Barcelona ikomeje kurya isataburenge Real na Athletico Madrid ziri imbere yayo muri shampiyona ya Esipanye (Laliga), nyuma yo kubona itsinzi biyoroheye Ku 3-0 Elche.
Ni umukino w'ikirarane waberaga Ku kibuga cya Barcelona Camp nou, barça yongera kwisubiza icyubahiro cyayo nyuma yuko muri weekend ishize itakaje amanota, aho yanganyaga na Cadiz 1-1 bituma amahirwe yo gutwara igikombe agenda agabanuka.
Gusa kuri uyu munsi Barça yagaragaje urwego ruri hejuru dore ko igitego cya mbere cyatsinzwe na Lionel Messi ku munota wa 48′ ku mupira mwiza yari ahawe na M.Braithwaite, maze ku munota wa 68′ Messi witwaye neza muri uyu mukino yongera gutsinda igitego cya kabiri kuri we no kuri Barcelona ku mupira yari ahawe na De jong, mu gihe ku munota wa 73′ J.Alba yatsinze icya 3 ku mupira yahawe na Braithwaite.
Ibi byatumye Barcelona igira amanota 50 muri Laliga gusa iracyari ku mwanya wa gatatu aho irushwa na Athletico ya mbere amanota 5, mu gihe mukeba wayo Real Madrid ya kabiri yo iyirusha amanota 2 gusa.
Mu gihe ibitego bibiri Messi yatsinze byatumye ayobora abafite ibitego byinshi muri shampiyona ya Laliga muri uyu mwaka w'imikino, aho yagize ibitego 16 akaba anganya na Luis Suarez wa Athletico Madrid.
