Kuri uyu wa Gatandatu tariki ya 21 Ugushyingo 2021,Abantu babiri bahitanywe na COVID-19 bituma umubare w'abamaze kwicwa n'iki cyorezo ugera kuri 249 mu gihe abanduye bo biyongereyeho 65. Abarembye ni 9
Abamaze gukira biyongereyeho 206 bagera ku 16,803.Abakirwaye 1,001.Abapfuye barimo umugore w'imyaka 60 n'umugabo w'imyaka 92 bo mu mujyi wa Kigali.
Ibimenyetso bya Coronavirus birimo inkorora, ibicurane, guhumeka bigoranye n'umuriro. Yandura binyuze mu matembabuzi aturuka mu myanya y'ubuhumekero.
Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n'amazi n'isabune no kwambara udupfukamunwa n'amazuru mu gihe umuntu avuye mu rugo cyangwa ahuye n'abantu benshi.
Inzego z'ubuzima muri Tunisia zatangaje ko ku wa Gatandatu hagaragaye abantu babiri banduye ubwoko bushya bwa Coronavirus.
Minisitiri w'Ubuzima muri iki gihugu, Faycel Ben Salah, yavuze ko aba bantu babiri babonetse mu Murwa Mukuru Tunis, yemeza ko ibizamini byo muri laboratwari bitigeze bigaragaza ko ishobora kuba yandura vuba kurusha iyari isanzwe.
Ubwoko bushya bwa Coronavirus bwagaragaye muri Tunisia ni kimwe n'ubwagaragaye mu Bwongereza mu mpera z'umwaka ushize.
Kugeza ubu hari kugenda hagaragara ubwoko bwa Coronavirus butandukanye buhangayikishije abashakashatsi harimo ubwiswe ubwa Afurika y'Epfo, ubwo mu Bwongereza n'ubwo muri Brésil.
Ubu bwo muri Afurika y'Epfo burushijeho gutera impungenge cyane ko mu bushakashatsi bwakozwe muri iki gihugu byagaragaye ko hari inkingo zitayikangara, ibintu byatumye Afurika y'Epfo ihagarika gukoresha urwa AstraZeneca, ikayoboka urwa Johnson&Johnson.
Tunisia ni kimwe mu bihugu bya Afurika byugarijwe cyane na Covid-19, aho kugeza ubu abamaze kuyandura barenga ibihumbi 200, mu gihe abo imaze guhitana na bo basaga 7000.
