Mu itangazo ryasohowe na RDF ku gasusuruko ko kuri uyu wa Gatanu tariki 12 Gashyantare, ubuyobozi bw'Ingabo z'u Rwanda buvuga ko bubabajwe n'urupfu rwa Lt. Gen Jacques Musemakweli watabarutse kuri uyu wa Kane tariki 11 Gashyantare 2021.
Iri tangazo rigira riti 'Yapfuye kuri uyu wa Kane tariki 11 Gashyantare 2021 mu bitaro bya Gisirikare bya Kanombe azize urupfu rusanzwe.'
Iri tangazo rikomeza rigira riti 'RDF yihanganishije umuryango kandi yifatanyije na wo muri ibi bihe by'akababaro.'
Ubuyobozi bwa RDF buvuga ko ibikorwa byo guherekeza nyakwigendera Lt Gen. Jacques Musemakweri biza gutangazwa nyuma.
Mu nkuru yabanje, Umuvugizi w'Igisirikare cy'u Rwanda, Lt Col Ronald Rwivanga yari yabwiye UKWEZI ko bakigenzura kugira ngo bamenye icyamwishe.
UKWEZI.RW
