange.Yavuze ko kandi Wasafi TV nitubahiriza aya mabwiriza, hazafatwa izindi ngamba z'amategeko agengaitangazamakuru.
Src:The Citizen
Source : https://yegob.rw/wasafi-tv-ya-diamond-platnumz-yahagaritswe-amezi-6-kubera-amashusho-yurukozasoni/
