Liverpool iri ku mwanya wa kane ku rutonde rwa shampiyona ya Premier League, nubwo imaze gukina imikino myinshi kurushaho,yarushwaga amanota 10 na Manchester City iri ku mwanya wa mbere mbere y'uko yo ikina na Tottenham.
Klopp watsinzwe imikino itatu yikurikiranya,yemeje ko ahangayikishijwe no gutsindwa gukabije kwa Liverpool mbere yo gutsindwa na Leicester ibitego 3-1 kuri uyu wa Gatandatu.
Klopp yagize ati: "Dusigaje imikino 15, [irimo] amanota menshi. Ntabwo icy'ingenzi ari aho abandi [andi makipe] bahagaze cyangwa uko bizabagendekera. Icy'ingenzi ni ibitureba".
Liverpool yatsinzwe na Leicester yahise ijya ku mwanya wa kabiri muri shampiyona ya Premier League.
Mohamed Salah yafunguye amazamu ku munota wa 67 w'umukino,ariko kiza kwishyurwa na James Maddison ku munota wa 78 ku mupira w'umuterekano.
Leicester yashyizemo icya kabiri iminota itatu nyuma yaho ubwo habagaho guhuzagurika hagati ya Alisson na myugariro w'umutangizi Ozan Kabak, bigatuma Jamie Vardy ashyira umupira mu izamu ririmo ubusa.
Habura iminota itanu ngo umukino urangire, Harvey Barnes yashyizemo icya gatatu ari na cyo cya nyuma cya Leicester muri uwo mukino.
Uku gutsindwa kwa Liverpool ku nshuro ya gatatu yikurikiranya,gushobora gutuma inanirwa kurangiza mu myanya ine ya mbere muri shampiyona.
BBC
