Umuhanzi Platini Nemeye kuri ubu urimo gukoresha amazina ya Platini P mu muziki we, yakatiye Diane bakundanye igihe kirekire avuga ko nta gitekerezo cyo gusubirana nawe afite. Ibi P'atini yabivugiye mu kiganiro yagiranye na Yago Tv biciye kuri YouTube aho ndetse yavuze ku ndirimbo ye nshya yise Helena anavuga no ku buzima bwe bwa muzika muri rusange. Mu gutangira iki kiganiro Platini yavuze ko atigeze acika intege kubera ko mu ntangiriro z'umwaka wa 2020, mugenzi we, TMC, bari kumwe mu itsinda rya Dream Boys yagiye muri Leta Zunze ubumwe za Amerika mu zindi gahunda ze gusa Platini we akomeza gukora umuziki we nka Platini P ndetse yirinda gucika intege. Platini yavuze ko kuri ubu amaze gusohora indirimbo 6 arizo Veronika, Nta Birenze, Ya Motema, Fata Amano, Pase, Atansiyo ndetse na Helena. Platini avuga ko afite inshuti zimushyigikiye zituma adacika intege. Platini kandi yavuze impamvu yahisemo gukoresha Shaddyboo mu mashusho y'indirimbo ye nshya yise Helena aho yavuze ko impamvu ya mbere ari uko Shaddyboo ari icyamamare, iya kabiri yavuze ko ari uko Shaddyboo ari inshuti ye naho iya gatatu yavuze ko ari uko yari afite ubushobozi bwo kuba yamwishyura akamukoresha. Platini yahishuye byinshi abantu benshi batazi kuri Shaddyboo aho yavuze ko ari umwana mwiza cyane, ari humble (yicisha bugufi) ndetse anagira umutima mwiza.
Platini
Ku bijyanye nuko yasubirana na Diane bakundanye igihe kinini, Platini yavuze ko bishoboka kuko ari Imana igena iyo ivuze ngo bigende gutya niko bigenda yavuga ko bigenda gutya akaba ariko bigenda gusa nyuma y'ibyo byose Platini yavuze ko nta gahunda afite yo gusubirana na Diane ndetse abajijwe icyo yamugenera nk'ubutumwa, Platini yasubije arakaye cyane agira ati " ntacyo namubwira ".
