Abamaze gukira biyongereyeho 359 bagera ku 12,988.Abakirwaye ni 3,597
Minisante yagize iti "Twihanganishije imiryango y'abagore batatu b'imyaka 73 (i Kamonyi), 29 (i Kigali) na 27 (i Huye) bitabye Imana."
Ibimenyetso bya Coronavirus birimo inkorora, ibicurane, guhumeka bigoranye n'umuriro. Yandura binyuze mu matembabuzi aturuka mu myanya y'ubuhumekero.
Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n'amazi n'isabune no kwambara udupfukamunwa n'amazuru mu gihe umuntu avuye mu rugo cyangwa ahuye n'abantu benshi.
Ibyavuye mu bushakashatsi bumaze iminsi bukorerwa mu Bushinwa ngo hamenyekane inkomoko y'icyorezo cya COVID-19, byagaragaje ko agakoko gatera iki cyorezo gashobora kuba katarakorewe muri laboratwari.
Kuri uyu wa Kabiri tariki 9 Gashyantare 2021, nibwo Itsinda ry'impuguke zoherejwe n'Ishami ry'Umuryango w'Abibumbye ryita ku Buzima, OMS, ryasoje ubushakashatsi rimazemo iminsi.
Aba bahanga bari baturutse mu bihugu bitandukanye boherejwe gukora iperereza ku nkomoko y'iki cyorezo cya COVID-19, kimaze guhitana abarenga miliyoni 3,2 mu gihe abamaze kucyandura bose ari miliyoni 106 ku Isi.
Mu kiganiro n'abanyamakuru cyo kuri uyu wa Kabiri, Dr Peter Ben Embarek, wari ukuriye iri tsinda ryoherejwe na OMS, yavuze ko iyi virusi itakorewe muri laboratwari yo mu Mujyi wa Wuhan.
Dr Embarek yashimangiye ko hakenewe ubushakashatsi bwihariye bwo kumenya inkomoko ya Coronavirus nk'uko BBC dukesha iyi nkuru yabitangaje.
Iri tsinda ryavuze ko bigaragara ko aka gakoko gashobora kuba karavuye mu nyamanswa kakinjira mu muntu. Gusa ku rundi ruhande ngo nta gihamya irabasha kuboneka.
Impuguke mu by'ubuvuzi akaba no muri komisiyo ishinzwe ubuzima mu Bushinwa, Liang Wannian yavuze ko COVID-19, yari isanzwe iri mu bindi bice by'iki gihugu mbere y'uko igaragara muri Wuhan mu Ukuboza 2019.
